% Text title            : Raja Indaradyumnakritam Vishnu Stotram
% File name             : rAjAindaradyumnakRRitaMviShNustotram.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 561/94-121||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raja Indaradyumnakritam Vishnu Stotram ..}##
\itxtitle{.. rAjA indaradyumnakR^itaM viShNustotram ..}##\endtitles ##
rAjA viShNuM pratuShTAva sAShTA~NgaM praNipatya cha |
keshavaM mAdhavaM viShNuM govindaM madhusUdanam || 94||
padmanAbhaM hR^iShIkeshaM shrIdharaM cha trivikramam |
dAmodaraM vAsudevaM shrIhariM kambharAsutam || 95||
gopAlabAlaM rAdheshaM shrIshaM rameshvaraM prabhum |
anAdishrIkR^iShNanArAyaNaM shrIpuruShottamam || 96||
ma~njuleshaM pArvatIshaM prabheshaM mANikIpatim |
lakShmInArAyaNaM haMsAjayAnAthaM namAmyaham || 97||
sha~NkhachakragadAshAr~NgavanamAlAvibhUShaNam |
lokanAthaM jagannAthaM shrInAthaM praNamAmyaham || 98||
akSharesha cha muktesha lalitesha namo.astu te |
avatAresha devesha vyUhesha cha namo.astu te || 99||
Ishvaresha cha mAyesha durgesha jAhnavIpate |
jIveshA.anantayaj~nesha yaj~nAdhipa namo.astu te || 100||
vedAtmakAya kAntAya dharmaputrAya te namaH |
brahmavratadharAyA.atriguNAya cha namo.astu te || 101||
prakR^itIshAya shAntAya vaikuNThasthAya te namaH |
nR^isiMhamatsyavArAhakUrmarUpAya te namaH || 102||
sAdhuveShadharAyAdikAraNAya cha te namaH |
sahasrashirase vedyapuruShAya cha te namaH || 103||
asurANAM damanArthaM dhR^itarUpAya te namaH |
hiraNyagarbharUpAyA.amR^itadhAmne cha te namaH || 104||
sarvagarbhAya kR^iShNAyA.antarAtmane cha te namaH |
sraShTre.avitre cha saMhartre kAryarUpAya te namaH || 105||
sarvadikpAlarUpAya lokapAlAtmane namaH |
ardhanArIsvarUpAya tridevAya cha te namaH || 106||
anantA.a.anandanidhaye brahmadhAmne cha te namaH |
karmaphalapradAtre te chA.antaHsthAya namo namaH || 107||
saurAShTrakR^itavAsAya shrIkR^iShNAya parAtmane |
koTigopIkAnta tubhyaM sukhadAya namo namaH || 108||
brAhmatejase kShatrANAM vIryarUpAya te namaH |
vishAM sampatsvarUpAya sharaNyAya cha te namaH || 109||
pAtivratyasvarUpAya patnIvR^iShAya te namaH |
sadordhvaretase kR^iShNa mokShadAya cha te namaH || 110||
sAdhuShu sarvadA sthAtre bAlarUpAya te namaH |
namo bhaktamanaHkAmapUrakAya namo namaH || 111||
j~nAnadAya tathechChAsampradAya yatnadAya cha |
kriyAdAtre phaladAtre bhoktre bhogyAya te namaH || 112||
prakAshAya pareshAya jIvasthAya cha te namaH |
sarvadehinivAsAya shaktiyogyAya te namaH || 113||
achintyaguNadhAmne te divyadehAya te namaH |
apAraishvaryadhAtre te dR^ishyarUpAya te namaH || 114||
adR^ishyarUparUpAya nityaj~nAya cha te namaH |
sarvatattvasvarUpAya maNDapAya cha te namaH || 115||
pa~nchAgnikR^itarUpAya vratasthAya cha te namaH |
puNyadAya maheshAya sarveshAya cha te namaH || 116||
sarvaduHkhavinAshitre vahnirUpAya te namaH |
namo.astu sruksruvAdyAtmayaj~napAtrAya te namaH || 117||
dakShiNApataye tubhyaM chAshIrvAdAya te namaH |
tR^iptaye shAntirUpAya rasarUpAya te namaH || 118||
sarvendriyanivAsAya satyakAmAya te namaH |
AdityAdisvarUpAya vR^iSharUpAya te namaH || 119||
namaskArasya pAtrAyA.arpaNapAtrAya te namaH |
tvatprasAdAt kR^ipAsindho yaj~nasiddhirmamA.abhavat || 120||
karaM gR^ihANa me viShNo yathA patnIkaraM varaH |
dehi me charaNe vAsaM nAnyaM vR^iNomi keshava! || 121||

iti shrIlakShmInArAyaNIyasaMhitAyAM prathame kR^itayugasantAne 561\-adhyAyAntargataM
rAjA indaradyumnakR^itaM viShNustotraM sampUrNam |

lakShmInArAyaNIyasaMhitA | khaNDa 1| adhyAya 561/94\-121||
##
lakShmInArAyaNIyasaMhitA . khaNDa 1. adhyAya 561/94-121..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}