% Text title            : Satyavratarajna Kritam Matsyarupi Vishnu Stotram
% File name             : satyavratarAjnAkRRitaMmatsyarUpIviShNustotram.itx
% Category              : vishhnu, vishnu, bhAgavatapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bhAgavatapurANa | adhyAya 8/24/46-53||
% Latest update         : October 1, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Satyavratarajna Kritam Matsyarupi Vishnu Stotram ..}##
\itxtitle{.. satyavratarAj~nA kR^itaM matsyarUpI viShNustotram ..}##\endtitles ##
rAjovAcha |
anAdyavidyopahatAtmasaMvida\-
stanmUlasaMsAraparishramAturAH |
yadR^ichChayehopasR^itA yamApnuyu\-
rvimuktido naH paramo gururbhavAn || 46||
jano.abudho.ayaM nijakarmabandhanaH
sukhechChayA karma samIhate.asukham |
yatsevayA tAM vidhunotyasanmatiM
granthiM sa bhindyAddhR^idayaM sa no guruH || 47||
yatsevayAgneriva rudrarodanaM
pumAn vijahyAnmalamAtmanastamaH |
bhajeta varNaM nijameSha so.avyayo
bhUyAtsa IshaH paramo gurorguruH || 48||
na yatprasAdAyutabhAgalesha\-
manye cha devA guravo janAH svayam |
kartuM sametAH prabhavanti puMsa\-
stamIshvaraM tvAM sharaNaM prapadye || 49||
achakShurandhasya yathAgraNIH kR^ita\-
stathA janasyAviduSho.abudho guruH |
tvamarkadR^iksarvadR^ishAM samIkShaNo
vR^ito gururnaH svagatiM bubhutsatAm || 50||
jano janasyAdishate.asatIM matiM
yayA prapadyeta duratyayaM tamaH |
tvaM tvavyayaM j~nAnamamoghama~njasA
prapadyate yena jano nijaM padam || 51||
tvaM sarvalokasya suhR^itpriyeshvaro
hyAtmA gururj~nAnamabhIShTasiddhiH |
tathApi loko na bhavantamandhadhI\-
rjAnAti santaM hR^idi baddhakAmaH || 52||
taM tvAmahaM devavaraM vareNyaM
prapadya IshaM pratibodhanAya |
ChindhyarthadIpairbhagavan vachobhi\-
rgranthIn hR^idayyAn vivR^iNu svamokaH || 53||

iti shrImadbhAgavatamahApurANe aShTamamaskandhe chaturviMshAdhyAyAntargataM
         (satyavrata)rAj~nA kR^itaM matsyarUpI viShNustotraM samAptam |

bhAgavatapurANa | adhyAya 8/24/46\-53||
##
bhAgavatapurANa . adhyAya 8/24/46-53..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}