% Text title            : Ramakrishnabhairachitam Shri Svaminarayana Stuti
% File name             : rAmakRRiShNabhAIrachitaMshrIsvAminArAyaNastutiH.itx
% Category              : vishhnu, svAminArAyaNa, krishna, stuti
% Location              : doc\_vishhnu
% Author                : rAmakRiShNabhAI
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramakrishnabhairachitam Shri Svaminarayana Stuti ..}##
\itxtitle{.. rAmakR^iShNabhAIrachitaM shrIsvAminArAyaNastutiH ..}##\endtitles ##
sargasthAnalayAdikAraNamaho kAntichChaTA bhAsvaraM
bhItivrAtaharaM vareNyavibhavaM kAruNyapAthonidhim |
pR^ithvIbhAraharaM prapannavaradaM tApatrayonmUlakaM
vande tvAM puruShottamaM sukhanidhiM shrI svAminArAyaNam || 1||
jIveshAkSharamukhyatattvanichayAdUrdhve vyomana
mAyAsaMsR^itibandhAnAt paratare dhAnyakShare saMsthitam |
divye pIThavare nijairanudinaM muktavrajaiH sevitaM
vande tvAM puruShottamaM sukhanidhiM shrI svAminArAyaNam || 2||
brahmANDAdhipatiM munIndravinutaM vandAruvR^indArchitaM
aShTaishvaryavibhUShitaM vararuchaM muktAvalIsha
aShTA~NgAhitayogisaMstutapadaM yogIshvaraM muktidaM
vande tvAM puruShottamaM sukhanidhiM shrI svAminArAyaNam || 3||
sampratyauddhavamArgarakShaNaparaM shrIpa~nchadevAtmajaM
bhUmAnandavacho.amR^itaiH sakalabhUkalyANadaM bhUtidam |
satsa~NgAshritavallabhaM pratidinaM bhaktArchitA~NghridvayaM
vande tvAM puruShottamaM sukhanidhiM shrI svAminArAyaNam || 4||
saMsArotthitasarvabhItishamanaM saubhAgyavArAnnidhiM
mA~NgalyAmbudhimanvahaM praNamatAM satsa~NginAM jIvanam |
dhyAtR^INAM sukhahetave vidadhataM nAnAvidhaM cheShTitaM
vande tvAM puruShottamaM sukhanidhiM shrIsvAminArAyaNam || 5||
chetaH shAntikaraM manomalaharaM pApebhapa~nchAnanaM
bhakteShTAbhayadaM kR^ipArdrahR^idayaM kleshAgnisaMvArakam |
AdhivyAdhiharaM prashAntalalitaM j~nAnaprakarShapradaM
vande tvAM puruShottamaM sukhanidhiM shrIsvAminArAyaNam || 6||
padmaspardhikaraM prasannavadanaM pAdAvadhUtAmbujaM
dInAnugrahakAtaraM madhumayaM sadbhaktasevApriyaM
saMsArArNavapAradaM parataraM kaShTArtyaniShTApahaM
vande tvAM puruShottamaM sukhanidhiM shrIsvAminArAyaNam || 7||
tamIshaM bhuvi sevitA~NghriyugalaM sadbhaktavR^indaiH sadA
naumIDyaM parameShThinaM guNanidhiM shrInIlakaNThaM prabhum |
shrIlaM kAraNakAraNaM naratanuM saukhyapradaM svAminaM
vande tvAM puruShottamaM sukhanidhiM shrIsvAminArAyaNam || 8||

iti rAmakR^iShNabhAIrachitaM shrIsvAminArAyaNastutiH samAptA |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}