% Text title            : Shri Rudrakritam 2 Shrikrishna Stotram
% File name             : rudrakRRitaM2shrIkRRiShNastotram.itx
% Category              : vishhnu, vishnu, krishna, bhAgavatapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhAgavatapurANa | adhyAya 10/63/34-45||
% Latest update         : October 1, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rudrakritam Shrikrishna Stotram ..}##
\itxtitle{.. shrIrudrakR^itaM shrIkR^iShNastotram ..}##\endtitles ##
shrIrudra uvAcha |
tvaM hi brahma paraM jyotirgUDhaM brahmaNi vA~Nmaye |
yaM pashyantyamalAtmAna AkAshamiva kevalam || 34||
nAbhirnabho.agnirmukhamambu reto
dyauH shIrShamAshAH shrutira~NghrirurvI |
chandro mano yasya dR^igarka AtmA
ahaM samudro jaTharaM bhujendraH || 35||
romANi yasyauShadhayo.ambuvAhAH
keshA viri~ncho dhiShaNA visargaH |
prajApatirhR^idayaM yasya dharmaH
sa vai bhavAn puruSho lokakalpaH || 36||
tavAvatAro.ayamakuNThadhAman
dharmasya guptyai jagato bhavAya |
vayaM cha sarve bhavatAnubhAvitA
vibhAvayAmo bhuvanAni sapta || 37||
tvameka AdyaH puruSho.advitIya\-
sturyaH svadR^iggheturaheturIshaH |
pratIyase.athApi yathAvikAraM
svamAyayA sarvaguNaprasid.hdhyai || 38||
yathaiva sUryaH pihitashChAyayA svayA
ChAyAM cha rUpANi cha sa~nchakAsti |
evaM guNenApihito guNAMstva\-
mAtmapradIpo guNinashcha bhUman || 39||
yanmAyAmohitadhiyaH putradAragR^ihAdiShu |
unmajjanti nimajjanti prasaktA vR^ijinArNave || 40||
devadattamimaM labdhvA nR^ilokamajitendriyaH |
yo nAdriyeta tvatpAdau sa shochyo hyAtmava~nchakaH || 41||
yastvAM visR^ijate martya AtmAnaM priyamIshvaram |
viparyayendriyArthArthaM viShamattyamR^itaM tyajan || 42||
ahaM brahmAtha vibudhA munayashchAmalAshayAH |
sarvAtmanA prapannAstvAmAtmAnaM preShThamIshvaram || 43||
taM tvA jagatsthityudayAntahetuM
samaM prashAntaM suhR^idAtmadaivam |
ananyamekaM jagadAtmaketaM
bhavApavargAya bhajAma devam || 44||
ayaM mameShTo dayito.anuvartI
mayAbhayaM dattamamuShya deva |
sampAdyatAM tadbhavataH prasAdo
yathA hi te daityapatau prasAdaH || 45||

iti shrImadbhAgavatamahApurANe dashamaskandhe uttarArdhe triShaShTitamAdhyAyAntargataM
         shrIrudrakR^itaM shrIkR^iShNastotraM samAptam |

bhAgavatapurANa | adhyAya 10/63/34\-45||
##
bhAgavatapurANa . adhyAya 10/63/34-45..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}