% Text title : sakalAvatArasAmyarUpam % File name : sakalAvatArasAmyarUpam.itx % Category : vishhnu, krishna, puShTimArgIya, haridAsa % Location : doc\_vishhnu % Author : haridAsa % Proofread by : PSA Easwaran psawaswaran at gmail.com % Description/comments : puShTimArgIya stotraratnAkara % Latest update : February 28, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. sakalAvatArasAmyarUpam ..}## \itxtitle{.. sakalAvatArasAmyarUpam ..}##\endtitles ## shrImadAchAryacharaNAnAM sakalAvatArasAmyarUpaM nirUpyate | (shrIharirAyacharaNAH) yathA shrImadvarAheNa daMShTrayA choddhR^itA mahI | hiraNyAkShashcha nihato godvijAmaraduHkhadaH || 1|| tathA shrIvAgadhIshena naShTA bhaktiH samuddhR^itA | nihatya bhaktadveShTAraM duShTasa~NghaM bhayapradam || 2|| yato.atha vallabhAdhIsho vikhyAtaH pR^ithivItale | roShadR^ikpAtasampluShTabhaktadviDiti nAmataH || 3|| iti vArAhasAmyam || 1|| sanandanAdayo devA brahmacharyaprakAshakAH | babhUvurbrahmaNaH putrAH shuddhamArgapravartakAH || 4|| tathAyamapi vAgIsho hyanyastrIsa~Ngamatyajat | ata evAsya nAmAsti supUritaH rahaHpriyaH || 5|| pativratApatishcheti tena tadvadbabhUva saH | brahmacharyatvasaMsiddhistena jAtA mahAprabhoH || 6|| iti sanakAdisAmyam || 2|| yathA shrInAradaH pa~ncharAtraM vyarachayatprabhuH | yasminsevAprakArashcha sphuTaM shrImAnakalpayat || 7|| bhaktyAchAropadeShTAbhUtkarmamArgapravarttakaH || 8|| yenAchArashcha yaj~nashcha puShTimArgaH pravarttitaH | tato.ayaM yaj~nakartA cha yaj~nabhokteti vishrutaH || 9|| iti nAradasAmyam || 3|| yathA nArAyaNo devo gandhamAdanavAsabhAk | kAmasenAM vijityAshu tiShThatyekAnta IshvaraH || 10|| tathAyamapi duShTaughaM vijitya karuNAnidhiH | kR^iShNapriye vraje.avAtsIdyato.ayaM shrIvrajapriyaH || 11|| iti nArAyaNasAmyam || 4|| yathA shrIkapilaH sA~NkhyamuktvA.aj~nAnamapAharat | jIvAnAM duShTamanasAM devahUtIpriyAvahaH || 12|| tathANubhAShyavyAkhyAnAdayamapyakhileshvaraH | vinAshyAj~nAnapaTalaM charatAM nijavartmani || 13|| babhau sarvatra vijayI shrI{}ilammApriyAvahaH | ata evAsya nAmoktaM sUtrabhAShyapravarttakaH || 14|| iti kapilasAmyam || 5|| AnvIkShikIM yathA dattaH prahlAdAdibhya uktavAn | nAnAvAkyaprachAreNa dR^iDhIkR^itya satAM matam || 15|| tathAyamapi vAgIshaH samAshritya satAM matam | bhaktyAchAropadeshArtha nAnAvAkyanirUpakaH || 16|| tadarthameva bhagavAn kathayAmAsa vai bahUn | stavAnkR^iShNAshrayAdyAMshcha prabhuH shrIkR^iShNahArdavit || 17|| itidattasAmyam || 6|| yathA yaj~nAvatArashcha yAmAdidvAdashAtmajaiH | sArddhaM guNagaNAbdhishchArakShatsvAyambhuvAntaram || 18|| tathA shrIvallabhAdhIshaH kumArAbhyAM cha naptR^ibhiH | dUrIkR^ityAsurAn sarvAnapAtsArasvatAntaram || 19|| itiyaj~nAvatArasAmyam || 7|| yathA shrIR^iShabho devaH putrANAM j~nAnado.abhavat | aj~nAnAntarddhiramalaH puMsAM mohAbdhimajjatAm || 20|| tathAyaM chAj~nAtalIlo nAmnA khyAtashcha bhUtale | svavaMshe sthApitAsheShasvamAhAtmyashcha so.abhavat || 21|| iti R^iShabhadevasAmyam || 8|| yathA shrIpR^ithurAjA cha gorUporvIM dudoha vai | sarvajIvArthamanagho mahArAjo.avasevitaH || 22|| tathA mahendirAsvAmI sAmavedasamudbhavaH | R^igdhenUH sandudohAtha bhaktechChApUrakAhvayaH || 23|| puShTimArgaprachArArthaM shuddhadvaitamatAptaye | lIlAmR^itarasaughAdrikR^itAkhilasharIrabhR^it || 24|| iti pR^ithusAmyam || 9|| bhaktaM yathaikaM matsyastu satyavantamapAtprabhuH | jalAtpralayakAlInAt mAtsyaM saMshrAvaya~njanAn || 25|| tathA shrIvallabheshastu saMsArabhayavAridheH | bhaktAnapAdbahUn shrIshaH shrAvayitvA subodhinIm || 26|| surAsurANAmudadhiM mathnatAmamR^itaM yadA | bhUto.aprAptAmR^itAnAM cha klishyatAM tena karmaNA || 27|| iti matsyasAmyam || 10|| yathA shrIkamaThaH sAkShAddadhe mandaraparvatam | puShTe cha hATakamayaM lakShayojanavistR^ite || 28|| tathaiva daivajIvAnAmasurANAM cha vAkpatiH | klishyatAM bhavasindhau cha mokShapIyUShahetave || 29|| gR^ihItvA j~nAnasarpasya mukhapuchChau mahAprabhuH | tadA praluptaM nigamaparvataM choddadhAra ha || 30|| duShTotthApitapAkhaNDaviShaM bhUri parAkramam | patrAvalambanashivarUpeNAtha papau mudA || 31|| iti kamaThasAmyam || 11|| yathA dhanvatariH puMsAM smR^itimAtrArtinAshanaH | tathA satAmayamapi smR^itimAtrArtinAshakaH || 32|| iti dhanvatarisAmyam || 12|| yathA shrImohinI daityAn mohayitvA.atha chAkShuShaiH | daityotsa~NgagataM pAtraM sudhAyAH prApya nirmalam || 33|| surebhyashchAmR^itaM bhUyo dadau daityebhya eva na | puruSho.api mahAviShNurdhR^itvA strIrUpamadbhutam || 34|| evaM shrIvallabho.apIsho naShTaM vedamanuttamam | uddhR^itya jagatAM nAtho nijabhaktArthamAdarAt || 35|| viruddhAshrayato duShTAn mohayitvA mahAprabhuH | tena sammathya nigamagiriNAsminbhave shubham || 36|| puShTirUpAmR^itamayaM niShkAsya guNavAridhiH | devebhyo.adAdasurebhyo na dadau bhaktavatsalaH || 37|| pUrvamAsIt svayamapi vallabho.atha dvitIyake | avatAre sambabhUva vAkpatiH puruShAkR^itiH || 38|| iti mohinIsAmyam || 13|| atha sakalajagadArtitaTinIpativArako bhagavAnnR^isiMho yathA stambhAdAvirbhUya hiraNyakashipuM karAgreNa vidArya nijabhaktaM prahlAdaM rarakShaivaM bhagavAn shrIvallabhAdhIsho.api champakAraNye vItihotrAtprakaTIbhUyAkhiladuHkhadAtAraM jIvAj~nAnarUpamahAdaityaM sadvAkyaprachAranakhairbhittvA prahlAdarUpavaiShNavavR^indamarakShadityata eva ugrapratApa iti nAmanirdesha iti || 39|| iti nR^isiMhasAmyam || 14|| atha cha yathA.akhilagIrvANakadambasamIDitagariShTha\- guNagaNapaTalo bhagavAn vAmanaH kashyapasutaM Adau bhikShurUpaM gR^ihItvA baleH sarvasvamAchChidya vavR^idhe punashcha tena sampUjitastamanugR^ihyAntardadhe tathaiva bhagavAnilApatiH shrIlakShmaNarAjakumAraH shuddhaH bhilukavadrUpaM samAshritya tatra cha mahAbhimAninaM paNDitasamUhaM vijityAchAryapadavIM cha prApya vidyAnagarAdhIshvaramanugR^ihya teShAM niruttarANAM jayena puShTimArgamArttaNDodayaM kR^itvA mAtulAbhimAnaM chAhatya kanakAbhiShekAptayashaHprasAreNa vR^iddhiM prApya pR^ithivIM paryakrAmaditi || 40|| iti vAmanasAmyam || 15|| yathA dvijadrohakArAn jaghAna kShatriyAn bahUn | parashvadhena tIkShNena reNukAnandavardhanaH || 41|| tathA shrautadrohakarAn yaH smArtAnasurAn prabhuH | patrAvalambakhaNDena jitvA chakre niruttarAn || 42|| iti parashurAmasAmyam || 16|| kalikAlamalagrastAn jIvAnAlokya durmatIn | mandabhAgyAMstathA duShTAn shrImAn satyavatIsutaH || 43|| shrImadbhAgavatAlApAduddadhAra dayAparaH | pAShaNDatimirAkrAntajIvajAlaM dvidhA.akarot || 44|| tathA mahAprabhurapi duShTAdhvArNavamajjitAn | jIvAnAlokya bhagavAn puShTimArgopadeshataH || 45|| a~NgIkR^itya mantradAnAchchakre bhayavivarjitAn | putrapautraprapautrAdyaiH karoti cha kariShyati || 46|| iti vedavyAsasAmyam || 17|| ayodhyAdhipatI rAmaH setuM kR^itvA yathArNave | svasenAM sthApayAmAsa jigye.asurachamUrdrutam || 47|| tathelammAkumAro.api shrImadbhAgavatArNave | setuM subodhinIrUpaM vidhAyAtArayajjanAn || 48|| jigAyAsuravargaM cha vaiShNavadveShakArakam | shrIbhAgavatapIyUShasamudramathanakShamaH || 49|| iti dAsharathirAmasAmyam || 18|| atha yathA sakalajagadabhIShTasampAdakaH shrIbhagavAn shrInandarAjakumAro nijasahodareNa shrIrevatIramaNena pUrNArevatIramaNasadR^ishena sArasvatakalpe.avatIrya duShTa\- kadambarUpaM bhUbhAramujjahAra svahastamAraNena cha tanmokShaM chakAraivamasAvapi bhagavAn puruShottamo nArAyaNAdi\- dIkShitAnAM somayAgaphalasvarUpaH shrIlakShmaNA~NgajaH kalAvavatIrya putrAbhyAM shrIgopInAthaviThThalAbhyAM sahAShTA\- kSharadAnena nigadadAnena cha kenachidaparAdhavisheSheNa vinaShTa\- matIn ata eva golokachyutAn jIvAnuddadhAreti || 50|| iti shrIkR^iShNasAmyam || 19|| yathA haladharaH shrImAn nijAnandAbdhimajjitaH | kR^iShNasaukhyaprayatnAtmA rohiNyAnandavardhanaH || 51|| ki~ncha\- nijabhANDakArakANAmabhIShTadAtA.atha revatIshreShThaH | shrIpuShTimArgasaMsthaiH sadbhiH sevyo vrajeshavannityam || 52|| tathAyamapi vAgIsho nAmabhistatsadrakShakaiH | vikhyAtastriShu lokeShu kR^iShNAnugrahabhojanaH || 53|| AnandaH paramAnandaH pUrNAnando jagadguruH | svAnandatundilashcheti ilammAnandavardhanaH || 54|| adeyadAnadakShashcha shrI{}akkAprANavallabhaH | bhaktechChApUrakaH kR^iShNabhaktikR^innikhileShTadaH || 55|| iti haladharasAmyam || 20|| atha cha yathA bhagavAn buddho devakAryArthaM sarvAn vinindya vishvavaiparItyaM karmAcharan sarvAn daityAn mohayAmAsa tathayamapi bhagavAn shrIkR^iShNAkhyaH prAkR^itAnukR^itivyAjamohitAsuramAnuShaH itinAmAnu\- karaNasampanno vaiShNavAnAM vaiparItyaM karma prakAshayan nigUDhahR^idayattvaM cha darshayan sannyAsadhAraNama~NgI\- kR^ityAsurasya mohalIlAmAchachAreti || 56|| iti buddhasAmyam || 21|| hayagrIvo yathA naShTavedAvirbhAvakArakaH | tathAyamapi vedoktaM naShTamArgamadasharyat || 57|| iti hayagrIvasAmyam || 22|| haMso yathA cha mahatAM putrANAM brahmaNaH purA | j~nAnadaH sambabhUveha brahmAnugrahakArakaH || 58|| tathA mahAprabhurapi mahatAM j~nAnado.abhavat | hanumatsadR^ishAnAM cha rAmasantoShakArakaH || 59|| iti haMsasAmyam || 23|| kalkiryathA kalerante jIvAj~nAnaM vinAshayan | bhadrapradashcha jIvAnAM sambhaviShyati sarvataH || 60|| evaM vaishvAnaro.apIshaH kalinaShTaM cha durbalam | puShTimArgaM punaH shrImAndyotayiShyati nirmalam || 61|| puShTimArgaM tu bhagavAn sarvakAle tu rakShati | putrapautrAdirUpaishcha durlabhA~NghrisaroruhaH || 62|| bhUteShu cha bhaviShyeShu varttamAneShvapIshvaraH | chaturyugeShu kR^itabhug mArgaM rakShati rakShati || 63|| iti kalkisAmyam || 24|| evaM sarvAvatArANAM guNakarmaparAkramAn | dadhAti nitarAM santaH shrImA.NllakShmaNanandanaH || 64|| tasmAtsarvairvaiShNavaishcha trailokye vibudheshvaraH | prakIrtitaH kR^iShNarUpaH shrIpUrNapuruShottamaH || 65|| ataH sa eva saMsevyo vaiShNavaiH pApabhIrubhiH | dhyAtavyaH smaraNIyashcha taila~NgatilakaH prabhuH || 66|| AryA\- asya shravaNAtpAThAtprabhavetpuMsAmabhedatvam | shrImannandakumAravAkyatyoshchApi nUnamurvyAM vai || 67|| etanmaduditaM bAlasvabhAvAdvaMshavatsalaH | shrIvallabhAchAryanAmA prabhuH kShAmyatu sarvathA || 68|| svakIyaM shrIvallabhIyaM mAmAnandanidhirhariH | niHsAdhanaM cha vR^iNute sa kR^iShNaH sharaNaM mama || 69|| iti shrIharidAsavirachitaM shrImahAprabhusarvAvatArasAmyanirUpaNaM sampUrNam | ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}