% Text title            : shatAparAdhastotram
% File name             : shatAparAdhastotram.itx
% Category              : vishhnu, upadesha, misc
% Location              : doc\_vishhnu
% Description/comments  : shrIgaruDapurANe brahmanAradasaMvAde
% Latest update         : December 30, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shataparadha Stotram ..}##
\itxtitle{.. shatAparAdhastotram ..}##\endtitles ##
nArada uvAcha \-
nAparAdhAMshcharet kvApi viShNordevasya chakriNaH |
iti tvayoditaM pUrvaM tAnAchakShva mamAdhunA ||
j~nAtvaiva vinivartante paNDitAH pApabuddhitaH(paddhateH) |
tasmAt tatkartR^ikAnAhurmAdhavo yairna tuShyati ||
brahmovAcha \-
aparAdhasahasrANi kriyante.aharnishaM naraiH |
vaktuM tAn kaH kShamo loke tasmAnmukhyAnahaM bruve || 1||
j~nAtvA vai vinivartante paNDitAH pApamArgataH |
nivR^ittiM mAnavA yAnti tadviShNoH paramaM padam || 2||
asnAtvA devapUjAyAH karaNaM sha~NkayA vinA |
devAlaye praveshashcha dIpahInAlaye.api cha || 3||
aprakShAlitapAdashcha pravesho.abhimukhAgatiH |
gomayAnanulipte cha deshe devasya pUjanam || 4||
aprakShAlya cha puShpANi prakShAlya tulasIM vibho |
pralapan devatApUjA gandhavarjitapUjanam || 5||
aghaNTAdevatArchA cha mukhaphUtkR^itavahninA |
dhUpArtikArpaNaM viShNoH stotrapAThaM vinA tathA || 6||
nirmAlyodvAsanaM vastrAshodhitAgryodakAhR^itiH |
agryodake narachChAyApatanaM chAbhiShechanam || 7||
agryodake nakhasparsho jAnuja~NghAvalambanam |
devopakaraNasparshaH padA nArInaraistathA || 8||
adhUtavastrairasnAtairnaivedyasyApi pAchanam |
anAchChAdya tu kumbhasya mukhamagryodakAhR^itiH || 9||
abhakShyabhakShaNaM viShNorabhakShyasya nivedanam |
keshashmashrunakhasparshahastAbhyAM devasparshanam || 10||
anyAvashiShTavastrasya devatAnAM samarpaNam |
hInavastrArpaNaM viShNornIlavastrasamarpaNam || 11||
adhUtavastrapUjA cha niShiddhAnnanivedanam |
aShTAkSharopadeshAchcha R^ite devArchanaM tathA || 12||
chauryAhR^itAnAM puShpANAM devAnAM cha samarpaNam |
anyAvashiShTaparyuShTamlAnapuShTasamarpaNam || 13||
ChinnabhinnAtiriktAnAM puShpANAM cha samarpaNam |
svA~NgabhUgalitAnAM cha nikR^intanAM samarpaNam || 14||
vastrArkairaNDapatreShvAhR^itAnAM samarpaNam |
nirgandhakusumAnAM cha tulasIrahitArchanam || 15||
lokavArtAM vadan viShNornirmAlyasya visarjanam |
archane varjanaM ShaTkamudrANAM munisattama || 16||
eraNDatailadIpashcha pa~nchasaMskAravarjanam |
bhUtvA shUnyalalATashcha devatAyAH prapUjanam || 17||
sAmyena sha~NkarAdyaishcha pUjA vA samakAlataH |
tulasIpadmAkShamAlAnAM tathA kaNThe tvadhAraNam || 18||
uttarIyaparityAgaH pavitragranthivarjanam |
akachChaH puchChakachCho vA devatAyAH prapUjanam || 19||
pAkhaNDInAM cha saMsargo duHshAstrAbhyAsa eva cha |
narastutInAM shravaNaM narastutyA cha jIvanam || 20||
pUjyastutiparityAgaH sachChAstrAbhyAsavarjanam |
shravaNaM viShNunindAyA gurunindAshrutistathA || 21||
satpuruShanindAshravaNaM sachChAstrasyApi nArada |
devasya pUjAsamaye bAlAnAM lAlanaM tathA || 22||
vyAsa~Ngo devatArchAyAM keshAdInAM visarjanam |
AjyAbhighArahInasya naivedyasya samarpaNam || 23||
AlasyAddevapUjA cha tuchChIkR^itya tathA vibho |
malaM badhvA devapUjA.ajIrNAnnenArchitaM vibho || 24||
devasya pUjAsamaye viditvA.a.agamanaM satAm |
anubhyutthAnamAryANAM parityAgashcha karmaNAm || 25||
shaThatvAchChravaNaM viShNoH kathAyAH puruSharShabha |
purANashrutisamaye tAmbUlAdeshcha charvaNam || 26||
guroH samAsanArUDhaH purANashravaNaM tathA |
ashraddhayA purANasya shravaNaM kathanaM tathA || 27||
dinApanayanaM lokavArtayA gR^ihachintayA |
namaskArAt paraM viShNordhUlidhUtAvadhUnanA || 28||
ArdravastreNa devasya pUjAyAH karaNaM tathA |
ekAdashIparityAgaH parvamaithunameva cha || 29||
puMsUktamapaThitvA cha devapUjAsamApanam |
AdAvante sahasrANAM nAmnAM pAThavivarjitam || 30||
ahutvAvA.apyadatvA vA bhojanaM R^iShisattama |
puNyakAlAtishayitadevapUjAsamarpaNam || 31||
bhoge niveditAnnasya hyanyadevArpitasya cha |
viShNoshcha sthAnarahito grAmavAsashcha paNDitaH || 32||
satsa~NgamavihIne cha viShNvanyannAmadhAraNam |
nityaM sakAmapUjA cha devopakaraNaistathA || 33||
saMsArayAtrAkaraNaM tathA vai devamandire |
shayane mithunIbhAvaH sha~NkhavarjitapUjanam || 34||
devatAbhimukhaH pAdaprasAro munisattama |
avR^indAvanagehe cha vAso vratavyatikramaH || 35||
tulAmakarameSheShu prAtaHsnAnavivarjitam |
pUjAnte devadevasya mukhavastrAsamarpaNam || 36||
brahmapAraparastotrApaThanaM tviti nArada |
aparAdhashataM chaitanmahAnarthasya sAdhanam || 37||
j~nAtvA puMsA parityAjyaM viShNoH prItimihechChatA |
anyathA narakaM yAti viShNormArgaM na pashyati || 38||
shatAparAdhamadhyAyuM yo vA paThati nityashaH |
tasyAparAdhashatakaM sahate viShNuravyayaH || 39||
viShNornAmasahasraM tu yo vA paThati nityashaH |
tasya puNyaphalaM dhatte paThatastu dayAnidhiH || 40||

|| iti shrIgaruDapurANe brahmanAradasaMvAde shatAparAdhastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}