% Text title            : shatadUShaNIstha hayagrIvastotram
% File name             : shatadUShaNIsthahayagrIvastotram.itx
% Category              : vishhnu, vishnu
% Location              : doc\_vishhnu
% Transliterated by     : Vedha Nathan vnathan.lab at gmail.com
% Proofread by          : Vedha Nathan vnathan.lab at gmail.com, NA
% Latest update         : February 2, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shatadUShaNIstha HayagrIvastotram ..}##
\itxtitle{.. shatadUShaNIsthahayagrIvastotram ..}##\endtitles ##
shrIlakShmIhayavadanaparabrahmaNe namaH |
shrImAn ve~NkaTanAthAryaH kavitArkikakesarI |
vedAntAchAryavaryo me sannidhattAM sadA hR^idi ||

samAhArassAmnAM pratipadamR^ichAM dhAma yajuShA
     layaH pratyUhAnAM laharivitatirbodhajaladheH |
kathAdarpakShubhyatkalikathakakolAhalabhavaM
     haratvantardhvAntaM hayavadanaheShAhalahalaH || 1||
hayagrIvasudhAsindhuharShaheShAravormayaH|
jayanti vAdavelAntakShiptabAhyakudR^iShTayaH || 2||
saMpraj~nAtasthitimadhigate nirvikalpe samAdhau
     shAntAvadyaM stimitabahulAnandasandAhamantaH |
yattadbrahma sphurati yaminAM pUrNaShADguNyarUpaM
     sA me nityaM hR^idi hayamukhI devatA sannidhattAm || 3||
yadAtmAno vedA yadanuguNavarNAkR^itijuShaH
     pramANaM yatraite niyatamaparichChedhyavibhave |
ya eShAmAhartA danujamathano vAjivadanaH
     sa me devaH shrImAn vidalayatu sammohamakhilam || 4||
abAdhAdadhyakShaprabhR^iti mitivargeShvavadhR^itaM
     sharIraM yasyedaM jagadakhilamantaryamayituH |
sa me tarkairetairnijavibhavaluNTAkamathanaiH
     prasIdatvAsIdannigamashatasImA hayamukhaH || 5||
aj~nAnasantamasamAshrayaNonmukhAnAM
     saMvitpradIpamahasA sahasA nirundhan |
vidyAsvayaMvarapatirvyapahantvavidyAM
     sarvAnubhUH sa bhagavAn puruShottamo naH || 6||
viditamanuvadanto vishvametadyathAvat
     vidadhati nigamAntAH kevalaM yanmayatvam |
aviditabahubhUmA nityamantarvidhattAM
     hayavaravadanosau sannidhiH sannidhiM naH || 7||
hayamukhamukhaistattadrUpairakarmavinirmitai\-
     rupadishati yastathyaM pathyaM satAmavasIdatAm |
jananapadavIyAtAyAtashramApaharAM dhiyaM
     janayatu sa me devaH shrImAn dhana~njayasArathiH || 8||
namastredhA vibhaktAnAmAtmanAmantarAtmane |
brahmaNe hayavaktrAya bandhamokShaikahetave || 9||
ya eko durla~NghyatriguNanijamayAnigalitai\-
     rvichitraiH kShetraj~nairviharati sarojAsahacharaH |
jagatsargakShemakShapaNaparikarmINamahimA
     dayAlurdevosau turagavadanastArayatu naH || 10||
ananyAnAM puMsAmanavadhikabhaktisthitijuShA\-
     mavidyAdhvaMso ya~ncharaNavarivasyApariNateH |
tadekaM satsaMvitsukhamavaghidUrikR^itaguNaM
     hatAsheShAvadyaM hayavadanamIDImahi mahaH || 11||
hatAsheShakleshA niravadhi mahAnandadhanino
     vayaM bhUyAsmeti sthiramanaghavarmanyadhikR^itAH |
anAghrAtadvandvA hayamukhapadadvandvaruchayaH
     svadantAM me santaH shrutijaladhimuShTindhayadhiyaH || 12||

kavitArkikasiMhAya kalyANaguNashAline |
shrImate ve~NkaTeshAya vedAntagurave namaH ||

iti shrIshatadUShaNIsthahayagrIvastotraM sampUrNam |
##

Encoded and proofread by Vedha Nathan vnathan.lab at gmail.com, NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}