श्रीश्रीनिवासस्तोत्रम्

ॐ श्रीरामजयम् । ॐ सद्गुरुश्रीत्यागराजस्वामिने नमो नमः । ॐ श्रीनिवासाय विद्महे । लक्ष्मीवराय धीमहि । तन्नो विष्णुः प्रचोदयात् ॥ श्रीनिवासं सलक्ष्मीकं वेङ्कटाद्रिशुभालयम् । सप्ताचलप्रभासन्तं लक्ष्मीकान्तं नमाम्यहम् ॥ १॥ आनन्दनिलयावासं परमानन्दविग्रहम् । अचलानन्दसंवर्धं श्रीनिवासं नमाम्यहम् ॥ २॥ स्मिताननलयानन्दं कारुण्यमयवीक्षितम् । मुखतेजोजितार्कं तं श्रीनिवासं नमाम्यहम् ॥ ३॥ पतिताश्रयपादाब्जं शरणार्थिकृपाकरम् । कराभयप्रदं वन्दे श्रीनिवासं नमाम्यहम् ॥ ४॥ रोगहं वरदं शान्तं आयुरारोग्यवर्धनम् । भवरोगभयापोहं श्रीनिवासं नमाम्यहम् ॥ ५॥ पद्मावतीपतिं श्रीदं मनःपद्मसुवासनम् । पद्मनेत्रविमोक्तारं श्रीनिवासं नमाम्यहम् ॥ ६॥ सर्वाभीष्टवराप्तं तं सर्वव्यापिपरार्थकम् । सर्वपापविनाशं सं श्रीनिवासं नमाम्यहम् ॥ ७॥ षट्शत्रुसूदनं मालं दहरात्मलयावहम् । कलिप्रत्यक्षदैवं तं श्रीनिवासं नमाम्यहम् ॥ ८॥ वसुधातलवैकुण्ठं वसुधातनयाधवम् । वसुदं वासुदेवं तं श्रीनिवासं नमाम्यहम् ॥ ९॥ वेदगुप्तमहासारं वरसप्तगिरीश्वरम् । वेङ्कटेशसुनामानं श्रीनिवासं नमाम्यहम् ॥ १०॥ नागाचलप्रभावं तं रागनागगुरुस्तुतम् । त्यागराजकृतिप्रीतं श्रीनिवासं नमाम्यहम् ॥ ११॥ सप्तस्वरप्रियारामं सङ्गीतस्वरपूजितम् । स्वररागसुधामिष्टं श्रीनिवासं नमाम्यहम् ॥ १२॥ मङ्गलं श्रीनिवासाय लक्ष्मीपाय सुमङ्गलम् । त्यागब्रह्मसुगेयाय पुष्पार्चिताय मङ्गलम् ॥ १३॥ त्यागराजगुरुस्वामिशिष्यापुष्पासमर्पितम् । श्रीनिवासशुभस्तोत्रं गानीयं सर्वमङ्गलम् ॥ १४ ॥ इति सद्गुरुश्रीत्यागराजस्वामिनः शिष्यया भक्तया पुष्पया कृतं श्रीश्रीनिवासस्तोत्रं गुरौ समर्पितम् । ॐ शुभमस्तु । Encoded and proofread by N V Vathsan nvvathsan at gmail.com Copyright Pushpa Srivatsan
% Text title            : shrInivAsastotram
% File name             : shrInivAsastotramPS.itx
% itxtitle              : shrInivAsastotram (puShpA shrIvatsena virachitam)
% engtitle              : shrInivAsastotram
% Category              : vishhnu, puShpAshrIvatsan, vishnu
% Location              : doc_vishhnu
% Sublocation           : vishhnu
% Texttype              : svara
% Author                : Pushpa Srivatsan
% Language              : Sanskrit
% Subject               : philosophy/hinduism/religion
% Transliterated by     : N V Vathsan nvvathsan at gmail.com
% Proofread by          : N V Vathsan nvvathsan at gmail.com
% Source                : Stotra Pushapavali
% Indexextra            : (Stotra Pushapavali, Video, Collection)
% Latest update         : October 2, 2021
% Send corrections to   : Sanskrit@cheerful.com
% Site access           : https://sanskritdocuments.org

This text is entirely original composition of Smt. Pushpa Srivatsan, and copyright Smt. Pushpa Srivatsan. All rights reserved by the author. 1) Under no conditions can either the whole or any part of this composition be translated, adapted, or used for commercial purposes. 2) Neither the whole nor any part of this composition can be reproduced, recorded, used in public perfomances, or distributed in any other way without prior written permission from the copyright holder, the author Smt. Pushpa Srivatsan (contact N V Vathsan nvvathsan@gmail.com).

BACK TO TOP