% Text title            : Shivakritam 2 Vishnu Stotram
% File name             : shivakRRitaM2viShNustotram.itx
% Category              : vishhnu, vishnu, harivaMsha
% Location              : doc\_vishhnu
% Proofread by          : PSA Easwaran
% Description/comments  : harivaMsha | anubandha - parishiShTa | adhyAya a31.1135||
% Latest update         : September 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivakritam 2 Vishnu Stotram ..}##
\itxtitle{.. shivakR^itaM 2 viShNustotram ..}##\endtitles ##
maheshvara uvAcha |
yattat kAraNamAhustat sAMkhyAH prakR^itisaMj~nitam |
tridhAbhUtaM jagadyoniM pradhAnaM kAraNAtmakam || 1||
sattvaM rajastamo viShNo jagadaNDaM janArdana |
tasya kAraNamahustvAM sAMkhyAstattvavido hare || 2||
tadrUpeNa bhavAn viShNo pariNamyAdhitiShThati |
tato mahAn samutpannaH prakR^itiryasya kAraNam || 3||
tasmAttu mahato ghorAdahaMkAro mahAnabhUt |
sa tvamAdau jagannAtha pariNAmastathA hi saH || 4||
ahaMkArAtprabho deva kAraNAni mahAnti cha |
tanmAtrANi tathA pa~ncha bhUtAni prabhavantyuta || 5||
tAni tvAmAhurIshAnaM bhUtAnIti jagatpate |
pR^ithivI vAyurakAshamapo jyotishcha pa~nchamam || 6||
chakShurghrANaM tathA sparsho rasanA shrotrameva cha |
manaH ShaShThaM tathA deva prerakaM tatra tatra ha || 7||
karmendriyANi chApyAhuH pAdAdIni janArdana |
tvameva tAni sarvANi karoShi niyatAtmavAn || 8||
sveShu sveShu jagannAtha viShayeShu tathA hare |
niveshayasi devesha yogyAmindriyapaddhatim || 9||
yadA tvaM rajasA yuktastadA bhUtAni sR^iShTavAn |
yadA cha sattvayukto.asi tadA pAtA jagattrayam || 10||
yadA te tama utkR^iShTaM tadA saMharase jagat |
tribhireva guNairyuktaH sR^iShTirakShAvinAshane || 11||
vartase vividhAM bhUtimAdAya niyatAtmavAn |
indriyANIndriyArtheShu niyojayasi mAdhava || 12||
prANinAmupabhogArthamantaH sthitvA jagadguro |
tasmAtsarvatra bhUteShu vartase sarvago bhavAn || 13||
brahmA tvaM sR^iShTikAle tu sthitau viShNurasi prabho |
saMhAre rudranAmAsi tridhAmA tvamiti prabho || 14||
bhUmirapo.analo vAyuH khaM mano buddhireva cha |
etAH prakR^itayo deva bhinnAH sarvatra te hare || 15||
sahasrashIrShA puruShaH sahasrAkShaH sahasrapAt |
sahasrodarasAhasrI sahasrAtmA divaspatiH || 16||
bhUmiM sarvAmimAM prApya saptadvIpAM sasAgarAm |
aNuH sarvatrago bhUtvA atyatiShThaddashA~Ngulam || 17||
tvamevedaM jagatsarvaM yadbhUtaM yadbhaviShyati |
tvatto virAT prAdurabhUt samrAT chaiva janArdana || 18||
tava vaktrAjjagannAtha brAhmaNo lokarakShakaH |
prAdurAsIt purANAtman ShaTkarmanirataH sadA || 19||
rAjanyastu tathA bAhvorAsIt saMrakShaNe rataH |
UrvorvaishyastathA viShNo pAdAchChUdra udAhR^itaH || 20||
evaM varNA jagannAtha tava dehAt sanAtanAt |
manasastava devesha chandramAH samapadyata || 21||
sukhakR^it sarvabhUtAnAM shItAMshuramR^itaprabhaH |
akShNoH sUryaH samutpannaH sarvaprANivilochanaH || 22||
yasya bhAsA jagatsarvaM bhAsate bhAnumAnasau |
mukhAdindrashchAgnishcha prANAdvAyurajAyata || 23||
nAbherantarikShamutpannaM tava deva janArdana |
dyaurAsIttu mahAghorA shirasastava gopate || 24||
padbhyAM bhUmiH samutpannA dishaH shrotrAjjagatpate |
evaM sR^iShTvA jagatsarvaM vyApya sarvaM vyavasthitaH || 25||
vyApya sarvAnimAMllokAn sthitaH sarvatra keshava |
tatashcha viShNunAmAsi dhAtorvyApteshcha darshanAt || 26||
nArA ApaH samAkhyAtAstAsAmayanamaditaH |
yatastvaM bhUtabhavyesha tannArAyaNashabditaH || 27||
vasanAddevanAddeva vAsudeveti shabditaH |
harasi prANino deva tato haririti smR^itaH || 28||
shaM karoShi sadA deva tataH shaMkaranAmavAn |
bR^ihattvAdbR^iMhaNatvAchcha tasmAdbrahmeti shabditaH || 29||
madhurindriyanAmeti tato madhuniShUdanaH |
hR^iShIkANIndriyANyAhusteShAmIsho yato bhavAn || 30||
hR^iShIkeshastato viShNo khyAto vedeShu paThyate |
ko brahmeti samAkhyAta Isho.ahaM sarvadehiShu || 31||
AvAM tavA~Nge saMbhUtau tataH keshavanAmavAn |
mA vidyA cha hare proktA tasyA Isho yato bhavAn || 32||
tasmAnmAdhavanAmAsi dhavaH svAmIti shabditaH |
gaureShA tu yato vANI tAM cha veda yato bhavAn || 33||
govindastu tato deva munibhiH kathyate bhavAn |
trirityeva trayo vedAH kIrtitA munisattamaiH || 34||
kramate tAMstathA sarvAMstrivikrama iti smR^itaH |
aNurvAmananAmAsi yatastvaM vAmanAkhyayA || 35||
mananAnmunirevAsi yamanAdyatiruchyase |
apashcharasi yasmAttvaM tapasvIti cha shabditaH || 36||
vasanti tvayi bhUtAni bhUtAvAsastato hare |
IshastvaM sarvabhUtAnAmIshvaro.asi tato hare || 37||
praNavaH sarvavedAnAM gAyatrI ChandasAM prabho |
akSharANAmakArastvaM sphoTastvaM varNasaMshrayaH || 38||
rudrANAmahamevAsmi vasUnAM pAvako bhavAn |
AdityanAM bhavAn viShNurindro deveshvaro bhavAn || 39||
ashvattho vR^ikShajAtInAM brahmA lokagururbhavAn |
merustvaM parvatendrANAM devarShINAM cha nAradaH || 40||
dAnavAnAM bhavAn daityaH prahrAdo bhaktavatsala |
sarpANAmeva sarveShAM bhavAn vAsukisaMj~nakaH || 41||
guhyakAnAM cha sarveShAM bhavAn dhanada eva cha |
varuNo yAdasAM rAjA ga~NgA tripathagA bhavAn || 42||
AdistvaM sarvabhUtAnAM madhyamantastathA bhavAn |
tvattaH samabhavadvishvaM tvayi sarvaM pralIyate || 43||
ahaM tvaM sarvago deva tvamevAhaM janArdana |
AvayorantaraM nAsti shabdairarthairjagatpate || 44||
nAmAni tava govinda yAni loke mahAnti cha |
tAnyeva mama nAmAni nAtra kAryA vichAraNA || 45||
tvadupAsA jagannAtha saivAstu mama gopate |
yashcha tvAM dveShTi devesha sa mAM dveShTi na saMshayaH || 46||
tvadvistAro yato deva ahaM bhUtapatistataH |
na tadasti vinA deva yatte virahitaM hare || 47||
yadAsIdvartate yachcha yachcha bhAvi jagatpate |
sarvaM tvameva devesha vinA kiMchittvayA na hi || 48||
stuvanti devAH satataM bhavantaM svairguNaiH prabho |
R^ik cha tvaM yajurevAsi sAmAsi satataM vibho || 49||
kimuchyate mayA deva sarvaM tvaM bhUtabhAvanaH |
namaH sarvAtmane deva munInAha punaH shivaH || 50||
evaM jAnIta he viprA ye bhaktA draShTumagatAH |
etadeva paraM vastu naitasmAt paramasti vaH || 51||
namaH sarvAtmane deva viShNo mAdhava keshava |
namaskaromi sarvAtmannamaste.astu sadA hare |
namaH puShkaranAbhAya vande tvAmahamIshvara || 52||

iti harivaMshAntargataM shivakR^itaM viShNustotraM sampUrNam |

harivaMsha | anubandha \- parishiShTa | adhyAya a31\.1135||
##
harivaMsha . anubandha - parishiShTa . adhyAya a31.1135..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}