% Text title            : Premasayujyam
% File name             : premasAyujyam.itx
% Category              : vishhnu, vAsudevanElayath, krishna
% Location              : doc\_vishhnu
% Description/comments  : From Bhaktitarangini by Prof. P.C. Vasudevan Elayath
% Latest update         : December 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Premasayujyam ..}##
\itxtitle{.. premasAyujyam ..}##\endtitles ##
kR^iShNe gokulavAsamujjhitavati prodyadviyogAkulA
      gopyastatsmaraNAmR^itaikasharaNA ninyuH sudIrghAH samAH |
pashchAdetya samantapa~nchakamahAtIrthe kadAchit priyam |
      dR^iShTvA tAH kilaki~nchitA~nchitahR^idaH kAmapyavasthAM dadhuH || 1||
vikhyAtaprAbhavo.asau sakalamuninR^ipArAdhito nandasUnu\-
      rgopIstA mandahAsaprasarasumadhuraM pUrvavanmAnayitvA |
nItvA tAbhiH sametaH katipayadivasAMstatra tAbhyo dadau tAm |
      shAntiM yogIndrakAmyAmamR^itarasamayIM bhaktimArgaikagamyAm || 2||
                  khaNDaH 1
tatra gopikAshatasamAvR^itaM tarutale sthitaM shyAmasundaram |
chakShuShA pibantyAtmanA jagau dUrasaMsthitA kApi gopikA || 1||
kathamihAsmi hA kathamihAgato madhuradarshano nandanandanaH |
vividhabhAvasammardanissahaM sphuTati hA hare mAmakaM manaH || 2||
mUkarAgiNIM mAM parIkShituM vyatikaro.ayamutpAditastvayA |
tR^ipitayA dR^isha tvAM pibAmyahaM vardhate vibho, dviguNitA tR^iShA || 3||
dhanyajIvitAste sakhIjanA ye hrayantritAstvAmupAsate |
sahajamugdhatAsannintritA hA! hatA.asmyahaM mandabhAginI || 4||
parisamarpayantyAtmajIvitaM kimu patAmi te nAtha pAdayoH |
kamapi te karasparshamApnuyAM shirasi mAmake shAntidAyakam || 5||
ahaha! sAhasaM sAhasaM ttvidaM, mama na shobhanaM dhR^iShTacheShTitam |
kva cha bhavAn vibhurvishvapUjitaH? kva cha varAkikA gopadArikA?|| 6||
                   khaNDaH 2
ayi purA hare, yAmune taTe bhavadanuShThite chelavoraNe |
tava niyogatastvAmupAgatA gopabAlikAstA digambaraH || 1||
AgalaM jale sthitavatIM tadA mAM vilokayan dUrato bhavAn |
smitamadAt; prabho saMsmarAmyahaM; smarasi kiM hare, tAdR^ishImimAm?|| 2||
veNugAnamAkaNrya tAvakaM vishvamohanaM vallavIjanAH |
tvAmupAyayu; rdUrataH sthitA kevalA tvahaM tvAM vyalokayam || 3||
veNunAlikAchumbitAdharaM gopikAshatairAvR^itaM mudA |
dUrato.api mayyarpitekShaNaM saMsmarAmi te tat sthitaM hare! || 4||
rAsakhelane nAhamAgatA kevalaM gR^ihe dhyAnamasthitA |
tanvatI sukhaM nartanaM tvayA sAkamAntare rAsamaNDape || 5||
no kadA.api mAM nandanandano j~nAtavAnabhij~nAtavAnapi |
nAsti tAdR^ishaM saubhagaM cha me nAsti chAtmani prauDhachAturI || 6||
hA! kadA.api te sevanodyatA nAhamAgatA tvatpadAntikam |
trAsavihvalA lajjayA.akulA; mAM kathaM bhavAn saMsmariShyati?|| 7||
                   khaNDaH 3
vrajanivAsamutsR^ijya gachChatastava rathaH kShaNaM madR^igR^ihAntike |
nishchalo.abhava;ttatra chAbhavaM stabhyasaMshritA.alindasaMsthitA || 1||
abhyaShi~nchadAhanta! mAM prabho snigdhayA dR^ishA sasmitaM bhavAn |
vigalitaM tadA kelipa~NkajaM tava karAmbujA; nnanvalokayam || 2||
hA! nyashAbhayaM te mukhaM tadA vidhuradarshanaM mlAnasusmitam |
madhuravedanAvidyudAhatA pralayamAgatA katipayakShaNAn || 3||
sumadhuraM bhavannAma gR^ihNati tvAM vilokayantyeva sarvataH |
tvayi mama priye lInamAnasA virahavedanAM nAvidaM chiram || 4||
ahaha! bhAvanAva~nchitA.asmyahaM; kR^iShNacheShTitaM naiva matparam |
vilasitaM hareH sahajamohanaM mugdhayA mayA j~nAtamanyathA || 5||
\ldq{}tvAM smarAmyahaM\rdq{} \- kiM nvidaM mayA shruyate madIyAntarAtmani?|
madhurabhAShaNaM tAvakaM hare, jIvanAmR^itaM khalu pibAmyaham || 6||
shyAmasundara, tvAM vilokaye nirnimeShakaM dUrataH sthitA |
madhuradarshanaM mugdhasusmitaM madanamohanaM manmanoharam || 7||
ayi mahAprabho, tvAM vilokayantyadhigatA.asmyahaM pUrNakAmatAm |
mama hi chetanA harShavihvalA yAtumichChatIvopagUhitum || 8||
priya, dayAmayI dR^iShTiradya te nipatati svayaM mayyapi kShaNam |
amR^itadhArayA samplutA.asmyahaM spandatetarAM mAmakaM manaH || 9||
hanta! mAM prati prasthito bhavAn priyasakhIH samutsR^ijya gopikAH |
abhayamudrayA sAntvayannimAM drutapadaM hare, kiM sameShyasi?|| 10||
hA! samAgato matsamIpataH priyatamo bhavAn kR^iShNa, tiShThati |
kiM prabhAShase mAM varAkikAM? sphurati te.adharaM pallavAruNam || 11||
\ldq{}sakhi, jitaM tvayA; premadhAma tat paramamadvayaM prAptavatyasi\rdq{}
iti bhavadgiraM shAntidAyinImamR^itavAhinIM hA! pibAmyaham || 12||
sadayalochane madhurasusmite tava mukhAmbuje matpurogate |
chiramupopitAM nidadhatI dR^ishaM nAtha, yAmyahaM nityanirvR^itim || 13||
ruddhA vAg, dR^iDhanishchala samabhavaddR^iShTiH, prasannaM mukhaM,
niShpandaM hR^idayaM cha; sA vrajavadhUH sa.nprApa dhanyAM gatim || 14||
tejo dehasamutthitaM nirupamaM tasyAH puraHsthe tadA |
kR^iShNe lInamabhUt; sa chApi bhagavAMstasthau kShaNaM nishchalaH || 15||

iti shrIvAsudevan elayathena virachitaM premasAyujyaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}