% Text title            : Purushottama Kavacham
% File name             : puruShottamakavacham.itx
% Category              : vishhnu, kavacha
% Location              : doc\_vishhnu
% Proofread by          : Manish Gavkar
% Latest update         : September 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottama Kavacham ..}##
\itxtitle{.. puruShottamakavacham ..}##\endtitles ##
R^iShaya UchuH |
atha nAmnAM sahasrAkhyaM vada stotraM mahAmune |
yasyAbhyasanataH sadyaH prIyate puruShottamaH || 1||
shrIshANDilya uvAcha \-
purA kR^itayuge devaH savitA suShuve sutAm |
yamuneti cha vikhyAtAM devatAM che shuchiShmatIm || 2||
paprachCha pitaraM sA cha kaH paro vAparo yataH |
kathaM prApyo bhavedeSha tataH prAha pitA sutAm || 3||
tapasA brahmaNA pUrvaM jagatsR^iShTamiti shrutam |
tapasA bhavatI devaM svIyaM vij~nAtumarhati || 4||
sA kalindagiriM prApya tapashchakre sudAruNam |
dhyAyantI ramaNaM devaM brAhmakalpamanInayat || 5||
tataH prasanno bhagavAn shrIkR^iShNo bhaktavatsalaH |
prAdurbhUya girau tatra veNunAdaM chakAra saH || 6||
tasya nAdasya harSheNa dravIbhUtA tato hi sA |
divyarUpA tato jAtA jagatAM pAvanI parA || 7||
tasyai prasanno bhagavAn navaka~njamayIM srajam |
sArUpyaM cha dadau prAha priyA bhava subhaktitaH || 8||
idaM nAmnAMsahasraM me paTha yena vibudhyase |
mama loke saridrUpe divyarUpe pravishyatAm || 9||
asmiMshcha te drave kAnte majjatAM bhuktimuktayaH |
bhaviShyanti vashIbhUtA bhaktirme na cha tvAM vinA || 10||
datvA sahasranAmAkhyaM stotraM sakhyai hariryayo |
vivasvantamanuj~nApya sA gatA hariNA saha || 11||
idaM stotraM mayA labdhaM svayaM tuShTAdvivasvataH |
puNyaM svastyayanaM bhavyamAyuShyaM haribhaktidam || 12||
pAThAdasya prajAyante puNyAH kAmA manogatAH |
putrAshchApi prasUyante vinItAshchirajIvinaH || 13||
bhAgyavantaH sukR^itinaH pitR^ibhaktA hareH priyAH |
kAntA bhavanti satkAntA dAntAshchApi pativratAH || 14||
chaturddasha mahAratnabhoktA bhavati pAThakR^it |
mahArogairvimuchyeta dAruNairbandhanairapi || 15||
shatrubhishcha viShaiH shastraiH kR^ityAbhishcha grahairapi |
bhUtaiH pretaishcha rakShobhirvahnivAyumahAbhayaiH || 16||
muchyate vAridhau majjan trAyate chAparAnnapi |
svachakre parachakre cha senAkShobhe prajAkShaye || 17||
mahAmArIbhaye chAnyabhaye vAtAshane bhaye |
gataM rAjyaM gatAM lakShmIM ruddhAM vA dAruNairjanaiH || 18||
sAmrAjyalakShmImApnoti kimanyat kathayAmi bhoH |
dAridryAnmuchyate so.atha kubera iva jAyate || 19||
vidyayA.asau girIshaH syAt sureShu tridasheshvaraH |
vadAnyatAM vidhiH sAkShAllAvaNyAnmadanopamaH || 20||
mahAdevAn vashe kuryAd bhUtAnyapi vashe nayet |
viparyayaM cha jagatAM kuryAdbandhaM divaukasAm || 21||
lokAnAM ra~njanaM kuryAnnArINAmapi manmatham |
pUjyate jagatImadhye lokAnugrahakR^idbhavet || 22||
tasya vAk jAyate vettA bhUtabhavyabhavajjuShAm |
yadyadichChati tatsarvaM karasthaM chaiva pashyati || 23||
haribhaktastu bhagavallIlAM pashyati sarvashaH |
nijadoShAn paraguNAn haridAse mahAtmanAm || 24||
dainyaprItiM samApnoti gurubhaktiM cha vindati |
tataH kR^itArtha eva syAnniShevyaH syAnmahAtmanAm || 25||
hastau pAdau cha prakShAlya shuchiH shuddhAtmavAsanaH |
jitendriyo vAgyatashcha pUrvAsyaH svAsane sthitaH || 26||
Achamya prANAnAyamya kR^itarakShyaH paThettataH |
dhyAyan bhagavato rUpaM vA~nChitArthaphalapradam || 27||
hR^idayaM gopikAnAtho bhAlaM me jagadIshvaraH |
shrIkR^iShNo me shikhAM pAtu kavachaM pAtu gopatiH || 28||
netre pAtu dadhadvetramastraM veNudharo hariH |
mUrddhAdikaNThaparyantaM shrIkR^iShNaH sarvadA.avatu || 29||
kaNThAdimadhyaparyantaM shrIgovindo.api rakShatu |
shrIgopIjanakAntastu pAyAnmadhyAdipAdataH || 30||
shrImanmukundacharaNau sharaNaM me.astu sarvataH |
shrIkR^iShNaH sharaNaM me.astu bAlye bAlasvarUpadhR^ik || 31||
govindashsharaNaM me.astu tAruNye taruNIpriyaH |
keshavaH sharaNaM me.astu vArddhakye vR^iddhavanditaH || 32||
ApannaM gokulAdhIshaH prapannaM giridhAraNaH |
vipannaM nandanando mAM sadA vrajapurandaraH || 33||
dine kAlindinIkAntaH rAtrau shrIrAdhikeshvaraH |
sandhyAsu sandhivelAsu shrImachchandrAvalIpriyaH || 34||
agrato me jagannAthaH pR^iShThato badarIpatiH |
pArshvato dvArakAnAtho ra~NganAthastathA hariH || 35||

iti shrIshANDilyasaMhitAyAM pa~nchame bhaktikhaNDe ekonaviMsho.adhyAye
               puruShottamakavachaM sampUrNam |

##
The kavacham to be recited before the gopAladivyasahasranAmastotram.
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}