% Text title            : Shrimad Annavara Satyanarayana Suprabhata Stotram
% File name             : satyanArAyaNasuprabhAtam.itx
% Category              : vishhnu, suprabhAta
% Location              : doc\_vishhnu
% Proofread by          : PSA Easwaran psaeaswaran at gmail.com
% Latest update         : February 22, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrimad Annavara Satyanarayana Suprabhata Stotram ..}##
\itxtitle{.. shrImadannavarasatyanArAyaNasuprabhAtastotram ..}##\endtitles ##
shrIrastu |
uttiShThAnnavarAdhIsha uttiShTha vratamodita |
uttiShThottiShTha vishvesha satyadeva dayAnidhe || 1||
brAhme muhUrta utthAya kariShyanti tava vratam |
satyavratAnumodArthaM uttiShThottiShTha satvaram || 2||
uttiShTha nirguNAkAra bhaktAnAM pAlanaM kuru |
uttiShThottiShTha shuddhAtman ratnAdrivasatipriya || 3||
uttiShTha kamalAkAnta uttiShTha puruShottama |
uttiShThAnantapAlesha trailokyaM paripAlaya || 4||
vinA satyadevaM kalau nAsti muktiH
     sadA satyadevaM smarAmi smarAmi |
karomIsha satyavrataM dInabandho
     na chAnyaM smarAmo na chAnyaM bhajAmaH || 5||
bhajAmi tvada~NghriM na yAche.anyadevaM
     sadA deva yAche kR^ipAlo bhavantam |
prabho dInabandho vibho lokarakShin
     sharaNyastvamevAsya dInasya nAtha || 6||
na jAnAmi dharmaM na jAnAmi chAnyaM
     tvamekashsharaNyo gatistvaM tvamekaH |
anAthaM daridraM jarArogayuktaM
     kR^ipApAtramenaM kuru shrInivAsa || 7||
na tAto na mAtA na bandhurna dAtA
     gatistvaM tvamekashsharaNyastvamekaH |
harIshaM hareshaM sureshaM girIshaM
     bhaje.ahaM sadAhaM na jAnAmi chAnyam || 8||
prAtaH smarAmi balasatyapadAbjayugmaM
     shIrShoparisthitaguroraparasvarUpam |
vedAntavedyamabhayaM dhR^itadevarUpaM
     satyAvatArajagatItalapAvanaM cha | 9||
prAtarnamAmi varasatyavibhuM pavitraM
     rakShogaNAya bhayadaM varadaM janebhyaH |
satyAvatIsahitavIravarasvarUpaM
     dInAnupAlanarataM paramAdidevam || 10||
prAtarbhajAmi varasatyapadAravindaM
     padmA~NkushAdishubhalA~nChanara~njitaM tat |
yogIndramAnasamadhuvratasevyamAnaM
     pApApahaM sakaladInajanAvalambam || 11||
prAtarvadAmi vachasA varasatyanAma
     vAgdoShahArisakalAghanivAraNaM cha |
satyavratAcharaNapAvanabhaktajAla
     vA~nChApradAtR^isakalAdR^itabhavyatejaH | 12||
prAtaH karomi kalikalmaShanAshakarma
     taddharmadaM bhavatu bhaktikaraM paraM me |
antaHsthitena shubhabhAnuchidAtmakena
     satyena lokaguruNA mama siddhirastu || 13||
lakShmIsameta jagatAM sukhadAnashIla
     padmAyatekShaNa manoharadivyamUrte |
lokeshvara shritajanapriya satyadeva
     shrIratnaparvataniketana suprabhAtam || 14||
pApApahAra kalidoShaharAtidakSha
     shrImannagAlaya manoharasatyamUrte |
kAruNyavIkShaNa mahAmahimADhya deva
     nityaM prabhAtasamaye tava suprabhAtam || 15||
tApatrayApahara satyavatIprasanna
     dAmodarAmarapate kamalAsusevya |
uttiShTha pAlaya daridrajanAlibandho
     satyavratapriya vibho tava suprabhAtam || 16||
shrIpadmanAbha puruShottama satyadeva
     pampAnadItaTanivAsa samastarUpa |
saMsArabandhanavimochana dInabandho
     shrIkR^iShNa pAlaka vibho tava suprabhAtam || 17||
shrIrAma eva bhavadIya dayAvisheShAt
     setuM babandha jitarAvaNarAkShasaughaH |
satyavratasya mahimA gadituM na shakyA
     satyavratapriyapate tava suprabhAtam || 18||
satyavratasya phaladAnavashAnubaddha
     santAnalAbhakara he prabhusatyadeva |
saktAlirichChati tava vratasAdhanaM bhoH
     uttiShTha sAdhaya vibho tava suprabhAtam || 19||
saMsevya sAdhuhR^idi saMsphuradAtmatattvaM
     sachchitsukhaM paramanantamatIndriyaM cha |
prApnoti bhakta iha muktipadaM sthiraM cha
     mAM rakSha nityakR^ipayA tava suprabhAtam || 20||
satyaprabhustu manaso vachasAmagamyaH
     vAcho vibhAnti nikhilA yadanugraheNa |
yasya vratAcharaNabhAgyamahaM smarAmi
     nArAyaNAchyuta vibho tava suprabhAtam || 21||
sAmbena yuktavarasatyavibhusvarUpaH
     sevyaH sadA hariharAtmakadivyamUrtiH |
etAdR^ishaH sthitiragamyamahAvichitraH
     tvaM deva pAlaya vibho tava suprabhAtam || 22||
shrImannabhIShTavaradAkhilalokabandho
     shrI shrInivAsa janatApaha vIravarya |
shrI bhrAjadannavaravAsa susatyamUrte
     mAM pAhi pAhi varadAchyuta suprabhAtam || 23||

iti shrIsatyanArAyaNa suprabhAtaM samAptam |
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}