% Text title            : satyavratoktadAmodarastotram
% File name             : satyavratoktadAmodarastotram.itx
% Category              : vishhnu, krishna, stotra, vishnu, aShTaka
% Location              : doc\_vishhnu
% Transliterated by     : Singanallur Ganesan singanallur at gmail.com
% Proofread by          : Singanallur Ganesan singanallur at gmail.com, PSA Easwaran
% Source                : Hari Bhakti Vilas, 16th Vilasa
% Latest update         : June 3, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. satyavratoktadAmodarastotram ..}##
\itxtitle{.. satyavratoktadAmodarastotram ..}##\endtitles ##

shrIgaNeshAya namaH ||
sindhudeshodbhavo vipro nAmnA satyavrataH sudhIH |
virakta indriyArthebhyastyaktvA putragR^ihAdikam || 1||
vR^indAvane sthitaH kR^iShNamArirAdha divAnisham |
niHsvaH satyavrato vipro nirjane.avyagramAnasaH || 2||
kArtike pUjayAmAsa prItyA dAmodaraM nR^ipa |
tR^itIye.ahni sakR^idbhu~Nkte patraM mUlaM phalaM tathA || 3||
pUjayitvA hariM stauti prItyA dAmodarAbhidham || 4||
satyavrata uvAcha |
namAmIshvaraM sachchidAnandarUpaM lasatkuNDalaM gokule bhrAjamAnam |
yashodAbhiyolUkhale dhAvamAnaM parAmR^iShTamatyantato dUtagopyA || 5||
rudantaM muhurnetrayugmaM mR^ijantaM karAmbhojayugmena sAta~Nkanetram |
muhuHshvAsakaM patrirekhA~NkakaNThaM sthitaM naumi dAmodaraM bhaktavandyam || 6||
varaM deva dehIsha mokShAvadhiM vA na chAnyaM vR^iNe.ahaM vareshAdapIha |
idaM te vapurnAtha gopAlabAlaM sadA me manasyAvirAstAM kimanyaiH || 7||
idaM te mukhAmbhojamatyantanIlairvR^itaM kuntalaiH snigdhavaktraishcha gopyA |
muhushchumbitaM bimbaraktAdharaM me manasyAvirAstAmalaM lakShalAbhaiH || 8||
namo deva dAmodarAnanta viShNo prasIda prabho duHkhajAlAbdhimagnam |
kR^ipAdR^iShTivR^iShTyA.atidInaM cha rakSha gR^ihANesha mAmaj~namevAkShidR^ishyam || 9||
kuberAtmajau vR^ikShamUrtI cha yadvatvayA mochitau bhaktibhAjau kR^itau cha |
tathA premabhaktiM svakAM me prayachCha na mokShe.a.agraho me.asti dAmodareha || 10||
namaste sudAmne sphuraddIptadhAmne tathorasthavishvasya dhAmne namaste |
namo rAdhikAyai tvadIyapriyAyai namo.anantalIlAya devAya tubhyam || 11||
nArada uvAcha |
satyavratadvijastotraM shrutvA dAmodaro hariH |
vidyullIlAchamatkAro hR^idaye shanakairabhUt || 12||
iti shrIsatyavratakR^itadAmodarastotraM sampUrNam ||

iti shrIpadmapurANe rukmA~Ngada\-mohinI\-saMvAde

##
Encoded and proofread by Singanallur Ganesan singanallur at gmail.com
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}