% Text title            : Prahladakritam Nrisimha Stotram
% File name             : prahlAdakRRitaMnRRisiMhastotram.itx
% Category              : vishhnu, vishnu, lakShmInArAyaNIyasaMhitA, stotra, dashAvatAra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 140/81-103||
% Latest update         : December 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prahladakritam Nrisimha Stotram ..}##
\itxtitle{.. prahlAdakR^itaM nR^isiMhastotram ..}##\endtitles ##
nR^isiMhaM hR^idye dhyAtvA.astauShIddhariM samAhitaH |
namo devAdhidevAya sattvavilInamUrtaye || 81||
brahmAdayo bibhyati yadrUpAttadrUpiNe namaH |
ghanA.abhijanasaundaryatapaHshrutabalAdibhiH || 82||
smR^iddhivAkpaTutAbhishchA.atuShyate te namo namaH |
tavA.a~Nghrivimukho vipro yamaishcha niyamairyutaH || 83||
bhaktashvAdAt kanIyAnsa bhaktahR^iShTAya te namaH |
mAnahInAya dInAya tuShyate te namo namaH || 84||
bhaktimArgAshritasaukhyakartre te haraye namaH |
rakShAvibhUtisampatsusaukhyadAtre punarnamaH || 85||
brahmAdayo.api devAshcha shAntadarshanakA~NkShiNaH |
stuvanti tvAM parAtmAnaM shAntarUpaM tataH kuru || 86||
nA.ahaM bibhaimi devesha krUrAnnR^isiMharUpaNAt |
bibhemi kAmaroShAdestato rakShAM vidhehi me || 87||
asurAdrakShaNAM tattu dehasya rakShaNaM kR^itam |
tadvai me rakShaNaM nAsti tasmAnmadrakShaNaM kuru || 88||
kleshakarmavipAkAderajAyA bandhanAt khalu |
rakShaNaM kuru vishvesha tanmataM rakShaNaM bhavet || 89||
IhAH putrakalatrAderdhanaishvaryadivaspateH |
kadApi naiva pUryante tAbhyo me rakShaNaM kuru || 90||
daityendrasya mayA dR^iShTAH smR^iddhayastA na rakShikAH |
aishvaryANi mayA dR^iShTAnyetAnyavanti naiva hi || 91||
siddhayashchApi devAnAM rakShAM kurvanti naiva cha |
bhaktAnAM tvaM rakShaNAya bahurUpI bhavasyatha || 92||
uddhArayasi vishvAtman tathoddhAraM cha me kuru |
rAjyaM tu bandhanaM proktaM pApaM pApataraM mahat || 93||
yatsatAM sevane vighnaM mAnasattAdidUShaNaiH |
dInatve tapa AsthAya vA~nchChanti kAmanAmayAn || 94||
bhogAnAsAdya pashchAttvAM vismarantIti kilbiSham |
tato devAdhidevatvaM dArAsattAdhanAdiShu || 95||
mA yogaM me dehi nAtha dehi tvachcharaNAmbuje |
tava dAsasya dAsAnAM madhye yogaM pradehi me || 96||
ime devAstava rUpaM saumyaM kA~NkShanti darshane |
tasmAtsaumyaM sukhadaM vai rUpaM darshaya mAdhava || 97||
ityarthitaH sa bhagavAn tejastadatibhIShaNam |
roShAnvitaM tu saMhR^itya babhUva sukhadarshanaH || 98||
sharatkoTIndusa~NkAshaH puNDarIkanibhekShaNaH |
sudhAmayasaTApu~njavidyutkoTinibhaprabhaH || 99||
sadratnADhyakaTakakeyUrormikAdibhUShitaH |
sha~NkhachakragR^ihItAbhyAmudbAhubhyAM virAjitaH || 100||
varadA.abhayahastAbhyAmitarAbhyAM sushobhitaH |
shrIvatsakaustubhorasko vanamAlAvibhUShitaH || 101||
kuNDalahArarashanAmaNisvarNavirAjitaH |
savyA~NgasthashriyA yukto.abhavattadA nR^ikesarI || 102||
lakShmInR^isiMhaM taM dR^iShTvA devatAH samaharShayaH |
AnandAshrujalaiH siktvA namashchakrurnirantaram || 103||

iti shrIlakShmInArAyaNIyasaMhitAyAM prathame kR^itayugasantAne 140\-adhyAyAntargataM
prahlAdakR^itaM nR^isiMhastotraM

lakShmInArAyaNIyasaMhitA | khaNDa 1| adhyAya 140/81\-103||
##
lakShmInArAyaNIyasaMhitA . khaNDa 1. adhyAya 140/81-103..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}