% Text title            : Snehalatikaya Kritam Purushottama Stotram
% File name             : snehalatikayAkRRitaMpuruShottamastotram11.itx
% Category              : vishhnu, vishnu, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 192/27-43||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Snehalatikaya Kritam Purushottama Stotram ..}##
\itxtitle{.. snehalatikayA kR^itaM puruShottamastotram 11 ..}##\endtitles ##
(dhaniShThakoshashreShThinaH bhAryayA snehalatikayA kR^itaM puruShottamastotram0)
athA.asya putrAH putryashcha patnI sAdhvI sadharmiNI || 27||
nAmnA snehalatAdevI shushocha svapatisthitim |
mahAbhAgavatI patnI bhajate shrIhariM tu mAm || 28||
prArthayatyeva pUjAyAM patyurdharmasya rakShaNam |
adharmasya parityAgaM yashaH kIrtiM suvaMshajAm || 29||
bAlakR^iShNa hare kR^iShNa puruShottama mAdhava |
tava bhaktasya chitte yachchA~nchalyaM tatprashAmaya || 30||
anAdishrIkR^iShNa nArAyaNa shrIkAnta keshava |
mama patyurvyavAyasya vyasanaM tvaM pramochaya || 31||
rAjA.api tava bhaktaH syAttathA kR^iShNa vidhehi cha |
gaNikA api bhaktAH syuryathA te paramAtmanaH || 32||
prajAshchApi cha bhaktAH syustathA kR^iShNa kR^ipAM kuru |
vrataM chAdyadinAtte.ahaM varShAntaM tvekabhojanam || 33||
kariShye cha tathA sAdhusatIsevA samAhitA |
pratyahaM pUjanaM te cha kariShye ghaTikAvadhim || 34||
ShoDashairupachAraishcha kArayiShye tu sUtake |
pre~NkhAM svarNamayIM chApi mUrtiM svarNamayIM cha te || 35||
kArayiShye shriyA yuktAM rAdhayA ramayA yutAm |
padmAvatyA yutAM yuktAM mANikyayA cha shobhanAm || 36||
lakShmyA yuktAM tathA ramyAM vibhUShADhyAM suyauvanAm |
shayyAparya~NkamevApi kArayiShye shubhottamAm || 37||
svarNarAjatajanyaM cha tavopakaraNAnyapi |
vyajane chAmare ChatraM pAduke bhUShaNAni cha || 38||
kArayiShye svarNaratnamayAni tava tuShTaye |
nityaM sugandhasAraishcha tailasAraishcha mardanam || 39||
abhya~njanaM dravaishchApi pUjanaM tulasIdalaiH |
naivedyaM ghR^itamiShTAnaiH kArayiShye.atituShTaye || 40||
tavotsavAn kArayiShye vArShikAn kAnta keshava |
vaNijaM me patiM vArA~NganAvyasanAnmochaya || 41||
eShA te sharaNaM prAptA patitA tava pAdayoH |
mama patyustu pApAni prajvAlaya priyaM kuru || 42||
ityuktvA snehalatikA dIpotsavIdine hareH |
kR^itvA me pUjanaM chApyAsaMvatsaraM vrataM vyadhAt || 43||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
    192\-adhyAyAntargataM dhaniShThakoshashreShThinaH bhAryayA
    snehalatikayA kR^itaM puruShottamastotraM sampUrNam |

lakShmInArAyaNIyasaMhitA | khaNDa 3| adhyAya 192/27\-43||
##
lakShmInArAyaNIyasaMhitA . khaNDa 3. adhyAya 192/27-43..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}