% Text title            : shrInivAsastotram
% File name             : shrInivAsastotram.itx
% Category              : vishhnu, venkateshwara, stotra, vishnu
% Location              : doc\_vishhnu
% Transliterated by     : Malleswara Rao Yellapragada malleswararaoy at yahoo.com
% Proofread by          : Malleswara Rao Yellapragada malleswararaoy at yahoo.com
% Source                : Venkatesha Kavyakalapa
% Latest update         : April 4, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrinivasastotram ..}##
\itxtitle{.. shrInivAsastotram ..}##\endtitles ##

atha vibudhavilAsinIShu viShva~N.hmunimabhitaH parivArya tasthuShIShu |
madavihR^itivikatthanapralApAsvavamatinirmitanaijachApalAsu || 1||
tribhuvanamudamudyatAsu kartuM madhusahasAgatisarvanirvahAsu |
madhurasabharitAkhilAtmabhAvAsvagaNitabhItiShu shApatashshukasya || 2||
ativimalamatirmahAnubhAvo munirapi shAntamanA nijAtmaguptyai |
akhilabhuvanarakShakasya viShNoH stutimatha kartumanA manAgbabhUva || 3||
shriyaHshriyaM Sha~N.hguNapUrapUrNaM shrIvatsachihnaM puruShaM purANam |
shrIkaNThapUrvAmaravR^indavandyaM shriyaHpatiM taM sharaNaM prapadye || 4||
vibhuM hR^idi svaM bhuvaneshamIDyaM nILAshrayaM nirmalachittachintyam |
parAtparaM pAmarapAramenamupendramUrtiM sharaNaM prapadye || 5||
smerAtasIsUnasamAnakAntiM suraktapadmaprabhapAdahastam |
unnidrapa~NkeruhachArunetraM pavitrapANiM sharaNaM prapadye || 6||
sahasrabhAnupratimopalaughasphuratkirITapravarottamA~Ngam |
pravAlamuktAnavaratnahAratAraM hariM taM sharaNaM prapadye || 7||
purA rajoduShTadhiyo vidhAturapAhR^itAn yo madhukaiTabhAbhyAm |
vedAnupAdAya dadau cha tasmai taM matsyarUpaM sharaNaM prapadye || 8||
payodhimadhye.api cha mandarAdriM dhartuM cha yaH kUrmavapurbabhUva |
sudhAM surANAmavanArthamichChaMstamAdidevaM sharaNaM prapadye || 9||
vasundharAmantaradaityapIDAM ##(?)## rasAtalAntarvivashAbhiviShTAm |
uddhAraNArthaM cha varAha AsIchchaturbhujaM taM sharaNaM prapadye || 10||
nakhairvaraistIkShNamukhairhiraNyamarAtimAmarditasarvasattvam |
vidArayAmAsa cha yo nR^isiMho hiraNyagarbhaM sharaNaM prapadye || 11||
mahanma hatvendriyapa~nchabhUtatanmAtramAtraprakR^itiH purANI |
yataH prasUtA puruShAstadAtmA tamAtmanAthaM sharaNaM prapadye || 12||
purA ya etastakalaM babhUva yenApi tadyatra cha lInametat |
AstAM yato.anugrahanigrahau cha taM shrInivAsaM sharaNaM prapadye || 13||
nirAmayaM nishchalanIrarAshinIkAshasadrUpamayaM mahastat |
niyantu nirbhAtR^i nihantu nityaM nidrAntamenaM sharaNaM prapadye || 14||
jaganti yaH sthAvaraja~NgamAni saMhR^itya sarvANyudareshayAni |
ekArNavAntarvaTapatratalpe svapityanantaM sharaNaM prapadye || 15||
nirastaduHkhaughamatIndriyaM taM niShkAraNaM niShkalamaprameyam |
aNoraNIyAMsamanantamantarAtmAnubhAvaM sharaNaM prapadye || 16||
saptAmbujIra~njakarAjahAsaM saptArNavIsaMsR^itikarNadhAram |
saptAshvabimbAshvahiraNmayaM taM saptArchira~NgaM sharaNaM prapadye || 17||
nirAgasaM nirmalapUrNabimbaM nishIthinInAthanibhAnanAbham |
nirNItanidraM nigamAntanityaM niHshreyasaM taM sharaNaM prapadye || 18||
nirAmayaM nirmalamaprameyaM nijAntarAropitavishvabimbam |
nissImakalyANaguNAtmabhUtiM nidhiM nidhInAM sharaNaM prapadye || 19||
tvak.hcharmamAMsAsthyasR^igashrumUtrashleShmAntraviT.hchChuklasamuchchayeShu |
deheShvasAreShu na me spR^ihaiShA dhruvaM dhruvaM tvaM bhagavan prasIda || 20||
govinda keshava janArdana vAsudeva vishvesha vishva madhusUdana vishvarUpa
shrIpadmanAbha puruShottama puShkarAkSha nArAyaNAchyuta nR^isiMha namo namaste || 21||
devAH samastAmarayogimukhyAH gandharvavidyAdharakinnarAshcha |
yatpAdamUlaM satataM namanti taM nArasiMhaM sharaNaM prapadye || 22||
vedAn samastAn khalu shAstragarbhAn AyuH sthiraM kIrtimatIva lakShmIm |
yasya prasAdAt puruShA labhante taM nArasiMhaM sharaNaM prapadye || 23||
brahmA shivastvaM puruShottamashcha nArAyaNo.asau marutAmpatishcha |
chandArkavAvyagnimarudgaNAshcha tvameva nAnyat satataM nato.asmi || 24||
sraShTA cha nityaM jagatAmadhIshaH trAtA cha hantA vibhuraprameyaH
ekastvameva trividhA vibhinnaH tvAM siMhamUrtiM satataM nato.asmi || 25||
 ||  hariH OM shubhamastu ||
 ||  iti shrInivAsastotraM sampUrNam ||

##
Encoded and proofread by Malleswara Rao Yellapragada
malleswararaoy at yahoo.com
From a telugu book veNkaTeshakAvyakalApa

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}