% Text title            : Shatanandamunikrita Shri Hari Stuti
% File name             : shatAnandamunikRRitAshrIharistutiH.itx
% Category              : vishhnu, svAminArAyaNa, krishna, stuti, aShTaka
% Location              : doc\_vishhnu
% Author                : shatAnandamuni
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shatanandamunikrita Shri Hari Stuti ..}##
\itxtitle{.. shatAnandamunikR^itA shrIharistutiH ..}##\endtitles ##
(shArdUlavikrIDitam)
nIlendIvaralochanaM shashimukhaM sandIptarUpArchitaM
shrImatkesarachandanArchitamatho hArAvalIbhUShitam |
saddivyAkSharadhAmasaMsthitamamuM mandasmitaM rAjitaM
vande.ahaM puruShottamaM prabhuvaraM shrIsvAminArAyaNam || 1||
shikShApatrivichAramauktikaprabhAsarvAtmatAsAdhakaM
divyAbhairvachanAmR^itottharaNitaiH sandhvastajADyAvalim |
shrIshAlyuddhavamArgachAlakamaho dharmAtmajaM shrIhariM
vande.ahaM puruShottamaM prabhuvaraM shrIsvAminArAyaNam || 2||
proddAmaprasaratprashasyamahima shrIdhIdhR^itiprArchitaM
trailokyeShTavidhAnagauravachaNapraj~nAvibhAla~NkR^itam |
sarvAnandakaraprachArucharitaM vandArusaMvanditaM
vande.ahaM puruShottamaM prabhuvaraM shrIsvAminArAyaNam || 3||
aShTaishvaryavibhUShita~ncha sahajAnandaprapAvarShiNaM
sarvaprArthitadivyabhavyavibhavoddIptaprabhAvaM dhruvam |
bhaktAbhIShTatatipradAnanipuNaM kAruNyaratnAkaraM
vande.ahaM puruShottamaM prabhuvaraM shrIsvAminArAyaNam || 4||
navyotsarpiruchiprabhAvanibiDaprollAsisharmmapradaM
skandhAlambitadivyakuNDaladharaM mandonnatabhrUlatam |
sarvaM sthAvaraja~NgamaM jagadidaM sa~nchAlayantaM sadA
vande.ahaM puruShottamaM prabhuvaraM shrIsvAminArAyaNam || 5||
yannAmashravaNena kevalamaho pApochchayo nashyati
yannAmaprajapena jAyata aho saMvitprabhAsa~nchitiH |
yanmUrtipravilokanena sahasA bobhoti muktirnR^iNAM
vande.ahaM puruShottamaM prabhuvaraM shrIsvAminArAyaNam || 6||
bhartAraM harikR^iShNadevamanaghaM kArtAntakR^intanaM
chetodhvAntaharaM samastajagatAmekAntarakShAkaram |
divyaudAryasama~nchitaM shubhakaraM muktipradaM saukhyadaM
vande.ahaM puruShottamaM prabhuvaraM shrIsvAminArAyaNam || 7||
AnandaikarasapravAhasarasaM devAdhidevaM vibhuM
yogakShemavitAnakarmmalasitaM satkarmachu~nchapriyam |
shreyaH sarvajanInamAshuvimalaM vistArayantaM bhuvi
vande.ahaM puruShottamaM prabhuvaraM shrIsvAminArAyaNam || 8||

iti shrIsvAminArAyaNabApAcharitrAmR^itasAgare chaturthapravAhe
chaturthatara~Nge shatAnandamunikR^itA shrIharistutiH sampUrNA |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}