% Text title            : Saptabuddha Stotram
% File name             : saptabuddhastotram.itx
% Category              : vishhnu, dashAvatAra, viShNu, buddha, stotra
% Location              : doc\_vishhnu
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Saptabuddha Stotram ..}##
\itxtitle{.. saptabuddhastotram ..}##\endtitles ##
utpanno vandhumatyAM nR^ipativarakule yo vipashyItinAmnA
yasyAshItisahasrANyamaranaragurorAyurAsId gatAnAm |
yena prAptaM jinatvaM dashabalabalinA potalAvR^ikShamUle
taM vande j~nAnavAri praNamitasakalaM kleshavahniM jinendram || 1||
vaMshe pR^ithvIshvarANAM mahati puravare yaH prajAto.arUNAkSho
varShANAmAyurAsIt sakalaguNanidheryasya saptAyutAnAm |
sa.nprAptA yena bodhiH parahitapaTunA puNDarIkasya mUle
taM vande j~nAnarAshiM shikhinamR^iShivaraM prAptasaMsArapAram || 2||
yo jAto nopamAyAM suprathitayashasAmanvaye pArthivAnA\-
mAyuH ShaShTisahasrAdabhavadurumateryasya saMvatsarANAm |
jitvA kleshAnasheShAnamR^itamadhigataM yena shAlasya mUle
taM vande dharmarAjaM bhuvanahitakaraM vishvabhUnAmadheyam || 3||
kShemAvatyAM prajAto manujapatisame yo vashI vipravaMshe
AyurvarShAyutAni pravaraguNanidheraShTachatvAri chaiva |
jainendraM yena labdhaM tribhavavadhakaraM j~nAnakhaDgeshvareNa
vande.ahaM siMhakAyaM sugatamanupamaM kakupChandaM munIndram || 4||
shobhAvatyAM dvijAnAM narapatimahite yo.anvaye sa.nprasUtas
tasyAmAyuH sahasrANyatishayavapuShastriMshadevaM babhUva |
buddhatvaM yena ratnAchalavaraguruNaudumbare prAptamAsId
taM vande shAsitAraM kanakamunimR^iShiM dhvastamohAndhakAram || 5||
vArANasyAM kR^iShIshakShitipatimahite vipravaMshe.abhijAto
yasyAmAyuH sahasrANyatishayamahitaM viMshatirvatsarANAm |
yena nyagrodhamUle tribhavajalanidhiH poShito divyagatyA
taM vande vandanIyaM munivaramanaghaM kAshyapaM lokanAtham || 6||
yo jAtaH shrIvishAle kapilapuravare shAkyarAjendravaMshe
yasyAsIdAyurekaMshatamiha sharadAM sarvalokaikabandhoH |
nirgatyAshvatthamUle namuchimapi satA.anuttarA yena bodhis
taM vande shAkyasiMhaM suranaranamitaM buddhamAdityabandhum || 7||
jAtiM vipretivaMshe nR^ipavaramahite ketumatyAM gR^ihItvA
buddhatvaM yena labdhamatiguNanidhinA nAgavR^ikShasya mUle |
aShTAvabdAyutAni kShapitabhagavato bhAvi yasyAgramAyur
vande maitreyanAthaM tuShitapuravare bhAvinaM lokanAtham || 8||
stutvA vai saptabuddhAn sakalamupagatAn saptasaptArkabhAso
maitreyaM cha stuvan vai tuShitapuragataM bhAvinaM lokanAtham |
yatpuNyaM sa.nprasUtaM shubhagatiphaladaM dehinAmeva sarvaM
ChitvA sa~NkleshapAshAn munaya iva charan nirvR^itiM sa prayAtu || 9||

iti shrIsaptabuddhastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}