% Text title            : shrIkRRiShNamAnasikapUjA
% File name             : shrIkRRiShNamAnasikapUjA.itx
% Category              : vishhnu, krishna, pUjA
% Location              : doc\_vishhnu
% Author                : gAyatrisvarUpa brahmachari
% Proofread by          : Vani V
% Description/comments  : shrI bhagavat shrIkRRiShNamAnasikapUjA uttarArdhaH. Author/publisher comment mentions the cost of the book as bhagavadbhakti
% Latest update         : March 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrikrishna Manasika Puja ..}##
\itxtitle{.. shrIkR^iShNa mAnasika pUjA ..}##\endtitles ##
shrI gaNeshAya namaH |
dhyAnam\-
     vande shrIkR^iShNachandraM ChaviyugalayutaM rAdhikAnAthamekaM
           vande vedAntasAraM paramapadamajaM divyakaivalyadhAmam |
     vande shuddhAtmarUpaM guNarahitanijaM j~nAninAM j~nAnagamyaM
           vande devAdhidevaM sakalaguNanidhiM kR^iShNa trailokyanAtham || 1||
AvAhanam\-
     sachchitsvarUpAtmakavAsudevaM
           kaivalyadhAmaM paramaM pavitram |
     ekAkSharaM nirmalatattvamAtraM
           AvAhayAmyAtmasvarUpamekam || 2||
Asanam\-
     ramye sadA svachChasuvarNanirmite
           dedIpyamAne manaso.abhira~njane |
     ratnAsane tiShThatu vAsudeva
           govinda ! yogeshvara ! gokulesha ! || 3||
pAdyam\-
     shrIviShNupAdArchanayogyamuttamaM
           devAdivandyaM paramaM pavitram |
     ga~NgAjalaM shuddhamidaM hi nirmitaM
           pAdya~ncha kR^iShNAya samarpayAmi || 4||
arghyam\-
     gandhAkShataishchaiva sugandhipuShpaiH
           ga~NgAjalairnirmitashuddhamarghyam |
     trailokyanAthAya parAtparAya
           tubhyaM cha kR^iShNAya samarpayAmi || 5||
AchamanIyam\-
     sampUrNa tIrthAmbvamalaM shivaM jalaM
           sugandhasampannamidaM manoharam |
     AchamyatAmAchamanIyametad
           he kR^iShNa ! sarvAtmaka ! vAsudeva ! || 6||
snAnIyam\-
     mandAkinI divyasarasvatI tathA
           ga~NgA cha revA yamunA cha narmadA |
     nArAyaNItyAdi nadI jalairhare
           snAnIyametaddhi samarpayAmi || 7||
pa~nchAmR^itasnAnam\-
     chittena sa~NkalpitashuddhagoghR^itaM
           dugdhaM dadhIkShorasamAkShikAnvitam |
     saugandhikairdravyagaNaishcha saMyutaM
           pa~nchAmR^itaM kR^iShNa ! samarpayAmi || 8||
shuddhodakasnAnam\-
     he kR^iShNa ! sarvottama ! divyarUpa !
           he devakInandana ! rukmiNIsha ! |
     he dvArakAnAtha ! jagatpate ! prabho !
           snAnaM cha shuddhodakamarpayAmi || 9||
udvartanasnAnam\-
     merusamudbhUtasugandhichandanaM
           sushItalaM puShTikaraM sadaiva |
     dravyaM sugandhiM paramottamottama\-
           mudvartanaM deva ! samarpayAmi || 10||
vastram\-
     pItAmbaraM ramyamalaukikaM tathA
           shobhADhya vidyutsamavastramuttamam |
     tubhyaM mayA kR^iShNa samarpyate prabho !
           he kR^iShNa ! he vyApaka ! he ramesha ! || 11||
yaj~nopavItam\-
     ramyaM pavitraM navatantu nirmitaM
           varNena pItaM navadevatAmayam |
     granthitrayaM tat triguNAtmakaM shubhaM
           yaj~nopavItaM cha samarpayAmi || 12||
chandanam\-
     devArchanAyAkhilashAstravarNitaM
           shrIkhaNDanAmAkhyamatIvanirmalam |
     atyuttamaM saukhyakaraM suchandanaM
           tubhyaM mayAkR^iShNa ! samarpyate prabho ! || 13||
puShpAdIni\-
     ramyANi nAnAvidha vR^ikShajAni
           shvetAni puShpANi sugandhitAni |
     divyAni kR^iShNAtulasIdalAni
           mAlyAni chaivAdya samarpayAmi || 14||
tilAkShatAn\-
     he deva he kR^iShNa ramApate vibho
           he gopikAnAtha janArdana prabho |
     he shrIsha he keshava he jagatpate
           tilAkShatAn kR^iShNa samarpayAmi || 15||
dhUpam\-
     nAnAvidhaM tannigamAgamoktaM
           vanaspatInAM rasasambhavaM shubham |
     divyaM pavitrAShTasugandhisaMyutaM
           ghUpaM cha kR^iShNAya samarpayAmyaham || 16||
dIpam\-
     varttirghR^itaM vahniriti trayAnvitaM
           shubhraM sadA svachCha prakAshamAnam |
     jyotirmayaM ma~NgalakArakaM shubhaM
           dIpaM cha kR^iShNAya samarpayAmyaham || 17||
naivedyam\-
     svAdviShTamatyuttamadivyasharkaraM
           miShTAnnamatyanta mR^iduM pavitrakam |
     naivedyakaM goghR^itapakvamuttamaM
           tubhyaM cha kR^iShNAya samarpayAmyaham || 18||
pAyasam\-
     susvAdu godugdhaghR^itAdi saMyutaM
           devArchane yogyapavitrapAyasam |
     bhaktyA prabho ! nirmitasvarNapAtre
           tubhyaM cha kR^iShNAya samarpayAmyaham || 19||
shuddhojalam\-
     AkAshaga~NgAjalamuttamaM shivaM
           shrI viShNunArAyaNapUjanArthakam |
     evaM tulasyAdalayuktamakShayaM
           tubhyaM cha kR^iShNAya samarpayAmyaham || 20||
tAmbUlam\-
     pUgIphalailA khadirADhyamuttamaM
           chUrNAdibhishchaivayutaM pavitrakam |
     devAdi kAryArtha vinirmitaM prabho !
           tAmbUlakaM kR^iShNa ! samarpayAmyaham || 21||
phalam\-
     nAnAvidhaM kevalasUryapakvaM
           dhAtrIphalaM perUkamAmrakarkaTIm |
     akShoTakaM shrIkadalIM cha dADimaM
           tumyaM cha kR^iShNAya samarpayAmyaham || 22||
ratnAdidravyam\-
     ChatraM cha ratnairjaTitaM prakAshakaM
           AdarshakaM chAmaradivyakuNDalam |
     nAnAvidhAM ratnasuvarNapAdukAM
           tubhyaM cha kR^iShNAya samarpayAmyaham || 23||
dakShiNAm\-
     tejomayaM shubhrasuvarNarUpyakaM
           vajrAdi ratnaishcha sahaiva dakShiNAm |
     bhaktyA mayA hyuttamashraddhayA kR^itAM
           tubhyaM cha kR^iShNAya samarpayAmyaham || 24||
ArArtikam\-
     ArArtikaM taM kadalIsamudbhavaM
           karpUranAmAkhyamatIva ma~Ngalam |
     jyotirmayaM sUryasamAnakAntidaM
           tubhyaM cha kR^iShNAya samarpayAmyaham || 25||
pradakShiNAM \-
     sarvANi pApAni cha yAni tAni
           nashyanti nAmnA tava he murAre |
     nAmnAchate deva pradakShiNA kR^itA
           tubhyaM cha kR^iShNAya samarpayAmyaham || 26||
puShpA~njalIm\-
     puShpANi he deva ! sugandhitAni
           deshe cha kAle samayodbhavAni |
     badhvA~njalirnamratayA subhaktyA
           tubhyaM cha kR^iShNAya samarpayAmyaham || 27||
kShamApanam\-
     prabho ! hare ! deva ! japaM na pUjAM
           j~nAnaM na jAnAmi na pATha mantram |
     tathApi he deva ! kShamApana~NkR^itaM
           tubhyaM cha kR^iShNAya samarpayAmyaham || 28||
prArthanA\-
     he devakInandana ! kR^iShNachandra !
           he deva ! sarvAtmaka ! vAsudeva ! |
     he kR^iShNa ! viShNo.avyaya ! vyApaka ! prabho !
           nityaM prasannobhava he murAre ! || 29||
     ramyaM tulasyA vanamAlayA yutaM
           vaMshyA cha chakreNa sapItavastram |
     padmAkShanIlAmbujashyAmalA~NgaM
           tvAM draShTumichChAmi sadaiva viShNo ! || 30||
pAThaphalaprApti\-
     itthaM pavitraM paramAmR^itaM hariM
           alaukikaM kevaladivyamUrtim |
     anantapArAmR^itamavyayaM prabhuM
           nArAyaNaM kevala kR^iShNapUjanam || 31||
     utthAya cha brAhmamuhurta madhye
           dhyAtvA para.nbrahma hariM sadaiva |
     kR^itvA shubhaM mAnasapUjanaM hareH
           sarvaM phalaM prApsyati kR^iShNa bhaktaH || 32||

iti shrI gAyatrIsvarUpa brahmachAriNA virachitaM mAnasika\-
kR^iShNapUjanaM sampUrNam ||

##
Proofread by Vani V

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}