% Text title            : Shri Sarveshvara Prapatti Stotram
% File name             : sarveshvaraprapattistotram.itx
% Category              : vishhnu, nimbArkAchArya, krishna, prapatti
% Location              : doc\_vishhnu
% Author                : shrIjI
% Proofread by          : Mohan Chettoor
% Latest update         : January 7, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sarveshvara Prapatti Stotram ..}##
\itxtitle{.. shrIsarveshvaraprapattistotram ..}##\endtitles ##
kR^iShNaM sarveshvaraM devamasmAkaM kuladaivatam |
manasA shirasA vAchA praNamAmi muhurmuhuH || 1||
kAruNyasindhuM svajanaikabandhuM
      kaishoraveShaM kamanIyakesham |
kAlindikUle kR^itarAsagoShThiM
      sarveshvaraM taM sharaNaM prapadye || 2||
vedaikagamyaM bhuvanaikaramyaM
      vishvasya janmasthitibha~Ngahetum |
sarvAdhivAsaM na paraprakAshaM
      sarveshvaraM taM sharaNaM prapadye || 3||
rAdhAkalatraM manasAparatraM
      heyAspR^ishaM divyaguNaikabhUmiM
padmAkarAlAlitapAdapadmaM
      sarveshvaraM taM sharaNaM prapadye || 4||
AbhIradArAnayanAbjakoShaiH
      saMvarchitAsyaM nikhilairupAsyam |
gogopagopIbhirala~NkR^itA~Nghri
      sarveshvaraM taM sharaNaM prapadye || 5||
gopAlabAlaM surarAjapAlaM
      rAmA~NkamAlaM shatapatramAlam |
vAdyarasAlaM virajaM vishAlaM
      sarveshvaraM taM sharaNaM prapadye || 6||
AnandasAraM hR^itabhUmibhAraM
      kaMshAntakAraM hyapinirvikAraM
kandarpadarpApaharAvatAraM
      sarveshvaraM taM sharaNaM prapadye || 7||
vishvAtmakaM vishvajanAbhirAmaM
      brahmendrarudrairmanasA durApam |
bhinnaM hyabhinnaM jagatohi yasmAt
      sarveshvaraM taM sharaNaM prapadye || 8||
pItAMshukaM chAruvichitraveshaM
      snigdhAlakaM ka~njavishAlanetram |
gorochanAlaM kR^itabhAlanetraM
      sarveshvaraM taM sharaNaM prapadye || 9||
vanyaivichitraiHkR^itamaulibhUShaNaM
      muktAphalADhyaM jhaSharAjakuNDalam |
hemA~NgadaM hArakirITakaustubhaM
      meghAbhamAnandamayaM manoharam || 10||
sarveshvaraM sakalalokalalAmamAdyaM
      devaM vareNyamanishaM svagatairdu rApam |
vR^indAvanAntargatairmR^igapakShibhR^i~Ngai\-
      rIkShApathAgatamahaM sharaNaM prapadye || 11||
he sarvaj~na ! R^itaj~na ! sarvasharaNa ! svAnanyarakShApara !
      kAruNyAkara ! vIra! AdipuruSha ! shrIkR^iShNa ! gopIpate ! |
ArtatrANa ! kR^itaj~na ! gokulapate ! nAgendrapAshAntaka !
      dInoddhAraka ! prANanAtha ! patitaM mAM pAhi sarveshvara ! || 12||
he nArAyaNa ! nArasiMha ! nara ! he lIlApate ! bhUpate !
      pUrarNAchintyavichitrashaktika vibho ! shrIsha! kShamAsAgara ! |
AnandAmR^itavAridhe ! varada ! he vAtsalyaratnAkara !
      tvAmAshritya na ko.api yAti jaTharaM tanmAM bhavAttAraya || 13||
mAtA pitA gururapIsha ! hitopadeShTA
      vidyAdhanaM svajanavandhurasupriyo me |
dhAtA sakhA patirasheShagatistvameva
      nAnyaM smarAmi tavapAdasaroruhAdvai || 14||
aho dayAlo ! svadayAvashena vai
      prapashya mAM prApaya pAdasevane |
yayA punarme viShayeShu mAdhava !
      ratirna bhUyAddhi tathaiva sAdhaya || 15||
shrImatsarveshvarasyaitatstotraM pApapraraNAshanam |
etena tuShyatAM shrImadrAdhikAprANavallabhaH || 16||

iti shrImannimbArkapAdapIThAdhirUDhashrI nimbArkasharaNadevAchAryavirachitA
shrIsarveshvaraprapattistotraM sampUrNam |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}