% Text title            : Shri Shaileshashtakam
% File name             : shaileshAShTakam.itx
% Category              : vishhnu, aShTaka
% Location              : doc\_vishhnu
% Proofread by          : Aruna Narayanan narayanan.aruna at gmail.com
% Description/comments  : Ramanuja Stotramala
% Latest update         : November 23, 2019, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shaileshashtakam ..}##
\itxtitle{.. shrIshaileshAShTakam ..}##\endtitles ## 
shrIdevarAjagurubhiranugR^ihItaM
shrIrastu |
shrImate hayagrIvAya namaH |
shrImate rAmAnujAya namaH ||

saumyajAmAtR^iyogIndracharaNAmbujaShaTpadam |
devarAjaguruM vande divyaj~nAnapradaM shubham ||

sheShaH shrImAnajani hi purA saumyajAmAtR^iyogI
     bhogI bhUtastadanu bhagavAn rAghavasyAnujanmA |
bhUtvA bhavyo varavaramunirbhUyasA bhAsamAnaH
     rakShatvasmAn raghukulapaterAsthito bhadrapITham || 1||
shrotuM drAviDavedabhUrivivR^itiM saumyopayanturmuneH
     utkaNThA.asti mamainamAnayata taM tArkShyAshrayaM maNDapam |
AvishyArchakamUchivAniti mudA nishsheShalokAnvitaH
     ra~NgI vatsaramekamevamashR^iNot vyaktaM yathoktakramAt || 2||
shrIbhUbhyAM ra~NganAthe shaThajidupaniShad vyAkriyAM
     shrotukAme sheShassantoShayiShyan varavaramunitAM prApya yo vartate.agre |
kAShAyashrItulasyambujamaNisushikhAyaj~nasUtratridaNDaiH
     bhAntaM shubhrordhvapuNDraM smara hR^idaya sadA koshamudrA~Nkahastam || 3||
kR^ipayA parayA sa ra~NgarAT mahimAnaM mahatAM prakAshayan |
lulubhe svayameva chetasA varayogipravarasya shiShyatAm || 4||
samAptau granthasya prathitavividhopAyanachaye
     paraM sajjIbhUte varavaramunera~Nghrisavidhe |
haThAdbAlaH kashchit kuta iti nirasto.apyupagataH
     jagau ra~NgeshAkhyaH pariNatachaturhAyana idam || 5||
shrImAn ra~Ngeshvaro yadvakulavaravachobhAShyasArArthajAtaM
     shrutvA saumyopayantA munivaracharaNe chChAtrabhAvaM prapannaH |
shrIshailesheti padyaM khagapatinilaye maNDape tatsamAptau
     uktvA.adhyetavyametannikhila\- nijagR^iheShvAdishattattadAdau || 6||
vedAdau pUrvamuktvA haririti sujano vakti pashchAdyathomityevaM
     vaktavyametadvakuladharavacho.anushravArambhakAle |
shrIshailesheti padyaM prathamamatha satAM sa.npradAyaikaniShThaiH
     lakShmInAtheti padyaM svayamiti bhagavAnAdishadra~NganAthaH || 7||
yadvadvaktuM na yuktaM praNavaharipadAbhyantare.anyatpadaM tat
     kR^iShNetyetatkadAchinmunishatavachanairvaidikairbrahmaniShThaiH |
tadvadra~NgeshabhaktaiH shamadamaniyataiH sAdhubhistattvavidbhiH
     vaktuM yuktaM na madhye sapadi niyatayoretayoH padyamanyat || 8||
shaTharipureka eva kamalApatidivyakaviH
     madhurakaviryathA cha shaThajinmunimukhyakaviH |
yatikulapu~Ngavasya bhuvi ra~NgasudhAkavirAT
     varavarayogino varadarAjakavishcha tathA || 9||

iti shrIshaileshAShTakaM samAptam |

##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}