% Text title            : Ranganatha Suprabhatam
% File name             : ranganAthasuprabhAtam.itx
% Category              : vishhnu, suprabhAta, aShTaka
% Location              : doc\_vishhnu
% Proofread by          : Aruna Narayanan
% Latest update         : March 26, 2024
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ranganatha Suprabhatam ..}##
\itxtitle{.. shrIra~NganAthasuprabhAtam ..}##\endtitles ##
ambhoruhANi vikasantyaruNasya bhAsA
shakrasya digbhavati pATalitA tathaiva |
mlAnA bhavatyuDugaNasya ruchirjaya tvaM
shrIra~NganAtha bhagavan tava suprabhAtam || 1||
bhR^i~NgAH patanti kumudAni vihAya padme\-
ShvArtaM rathA~NgamithunaM samupaiti yogam |
rautIha pakShipariShatparito jaya tvaM
shrIra~NganAtha bhagavan tava suprabhAtam || 2||
udyAnasadmasu vihR^itya saha priyAbhi\-
rnaktaM yuvAna upayAnti punargR^ihANi |
chandro na bhAti saha dIpagaNairjaya tvaM
shrIra~NganAtha bhagavan tava suprabhAtam || 3||
naktaM prapAsu pathikAH sukhasuptibhAjo
nidrAM vihAya paritaH svapathAn prayAnti |
shoshrUyate nigamapATharavo jaya tvaM
shrIra~NganAtha bhagavan tava suprabhAtam || 4||
viprA gR^ihItasakalopakarAH prayAnti
snAnAdikarmakaraNAya kaverakanyAm |
sa~Nkalpayanti vanitA vasatIrjaya tvaM
shrIra~NganAtha bhagavan tava suprabhAtam || 5||
sahyAdrijApayasi choShasi yAyajUkAH
snAtvAgnihotrasharaNe praNayanti vahnIn |
vIthyAM paribhramati bhaktatatirjaya tvaM
shrIra~NganAtha bhagavan tava suprabhAtam || 6||
govAjihastigaNikAH purataH sthitAste
vINAdhvaniH parijanA jalapUrNakumbhaH |
sajjArchakAshcha sakalA itare jaya tvaM
shrIra~NganAtha bhagavan tava suprabhAtam || 7||
vedAntayugmamubhaye vibudhAshcha sarve
tvAM bodhayanti muditAH stutibhiH priyAbhiH |
uttiShTha sheShashayanAdava tAn jaya tvaM
shrIra~NganAtha bhagavan tava suprabhAtam || 8||

iti shrIra~NganAthasuprabhAtaM sampUrNam |
##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}