% Text title            : Rudrakritam 1 Shri Krishna Stotram
% File name             : rudrakRRitaMshrIkRRiShNastotram.itx
% Category              : vishhnu, vishnu, krishna, harivaMsha
% Location              : doc\_vishhnu
% Proofread by          : PSA Easwaran
% Description/comments  : harivaMsha | anubandha - parishiShTa | adhyAya a31.1280||
% Latest update         : September 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudrakritam 1 Shri Krishna Stotram ..}##
\itxtitle{.. rudrakR^itaM 1 shrIkR^iShNastotram ..}##\endtitles ##
namo bhagavate tubhyaM vAsudevAya dhImate |
yasya bhAsA jagatsarvaM bhAsate nityamachyuta || 1||
namo bhagavate deva nityaM sUryAtmane namaH |
yaH shItayati shItAMshurlokAn sarvAnimAn prabhuH || 2||
namaste viShNave deva tubhyaM somAtmane namaH |
yaH prajAH prANayatyeko vishvAtmA bhUtabhAvanaH || 3||
namaH sarvAtmane deva namo vAyvAtmane hare |
yo dadhAra kareNAsau kushachIrAdi yatsadA || 4||
dadhAra vedAn sarvAMshcha tubhyaM brahmAtmane namaH |
sarvAn saMharate yastu saMhAre vishvadR^iksadA || 5||
krodhAtmA vishvarUpo.asi tubhyaM rudrAtmane namaH |
sR^iShTau sraShTA samastAnAM prANinAM prANadAyine || 6||
ajAya viShNave tubhyaM sraShTre vishvasR^ije namaH |
Adau prakR^itimUlAya bhUtAnAM prabhavAya cha || 7||
namaste devadevesha pradhAnAya namo namaH |
pR^ithivyAM gandharUpeNa saMsthitaH prANinAM hare || 8||
dR^iDhAya dR^iDharUpAya tubhyaM gandhAtmane namaH |
apAM rasAya sarvatra prANinAM sukhahetave || 9||
namaste vishvarUpAya rasAya cha namo namaH |
tejasA bhAsvaro yastu guNo jantuhitaH sadA || 10||
tasmai deva jagannAtha namo bhAsvararUpiNe |
vAyoH sparsho guNo yatra shItoShNasukhaduHkhadaH || 11||
namaste vAyurUpAya namaH sparshAtmane hare |
AkAshe.avasthitaH shabdaH sarvashrotraniveshanaH || 12||
namaste bhagavan viShNo tubhyaM shabdAtmane namaH |
yo dadhAra jagatsarvaM mAyAmAnuShadehavAn || 13||
namastubhyaM jagannAtha mAyine.amAyadAyine |
nama AdyAya bIjAya nirguNAya guNAtmane || 14||
achintyAya suchintyAya tasmai chintyAtmane namaH |
harAya harirUpAya brahmaNe brahmavAdine || 15||
namo brahmavide tubhyaM brahmabrahmAtmane namaH |
namaH sahasrashirase sahasracharaNAya cha || 16||
namaH sahasravaktrAya sahasranayanAya cha |
vishvAya vishvarUpAya vishvakartre namo namaH || 17||
vishvahartre namo nityaM bhUtAvAsa namo namaH |
indriyAyendrarUpAya viShayAya sadA hare || 18||
namo.ashvashirase tubhyaM vedAharaNarUpiNe |
agnaye.agnipate tubhyaM jyotiShAM pataye namaH || 19||
namaH sUryAya bhadrAya tejasAM pataye namaH |
namaH somAya saumyAya namaH shItAtmane hare || 20||
rudrAya rudrarUpAya viShayAya sadA hare |
namo vaShaTkR^ite tubhyaM svadhAsvAhAsvarUpiNe || 21||
namo yaj~nAya IjyAya haviShe havyasaMskR^ite |
namaH sruvAya pAtrAya yaj~nA~NgAya parAya cha || 22||
namaH praNavadehAya kSharAyApyakSharAya cha |
vedAya vedarUpAya akShayyAya kShayAya cha || 23||
vedAya vedarUpAya shastriNe shastrarUpiNe |
gadine khaDgine tubhyaM sha~Nkhine chakriNe namaH || 24||
shUline charmiNe nityaM varAdAya namo namaH |
buddhapriyAya buddhAya prabuddhAya sukhAya cha || 25||
haraye viShNave tubhyaM namaH sarvAtmane guro |
namaste sarvalokesha sarvakartre namo namaH || 26||
namaH svabhAvashuddhAya namaste yaj~nasUkara |
namo viShNo namo viShNo namo viShNo namo hare || 27||
namaste vAsudevAya vAsudevAya dhImate |
namaH kR^iShNAya kR^iShNAya sarvAvAsa namo namaH |
namo bhUyo namaste.astu pAhi lokA~n janArdana || 28||

iti harivaMshAntargataM rudrakR^itaM shrIkR^iShNastotraM sampUrNam |

harivaMsha | anubandha \- parishiShTa | adhyAya a31\.1280||
##
harivaMsha . anubandha - parishiShTa . adhyAya a31.1280..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}