% Text title            : Prachetasakritam Vishnu Stotram
% File name             : prachetasakRRitaMviShNustotram.itx
% Category              : vishhnu, vishnu, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 14/23-43||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prachetasakritam Vishnu Stotram ..}##
\itxtitle{.. prachetasakR^itaM viShNustotram ..}##\endtitles ##
prachetasa UchuH |
natAH sma sarvavachasAM pratiShThA yatra shAshvatI |
tamAdyantamasheShasya jagataH paramaM prabhum || 23||
jyotirAdyamanaupamyamaNvanantamapAravat |
yonibhUtamashShasya sthAvarasya charasya cha || 24||
yasyAhaH prathamaM rUpamarUpasya tathA nishA |
sandhyA cha parameshasya tasmai kAlAtmane namaH || 25||
bhujyate.anudinaM devaiH pitR^ibhishcha sudhAtmakaH |
bIjabhUtaM samastasya tasmai somAtmanena maH || 26||
yastamAsyatti tIvrAtmA prabhAbhirbhAsayannabhaH |
gharmashItAmbhasAM yonistasmai sUryAtmane namaH || 27||
kAThinyavAn yo bibhartti jagadetadasheShataH |
shabdAdisaMshrayo vyApI tasmai bhUmyAtmane namaH || 28||
yadyonibhUtaM jagato bIjaM yatsarvadehinAm |
tattoyarUpamIshasya namAmo harimedhasaH || 29||
yo mukhaM sarvadevAnAM havyabhukkavyabhuktathA |
pitR^INAM cha namastasmai viShNave pAvakAtmane || 30||
pa~nchadhAvasthito dehe yashcheShTAM kurute.anisham |
AkAshayonirbhagavAMstasmai vAyvAtmane namaH || 31||
avakAshamasheShANAM bhUtAnAM yaH prayachChati |
anantamUrtimA~nChuddhastasmai vyomAtmane namaH || 32||
samastendriyasargasya yaH sadA sthAnamuttamam |
tasmai shabdAdirUpAya namaH kR^iShNAya vedhase || 33||
gR^ihNAti viShayAnnityamindriyAtmAkSharAkSharaH |
yastasmai j~nAnamUlAya natAH sma harimedhase || 34||
gR^ihItAnindriyairarthAnAtmane yaH prayachChati |
antaHkaraNarUpAya tasmai vishvAtmane namaH || 35||
yasminnanante sakalaM vishvaM yasmAttathodgatam |
layasthAnaM cha yastasmai namaH prakR^itidharmiNe || 36||
shuddhaH saMllakShyate bhrAntyA guNavAniva yo.aguNaH |
tamAtmarUpiNaM devaM natAH sma puruShottamam || 37||
avikAramajaM shuddhaM nirguNaM yannira~njanam |
natAssma tatparaM brahma viShNoryatparamaM padam || 38||
adIrghahrasvamasthUlaNvanamashyAmalohitam |
asnehachChAyamatanumasaktamasharIriNam || 39||
anAkAshamasaMsparshamagandhamarasaM cha yat |
achakShushrotramachalamavAkpANimamAnisam || 40||
anAmagomatrasukhamatejaskamahetukam |
abhayaM bhrAntirahitamanidramajarAmaram || 41||
arajoshabdamamR^itamaplutaM yadasaMvR^itam |
pUrvApareNa vai yasmiMstadviShNoH paramaM padam || 42||
parameshatvaguNavatsarvabhUtamasaMshayam |
natAH sma tatpadaM viShNorjihvAdR^iggocharaM na yat || 43||

iti viShNupurANe chaturdashAdhyAyAntargataM
         prachetasakR^itaM viShNustotraM samAptam |

viShNupurANa | adhyAya 14/23\-43||
##
viShNupurANa . adhyAya 14/23-43..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}