% Text title : Sharngapani Stotram % File name : shArngapANistotram.itx % Category : vishhnu, viShNu, krishna % Location : doc\_vishhnu % Transliterated by : Saritha Sangameswaran % Proofread by : Saritha Sangameswaran, NA % Latest update : January 19, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sharngapani Stotram ..}## \itxtitle{.. shAr~NgapANistotram ..}##\endtitles ## sakalabhuvanasAraM gAtrakAntyAmasAraM maNivaramabhibhUtaM sa~ncharantaM prabhUtam | svagaparivR^iDhapatraM chandrakAntAtapatraM smaranatamuchukundaM shAr~NgapANiM mukundam || 1|| svarNAbjinIdarshanamAtrapUtAH shrIkumbhaghoNe kR^itanityavAsAH | shrIshAr~NgapANau dR^iDhabhaktiyuktAH santaH kiyanto nivasanti loke || 2|| nirnidranIreruhapatranetraM sharAnnishAnAthamukhAravindam | shanaiH shanaistyajya (?)bhavAbhilAShaM shrIshAr~NgiNaM chintaya matkachetaH || 3|| kadA nIradApAyarAkendupadma\- pratichChandamAsyaM tavAlokayiShyai | kadA krUrabhAShaM mukhaM duShprabhUNAM dhanAshAvabaddho na pashyAmi shAr~Ngin || 4|| namaH shAr~NgahastAya hastIndrapAtre namashchandravaktrAya pItAmbarAya | namaH siMharAjAya siMhAribhettre namaH shuddhasattvAtmane muktidAyi || 5|| namo nIlajImUtanIkAsha tubhyaM namo vikramAkrAntalokatrayAya | apArAmitakleshasaMsArasindho\- rnijaM sevakaM shAr~NgabhR^ittArayAshu || 6|| namAmi shAr~NgiNaM hariM smarAmi chakriNaM paraM vadAmi nAma keshihanturindirApateraham | na daivatAntaraM smera namAmi nAnyamekadA\- pyahaM tavaiva ki~Nkarosmi nAnyanAma vA vade || 7|| gajAnana, janArdana, praNatapAvana shrIvara\- ghusadma, hR^idayAmbujaprakaTanArkadaityAntaka | viri~nchivachanAvalivinutapAda (?)viShNo hare rathA~NgadarashAr~NgabhR^idbhayahareti jihve vada || 8|| atinikaTe vasato me paricharaNArthaM tava prabho shAr~Ngin | chAmaramayUrapatravyajanAdiShu deyamekaM me || 9|| kaumudIvishadasmitaM madhubhAShaNaM surapAlanaM chandrapa~NkajabandhulochanamindirAramaNaM harim | chaNDabAhuparAkramAsurasa~NghamardanamadbhutaM(?) shAr~NgachApamupAsmahe shubhakumbhaghoNakR^itAlayam || 10|| abhUkalatrairapata~NgavAhairameghanIlairarathA~NgahastaiH | apa~NkajAkShaaraipayodhivAsairashAr~NgachApairalamanyadevaiH || 11|| maruchchandrasUryau viya~nchAgnirIsho jalaM bhUrimAmUrtayo yasya chAShTau | tR^iNaM vApi na spandate yasya shaktiM vinA vandya ekaH sa nashshAr~NgapANiH || 12|| bhavati matirudArA shAr~NgapANau kadA naH parihR^itakalidoShe sheShashayyAshayAne | viramati cha kadA vA duHkhadAridryamUrChA jaTilabhavanitAntAsaktidurvyApR^iteshcha || 13|| navajaladharanIlaM nirmitAna~NgakhelaM rahasi jaladhikanyAbAhusaMshobhikaNTham | kimapi madhuravAchAM cha vR^indamuchchArayantaM manasi satatamIDe shAr~NgapANiM mukundam || 14|| vajrA~NkushAdishubharekhamumAdhavena dhAtrArpitaM shirasi bhaktibhareNa divyam | nAnAvidhaiH surataruprabhavaiH prasUnaiH saMshobhishAr~NgadharapAdasarojamIDe || 15|| lasanmandahAsaM shvasadbhogirAje shayAnaM dayAnandapUrNAntara~Ngam | sahasrArasha~NkhAsikaumodakIbhiH sadA sevitaM shAr~NgapANiM namAmi || 16|| viyadrUpiNaM vishrutAmeyakIrtiM virUpAkShavidhyantaramabhojasUryam | viyadbha~NgayA kShAlitA~NghriM prasannaM shraye shAr~NgapANiM shivaM sajjanAnAm || 17|| navamaNimayamudrAmaNDitasva~NgulIyaM karakamalamudAraM mastake me nidhehi | dashashataravirAkAchandrasAhasracha~ncha\- ttaravipulavimAnArUDha he shAr~Ngadhanvan || 18|| lasannAsikA te suchAmpeyakosha\- prabhA shAradAmbhodapatrAyatAkSha | bhruvau kAmabANAsanAha~NkR^itighne vapuste jaganmohanaM shAr~NgapANe || 19|| tvayi sati karuNArdre shAr~NgadhanvAbhidhAne karivarada jagatyAM kAmadhenau tvadanyam | kimiti naramupAse shokagarvAbhibhUtaM kalaya hR^idayametattvatpadAmbhojalagnam || 20|| kadA shAr~NgachApapramuktaiH pR^iShatkaiH vidAryArisa~NgAnmadIyAndayAbdhe | nR^isiMhasya veShaM vahandaityaputraM yathA pAlayastvaM tathA pAsi shAr~Ngin || 21|| dhavalanalinadAmnA shobhamAnaM viri~nchi\- pramukhavibhudavR^indairvarNitAnantalIlam | nikhilanigamagItaM nirnimeShAdhirAjaM niratishayasukhAbdhiM shAr~NgapANiM bhajAmaH || 22|| nijavaShuShi dadhAnaH sarvalokAnimAMstvaM kimu na vahasi viShNo mAM tR^iNAtphalgubhUtam | nanu viditamamoghaM nAma tenanta vishvaM\- bhara iti bharaNaM me kiM tavAtIva bhAraH || 23|| chandramaulisarojasambhavavanditaM vibudheshvaraM kShIravAridhimadhyamandirasaudhabhAgavilAsinam | bhogirAjashayaM varaM vimalAshayAvanadIkShitaM shAr~NgapANimahaM bhaje paratattvarUpamadhAntakam || 24|| kuNDaladvayamaNDitAMsayugaM yugAbhachaturbhujI prasphuraddarachakrashAr~Ngasarojamambujalochanam | chAmarairupavIjitaM chapalAyutaprabhavAsasaM shAr~NgiNaM bhavahAriNaM phaNishAyinaM praNamAmi tam || 25|| nakhAgradhAtA bhidalatkaThora\- hiraNyamarbhANDakabhittijanmA | ga~NgApravAhaH kila yasya sAkShA\- chChivena shIrShNA vidhR^itaH smare tam || 26|| bhUmau devagaNA vasanti shatasho bhaktAvalIvatsalA brahmAdyA atishIghrameva phaladAH pAdAnataH khaNDalAH | hitvA tAn kR^itapUrvadeva kadane nidrAlase nirmame deveshar~Ngadhare kalipriyasakhe chetaH sthiraM medbhutam || 27|| vishvambhare jAgrati chakrapANau, vihAya tatsevanamadya mohAt | khinnaM sadA svodarapUraNe.api pumAmsamanye khalu hA bhajAmaH || 28|| chAtaka iva jImUtaM chakorapakShImiva chandramasam | kAdambinImiva shikhI sadaiva shAr~Ngin smarAmi || 29|| (tava rUpaM) jaladhitanayA vAmotsa~Nge shayAnamanAmayaM shamitadanujaM shAntAkAraM sharIrabhR^itAM prabhum | sharaNamadhunA yAmi shreyaskaraM namatAM sadA shashiravisadR^ishaM shrImachChAr~NgAyudhaM vibudheshvaram || 30|| chaturbhujaM chandanacharchitA~NgaM chaturmukhAdyairabhivandyapAdam | chAmIkarAdrIndradhanupriyaM taM chakrAyudhaM shAr~NgadharaM prapadye || 31|| praphullamallIvakulAmbujAta\- chAmpeyamAlotkarashobhikaNTham | kaNThIravAsyaM dalitArivargaM prabhuM bhajAmo hR^idi shAr~NgapANim || 32|| sharachchandrikAmajjulaM mandahAsaM kadA shAr~NgapANervayaM lokayAmaH | ramArAdhitaM pAdapa~NkeruhaM tat kadA saMspR^ishAmo mudA mastakena || 33|| daridrApadaM dArayAdyaiva deva svakIyAn sadA rakSha R^ikSheshavaktra | svapUrairgR^ihaM pUrayAdyAsmadIyaM svatantro.asi yadrochate tatkuruShva || 34|| tvatkIrtanaM tava kathAshravaNaM janAnAM saMsArahAri namatAmapavargakAri | brahmAdivadyapadapa~Nkaja divyamUrte mAM pAhi shAr~Ngadhara sarvasurAdhirAja || 35|| kastUrikAtilakashobhimukhendurbimba\- moShatsmitA~nchitamamoghakR^ipArdravIkSham | drakShye kadA madhurabhAShi pavitrakIrte shrIshAr~NgachApadhara vedashiraH suvedya || 36|| rAkAsharachChashadharAtulagarvapUra\- sa~NkarShaNaM karuNayA kalitAdhivAsam | sandarshayAsyamadhunA navapadmakAnti\- nikShepahAri mama sundara shAr~NgapANe || 37|| vandAmahe tava padaM suravR^indamauli\- mANikyadIptikalitaM hR^idi shAr~NgapANe | mohAndhakArataraNe karuNAmburAshe he vArijAkSha shashibimbasamAsyabimba || 38|| shambhuprajeshvarashatakratubhiH sadaiva saMstUyamAnakR^itamandira kumbhaghoNe || sarpendratArkShyashayanArvakirITabhAsA dhikkAritArka sharaNaM bhava shAr~NgapANe || 39|| tvaM mAtAsi pitA tvameva cha suhR^idbandhustvadanyaM hare manye naiva suraM surendramapi vA brahmANamIshaM gR^iham | vaikuNThe tava sannidhau nivasatistvanmUryavekShA sadA bhUyAnme na paraM vR^iNe varamahaM shrIshAr~NgapANiprabho || 40|| nigamashirasA vedyaM hR^idyaM jitAruNapallavaM janimR^itijarArtighnaM nighnaM sadA smaratAM hR^idi | charaNayugalaM tvatkaM svAmin pradarshaya naH sadA niravadhikR^ipAkUpArosi prabho varashAr~NgabhR^it || 41|| tvatsevAdarpabhR^itaM brahmeshAdIn surAnagaNayantam | ahamAtmAnaM viShNo kadA viloke kR^itArthamiva shAr~Ngin || 42|| kamalanayanaM kAloda~nchatsitetarapa~Nkaja\- dyutisharadumAkAntottaMsaprabhAdhavalasmitam | trijagadudaravyAptaM tejo viri~nchibhavAdibhi\- rhR^idi mama sadA bhUyAchChAr~NgaM daraM cha dadhanmude || 43|| prasIda me dayAnidhe samuddharAtimvAridheH prabho payodhijAsakhe daridratAM nirasya me | tavaikadesha viShThitaM jagachcharAcharAtmakaM tadekadesharUpiNo na mevanaM tavAdhikam || 44|| shAtakummalasadAbharaNADhyAM shyAmalAM suruchirAmasamAnAm | shAr~NgachApadharatAvakamUrtiM shAntachitta iha nityamupAse || 45|| nirmalaM niyamitAsuraja~NghaM nirjaraudhavarasammadahetum | nandakAkhyakaravAlamudAraM naumi shAr~NgadhanuSho mayanutyai || 46|| bharjitAsurakalevaravR^indAM shAr~NgiNaH karatale vilasantIm | kAlikAgnichayabhIShaNakAntiM chintaye varagadAM ripuhatyai || 47|| nAdamUrchChita sarojamavANDaM nirmalendusaddR^ishaM ravirbhImam | kAndishIkaditisambhavasainyaM sha~NkharAjamaribhR^ittava naumi || 48|| kAshikAnagaratatpatikR^ityA\- dAhakAraNamamoghamameyam | sarvadevamayasarvasharIraM chakramIsha tava naumi karAlam || 49|| sarvadevAdidevesha shAr~NgapANe kR^ipAmbudhe | stutivyAjAnmamAgastvaM sahasva sakalaM prabho || 50|| iti shAr~NgapANistotraM sampUrNam | ## Encoded by Saritha Sangameswaran Proofread by Saritha Sangameswaran, NA \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}