% Text title            : Shri Rangagadyam
% File name             : shrIrangagadyam.itx
% Category              : gadyam, vishhnu, krishna, rAmAnuja
% Location              : doc\_vishhnu
% Author                : rAmAnuja
% Transliterated by     : Krishna Srikanth Manda mandaksk at gmail.com
% Proofread by          : Krishna Srikanth Manda, Rajnarayanan C K krajnara at gmail.com
% Description-comments  : One of the three gadyam-s (gadyatrayam)
% Latest update         : October 4, 2014, November 27, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shriranga Gadyam ..}##
\itxtitle{.. shrIra~Ngagadyam ..}##\endtitles ##

chidachitparatattvAnAM tattvayAthArthyavedine |
rAmAnujAya munaye namo mama garIyase ||

svAdhIna trividha chetanAchetana svarUpasthitipravR^ittibhedaM,
kleshakarmAdyasheShadoShAsaMspR^iShTaM, svAbhAvikAnavadhikAtishaya
j~nAnabalaishvarya vIrya shaktitejassaushIlya vAtsalya mArdavArjava sauhArda
sAmya kAruNya mAdhurya gAmbhIrya audArya chAturya sthairya dhairya shaurya
parAkrama satyakAma satyasa~Nkalpa kR^ititva kR^itaj~natAdyasa~Nkhyeya kalyANa
guNagaNaughamahArNavaM, parabrahmabhUtaM, puruShottamaM, shrIra~NgashAyinaM,
asmatsvAminaM, prabuddhanityaniyAmya nityadAsyaikarasAtmasvabhAvo.ahaM,
tadekAnubhavaH tadekapriyaH, paripUrNaM bhagavantaM, vishadatamAnubhavena
nirantaramanubhUya, tadanubhavajanitAnavadhikAtishaya
prItikAritAsheShAvasthochita asheShasheShataikaratirUpa nityaki~Nkaro bhavAni ||

svAtma nityaniyAmya nityadAsyaikarasAtma svabhAvAnusandhAnapUrvaka
bhagavadanavadhikAtishaya svAmyAdyakhilaguNagaNAnubhavajanita anavadhikAtishaya
prItikAritAsheShAvasthochita asheShasheShataikaratirUpa nityakai~Nkarya
prAptyupAyabhUtabhakti tadupAya samyagj~nAna tadupAya samIchInakriyA
tadanuguNa sAtvikatAstikyAdi samastAtmaguNavihInaH, duruttarAnanta tadviparyaya
j~nAnakriyAnuguNAnAdi pApavAsanA mahArNavAntarnimagnaH, tilatailavat
dAruvahnivat durvivecha triguNa kShaNakSharaNasvabhAva
achetanaprakR^itivyAptirUpa duratyaya bhagavanmAyAtirohita svaprakAshaH, 
anAdyavidyAsa~nchitAnantAshakya visraMsana karmapAshapragrathitaH,
anAgatAnantakAla samIkShayA.api adR^iShTasantAropAyaH, nikhilajantujAta
sharaNya, shrImannArAyaNa, tava charaNAravindayugalaM sharaNamahaM prapadye ||

evamavasthitasyApi arthitvamAtreNa paramakAruNiko bhagavAn, svAnubhavaprItya
upanItaikAntikAtyantika nityakai~NkaryaikaratirUpa nityadAsyaM dAsyatIti
vishvAsapUrvakaM bhagavantaM nityaki~NkaratAM prArthaye ||

tavAnubhUtisambhUta prItikAritadAsatAm |
dehi me kR^ipayA nAtha na jAne gatimanyathA ||

sarvAvasthochitAsheShasheShataikaratistava |
bhaveyaM puNDarIkAkSha tvamevaivaM kuruShva mAm ||

evambhR^itatattvayAthAtmyAvabodhitadichChArahitasyApi,
etaduchchAraNamAtrAvalambanena, uchyamAnArtha paramArthaniShThaM me manaH
tvamevAdyaiva kAraya ||

apArakaruNAmbudhe, anAlochitavisheShAsheShalokasharaNya, praNatArtihara,
AshritavAtsalyaika mahodadhe, anavaratavidita nikhilabhUtajAta yAthAtmya,
asheShacharAcharabhUta, nikhilaniyamanirata, asheShachidachidvastusheShIbhUta, 
nikhilajagadAdhAra, akhilajagatsvAmin, asmatsvAmin, 
satyakAma, satyasa~Nkalpa, sakaletaravilakShaNa, arthikalpaka, 
Apatsakha, kAkutstha, shrImannArAyaNa, puruShottama, 
shrIra~NganAtha, mama nAtha, namo.astute ||

|| iti shrIbhagavadrAmAnujavirachitaM shrIra~NgagadyaM sampUrNam ||

##
Encoded by Krishna Srikanth Manda mandaksk at gmail.com
Proofread by Krishna Srikanth Manda, Rajnarayanan C K krajnara at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}