% Text title            : Peddapuram LakshmiyoganArasimhasvami Suprabhatam
% File name             : peddApuramlakShmIyoganArasiMhasvAmisuprabhAtam.itx
% Category              : vishhnu, koriDevishvanAthasharmA, suprabhAta
% Location              : doc\_vishhnu
% Author                : koriDe vishvanAthasharmA, dharmapurI
% Transliterated by     : koriDe vishvanAthasharmA
% Proofread by          : koriDe vishvanAthasharmA
% Acknowledge-Permission: Koride Vishwanatha Sharma
% Latest update         : February 19, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrimadpeddapuram Lakshmiyoganarasimhasvami Suprabhatam ..}##
\itxtitle{.. shrImadpeddApuraM lakShmIyoganArasiMhasvAmi suprabhAtam ..}##\endtitles ##
OM ga.N gaNapataye namaH ||
OM shrIvAgIshvaryai namaH ||
OM shrIlakShmI sameta yoganArasiMhasvAmine namaH ||
shrI peddApuraM lakShmIyoganArasiMhasvAmi suprabhAtam
koriDe vishvanAtha sharmA, saMskR^itopanyAsakaH |

uttiShThottiShTha lakShmIsha !  uttiShTha narakesarin! |
uttiShTha jagatAM nAtha ! udayAdriM gato raviH || 1||

shrIlakShmi! mAdhavi ! rame ! jagadekamAtaH
kShIrAbdhije ! suranute ! kamale ! manoj~ne ! |
nArAyaNIndusahaje ! parirakSha lokAn
peddApureshadayite ! tava suprabhAtam || 2||

he vAsudeva ! puruShottama ! nArasiMha !
lakShmIsha ! jagR^ihi parAtpara ! padmanAbha ! |
rakShyA tvayA hi jagatI na sadA.anyakaistu
peddApuresha ! nR^ihare ! tava suprabhAtam || 3||

prahlAdarakShaka ! janArdana ! daityanAsha !
peddApurAdrinilayArkasudhAMshunetra ! |
tvadvIkShaNArthamihachekShati bhaktavR^indaM
peddApuresha ! nR^ihare ! tava suprabhAtam || 4||

peddApurasyanikaTe girimAshritaH san
bhaktAn sadA hi paripAlayasIsha ! nityam |
tvadbhaktarakShaNakR^ite nanu te hi niShThA
peddApuresha ! nR^ihare ! tava suprabhAtam || 5||

bhaktAH pradakShiNavidhiM tvavalambhya niShThAH
kurvantichAtra shakaTaistu muhur bhramanti
yattvaMhyabhIShTa phalamAshu dadAsi nUnam
peddApuresha ! nR^ihare ! tava suprabhAtam || 6||

brahmAdayaH suravarA varayogivR^indAH
snAtAnuliptakR^itaniShThavariShThabhaktAH |
dhyAnaikachittavashagA stava draShTukAmAH
peddApuresha ! nR^ihare ! tava suprabhAtam || 7||

shrIchAndramAnagaNane shubhachaitramAse
ekAdashI shubhadine varashuklapakShe |
kalyANamIkShitajanAstava labdhabhAgAH
peddApuresha ! nR^ihare ! tava suprabhAtam || 8||

yo mAtR^idAsyamapahartumayaM dvijendraH
jitvA mahendramapi deva! sudhAM ninAya |
sa tvIkShate.atra tava vAhanavainateyaH
peddApuresha ! nR^ihare ! tava suprabhAtam || 9||

vR^ikShAgrabhaganivaseShu viha~NgamAshcha
te chaiva darshanaphalaM nanu bodhayanti |
tattvaM pravaktumayi te prakR^itirvariShThA
peddApuresha ! nR^ihare ! tava suprabhAtam || 10||

mugdheShu padmanikareShu nibaddhabhR^i~NgAH
adyaivabhAnukiraNaistu vimuktakA ye |
gAyanti te.atra hi sutulyavimuktasa~NgAH
peddApuresha ! nR^ihare ! tava suprabhAtam || 11||

indvarkanetra ! bhavataH khalu sevaneShu
industu te svasahajAmakaroddhi patnIm |
bhAnuH karaiH svaprathamair yajate padau te
peddApuresha ! nR^ihare ! tava suprabhAtam || 12||


atha stotram
hR^itapApachayAstava mandiragA
gataviShNupadAstava bhaktavarAH |
jitatApasikAstava dAsavarA
vijayI bhava deva! nR^isiMha vibho! || 1||

tava vairiraho ! nanu daityavaras
tava labdhavaro nanu daityashishuH |
tava dAtR^ivaro nanu daityabalir
vijayI bhava deva! nR^isiMha vibho! || 2||

nanu daityavadhe tava siMhamukham |
nutapAlakR^ite nR^itanustava bhoH |
avanImavanehyavatAritavAn
vijayI bhava deva! nR^isiMha vibho! || 3||

mR^igarAjamukhA~nchitapuNyatano !
khagarAjavirAjitayAnavibho
phaNirAjavibhUShitapIThahare
vijayI bhava deva! nR^isiMha vibho! || 4||

! nR^isiMha vibho!!!! nR^isiMha vibho!

atha prapattiH
prahlAdakasya hi vachaH parirakShaNArthaM
stambhodbhavan prakaTitAdbhutadarshano.asi |
bhaktAnurAgamayi te vishadIkR^itaM hi
peddApuresha ! charaNau sharaNaM prapadye || 1||

tvaM lokasR^iShTikaraNe nanu brahmarUpaH
tallokapAlanakR^ite nanu  viShNurUpaH
tajjIrNalokavilayIkaraNe cha rudraH
peddApuresha ! charaNau sharaNaM prapadye || 2||

dAsau tavaiva nitarAM khalu bhaktishUnyau
bhaktAvamAnakriyayA gatadaityarUpau |
prahlAdakastu tava labdhavaro.arbhadaityaH
peddApuresha ! charaNau sharaNaM prapadye || 3||

shUro.asmyahantviti sugarvitaduShTadaityaH
mR^ityuM tvayA svaniyatiM tvanula~NghyayAtaH |
duShTAya kalpayasi bhoH! svavacho.anunAshaM
peddApuresha ! charaNau sharaNaM prapadye || 4||

bAlo dhR^ivo nanu jitendriyatApaso.asau
yaste prasAdamalabhajjagadunnataM hi |
bhaktistvayIsha! pramukhA na vayaH pramANaM
peddApuresha ! charaNau sharaNaM prapadye || 5||

atha shrI ma~NgaLAshAsanam
akArAya hyanantAya aShTaishvaryapradAyine |
adimadhyAntahInAya nArasiMhAya ma~NgaLam || 1||

indrAdibhiH susevyAya indirAnandadAyine |
IpsitArthapradAyAsmai nArasiMhAya ma~NgaLam || 2||

ugrarUpAya daityebhya uDUnAmpatichakShuShe
UrdhvasrotasvarUpAya nArasiMhAya ma~NgaLam || 3||

R^igvedAdibhistutyAya R^iddhibuddhipradAyine |
R^iShibhir dhyAnagamyAya nArasiMhAya ma~NgaLam || 4||

ekarUpAya nityAya ekasmai vishvachakShuShe |
ekAntijanarakShAya nArasiMhAya ma~NgaLam || 5||

aihikAmuShmikaM dAtre aishvaryAnandadAyine |
aikShvAkukalarAmAya nArasiMhAya ma~NgaLam || 6||

o~NkAranAdarUpAya ojase sUryakoTinAm |
oShadhIshasunetrAya  nArasiMhAya ma~NgaLam || 7||

augryadaityavinAshAya audumbarapriyAtmane
auShadhAyAmayAnAM cha nArasiMhAya ma~NgaLam || 8||

siddhasAdhyanutAyAsmai devakoTistutAya cha
peddApurAdrivAsAyanArasiMhAya ma~NgaLam || 9||

brahmAdibhiH suvandyAya bhaktaishvaryapradAyine |
peddApurAdrivAsAyanArasiMhAya ma~NgaLam || 10||

phalashR^iti
yad vishvanAthakR^itavA~NmayasevanaM hi
peddApureshanR^ihareH shubhasuprabhAtam |
prAtastu ye nilayametya paThanti bhaktyA
te nArasiMhasadanugrahapAtratArhAH || 1||

mayA hi koriDe kulIna vishvanAthasharmaNA
mudA kR^itaM tu nArasiMhasuprabhAtasevanam |
narendrakaNTharAjitaM sadA hyariShTanAshakaM
bhavennR^isiMhamodakaM prapAThakAya mokShadam || 2||

hariH OM |
svastiprajAbhyaH paripAlayantAM
nyAyena mArgeNa mahIM mahIshAH |
gobrAhmaNebhyaH shubhamastu nityaM
lokAH samastAH sukhino bhavantu ||

kAle varShantu parjanyAH pR^ithivI sasyashAlinI
desho.ayaM kShobharahito brAhmaNAH santunirbhayAH |
aputrAH putriNaH santu putriNaH santu pautriNaH
adhanAH sadhanAH santu jIvantu sharadAM shatam ||

kAyena vAchA manasendriyairvA
budhyAtmanA vA prakR^iteH svabhAvAt |
karomi yadytat sakalaM parasmai
nArAyaNAyeti samarpayAmi ||

hariH oM tatsat parameshvarArpaNamastu ||
##
Composed by Koride Vishwanatha Sharma, Dharmapuri, Telangana
Proofread by Koride Vishwanatha Sharma.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}