% Text title            : sachinandanAShTakam
% File name             : sachinandanAShTakam.itx
% Category              : vishhnu, krishna, aShTaka
% Location              : doc\_vishhnu
% Author                : Narahari Sarkar
% Latest update         : September 19, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sachinandana Ashtakam ..}##
\itxtitle{.. sachinandanAShTakam ..}##\endtitles ##
gopInAM kuchaku~Nkumena nichitaM vAsaH kimasyAruNaM
     nindatkA~nchanakAntirAsarasikAshleSheNa gauraM vapuH |
tAsAM gADhakarAbhibandhanavashAllomodgamo dR^ishyate
     AshcharyaM sakhi pashya lampaTaguroH sannyAsaveShaM kShitau || 1||
yaH pUrvaM vrajasundarIratirasairutthApitaH pratyahaM
     kAlindIpuline nanarta rabhasAt shrIrAsagoShThyAM vibhuH |
so.ayaM samprati sarvalokanihitapremAnurAgaH kalau
     premNA nR^ityati nartayatyapi jagadbhUdevachUDAmaNiH || 2||
vedAntAgamavedashAstrapaTalIdurgamyapAdAmbujaH
     shrIshrInandakishoralAsyalaharIvidyotakAnugrahaH |
tatkAlasmR^itimAtratatkShaNavalatpremapravAhAmbudhi\-
     rbhUdevA~NgaNAma~Ngalo vijayate shrIshrIshachInandanaH || 3||
mohonmAdarasena gopavanitAsiktena vR^indAvanaM
     yaH pUrvaM jagadekama~NgalamalaM chakre ghanashyAmalaH |
so.ayaM gaurahariH samastajagatIM premNA samullAsayan
     kAruNyaikaniketanaM vijayate gauDAvanImaNDale || 4||
nR^ityAveshamahollasatsumadhurapratya~NgaveshojjvalaM
     shrIkhaNDAguruku~NkumAdisahitaM shrImadbR^ihadvakShasA |
karpUrodbhaTapUgapu~njavilasatprAraktabimbAdharaM
     shrIchaitanyamahAprabhorvijayate lAvaNyasAraM vapuH || 5||
prataptakanakaprabhaM vimalapUrNachandrAnanaM
     galannayanavAribhiH sapadi siktabhUmItalam |
sagadgadagiraM mudA sakaladevachUDAmaNiM
     shachIsutamahaM bhaje karuNasAgaramIshvaram || 6||
kadambakusumollasatpulakapu~njapu~njojjvalaM
     jhalatjhaladiti skhalannayanavAribhirnirjharam |
vayaM damadamAyite hR^idi darasphuranmAdhurI
     madhUnmadamahAnaTaM kimapi dhAma vandAmahe || 7||
uchchairlolabhujadvayena paritaH svarlokamAhlAdayan
     premNA pUritakaNThagadgadaharidhvAnairbhuvaM mohayan |
cha~nchatpAdavihArinUpuraravairnAgAn mudA mIlayan
     nityAnandamahAprabhurvijayate shrImallaveshojjvalaH || 8||
kR^iShNo devaH kaliyugabhavaM lokamAlokya sarvaM
     pApAsaktaM samajani kR^ipAsindhuchaitanyamUrtiH |
tasmin yeShAM na bhavati sadA kR^iShNabuddhirnarANAM
     dhiktAn dhiktAn dhigiti dhigiti vyAharet kiM mR^ida~NgaH || 9||

iti shrInaraharIsarakAraviraChitaM sachinandanAShTakaM sampUrNam |

##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}