% Text title : Shatashloki NRisimhadhyanam % File name : shatashlokInRRisiMhadhyAnam.itx % Category : vishhnu, dashAvatAra, viShNu, dhyAnam, shataka % Location : doc\_vishhnu % Proofread by : Manoj Kumar Barman % Description/comments : nRRisiMhakosha 3 upAsanA khaNDa uttarArdha % Latest update : August 11, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shatashloki Nrisimhadhyanam ..}## \itxtitle{.. shatashlokI nR^isiMhadhyAnam ..}##\endtitles ## atha shatashlokI dhyAnam | mahAchakrasya sannAbhimaNDale triguNAtmani | sukhaM saMvItkShIrajalaM chintayet kShIrasAgaram || 1|| shvetadvIpaM cha tanmadhye shabdAdiviShayAtmakaH | jAtibrahmavanopetaMsa sadralaMsikatA~nchitam || 2|| maNiratnamaye tatra prAsAde sumanohare | shvetasiMhAsanaM dhyAyet shvetapadmottarachChadaM || 3|| sheShaM tatra vijAnIyAtsaptatyApuchChamaNDalaiH | phaNAsahasramupari ChatrIkR^itya vyavasthitam || 4|| shvetahArakirITAbhyAM dadhAnaM musalaM halam | raktAkShaM shvetapuShpastrak nIlavastraikakuNDalam || 5|| tada~Nge chilayeddevaM nR^isihaM pItavAsasam | sUryendukoTimahasamaruNottaravAsasam || 6|| shvetAdrikAntivapuShaM satyaj~nAnasukhAtmakam || AsInaM yogapaTTena chaturdaShTraM chaturbhujam || 7|| prAdakShiNyena dadhatamUrdhvadakShiNabAhuke | chakraM pinAkanabhayaM varaM karachatuShTaye || 8|| taptahATakakeshAntaM chandrArdhakR^itashekharam | sukapolaM suvistIrNalalATaphalakojvalam || 9|| chandrasUryAgnisa~NkAshaM vR^ittotphullatrilochanam | phuratkamalaki~njalkasamaromAntakarNakam || 10|| ki~nchidunnatamadhyeShatphullanAsAmanoharam | lalajjikAprapa~nchAsyaprakAshitaradAvali || 11|| shmashrulambitasR^ikvANaM ki~nchiduku~nchitabhruvam | stabdhadhUropamapakShmANaM tiryagAlambikesaram || 12|| kakudaM sashiraH kaNThaprAku~nchitakachochchayam | nIlagrIvaM prakR^ityAtmA shrIvatsA~NkitavakShasam || 13|| vistIrNorasthalaluThatpuruShAtmakakaustubham | viShTabdhapArshvapR^iShThAsthimagnanAbhya~NkitodaraM || 14|| tiryaksaMsthija~NghorU jAnvAhitakaradvayam | tIkShNogranakhavajrAlirochirvidrAvitAsuram || 15|| tiryakpAdatalasparshakR^itArthIkR^itavAsukim | kirITahArakeyUrakA~nchIkaTakabhUShitam || 16|| Ayuktaja~NghAbharaNaM pAdAntavyAptanUpuram | ratnAM~NgulIyakajyotirudbhAsita digambaram || 17|| samakarNAntavinyastachArakuNDalabhUShitam | pa~nchabhUtAtmikAM pa~ncharUpAM mAlAM cha bibhratam || 18|| vAmArUgatayA lakShmyAshliShTaM dakShiNabAhunA | dadhatyA vAmahastena dADimaM sumanoharam || 19|| svarNaratnAbharaNayA pItakausheyavastrayA | hiraNyavarNayAnyastadR^ishA svAmimukhAmbuje || 20|| nAnArUpadharaiH shastraiH pR^iShThapArshvagataiH pR^ithak | svasvAyudhodyatakaraiH mUrtimadbhirupAsitam || 21|| sachAmarairvirajyamAnaM lakShmyAdyAbhishcha shaktibhiH | saMsAktAbhyanuraktAbhiranyAbhiH parivAritam || 22|| yakSha pannagagandharvavidyAdharavadhUgaNaiH | nR^ityavAditrasa~NgItastutibhiH kA~NkShitekShaNaM || 23|| surAsuragaNaishchaivaM prasAdAvAptadarshanaiH | kR^itA~njalIbhirAj~nArthaM ki~NkarairdUratasthitaiH || 24|| antarikShagataiH siddhaiH yogibhiH sanakAdibhiH | saMstUyamAnamekAdyairR^igyajuHsAmamantragaiH || 25|| aishAnIM dishamArabhya mahAchakradalasthitaiH | padmAsanairabhimukhairvIkShamANaM sudarshanaiH || 26|| nArAyaNairvAsudevaiH keshavAdyairyathAkramam | brahmAdyairnArisiMhaishcha svasvavarNAyudhAnvitaiH || 27|| purastAdvasubhistasya rUdrairddakShiNasthitaiH | chakrasya pashchAdAdityairvishvedevairyathApyudak || 28|| upopaviShTaH pAdAnte brahmaviShNumaheshvaraiH | svasvAyudhakarairUdhvaM kR^itA~njalipuTadharaiH || 29|| tathaivopasthitaM chandrasUryAbhyAM pArshvayodvayoH | mahAvibhUtisaMsthAnaM sarvadevAtmakaM prabhum || 30|| brahmAj~neyaH shirastasya pitaraH sarvaShayaH saTAH | rudro lalATaM vidyutbhUrashvinau nAsike smR^itau || 31|| shrotre dishotha gaNDau dvau nAradastumbarUstathA | mukhamagnIradAbhAni daMShTrAstA kAlarAtrayaH || 32|| dyAvApR^ithivyA voShThau dvau rasanA tu sarasvatI | vedA vAchaspatiH kaNThaH skandhau guhavinAyakau || 33|| stanau bR^ihaspatiH shukraH sendrAdevAstu bAhavaH | sarpA a~Ngulayo j~neyAH shastrAstrANi tathA nakhAH || 34|| lakShmIrvakShasthalaM tasya prANo nArAyaNAtmakaH | dharmAtmAnau charma varma nAbhirgaganamuchyate || 35|| jagachcha jaTharaM sAdhyAH pAshve dve iti hi shrutiH | pR^iShThaM tu maruto devA li~NgaM tasya prajApatiH || 36|| urU dvau vasavaH proktau ja~Nghe svacharaNau tu bhUH | siddhAH sAdhyA purAromA nadyo dhamanayaH smR^itAH || 37|| asthIni parvatAstasya hiraNyaM reta uchyate | krodho rudraH samAkhyAto jyotirbhairavarUpadhR^ik || 38|| sha~Nkhachakra gadAshA~N chakraM lohita muchyate | sha~NkhachakragadAshAH sha~Nkhasha~NkhanibhaH smR^itaH || 39|| gadA chakrAbja shA~NgI gatApItA nigadyate | sashAgachakrAbjagadaM shArDInIlAmbudaprabham || 40|| bANA japAnibhAnIlI sha~NkhachakradhanurdharAH | khaDgachakragadAshA~Nga khaDgo dhUmraH prakIrtitaH || 41|| gadAbuddhiraha~NkAraH sha~Nkha shA~NgadvidhA sthitam | bhUtAdIndriyAdIMshcha manashchakraM vidurbudhAH || 42|| sharAstAnindriyANyAhurbuddhikarmAtmikAni vai | vidyAM khaDgaM tathaivAhuravidyA charma sUchyate || 43|| shUlaM halaM cha musalaM dhavalaM tritayaM smR^itam | shUlAdi prathamaM kR^itrA sha~NkhachakragadAdharAH || 44|| chaturbhujAste chakrAdyAH suvarNavasanAyudhAH | chakrAdi chihna mukuTAH khaDgo j~neyoruNAmbaraH || 45|| atha ShaTshlokaiH kathyate | AdyA chaturthe chakre R^itupuruShAkhyai rasaissadalaiH | Imiti pItAntatrAntarmAyayA veShTitA nemiH || 46|| vedA~NgAyatrI jagatyanuShTubhaM dalaM sheSham | chakratritayaM tatra hnimiti shuklA bahirmAyayA || 47|| sphuradaTTahAsavikaTogradaMShTradIptAnanAn raudrAn | pi~NgordhvabhImakeshAn bhImAkShAnnavara vipraravyAn || 48|| chakradharaM sarojakha~NagA~NkushapAshamusalagadAH | saha sarvairAbharaNairamalairdadhAtaH sudarshanAnvande || 49|| asitAnasitasupItakShitilakShmIbhyAM paribhaktAn | chakrAmbujaM sha~NkhagadAdadhato nArAyaNAnvande || 50|| praNato.asmi vAsudevAn chakradharAmbujagadahastAn | nikhilavibhUShaNabhUShita sitavapuShaH sitarojagatAn || 51|| sha~NkhachakragadApadyaiH keshavaH kanakaprabhaH | kShIrAmbhobjagadAchakradharaiH nArAyaNaH smR^itaH || 52|| mAdhavaH sha~NkhachakrAbja gadAhastojapAnibhaH | manaHshIlAbho govindo gadApadmadarAdibhiH || 53|| sapadmasha~NkhAdigado viShNushchAlaktakaprabhaH | sha~NkhachakragadApadyairarjuno madhusUdanaH || 54|| sagadAsha~NkhachakrAbjo nIlAbjAbhastrivikramaH | raktashchakragadApadmasha~NkhairvAmana uchyate || 55|| chakrIdArIgadIsAjashrIdharaH kumudaprabhaH || kAshmIrAbho hR^iShIkeshaH sachakrAbjadarogadI || 56|| padmachakra gadAsha~NgaiH padmanAbho janaprabhaH | dAmodaraH sha~NkhagadAchakrAbjaiH kShIrasannibhaH || 57|| sphaTikAbho vAsudevaH sha~NkhAdyabjagadAdharaH | sa~NkarShaNodarAbjAdidaraiH kanakasannibhaH || 58|| sha~NkhAgadIsAbjachakrI pradyumno vajrasannibhaH | gadIsha~NkhI sAbjachakrastvaniruddho sitaprabhaH || 59|| brahmAdyA nArasiMhAstu svasvalakShaNalakShitAH | nR^isiMhAkAravadanAH sarva eva trilochanAH || 60|| dadhAti sruvarasruvau brahmAviShNushchakrasasha~Nkhakam | maheshvaraH shUlachApau puruShaH sha~NkhachakrabhR^it || 61|| dadyAti cheshvaraH shUlaM DamarUM cha yathAkramam | lekhanI pustakaM cheti dadhAti dve sarasvatI || 62|| padmadvayaM dadhAti shrIgaurI nIlotpaladvayam | prakR^itishva tathA \-vidyA pAshA~Nkushadhare shubhe || 63|| abhItivaradAH sarve dhavalAste chaturbhujAH | puruShaM dvibhujaM kechit pravadanti nirAyudham || 64|| ekAdashottare vishvarUpadhR^ik chakrasha~NkhinaH | OM kArA~Nakita vakShAMstu pItao~NkAra uchyate || 65|| o~NkArAnantaraM mAtrAshchatasrastasya saMsthitAH | vedAH sA~NgAH sashAkhAshcha vij~neyAstadanantaram || 66|| pa~nchAgneyastato j~neyAH saptavyAhR^itayastathA | lokapAlAstatashchAShTau vasavoShTau tataH smR^itAH || 67|| rudrAH paraM tato j~neyAshchAdityAstadanantaram | aShTau grahAstataH pashchAnmahAbhUtAni pa~ncha cha || 68|| kAlaH pAshA~NkushIkAlaHshchakraM sha~NkhImanusmR^itaH | dhUmraH pAshA~NkushI mR^ityuH shyAmau j~neyau yamAntakau || 69|| tau pAshamudgaradharau prANashcha kradarIsitaH | raktAbjadvayavAn raktasUryaH somastu pANDuraH || 70|| dadhAtyamR^itasampUrNaM kuNDaM daNDaM cha shobhanam | sa virAT puruSho jIvaH shuklashchakradarAyudhaH || 71|| sarvavarNAyudhaiH sarve chetanAchetanAtmakam | brahmAdishaktayashchAtra sarasvatyAdayaH smR^itAH || 72|| ardhamAtrAshchatasrastA OM kArasyaiva shaktayaH | saptavyAhR^itayognInAM vedAnAM chaiva shaktayaH || 73|| vasavo haritAH sarve te j~neyA kha~NgacharmiNaH | shUlakha~NgA~Ngino rudrAH shuklA bhasmakapardinaH || 74|| AdityA lohitAH sarve raktA advayadhAriNaH | vishvedevAH suvishadAH sarve bANadhanurdharAH || 75|| brahmA raktaH suvarNAbho viShNuH syAt shyAmasannibhaH | maheshaH shuklavarNashcha vij~neyaH siMhavaktravaH || 76|| sarve chaturbhujAstatra keShA~nchidvibhujaH shashI | sakalAvaraNAtItaM nirAlambana\-bhAvanam || 77|| nR^isihaM bhAvayantyete tanmayAstadvibhUtayaH | mantramUrtidharasyAsya sA~NgAH pAdAH shrutIritAH || 78|| hR^itashirastu shikhA chaiva kavachaM cha yathAkramam | samagraM cha tathA mantramastrannetravivarjitam || 79|| shastrANi shrInR^isiMhasya pUrvoktAni prachakShate | astraM tadeva devasya mahAchakrAkhyamIritam || 80|| praNavasya tu yA mAtrAstAbhisteShu hR^idAdiShu | bhUrbhuvaH svaHstrayo lokAH brahmalokastadAshrayaH || 81|| agnyAdayastathA sUryaH somabrahmAdayaH surAH | chaturShu mantrapAdeShu samAtreShu vyavasthitAH || 82|| R^igyajuH sAmAtharvANaH sA~NgAH shAkhAH samanvitAH | mantrasya pAdAshchatvAra ityAtharvaNI shrutiH || 83|| praNavaH prathamaH prokto brahmarUpaH sanAtanaH | raktAbjadvayaMvAn rakto ghR^iNiH sUryo dvitIyake || 84|| tR^itIye tu yajurlakShmIshchArva~NgI padmadhAriNI | turye nR^isiMhagAyatrI nR^isiMhAkAradhAriNI || 85|| uktAnya\rdq{} gAni mantrasya sAmnA shrutinidarshanAt | j~nAtavyaM devadevasya dhyAnaM sarvottamottamam || 86|| uddhahaNAtIha bhUtAni sarvANyuhyate.api cha | sarge visargairvAsaishcha yastaMvaraM namAmyaham || 87|| virAmayati bhUtAni sarvANi viramatpi | sargai visargairvAsaishva yastaM vIraM namAmyaham || 88|| svamahimnA jagatsarvaM vyApnoti vyApyate.api cha | vyatiShikto mahAdevo mahAviShNuM namAmyahaM || 89|| jalanyastejasA svena jvAlayannakhilaM jagat | asheShamUrtirvishvAtmA jvalantaM taM namAmyaham || 90|| sarvatokShishrutighrANaM sarvataH pANipAdakam | sarvendriyairasambandhaM prapadye sarvatomukham || 91|| jagaddhitaM prapanno.asmi hyajitaM vIryavattamam | nR^ivachcha siMhavachchaiva nR^isiMhaM parameshvaram || 92|| yasya bhImasya devAdyAH sarve bhItyAtibhIShaNam | rUpaM dR^iShTvA palAyante bhIShaNaM taM namAmyahaM || 93|| bhadraM dadAti bhaktebhyo yaH sadA bhadrarUpadhR^ik | bhadrAchArasya goptAraM bhadraM taM praNamAmyaham || 94|| smR^ita eva hi bhaktAnAM yo hiMsrAnmArayatyajaH | mR^ityuM chevApamR^ityuM cha mR^ityuM mR^ityuM namAmyaham || 95|| bhaktyA namanti yaM sarve devAH sabrahma vAdinaH | bhuktimuktipradaM sarva namaskAryaM namAmyaham || 96|| yasyAtmA sarvamevedaM yonnaH sarva sharIriNAm | sarvabhUteShu chAtmAnaM sarvAtmAnaM namAmi tam || 97|| kShIrodArNavamadhyastha yogidhyeyaM paraM padam | amitadyutimIshAnaM prapadye taM pinAkinam || 98|| R^itaM satyaM paraM brahma puruShaM chordhvaretasam | prapadyehaM virUpAkShaM sha~NkaraM nIlalohitam || 99|| umApatiM pashupati tathA chaivAmitadyutim | IshAnaM sarvavidyAnAM narakesarivigrahaH || 100|| IshvaraM sarvabhUtAnAM prapadye kR^iShNapi~Ngalam | tasmAttatsachchidAnandamayaM brahmasvarUpiNam |||| 101|| smR^ite sakalakalyANaM bhAjanaM yatra jAyate | puruShastamajaM nityaM vrajAmi sharaNaM harim || 102|| yannAmakIrtanaM pusAM sadyo dahati pAtakam | karoti chAkShayaM puNyaM prapadye hyanaghavR^iSham || 103|| yasyAvatArarUpANi sadArchanti divaukasaH | ajAnantaH paraM rUpaM taM vande purUShottamam || 104|| yasya pAdodakaiH snAtvA yasyochChiShTAni bhu~njate | nityaM bhAgavatA bhaktyA taM vande sAtvataH priyam || 105|| atha dashakashlokaiH phalashrutiH | idaM dhyAnashataM nityaM paThataH shrR^iNvato.api vA | punarbhavabhayaM nAsti paralokabhayaM kutaH || 1|| sarvaishvaryaM dadAtIha santuShTaH parameshvaraH | dehAnte tArakaM brahma vyAchaShTe karNamUlake || 2|| tadeva vyAptakAmoyaM kathaM santoShyatAM prabhum | mA manyadhvamiti prAj~nA bhaktigrAhyA hi devatA || 3|| tulasIdalamAtreNa jalasya chulakena tu | vikrINIte yamAtmAnaM bhaktobhyo bhaktavatsalaH || 4|| bhavapAshaM ChinatyeShaH pradadAtAtyAtmanaH padam | mAnasArchanamAtreNa bhaktiprIto nR^ikesarI || 5|| svadharmapAlanaM samyagadrohaH sarvajantuShu | shrutvA bhaktiH pareshasya mUlaM santoShakAraNam || 6|| j~nAnayogasahasrAddhi bhaktiyogo vishiShyate | iti sa~nchintya sa~nchintya bhaktimagre kR^itA budhaiH || 7|| saMvatsaroShite deyamidaM dhyAnaM sudhArmike | na chAbhaktena chAshAntena chAshR^iddhena na chAnR^itau || 8|| asthAne hi vinirmuktA mantrAH kR^ityAstathaiva cha | tatra nirvIryatAM prApya vinighnanti prayojanam || 9|| yasya deve parA bhaktiryathA deve tathA gurau | tasyaite kathitA hyarthAH prakAshante mahAtmanaH || 10|| iti shrIratnamAlAyA shrautapaddhatau shrInR^isiMha dhyAnashatakaM sampUrNam | ## Proofread by Manoj Kumar Barman \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}