% Text title            : Shambhukritam Hari Stotram
% File name             : shambhukRRitaMharistotram.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 553/2-24||
% Latest update         : February 5, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shambhukritam Hari Stotram ..}##
\itxtitle{.. shambhukR^itaM haristotram ..}##\endtitles ##
OM namo.akSharavAsAya paradhAmni virAjate |
pareshAya kishorAya mukteshAya namo.astu te || 2||
shuddhAya mUlarUpAyA.anantAya te namo namaH |
sarvarUpasvarUpAya sahasrabAhave namaH || 3||
sahasrarashmiyuktAya vedhase shuddhakarmaNe |
vishAladehavAsAya vishvArttihAriNe namaH || 4||
sahasrArkasvarUpAya shambhave tai namo namaH |
samastavidyAvAsAya chakriNe te namo namaH || 5||
sadA samastagIrvANairnute kR^iShNAya te namaH |
anAdine bhUpataye.achyutAya sheShavAsine || 6||
marutAM pataye sarvapataye te sadA namaH |
jaleshAya kShitIshAya vishvanetrAya te namaH || 7||
shashA~NkAya cha sUryAya vishveshvarAya te namaH |
apratarkyasvarUpAyA.amR^itarUpAya te namaH || 8||
digantaraprakAshAya hR^idambarAya te namaH |
nArAyaNA.ayanAyeti vishvatomukhine namaH || 9||
devArtihAriNe.asa~NkhyavaktrAya viShNave namaH |
purANAya maheshAya jagatprasUyate namaH || 10||
koTidehiShu kaishchit tvaM sanmArgibhirupAsyase |
eko bhavAn prakR^iteshcha parAdakSharataH paraH || 11||
vidAmagresaraH sarvavij~no vishAlamUrtikaH |
sUkShmarUpo guNA yatra prAkR^itA na vasanti him || 12||
vAchA na viShayo yashcha bhaktavAgviShayo.asti saH |
na cha karmA.abhibhUto yaH karoti satataM sR^ijim || 13||
anindriyo.api chendrAdyairupAsyashchendriyAdimAn |
asAre.api cha saMsAre sArarUpo.asti vai bhavAn || 14||
yajadbhiravasIyetA.atAdR^isho.api chaturbhujaH |
paraM rUpaM na jAnImo jAnImo dR^iShTigocharam || 15||
avatAratanuM vidmastaddvArA.a.ashrayamApnumaH |
abjayonistava varShma naiva veda na chApyaham || 16||
vedmi vishuddhatapasA purANaM kavimIshvaram |
ahaM padmAsanAdyAshcha prasUtAshchAsakR^idvibhoH || 17||
bAlenaiva mayA chAnyaiH sambud.hdhyase na kIdR^ishaH |
natyA tuShTiM pragachChAmaH stutyA tR^iptAshcha vaidikAH || 18||
janmAntaravivekotthatvatprasAdAnmatiryadi |
labdhalAbhA bhavettena shivaM syAdbrahmapAragam || 19||
sUkShmaH sthUlo bhava.NshchA.adya mama netrasya bhUrabhUH |
dR^iShTo.asi kR^itakR^ityo.ahaM sulabho me.adya bhAgyataH || 20||
nato.asmi daNDavadviShNo.arpito.asmi pAdayostava |
stutiM juShasva bhaktasya janArdana! visheShataH || 21||
sR^iShTiM sR^ijasva vai brahmA nideshamakaronmama |
dehi tadvij~natAM sArvabhaumIM sR^ijAmi sevayA || 22||
hR^idistho.asi namaste.astu bahiHShTho.asmi namAmi te |
sarvagasya na chAtrA.asti vyavasthA matpR^ithak tava || 23||
iti prakAshaM stavanaM buddhvA.a.antaraM cha vAchikam |
bhItaM punIhi bhagavan tavAsmIti vibhAvaya || 24||

iti shrIlakShmInArAyaNIyasaMhitAyAM prathame kR^itayugasantAne 553\-adhyAyAntargataM
shambhukR^itaM haristotraM sampUrNam |

lakShmInArAyaNIyasaMhitA | khaNDa 1| adhyAya 553/2\-24||
##
lakShmInArAyaNIyasaMhitA . khaNDa 1. adhyAya 553/2-24..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}