% Text title            : sannAmabhUShaNastotram
% File name             : sannAmabhUShaNastotram.itx
% Category              : vishhnu, krishna, puShTimArgIya
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sannAmabhUShaNastotram ..}##
\itxtitle{.. sannAmabhUShaNastotram ..}##\endtitles ##

gopAlAya dharAdharendrapataye svIyArtihatre sura\-
trAsAmbhodhinimagnadevanichayoddhartre yashodAtmane |
shrImannandasutAya gopavanitAsaMlAlitAya dhruvaM
kaNThasthApitakaustubhAya jaladashyAmAya tubhyaM namaH || 1||
yannAmalavasaMsparshAnna tiShThati parAshrayaH |
taM gopIhR^idayAnandadAyakaM prabhumAshraye || 2||
yannAmasambhAvanayA gajendro grAhAdvimuktaH paramaM padaM cha |
jagAma tannAmashataM cha sAShTakaM vadAmyahaM bhaktiyuto yathAmati || 3||
pUrvaM shrIvAsudevena nAmnAmaShTottaraM shatam |
kR^itaM yasya kramAttasya tattannAmAnusArataH || 4||
Chando.anuShTubR^iShiH karttA devo govarddhanAdhipaH |
sarveShTaphalasiddhyarthe viniyoga udAhR^itaH || 5||
gopAlaH paramAnando yashodAnandanandanaH |
vasudevAtmajaH shrIsho vAsudevaH sanAtanaH || 6| \-|
pItAmbaro jagattrAtA mAdhavo bhaktavatsalaH |
anantakIrtiryaj~neshaH sarvaj~naH sarvama~NgalaH || 7||
vanamAlI sUryakoTipratIkAsho mahAbalaH |
vishvambharaH kR^ipAsindhuH puruShaH puruShottamaH || 8||
kaustubhodbhAsitoraskaH kR^ipAlurjagatAM patiH |
mathurAgamanodbhUtama~NgalAkrAntagokulaH || 9||
kAlIyasya phaNotpannamaNibhUShitavigrahaH |
padmanAbhaH sheShashAyI gogopagopikApatiH || 10||
nira~njanaH pratApI cha jagadAnandakArakaH |
naTAkR^itiryadUnAM cha kulachUDAmaNirvibhuH || 11||
kandarpakoTilAvaNyaH paramAdbhutarUpadhR^ik |
kamalAdhipatiH svAmI sarvadeveshanAyakaH || 12||
chaturbhujashchaturmUrtishchaturvargavishAradaH |
nArAyaNaH sarvarUpaH sarvadA pUtamAnasaH || 13||
shrIkR^iShNaH keshisaMharttA murArirdevakIsutaH |
sarvAriShTAntakaH sarvapUrakaH sarvabhAvavit || 14||
kharaduShTinirAkarttA tulasIdAsavallabhaH |
pUritAkhilabhaktAdihR^idyutpannamanorathaH || 15||
upendraH sarvashaktishcha varadesho mahodadhiH |
somavaMshodbhavo viShNuH sarvAtmA sadguNArNavaH || 16||
gopikAgR^ihasambhUtanavanItalavapriyaH |
dhUlidhUsaritA~Ngashcha kamalAruNalochanaH || 17||
govarddhanAdridhArI cha tatsthitAkhilarakShakaH |
prameyotpannasadbhAvasaphalIkR^itagopikaH || 18||
tiraskR^itaharINAkShaH pUtanAprANaghAtakaH |
devo.achyuto vrajeshashcha sarvadharmaparAyaNaH || 19||
vR^indAvanaprANapatiH satyavaktA dhurandharaH |
kR^itarAsAdisannR^ityasAdIbhUtavapurjanaH || 20||
nandApadashcha saMharttA bAlagopAlacheShTitaH |
dAmodaro vishvamUrtirdhenukAriH pralambahA || 21||
vAtAsurArirgovindaH kaMsaghno gokulotsavaH |
devendradarpasaMharttA rukmiNIprANavallabhaH || 22||
samastaduShTaharttA cha mokShado garuDadhvajaH |
yogIshvaro jagatpUjyo mahodAracharitravAn || 23||
udvahaH shrIyashodAdilAlito madhusUdanaH |
samudrakoTigambhIraH saptalokaikamaNDanaH || 24||
jagadekasphuratkhyAtirdharAsadgatinAshanaH |
satyabhAmAprANapatiryamunAjalakautukI || 25||
sannAmabhUShaNAkhyaM vai stotraM yaH prapaThetsudhIH |
kaNThe likhitvA saMsthApya so.api viShNurna saMshayaH || 26||
gokuleshaM namaskR^itya stutvA bhaktyA vichAritam |
tasmAdgopAlabhaktAnAmastu buddhiprasAraNam || 27||
proktAni yAni nAmAni bhUShArUpANi tAni saH |
dadhyAda~NgeShu sarveShu trailokyavijayI bhavet || 28||

iti sannAmabhUShaNaM stotraM samAptam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}