% Text title            : Sanandanadi Yogibhih Kritam Vishnu Stotram
% File name             : sanandanAdiyogibhiHkRRitaMviShNustotram.itx
% Category              : vishhnu, vishnu, viShNupurANa, stotra
% Location              : doc\_vishhnu
% Proofread by          : PSA Easwaran
% Description/comments  : viShNupurANa | adhyAya 4/30-44||
% Latest update         : October 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sanandanadi Yogibhih Kritam Vishnu Stotram ..}##
\itxtitle{.. sanandanAdi yogibhiH kR^itaM viShNustotram ..}##\endtitles ##
taM tuShTuvustoShaparItachetaso loke jane ye nivasanti yoginaH
sanandanAdyA hyatinamrakandharA dharAdharaM dhIrataroddhatekShaNam || 30||
sanandanAdyA yogina UchuH |
jayeshvarANAM paramesha keshava prabho gadAsha~NkhadharAsichakradhR^ik
prasUtinAshasthitiheturIshvarastvameva nAnyatparamaM cha yatpadam || 31||
pAdeShu vedAstava yUpadaMShTrA danteShu jaj~nAshchitayashcha vaktre |
hutAshajihvo.asi tanUruhANi darbhAH prabho yaj~napumAMstvameva || 32||
vilochane rAtryahanI mahAtmansarvAshrayaM brahmaparaM shiraste |
sUktAnyasheShAni saTAkalApo ghrANaM samastAni havIMShi deva || 33||
sruktuNDasAmasvaradhIranAdaprAgvaMshakAyAkhilasatrasandhe |
pUrteShTadharmashravaNo.asi deva sanAtanAtmanbhagavanprasIda || 34||
padakramAkrAntabhuvaM bhavantamAdisthitaM chAkSharavishvamUrte |
vishvasya vidmaH parameshvaro.asi prasIda nAtho.asi parAvarasya || 35||
daMShTrAgravinyastamasheShametadbhUmaNDalaM nAtha vibhAvyate te |
vigAhataH padmavanaM vilagnaM sarojinIpatramivoDhapa~Nkam || 36||
dyAvApR^ithivyoratulaprabhAva yadantaraM tadvapuShA tavaiva |
vyAptaM jagadvyAptisamarthadIpte hitAya vishvasya vibho bhava tvam || 37||
paramArthastvamevaiko nAnyo.asti jagataH pate |
tavaiSha mahimA yena vyAptametachcharAcharam || 38||
yadetaddR^ishyate mUrttametajj~nAnAtmanastava |
bhrAntij~nAnena pashyanti jagadrUpamayoginaH || 39||
j~nAnasvarUpamakhilaM jagadetadabuddhayaH |
arthasvarUpaM pashyanto bhrAmyante mohasamplave || 40||
ye tu j~nAnavidaH shuddhachetasaste.akhilaM jagat |
j~nAnAtmakaM prapashyanti tvadrUpaM parameshvara || 41||
prasIda sarva sarvAtmanbhavAya jagatAmimAm |
uddharorvImameyAtma~nChanno dehyabjalochana || 42||
sattvodrikto.asi bhagavan govinda pR^ithivImimAm |
samuddhara bhavAyesha shanno dehyabjalochana || 43||
sargapravR^ittirbhavato jagatAmupakAriNI |
bhavatveShA namaste.astu shanno dehyabjalochana || 44||

iti viShNupurANe prathamabhAge chaturthAdhyAyAntargataM
         sanandanAdi yogibhiH kR^itaM viShNustotraM samAptam |

viShNupurANa | adhyAya 4/30\-44||
##
viShNupurANa . adhyAya 4/30-44..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}