% Text title            : Rudarakritam Vishnu Stotram
% File name             : rudrakRRitaMviShNustotram.itx
% Category              : vishhnu, vishnu, stotra, varAhapurANa
% Location              : doc\_vishhnu
% Proofread by          : PSA Easwaran
% Description/comments  : varAhapurANa | adhyAya 73/17-37||
% Latest update         : September 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudrakritam Vishnu Stotram ..}##
\itxtitle{.. rudrakR^itaM viShNustotram ..}##\endtitles ##
rudra uvAcha |
namo.astvanantAya vishuddhachetase sarUparUpAya sahasrabAhave |
sahasrarashmipravarAya vedhase vishAladehAya vishuddhakarmiNe || 17||
samastavishvArtiharAya shambhave sahasrasUryAnilatigmatejase |
samastavidyAvidhR^itAya chakriNe samastagIrvANanute sadA.anagha || 18||
anAdidevAchyuta sheShashekhara prabho vibho bhUtapate maheshvara |
marutpate sarvapate jagatpate bhuvaH pate bhuvanapate sadA namaH || 19||
jalesha nArAyaNa vishvasha~Nkara kShitIsha vishveshvara vishvalochana |
shashA~NkasUryAchyuta vIra vishvagApratarkyamUrtte.amR^itamUrtiravyayaH || 20||
jvaladdhutAshArchiviruddhamaNDala prapAhi nArAyaNa vishvatomukha |
namo.astu devArttiharAmR^itAvyaya prapAhi mAM sharaNagataM sadAchyuta || 21||
vaktrANyanekAni vibho tavAhaM pashyAmi madhyasthagataM purANam |
brahmANamIshaM jagatAM prasUtiM namo.astu tubhyaM tu pitAmahAya || 22||
saMsArachakrabhramaNairanekaiH kvachidbhavAn devavarAdideva |
sanmArgibhirj~nAnavishuddhasattvairupAsyase kiM pralapAmyahaM tvAm || 23||
ekaM bhavantaM prakR^iteH parastAdyo vettyasau sarvavidAdiboddhA |
guNA na teShu prasabhaM vibhedyA vishAlamUrtirhi susUkShmarUpaH || 24||
nirvAkyo nirmano vigatendriyo.asi karmAbhavAnno vigataikakarmA |
saMsAravAMstvaM hi na tAdR^isho.asi punaH kathaM devavarAsi vedyaH || 25||
mUrtAmUrtaM tvatulaM labhyate te paraM vapurdeva vishuddhabhAvaiH |
saMsAravichChittikarairyajadbhirato.avasIyeta chaturbhujastvam || 26||
paraM na jAnanti yato vapuste devAdayo.apyadbhutakAraNaM tat |
ato.avatAroktatanuM purANamArAdhayeyuH kamalAsanAdyAH || 27||
na te vapurvishvasR^igabjayonirekAntato veda mahAnubhAvaH |
paraM tvahaM vedmi kaviM purANaM bhavantamAdyaM tapasA vishuddhaH || 28||
padmAsano me janakaH prasiddhashchaitat prasUtAvasakR^itpurANaiH |
sambodhyate nAtha na madvidho.api vidurbhavantaM tapasA vihInAH || 29||
brahmAdibhistatpravarairabodhyaM tvAM deva mUrkhAH svamanantanatyA |
prabodhamichChanti na teShu buddhirudArakIrttiShvapi vedahInAH || 30||
janmAntarairvedavidAM vivekabuddhirbhavennAtha tava prasAdAt |
tvallabdhalAbhasya na mAnuShatvaM na devagandharvagatiH shivaM syAt || 31||
tvaM viShNurUpo.asi bhavAn susUkShmaH sthUlo.asi chedaM kR^itakR^ityatAyAH |
sthUlaH susUkShmaH sulabho.asi deva tvadvAhyavR^ittyA narake patanti || 32||
kimuchyate vA bhavati sthite.asmin khAtmyenduvahnyarkamahImarudbhiH |
tattvaiH satoyaiH samarUpadhAriNyAtmasvarUpe vitatasvabhAve || 33||
iti stutiM me bhagavannananta juShasva bhaktasya visheShatashcha |
sR^iShTiM sR^ijasveti tavoditasya sarvaj~natAM dehi namo.astu viShNo || 34||
chaturmukho yo yadi koTivaktro bhavennaraH kvApi vishuddhachetAH |
sa te guNAnAmayutairanekairvadettadA devavara prasIda || 35||
samAdhiyuktasya vishuddhabuddhestvadbhAvabhAvaikamano.anugasya |
sadA hR^idistho.asi bhavAnnamaste na sarvagasyAsti pR^ithagvyavasthA || 36||
iti prakAshaM kR^itametadIsha stavaM mayA sarvagataM vibuddhvA |
saMsArachakrakramamANayuktyA bhItaM punIhyachyuta kevalatvam || 37||

iti varAhapurANe trissaptatitamAdhyAyAntargataM rudrakR^itaM
                               viShNustotraM samAptam |

varAhapurANa | adhyAya 73/17\-37||
##

varAhapurANa . adhyAya 73/17-37..

Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}