% Text title            : Rajna Kritam Krishnanarayana Stotram
% File name             : rAjnAkRRitaMkRRiShNanArAyaNastotram.itx
% Category              : vishhnu, vishnu, lakShmInArAyaNIyasaMhitA, stotra, krishna
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3. 29/81-97||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rajna Kritam Krishnanarayana Stotram ..}##
\itxtitle{.. rAj~nA kR^itaM kR^iShNanArAyaNastotram ..}##\endtitles ##
sarve prasAdayAmAsuratyarthaM tvAM cha mAM tadA |
tuShTuvuH parayA prItyA j~nAtvA vai parameshvaram || 81||
sAdhava UchuH |
yatra kvApi bhavejjanma pashchAtpuNyapratApataH |
bhavachCharaNamApannAH putrAH smo bhagava.Nstava || 82||
achyuto vai pitA yasya te tvachyutA bhavanti vai |
vayaM chA.achyutatAM prAptAH kR^ipaiShA shrIhare tava || 83||
suputreShu cha divyeShu kR^ipayA tvaM samAgataH |
snehapAtrANi saMvIkShya pratyakShaH sA kR^ipA.aparA || 84||
athA.ato.api sadA satsu vAso yathA tanau tathA |
satAM madhye vasa kR^iShNa kR^ipeyaM pAramArthikI || 85||
yathA dhAmni tathA satsu maNDaleShu nivAsanam |
sadA sAdhusvarUpeNa karotu paramAM kR^ipAm || 86||
sAdhvya UchuH |
mAtarlakShmi mahAmAtastvAM vayaM sharaNAgatAH |
mokShArthinyo brahmasAdhvyo bhavatyAH putrikA vayam || 87||
mAtR^ivAtsalyamatyantaM sutAsu tu nisargajam |
tatpuraskR^itya janani dadAsi darshanaM hi naH || 88||
abalAnAM balopetaM bhAgyamadya pravartate |
divyatAM prApya te yogAnmuktatAM yAma eva ha || 89||
karuNA te.apyatulyA.asti yatsAdhvIShu vibhAvanam |
tatrApi chAtikAruNyaM yadi vAsaM prarochayeH || 90||
prArthanAmurarIkR^itya yatheShTaM prakarotviha |
anAdishrIkR^iShNanArAyaNAj~nayA.akShareshvari || 91||
rAj~nI provAcha |
dhanyAhaM mama putryashcha putrA rAjyaM nR^ipastathA |
prajA dhanyA mama lakShmi yadatra darshanaM tava || 92||
kuru vAsaM sadA chA.atra tava sarvaM bhavatyapi |
dAsyahaM sarvadA te.asmi vasa lakShmi kR^ipAM kuru || 93||
saMsAre lAbha evA.atra prAptaH sAdhvIsamAgamaH |
bhavatyA darshanaM sAkShAt sa evAnanyalAbhakaH || 94||
rAjovAcha |
kulaM rAjyaM dhanaM vaMshaH sarvaM kR^iShNa bhavatkR^ite |
mayA.arpitaM kR^itaM kR^itsnaM tvadAtmakaM tvadarthakam || 95||
kR^ipeyaM darshanaM sAkShAttavAtra satsamAgamAt |
prAptavyaM sarvamevAdya prAptaM chAtyantikaM phalam || 96||
sarvadA vasa me gehe kR^ipAM kR^itvA pareshvara |
ityuktvA praNanAmaiva papAta pAdayornR^ipaH || 97||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
29\-adhyAyAntargataM rAj~nA tathA anyaiH kR^itaM kR^iShNanArAyaNastotraM sampUrNam |

lakShmInArAyaNIyasaMhitA | khaNDa 3| 29/81\-97||
##
lakShmInArAyaNIyasaMhitA . khaNDa 3. 29/81-97..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}