% Text title            : Shvetakritam Vishnu Stotram
% File name             : shvetakRRitaMviShNustotram.itx
% Category              : vishhnu, vishnu, brahmapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmapurANa | adhyAya 59/34-72||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shvetakritam Vishnu Stotram ..}##
\itxtitle{.. shvetakR^itaM viShNustotram ..}##\endtitles ##
shveta uvAcha |
OM namo vAsudevAya namaH sa~NkarShaNAya cha |
pradyumnAyAniruddhAya namo nArAyaNAya cha || 34||
namo.astu bahurUpAya vishvarUpAya vedhase |
nirguNAyApratarkyAya shuchaye shuklakarmaNe || 35||
OM namaH padmanAbhAya padmagarbhodbhavAya cha |
namo.astu padmavarNAya padmahastAya te namaH || 36||
OM namaH puShkarAkShAya sahasrAkShAya mIDhuShe |
namaH sahasrapAdAya sahasrabhuja manyave || 37||
OM namo.astu varAhAya varadAya sumedhase |
variShThAya vareNyAya sharaNyAyAchyutAya cha || 38||
OM namo bAlarUpAya bAlapadmaprabhAya cha |
bAlArkasomanetrAya mu~njakeshAya dhImate || 39||
keshavAya namo nityaM namo nArAyaNAya cha |
mAdhavAya variShThAya govindAya namo namaH || 40||
OM namo viShNave nityaM devAya vasuretase |
madhusUdanAya namaH shuddhAyAMshudharAya cha || 41||
namo.anantAya sUkShmAya namaH shrIvatsadhAriNe |
trivikramAya cha namo divyapItAmbarAya cha || 42||
sR^iShTikartre namastubhyaM goptre dhAtre namo namaH |
namo.astu guNabhUtAya nirguNAya namo namaH || 43||
namo vAmanarUpAya namo vAmanakarmaNe |
namo vAmananetrAya namo vAmanavAhine || 44||
namo ramyAya pUjyAya namo.astvavyaktarUpiNe |
apratarkyAya shuddhAya namo bhayaharAya cha || 45||
saMsArArNavapotAya prashAntAya svarUpiNe |
shivAya saumyarUpAya rudrAyottAraNAya cha || 46||
bhavabha~NgakR^ite chaiva bhavabhogapradAya cha |
bhavasa~NghAtarUpAya bhavasR^iShTikR^ite namaH || 47||
OM namo divyarUpAya somAgnishvasitAya cha |
somasUryAMshukeshAya gobrAhmaNahitAya cha || 48||
OM namo R^iksvarUpAya padakramasvarUpiNe |
R^ikstutAya namastubhyaM namo R^iksAdhanAya cha || 49||
OM namo yajuShAM dhAtre yajUrUpadharAya cha |
yajuryAjyAya juShTAya yajuShAM pataye namaH || 50||
OM namaH shrIpate deva shrIdharAya varAya cha |
shriyaH kAntAya dAntAya yogichintyAya yogine || 51||
OM namaH sAmarUpAya sAmadhvanivarAya cha |
OM namaH sAmasaumyAya sAmayogavide namaH || 52||
sAmne cha sAmagItAya OM namaH sAmadhAriNe |
sAmayaj~navide chaiva namaH sAmakarAya cha || 53||
namastvatharvashirase namo.atharvasvarUpiNe |
namo.astvatharvapAdAya namo.atharvakarAya cha || 54||
OM namo vajrashIrShAya madhukaiTabhaghAtine |
mahodadhijalasthAya vedAharaNakAriNe || 55||
namo dIptasvarUpAya hR^iShIkeshAya vai namaH |
namo bhagavate tubhyaM vAsudevAya te namaH || 56||
nArAyaNa namastubhyaM namo lokahitAya cha |
OM namo mohanAshAya bhavabha~NgakarAya cha || 57||
gatipradAya cha namo namo bandhaharAya cha |
trailokyatejasAM kartre namastejaHsvarUpiNe || 58||
yogIshvarAya shuddhAya rAmAyottaraNAya cha |
sukhAya sukhanetrAya namaH sukR^itadhAriNe || 59||
vAsudevAya vandyAya vAmadevAya vai namaH |
dehinAM dehakartre cha bhedabha~NgakarAya cha || 60||
devairvAnditadehAya namaste divyamauline |
namo vAsanivAsAya vAsavyavaharAya cha || 61||
OM namo vasukartre cha vasuvAsapradAya cha |
namo yaj~nasvarUpAya yaj~neshAya cha yogine || 62||
yatiyogakareshAya namo yaj~nA~NgadhAriNe |
sa~NkarShaNAya cha namaH pralambamathanAya cha || 63||
meghaghoShasvanottIrNavegalA~NgaladhAriNe |
namo.astu j~nAninAM j~nAna nArAyaNaparAyaNa || 64||
na me.asti tvAmR^ite bandhurnarakottAraNe prabho |
atastvAM sarvabhAvena praNato natavatsala || 65||
malaM yatkAyajaM vA.api mAnasaM chaiva keshava |
na tasyAnyo.asti devesha kShAlakastvAmR^ite.achyuta || 66||
saMsargANi samastAni vihAya tvAmupasthitaH |
sa~Ngo me.astu tvayA sArdhamAtmalAbhAya keshava || 67||
kaShTamApatsuduShpAraM saMsAraM vedmi keshava |
tApatrayaparikliShTastena tvAM sharaNaM gataH || 68||
eShaNAbhirjagatsarvaM mohitaM mAyayA tava |
AkarShitaM cha lobhAdyairatastvAmahamAshritaH || 69||
nAsti ki~nchitsukhaM viShNo saMsArasthasya dehinaH |
yathA yathA hi yaj~nesha tvayi chetaH pravartate || 70||
tathA phalavihInaM tu sukhamAtyantikaM labhet |
naShTo vivekashUnyo.asmi dR^ishyate jagadAturam || 71||
govinda trAhi saMsArAnmAmuddhartuM tvamarhasi |
magnasya mohasalile niruttAre bhavArNave |
uddhartA puNDarIkAkSha tvAmR^ite.anyo na vidyate || 72||

iti brahmapurANe ekonaShaShTitamAdhyAyAntargataM
         shvetakR^itaM viShNustotraM samAptam |

brahmapurANa | adhyAya 59/34\-72||
##
brahmapurANa . adhyAya 59/34-72..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}