% Text title            : Purushottamastavanam
% File name             : puruShottamastavanam.itx
% Category              : vishhnu, vishnu, lakShmInArAyaNIyasaMhitA, stava
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 190/1-181||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottamastavanam ..}##
\itxtitle{.. puruShottamastavanam ..}##\endtitles ##
(mahAsaurAShTrIyasa~Nghasya luNThakajanapradharShitasya puruShottamastavanam)
shrIpuruShottama uvAcha |
shR^iNu nArAyaNIshri tvaM chamatkAramayIM kathAm |
mahAsaurAShTradeshIyA bhaktAH sa~NghagatAH shatam || 1||
ku~NkumavApikAkShetraM somanAthaM cha raivatam |
svarNavatIM kR^iShNabhUmiM gopanArthaM cha sundaram || 2||
evamAdIni tIrthAni kartuM saurAShTramAyayuH |
mArge mahIM tathA vApIM tIrtvA nAvA tataH param || 3||
sAbhramatIM samuttIrya gopanAthaM samAyayuH |
tato guptaprayAgaM cha kR^itvA siMhavanaM mahat || 4||
pravishya yAvadAyAnti somanAthaM prati drutam |
siMhAraNye tadA prAptA luNThakAH shastradhAriNaH || 5||
luNThakAdhipatisteShu nAmnA sAmAntavikramaH |
ashvavAraishcha sahitaH shastrAdiyugbhaTAnvitaH || 6||
yantranAdAnakarodvai sannidhau nA.atidUragaH |
AkroshAn bhayadA.NshchApi chakrustasyAnugAminaH || 7||
luNThanArthaM drutaM sa~NghasyA.abhito bandhanaM vyadhuH |
madhye chakrurbhayadAnaiH sa~Nghasya shatamAnavAn || 8||
strINAM bhUShA narANAM cha bhUShAdravyANi yAni cha |
uttArayitvA tvekatra kArayAmAsurulbaNAH || 9||
shubhAmbarANi sarvANi jagR^ihuH sa~NghavartinAm |
sa~NghAgragaNyavaNijo babandhU rajjubhistadA || 10||
padmachandraM sha~NkhachandraM shR^i~NkhalAchandramityapi |
vanachandraM vAlichandraM babandhuste hi luNThakAH || 11||
anyAn daNDaistADanAdi prachakrurbhayahetave |
bhItAste vaNijaH sarve maunA babhUvurarditAH || 12||
daduH sarvasvametebhyo luNThakebhyo.atitADitAH |
athaiteShu mama bhakto vaiShNavo vanachandrakaH || 13||
tasya patnI sukhAdevI mama bhaktA.abhavad rame |
AbAlyAttau mama bhaktau bhajato mAM nirantaram || 14||
sAdhorme sAyanAyananAmno yogena vaiShNavau |
vartete tau bhaktiyuktau kR^iShNanArAyaNAshritau || 15||
ApatkAle tu tau bhaktau sasmaratustadA hi mAm |
anye.api bAlagopAlA ruruduH sasmaruH prabhum || 16||
luNThakebhyo hare kR^iShNa prarakShaya hi tIrthinaH |
anAthAnAM vane kR^iShNanAthanArAyaNo bhavAn || 17||
trAtA mochayitA duHkhAdrakShayitA pitA bhavAn |
mAtA gururharikR^iShNo bAlakR^iShNaH prarakShatu || 18||
yato vayaM kR^itapApA luNThyante.ato vanAntare |
tathApi nijabhaktAnAM rakShAM vidhehi mAdhava || 19||
tava bhaktiM kariShyAmo dAnaM dAsyAma eva te |
sarvasvaM bhagavan viShNo rakSha kR^iShNanarAyaNa || 20||
ku~NkumavApikAtIrthe.arpayiShyAmo dhanAdikam |
yadi luNThakaduShTebhyo rakShAM nastvaM vidhAsyasi || 21||
vibhUShaNAni sarvANi shreShThAmbarANi yAni cha |
rUpyakAH svarNamudrAshcha dAsyAmo.ashvasarovare || 22||
vrataM kArtikamAsAdya kariShyAmo phalAdibhiH |
nityaM shataM mAlikAshchA.a.avartayiShyAma eva cha || 23||
satAM maTheShu vai mAsaM mAsaM sthitvA tu mAghake |
mAse sevAM kariShyAmaH satAmAj~nAnusAriNIm || 24||
ityevaM vanachandrAdyA ArttA luNThakadharShitAH |
mAnatA vividhAshchakrurluNThakebhyo vimuktaye || 25||
vanachandrasya bhAryA.api sukhAdevI tathA striyaH |
yA yAH sa~NghagatAshchAsan prArthayAmAsureva mAm || 26||
he hare he vanavAsin vR^indAvanavihArakR^it |
gopIsa~NghAntaragupta kR^iShNa rakSha svadAsikAH || 27||
abalAnAM sabalo.asi bhaktAnAM bhagavAnasi |
dAsInAM modakartA.asi kR^iShNa rakShaya dAsikAH || 28||
vane gopIvihAro.asi rAdhAsakho.asi nirjane |
shayane kamalAnanda kR^iShNa rakShaya dAsikAH || 29||
pralaye muktasevyo.asi sR^iShTau bhaktimatIpatiH |
rAse sarvAnurakto.asi kR^iShNa rakShaya dAsikAH || 30||
vipattau chArttadInesha sharaNAgatarakShaka |
arAtikaShTahartastvaM kR^iShNa rakShaya dAsikAH || 31||
garbhe bhrUNasya poShTA tvaM bAlye nirmalahR^itsthitaH |
yauvane premapAtraM tvaM kR^iShNa rakShaya dAsikAH || 32||
vArdhakye shiShTavarya tvaM yuddhe jayapradaH pumAn |
nirAshraye tvaM chAdhAraH kR^iShNa rakShaya dAsikAH || 33||
rohiNANDAsuraH pUrvamanAdidyunarAyaNaH |
bhUtvA niShUditaH kR^iShNa tvayA naH sa prarakShatu || 34||
anAdishrImerunArAyaNastvaM chA.abhavaM purA |
nimnaM tu patamAnasya meroH rakShA tvayA kR^itA || 35||
sUryAgninA dahyamAnabrahmANDasya tvayA purA |
rakShA shAntiH kR^itA.anAdiviShNunArAyaNAtmanA || 36||
dhUmrAsuravinAshashcha chandrarakShA tvayA purA |
vihitA shrIhare.anAdidevanArAyaNAtmanA || 37||
tvayA.anAdiyaj~nanArAyaNa yaj~nAH pravartitAH |
rudrashAstA.anAdibrahmanArAyaNo hyabhUH purA || 38||
devadhiShNyaniyamAyA.anAdyA.a.adityanarAyaNaH |
bhavAn purA.a.abhavat kR^iShNa kR^iShNa rakShaya dAsikAH || 39||
nAgashAstA.anAdigarutmannArAyaNarUpavAn |
dhruvasthityai bhavAnanAdyArShanArAyaNo.abhavat || 40||
ShurAnandAdidaityAnAM parAbhUtyarthameva ha |
tvamanAdiprAj~nanArAyaNo.abhavaH pareshvara || 41||
tvamanAdivIranArAyaNo.abhavo vR^iShAvanaH |
tvamanAdibhadranArAyaNo dagdhapramuktaye || 42||
tu~NgabhadrAsanAputrIpatirharinarAyaNaH |
abhavastvaM purA kR^iShNa kR^iShNa rakShaya dAsikAH || 43||
nAshArthaM koshastenAkhyarakShasastvaM purA.abhavaH |
anAdishrIbIjanArAyaNo bIjasya rakShakaH || 44||
dharmavratasya putrANAM mokShArthaM tvaM purA.abhavaH |
anAdishrIvaranArAyaNo nA kR^iShNa rakShatu || 45||
sudarshanImahAsAdhvIshApena strImayaM jagat |
rakShArthaM tvamanAdistrIpunnArAyaNatAmagAH || 46||
anAdishrIjalanArAyaNastvaM mAkarAsuram |
hatvA lokAnarakShaH shrIkR^iShNa rakShaya dAsikAH || 47||
anAdishrIshIlanArAyaNastvamabhavaH purA |
sAdhudharmaprarakShArthaM kR^iShNa rakShaya dAsikAH || 48||
anAdishrIvArdhinArAyaNastvamabhavaH purA |
vyAghrAnalAdinAshArthaM kR^iShNa rakShaya dAsikAH || 49||
tvamanAdichaturmukhanArAyaNo.abhavaH purA |
rAdhanikApuNyarAtaviprayoriShTado bhavAn || 50||
abhavachChrIChrIpuruShottamanArAyaNaH purA |
tIrthapUtyarthamanAditIrthanArAyaNo.abhavaH || 51||
bhaktyarthaM tvamanAdishrIjIvanArAyaNo.abhavaH |
yaj~ne tvaM shrImadardhashrIshvaranArAyaNo.abhava || 52||
pitruddhartA.anAdyardhashrIpitR^inArAyaNo.abhavaH |
bhaktyA mokShopadeshArthaM plakShanArAyaNo.abhavaH || 53||
naramedhe bhaktarakShAmanAdipunnarAyaNaH |
bhUtvA.akarostvaM devesha kR^iShNa rakShaya dAsikAH || 54||
sUryavarchchanR^ipadvArA.anAdishyAmanarAyaNaH |
abhavastvaM purA kR^iShNa kR^iShNa rakShaya dAsikAH || 55||
anAdishrIrAjanArAyaNastvaM chA.abhavaH purA |
mAyUrakA.asurahantA kR^iShNa rakShaya dAsikAH || 56||
anAdishrIbrahmachArinArAyaNo.abhavaH purA |
naiShThikatArakShaNArthaM kR^iShNa rakShaya dAsikAH || 57||
hallakAsuranAshArthaM shivojjIvArthamityapi |
anAdishrIshivanArAyaNastvaM chA.abhavaH purA || 58||
anAdishrIsvarNanArAyaNastvaM chA.abhavaH purA |
kuberasyojjIvanArthaM kR^iShNa rakShaya dAsikAH || 59||
jvAlAruNA.achalavahnirasadagdhaprajA.avanam |
anAdishrIsvAminArAyaNastvaM chA.akaroH purA || 60||
nirvANikA.a.arAdhitayA lakShmyA sAkaM bhavAn purA |
anAdisA.avananArAyaNo.abhavat sa rakShatu || 61||
aMshukramathanR^ipaterbhaktyA tvamabhavaH purA |
anAdishrIsAdhunArAyaNaH kR^iShNaH sa rakShatu || 62||
shaptasya varNishAlasya manorujjIvanAya vai |
anAdishrIbhaktanArAyaNo.abhavaH sa pAtu naH || 63||
varmadharakShmeshamokShArthaM tvaM purA svayaM prabhuH |
anAdishrImedhanArAyaNo.abhavaH sa pAtu naH || 64||
analAdamahAsuravinAshArthaM bhavAn purA |
anAdishrIvahninArAyaNo.abhavat sa pAtu naH || 65||
ilodaravinAshArthaM rasanArAyaNo.abhavaH |
sa tvaM nArAyaNa kR^iShNa kR^iShNa rakShaya dAsikAH || 66||
anAdishrIchakranArAyaNastvaM chA.abhavaH purA |
daityanAshakaraH kR^iShNa kR^iShNa rakShaya dAsikAH || 67||
kR^itadharmasthApanAyA.anAdisatyanarAyaNaH |
adristhityarthamanAdishrIhiraNyanarAyaNaH || 68||
bhaktArthaM tvamanAdishrInaira~njaninarAyaNaH |
anAdishrIpuNyanArAyaNashchA.apyabhavaH purA || 69||
puNyavatIshApanivartakaH kR^iShNaH sa pAtu naH |
anAdishrIbR^ihadbrahmanArAyaNo.abhavadbhavAn || 70||
apsarasAM manaHpUrtyai kR^iShNa rakShaya dAsikAH |
anAdishrIgurunArAyaNastvaM chA.abhavaH purA || 71||
brahmavidyApradAnArthaM kR^iShNa rakShaya dAsikAH |
bR^ihaddharmabhUpayaj~ne sAdhudIkShApradAyakaH || 72||
anAdishrImadAchAryanArAyaNaH sa pAtu naH |
anAdishrImahAvidyunnArAyaNo.abhavaH purA || 73||
vidyutstAvadaityahantA kR^iShNa rakShaya dAsikAH |
anAdishrImadhunArAyaNastvaM chA.abhavaH purA || 74||
madhubhakShAsurahantA kR^iShNa rakShaya dAsikAH |
anAdishrInAthanArAyaNastvaM chA.abhavaH purA || 75||
tiShye daityavinAshArthaM kR^iShNa rakShaya dAsikAH |
anAdishrIvibhunArAyaNastvaM chA.abhavaH purA || 76||
svarNotsave vedhasaH sa kR^iShNa rakShaya dAsikAH |
anAdishrImokShanArAyaNastvaM chA.abhavaH purA || 77||
anAdishrIkR^iShNanArAyaNastvaM kAntakeshava |
brahmapriyAdisvAminno luNThakebhyaH prarakShaya || 78||
bAlakR^iShNa hare kR^iShNa vallabhesha kR^ipAM kuru |
luNThakebhyo.avanaM shIghraM kuru te sharaNaM gatAH || 79||
ityuktvA tAH striyashchApi lakShmi dhyAnaM vyadhurhareH |
ahaM hariH svayaM tatrA.a.agatyA.adR^ishyo.abhavaM kShaNam || 80||
shR^iNvAnaH stutivAkyAni mama prAkcharitAni vai |
luNThakAshcha sa~nchinvanti tvekatra nANakAdikam || 81||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
   190\-adhyAyAntargataM mahAsaurAShTrIyasa~Nghasya luNThakajanapradharShitasya
   puruShottamastavanaM sampUrNam | ##continued##

lakShmInArAyaNIyasaMhitA | khaNDa 3| adhyAya 190/1\-181||
##
lakShmInArAyaNIyasaMhitA . khaNDa 3. adhyAya 190/1-181..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}