% Text title            : Shalagramamurtilakshanam
% File name             : shAlagrAmamUrtilakShaNam.itx
% Category              : vishhnu, vishnu, garuDapurANa
% Location              : doc\_vishhnu
% Proofread by          : PSA Easwaran
% Description/comments  : garuDapurANa | pUrvakhaNDa |adhyAya 45/4-30||
% Latest update         : October 3, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shalagramamurtilakshanam ..}##
\itxtitle{.. shAlagrAmamUrtilakShaNam ..}##\endtitles ##
hariruvAcha |
prasa~NgAtkathayiShyAmi shAlagrAmasya lakShaNam |
shAlagrAmashilAsparshAtkoTijanmAghanAshanam || 1||
sha~NkhachakragadApadmI(hastaH)keshavAkhyo gadAdharaH |
sAbjakaumAdakIchakrasha~NkhI nArAyaNo vibhuH || 2||
sachakrasha~NkhAbjagado mAdhavaH shrIgadAdharaH |
gadAbjasha~NkhachakrI vA govindo.archyo gadAdharaH || 3||
padmasha~NkhArigAdine viShNurUpAya te namaH |
sasha~NkhAbjagadAchakra madhusUdanamUrttaye || 4||
namo gadArisha~NkhAbjamUrtitraivikramAya cha |
sArikaumodakIpadmasha~NkhavAmanamUrttaye || 5||
chakrAbjasha~NkhagAdine namaH shrIdharamUrttaye |
hR^iShIkeshAyA.abjagadAsha~Nkhine chakriNe namaH || 6||
sAbjachakragadAsha~NkhapadmanAbhasvarUpiNe |
sha~NkhachakragadApadmin dAmodara namo namaH || 7||
sArisha~NkhagadAbjAya vAsudevAya vai namaH |
sha~NkhAbjachakragadine namaH sa~NkarShaNAya cha || 8||
susha~NkhasugadAbjAridhR^ite pradyumnamUrttaye |
namo.aniruddhAya gadAsha~NkhAbjArividhAriNe || 9||
sAbjasha~NkhagadAchakrapuruShottamamUrttaye |
namo.adhokShajarUpAya gadAsha~NkhAripadmine || 10||
nR^isiMhamUrttaye padmagadAsha~NkhAridhAriNe |
padmArisha~Nkhagadine namo.astvachyutamUrttaye || 11||
sasha~NkhachakrAbjagadaM janArdanamihAnaye |
upendra sagada sAre padmasha~Nkhinnamo namaH || 12||
suchakrAbjagadAsha~NkhayuktAya harimUrttaye |
sagadAbjArisha~NkhAya namaH shrIkR^iShNamUrttaye || 13||
shAlagrAmashilAdvAragatalagnadvichakradhR^ik |
shuklAbho vAsudevAkhyaH so.avyAdvaH shrIgadAdharaH || 14||
lagnadvichakro raktAbhaH pUrvabhAgastu puShkalaH |
sa~NkarShaNo.atha pradyumnaH sUkShmachakrastu pItakaH || 15||
sa dIrghaH sa shirashChidro yo.aniruddhastu vartulaH |
nIlo dvAri trirekhashcha atha nArAyaNo.asitaH || 16||
madhye gAdakR^itI rekhA nAbhichakro mahonnataH |
pR^ithuvakShA nR^isiMho vaH kapilo.avyAttribindukaH || 17||
athavA pa~nchabindustatpUjanaM brahmachAriNaH |
varAhaH shaktili~Ngo.avyAdviShamadvayachakrakaH || 18||
nIlastrirekhaH sthUlo.atha kUrmamUrttiH sa bindumAn |
kR^iShNaH sa varttulAvarttaH pAtu vo natapR^iShThakaH || 19||
shrIdharaH pa~ncharekho.avyAdvanamAlI gAdA~NkitaH |
vAmano varttulo hrasvo vAmachakraH sureshvaraH || 20||
nAnAvarNo.anekamUrttirnAgabhogI tvanantakaH |
sthUlo dAmodaro nIlo madhyeva(cha)kraH sunIlakaH || 21||
sa~NkIrNadvArakaH so.avyAdatha brahmA sulohitaH |
sa dIrgharekhaH suShira ekachakrAmbujaH pR^ithuH || 22||
pR^ithuchChidraH sthUlachakraH kR^iShNo viShNushcha bindumat |
hayagrIvo.a~NkushAkAraH pa~ncharekhaH sakaustubhaH || 23||
vaikuNTho maNiratnAbha ekachakrAmbujo.asitaH |
matsyo dIrgho.ambujAkAro dvArarekhashcha pAtu vaH || 24||
rAmachakro dakSharekhaH shyAmo vo.avyAttrivikramaH |
shAlagrAme dvArakAyAM sthitAya gadine namaH || 25||
ekadvArashchatushchakro vanamAlAvibhUShitaH |
svarNarekhAsamAyukto goShpadena virAjitaH || 26||
kadambakusumAkAro lakShmInArAyaNo.avatu |
ekena lakShito yo.avyAdgadAdhArI (sudarshanaH)|| 27||
lakShmInArAyaNo dvAbhyAM tribhirmUrttestrivikramaH |
chaturbhishcha chaturvyUho vAsudevashcha pa~nchabhiH || 28||
pradyumnaH ShaDbhireva syAt sa~NkarShaNa itastataH |
puruShottamo.aShTabhiH syAnnavavyUho navA~NkitaH || 29||
dashAvatAro dashabhiraniruddho.avatAdatha |
dvAdashAtmA dvAdashabhirata UrddhvamanantakaH || 30||
viShNormUrttimayaM stotraM yaH paThetsa divaM vrajet |
brahmA chaturmukho daNDI kamaNDaluyugAnvitaH || 31||
maheshvaraH pra~nchavaktro dashabAhurvR^iShadhvajaH |
yathAyudhastathA gaurI chaNDikA cha sarasvatI || 32||
mahAlakShmIrmAtarashcha padmahasto divAkaraH |
gajAsyashcha gaNaH skandaH ShaNmukho.anekadhAguNAH || 33||
ete.architAH sthApitAshcha prAsAde vAstupUjite |
dharmArthakAmamokShAdyAH prApyante puruSheNa cha || 34||

iti shrIgAruDe mahApurANe pUrvakhaNDe prathamAMshAkhye AchArakANDe |
shAlagrAmamUrttilakShaNaM nAma pa~nchachatvAriMsho.adhyAyaH || 45||

garuDapurANa | pUrvakhaNDa | adhyAya 45/4\-30||
##
garuDapurANa . pUrvakhaNDa . adhyAya 45/4-30..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}