% Text title            : Raja Udayakritam Krishnanarayana Stotram
% File name             : rAjAudayakRRitaMkRRiShNanArAyaNastotram.itx
% Category              : vishhnu, vishnu, lakShmInArAyaNIyasaMhitA, stotra, krishna
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 2 | adhyAya 60/52-85||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raja Udayakritam Krishnanarayana Stotram ..}##
\itxtitle{.. rAjA udayakR^itaM kR^iShNanArAyaNastotram ..}##\endtitles ##
atha sarvaM kShaNAllInaM nR^ipastvAshcharyamAptavAn |
tataH kShaNAntare naijoTajAM dadarsha shobhanAm || 52||
svastho bhUtvA disho natvA tuShTAva dhyAnasaMsthitaH |
OM namaH shrInivAsAya mUlaprakR^itiyAmine || 53||
ajitAya cha devAya mahAtmane namo.astu te |
anAshritAya shAntAya niHspR^ihAya namo.astu te || 54||
nama AdyAya devAya sarvadevamayAya cha |
ArShAyAdisvarUpAya shrIkR^iShNAya cha te namaH || 55||
anantarAya chaikAya sadA vyaktAya te namaH |
namo guptAya kAshAya guNeshvarAya te namaH || 56||
atarkyAyA.aprameyAya chAtulAya cha te namaH |
nishchintAya cha pUrvAya sanAtanAya te namaH || 57||
purANAya namastasmai nirguNAya namo.astu te |
namo jagatpratiShThAya brahmaniShThAya te namaH || 58||
padmanAbhAya yogAya govindAya namo namaH |
namo.astu sA~NkhyavedyAya vishveshvarAya te namaH || 59||
haraye shivarakShAya nArAyaNAya te namaH |
parAtmane.amitadAtre.amitakramAya te namaH || 60||
shAr~NgachakragadApadmashAline te namo namaH |
mahoragAya siMhAya namo.astu vedavAsine || 61||
mahAmatsyAya kAntAya kachChapAya cha te namaH |
vAmanAya cha dIrghAya chaturbhujAya te namaH || 62||
siddhachAraNagandharvasaMstutAya namo namaH |
achyutAya sakalAya nAgendrashayanAya cha || 63||
dugdhavarNAya kR^iShNAya hemAbhAya namo namaH |
pItAmbarAya daityAdinAshanAya cha te namaH || 64||
akSharAyA.akShareshAya nAbhipadmAya te namaH |
chaturmukhAya devAya pa~nchavaktrAya te namaH || 65||
kShIravAsAya yashase kAntaye varadAya cha |
sarveshvarAya kAntAya kAminIshAya te namaH || 66||
vareNyAya vighnahartre bhaktipriyAya te namaH |
padmAyatasunetrAya shukanAsAya shAr~NgiNe || 67||
yogeshvarAya vR^ikShAya shAkhine te namo namaH |
devAyanAya munaye sAdhave te namo namaH || 68||
mohinIrUpabhAsAya jIvavAsAya te namaH |
vArAhAya nR^isiMhAya sharabhAya cha te namaH || 69||
kUTasthaM sarvahetuM cha puruShaM cha purAtanam |
mAyAkAntaM cheshakAntaM sarvakAntaM namAmyaham || 70||
kShetraj~naM kAlamAyeshaM vyUheshaM muktajIvakam |
vAsudevaM satIkAntaM kR^iShNanArAyaNaM prabhum || 71||
kambharAnandanaM kR^iShNaM gopAlakR^iShNabAlakam |
paradhAmanivAsaM taM pumuttamaM namAmyaham || 72||
brahmarShayo brahmarUpaM yaM vadanti sanAtanam |
akShareshaM cha mukteshaM prapadye sharaNaM harim || 73||
shrIvatsA~NkaM shvetapadmarekhaM viguNahArakam |
ShoDashAdichihnashobhaM prapadye sharaNaM patim || 74||
yatra vishvaM yashcha vishve sarvaM yatra pratiShThate |
prabhavaM sarvabhUtAnAM divyaguNaM pareshvaram || 75||
prapadye muktasa~NgAnAM sAdhUnAM paramAM gatim |
bhagavantaM chAtmavAsaM strIvAsaM puShkarekShaNam || 76||
sharaNyaM sharaNaM bhaktyA prapadye bhaktavatsalam |
antakAle samAgatya pradarshyAtmAnameva yaH || 77||
naijaM dhAma nijaM bhaktaM nayatyeva prabhuH paraH |
taM namAmi paraM devaM mokShadaM puruShottamam || 78||
pAtAlAntaM cha satyAdi sarvaM mAti tu yatra vai |
mahAmAyAntakaM sarvaM yasmin mAti janArdane || 79||
dhAmAni muktakoTyashcha yasmin mAnti pareshvare |
taM prapadye paraM kR^iShNaM nArAyaNaM shriyaH patim || 80||
na tvAM stotuM tathA vedmi yathA tvaM vartase prabho! |
svarUpaM na yathArthaM cha vedmi vedmi taTasthakam || 81||
tvayA yat kR^iShNa kR^ipayA kR^iShNanArAyaNAtmakam |
rUpaM pradarshitaM mahyaM tapaH phalaM kR^ipAphalam || 82||
dhAma pradarshitaM chApi tathA ku~NkumavApikA |
ashvapaTTasarashchApi darshitaM lomashAshramam || 83||
sarvaM punaH punarnAtha draShTumichChAmi sevayA |
prasannatAM samichChAmi tathA me varado bhava || 84||
ityevaM saMstuto.anAdishrImatkR^iShNanarAyaNaH |
sAnnidhyaM chAjagAma drAk chakrapadmadharaH prabhuH || 85||

iti shrIlakShmInArAyaNIyasaMhitA | khaNDa 2| adhyAya 60\-adhyAyAntargataM
rAjA udayakR^itaM kR^iShNanArAyaNastotraM sampUrNam |

lakShmInArAyaNIyasaMhitA | khaNDa 2| adhyAya 60/52\-85||
##
lakShmInArAyaNIyasaMhitA . khaNDa 2. adhyAya 60/52-85..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}