% Text title            : patitapAvanAShTakam
% File name             : patitapAvanAShTakam.itx
% Category              : aShTaka, vishhnu, krishna, vishnu
% Location              : doc\_vishhnu
% Latest update         : September 19, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Patitapavana Ashtakam ..}##
\itxtitle{.. patitapAvanAShTakam ..}##\endtitles ##
sachinta iva lakShyase sapadi me charitraM smaran
     paraM kalitasAhasaH patitapAvanatvavratAt |
na mAmagaNayaH purA na hi vichArakAlo.adhunA
     vrataM visR^ija vAthavA varada pAvayainaM janam || 1||
na rAghava na vAyaso na khalu kR^iShNa chaidyo.asmyaham
     na khalvahamajAmilo narakanAsha nArAyaNa |
pradhAnamaparAdhinAM parivR^iDhaM cha mAM pApinaM
     kShamAjalanidhe vidan sapadi sAvadhAno bhava || 2||
yadyudyadaghalekhanAkalanajAgradagrA~Nguli\-
     milatprakharalekhanImukhavighAtavItodyamaH |
alaM kila lalajjire sapadi chitraguptAdayaH
     sa eSha patitAgraNI sadaya rakSha dakSho.asi chet || 3||
vidann api hR^idantare pratipadaM yadaMhaHkR^ite
     yate yadupate na te viphalatA vrate syAditi |
yato.asi jagato guru smR^itiniShedhataste tato
     na nAma cha bhajAmi yadyatha vR^ithA krudhaM mA kR^ithAH || 4||
ananta yadaghAvalImananasAvadhAnAtmakai\-
     rnije duritamaNDale nikhilasAkShibhirnekShite |
janA jagati nirbhayA jaya jayeti jalpantyamuM
     prabho khaladhurandharaM patitapAvanashchedava || 5||
anekapatitAdhipAn avati chakravartI yathA
     nR^ipAn ayamasajjanaH patitapAvanatvena nu |
iti pratidishaM khalAH patitapAvanaM mAM vidu\-
     rna pAvayasi chet phalaM nanu bhavedidaM kevalam || 6||
kadApi hi padAmR^itaM tava mayApi nAsvAditaM
     vR^ithA bhavakathAbharairapi cha nAtha nItaM vayaH |
tvayA yadapi helayA mayi na chedvidheyA dayA
     tavaiva mahatI kShatiH patitapAvanatvaM yataH || 7||
bhavAn paramadhArmikaH prakaTitAtikAruNyakaH
     svatantracharito yadi svayamayaM cha kiM nedR^ishaH |
alaM kimapi chet svakaM patitapAvanatvAdikaM
     pradarshayatu nAnyathA bhavatu te yashaH sarvathA || 8||
vadanti yadi pAvitAH patitapAvanatvavrataM
     bhavantamadhikaM na tat paramadurvinIto.apyaham |
punAtu na punAtu vA bhuvi yathA tathaiva bruve
     gR^ihANa guNameva me kuru kR^ipAM sadoShA na ke || 9||

iti patitapAvanAShTakaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}