% Text title : Garland of Devotional Prayers stavamAlA % File name : stavamAlAsangraha.itx % Category : vishhnu, rUpagosvAmin, krishna, stavamAlA, sangraha % Location : doc\_vishhnu % Author : rUpagosvAmin % Transliterated by : Jan Brzezinski (Jagadananda Das) jankbrz at yahoo.com and Neal Delmonico (Nitai Das) ndelmonico at sbcglobal.net % Acknowledge-Permission: http://granthamandira.net Gaudiya Grantha Mandira % Latest update : February 22, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Garland Of Devotional Prayers Stavamala By Shri Rupadeva Gosvami ..}## \itxtitle{.. shrIrUpagosvAmivirachitA stavamAlA ..}##\endtitles ## shrIshrIkR^iShNachaitanyachandrAya namaH | shrImadIshvararUpeNa rasAmR^itakR^itA kR^itA | stavamAlAnujIvena jIvena samagR^ihyata || 1|| pUrvaM chaitanyadevasya kR^iShNadevasya tatparam | shrIrAdhAyAstataH kR^iShNarAdhayorlikhyate stavaH || 2|| virudAvalI tato nAnAchChandobhiH kelisaMhatiH | tatashchitrakavitvAni tato gItAvalI tataH || 3|| lalitAyamunAvR^iShNipurIshrIharibhUbhR^itAm | vR^indATavIkR^iShNanAmnoH krameNa stavapaddhatiH || 4|| \chapter{##Chaitanyashtakam 1 ## .. chaitanyAShTakam 1 ..} atha shrIchaitanyadevasya prathamAShTakaM sadopAsyaH shrImAn dhR^itamanujakAyaiH praNayitAM vahadbhirgIrvANairgirishaparameShThiprabhR^itibhiH | svabhaktebhyaH shuddhAM nijabhajanamudrAmupadishan sa chaitanyaH kiM me punarapi dR^ishoryAsyati padam || 1|| sureshAnAM durgaM gatiratishayenopaniShadAM munInAM sarvasvaM praNatapaTalInAM madhurimA | viniryAsaH premNo nikhilapashupAlAmbujadR^ishAM sa chaitanyaH kiM me punarapi dR^ishoryAsyati padam || 2|| svarUpaM bibhrANo jagadatulamadvaitadayitaH prapannashrIvAso janitaparamAnandagarimA | harirdInoddhArI gajapatikR^ipotsekataralaH sa chaitanyaH kiM me punarapi dR^ishoryAsyati padam || 3|| rasoddAmA kAmArbudamadhuradhAmojjvalatanu\- ryatInAmuttaMsastaraNikaravidyotivasanaH hiraNyAnAM lakShmIbharamabhibhavann A~NgikaruchA sa chaitanyaH kiM me punarapi dR^ishoryAsyati padam || 4|| hare kR^iShNetyuchchaiH sphuritarasano nAmagaNanA kR^itagranthishreNIsubhagakaTisUtrojjvalakaraH | vishAlAkSho dIrghArgalayugalakhelA~nchitabhujaH sa chaitanyaH kiM me punarapi dR^ishoryAsyati padam || 5|| payorAshestIre sphuradupavanAlIkalanayA muhurvR^indAraNyasmaraNajanitapremavivashaH | kvachit kR^iShNAvR^ittiprachalarasanobhaktirasikaH sa chaitanyaH kiM me punarapi dR^ishoryAsyati padam || 6|| rathArUDhasyArAdadhipadavi nIlAchalapate\- radabhrapremormisphuritanaTanollAsavivashaH | saharShaM gAyadbhiH parivR^itatanurvaiShNavajanaiH sa chaitanyaH kiM me punarapi dR^ishoryAsyati padam || 7|| bhuvaM si~nchannashrushrutibhirabhitaH sAndrapulakaiH parItA~Ngo nIpastabakanavaki~njalkajayibhiH | ghanasvedastomastimitatanurutkIrtanasukhI sa chaitanyaH kiM me punarapi dR^ishoryAsyati padam || 8|| adhIte gaurA~NgasmaraNapadavIma~NgalataraM kR^itI yo vishrambhasphuradamaladhIraShTakamidam | parAnande sadyastadamalapadAmbhojayugale parisphArA tasya sphuratu nitarAM premalaharI || 9|| iti shrIrUpagosvAmivirachitastavamAlAyAM chaitanyAShTakaM prathamaM sampUrNam | \chapter{##Chaitanyashtakam 2 ## .. chaitanyAShTakam 2 ..} atha shrIchaitanyadevasya dvitIyAShTakaM kalau yaM vidvAMsaH sphuTamabhiyajante dyutibharAd akR^iShNA~NgaM kR^iShNaM makhavidhibhirutkIrtanamayaiH | upAsyaM cha prAhuryamakhilachaturthAshramajuShAM sa devashchaitanyAkR^itiratitarAM naH kR^ipayatu || 1|| charitraM tanvAnaH priyamaghavadAhlAdanapadaM jayodghoShaiH samyagvirachitashachIshokaharaNaH | uda~nchanmArtaNDadyutiharadukUlA~nchitakaTiH sa devashchaitanyAkR^itiratitarAM naH kR^ipayatu || 2|| apAraM kasyApi praNayijanavR^indasya kutukI rasastomaM hR^itvA madhuramupabhoktuM kamapi yaH | ruchiM svAmAvavre dyutimiha tadIyAM prakaTayan sa devashchaitanyAkR^itiratitarAM naH kR^ipayatu || 3|| anArAdhyaH prItyA chiramasurabhAvapraNayinAM prapannAnAM daivIM prakR^itimadhidaivaM trijagati | ajasraM yaH shrImAn jayati sahajAnandamadhuraH sa devashchaitanyAkR^itiratitarAM naH kR^ipayatu || 4|| gatiryaH pauNDrANAM prakaTitanavadvIpamahimA bhavenAla~Nkurvan bhuvanamahitaM shrotriyakulam | punAtya~NgIkArAd bhuvi paramahaMsAshramapadaM sa devashchaitanyAkR^itiratitarAM naH kR^ipayatu || 5|| mukhenAgre pItvA madhuramiha nAmAmR^itarasaM dR^ishordvArA yastaM vamati ghanabAShpAmbumiShataH | bhuvi premNastattvaM prakaTayitumullAsitatanuH sa devashchaitanyAkR^itiratitarAM naH kR^ipayatu || 6|| tanUmAviShkurvannavapuraTabhAsaM kaTilasat kara~NkAla~NkArastaruNagajarAjA~nchitagatiH | priyebhyo yaH shikShAM dishati nijanirmAlyaruchibhiH sa devashchaitanyAkR^itiratitarAM naH kR^ipayatu || 7|| smitAlokaH shokaM harati jagatAM yasya parito girAM tu prArambhaH kushalIpaTalIM pallavayati | padAlambaH kaM vA praNayati nahi premanivahaM sa devashchaitanyAkR^itiratitarAM naH kR^ipayatu || 8|| shachIsUnoH kIritstavakanavasaurabhyaniviDaM pumAn yaH prItAtmA paThati kila padyAShTakamidam | sa lakShmIvAn etaM nijapadasaroje praNayitAM dadAnaH kalyANImanupadamabAdhaM sukhayatu || 9|| iti shrIrUpagosvAmivirachitastavamAlAyAM chaitanyAShTakaM dvitIyaM sampUrNam | \chapter{##Chaitanyashtakam 3 ## .. chaitanyAShTakam 3 ..} atha shrIchaitanyadevasya tR^itIyAShTakaM upAsitapadAmbujastvamanuraktarudrAdibhiH prapadya puruShottamaM padamadabhramudbhrAjitaH | samastanatamaNDalIsphuradabhIShTakalpadrumaH shachIsuta mayi prabho kuru mukunda mande kR^ipAm || 1|| na varNayitumIshate gurutarAvatArAyitA bhavantamurubuddhayo na khalu sArvabhaumAdayaH | paro bhavatu tatra kaH paTurato namaste paraM shachIsuta mayi prabho kuru mukunda mande kR^ipAm || 2|| na yat kathamapi shrutAvupaniShadbhirapyAhitaM svayaM cha vivR^itaM na yad gurutarAvatArAntare | kShipannasi rasAmbudhe tadiha bhAktaratnaM kShitau shachIsuta mayi prabho kuru mukunda mande kR^ipAm || 3|| nijapraNayavisphurannaTanara~NgavismApita trinetranatamaNDalaprakaTitAnurAgAmR^ita | aha~NkR^itikala~NkitoddhatajanAdidurbodha he shachIsuta mayi prabho kuru mukunda mande kR^ipAm || 4|| bhavanti bhuvi ye narAH kalitaduShkulotpattaya\- stvamuddharasi tAn api prachurachArukAruNyataH | iti pramuditAntaraH sharaNamAshritastvAmahaM shachIsuta mayi prabho kuru mukunda mande kR^ipAm || 5|| mukhAmbujapariskhalanmR^idulavA~NmadhUlIrasa prasa~NgajanitAkhilapraNatabhR^i~Ngara~Ngotkara | samastajanama~NgalaprabhavanAmaratnAmbudhe shachIsuta mayi prabho kuru mukunda mande kR^ipAm || 6|| mR^igA~NkamadhurAnana sphuradanidrapadmekShaNa smitastavakasundarAdhara visha~NkaTorastaTe | bhujoddhatabhuja~Ngamaprabha manojakoTidyute shachIsuta mayi prabho kuru mukunda mande kR^ipAm || 7|| ahaM kanakaketakIkusumagaura duShTaH kShitau na doShalavadarshitA vividhadoShapUrNe.api te | ataH pravaNayA dhiyA kR^ipaNavatsala tvAM bhaje shachIsuta mayi prabho kuru mukunda mande kR^ipAm || 8|| idaM dharaNimaNDalotsava bhavatpadA~NkeShu ye niviShTamanaso narAH paripaThanti padyAShTakam | shachIhR^idayanandana prakaTakIrtichandra prabho nijapraNayanirbharaM vitara deva tebhyaH shubham || 9|| iti shrIrUpagosvAmivirachitastavamAlAyAM chaitanyAShTakaM tR^itIyaM sampUrNam | \chapter{##Anandastotram ## .. Anandastotram ..} shrIkR^iShNaH paramAnando govindo nandanandanaH | tamAlashyAmalaruchiH shikhaNDakR^itashekharaH || 1|| pItakausheyavasano madhurasmitashobhitaH | kandarpakoTilAvaNyo vR^indAraNyamahotsavaH || 2|| vaijayantIsphuradvakShAH kakShAttalaguDottamaH | ku~njApitaratirgu~njApu~njama~njulakaNThakaH || 3|| karNikArADhyakarNashrIdhR^itisvarNAbhavarNakaH | muralIvAdanapaTurvallavIkulavallabhaH || 4|| gAndharvAptimahAparvA rAdhArAdhanapeshalaH | iti shrIkR^iShNachandrasya nAma viMshatisa.nj~nitam || 5|| AnandAkhyaM mahAstotraM yaH paThechChR^iNuyAchcha yaH | sa paraM saukhyamAsAdya kR^iShNapremasamanvitaH || 6|| sarvalokapriyo bhUtvA sadguNAvalibhUShitaH | vrajarAjakumArasya sannikarShamavApnuyAt || 7|| iti shrIrUpagosvAmivirachitastavamAlAyAM shrImahAnandAkhyastotraM samAptam | \chapter{##Lilamritastotram ## .. lIlAmR^itastotram ..} shrIkR^iShNasya shrIlIlAmR^itanAmakadashanAmastotraM rAdhikAhR^idayonmAdivaMshIkvANamadhuchChaTaH | rAdhAparimalodgAragarimAkShiptamAnasaH || 1|| kamrarAdhAmanomInavaDishIkR^itavibhramaH | premagarbAndhagAndharvAkilaki~nchitara~njitaH || 2|| lalitAvashyadhIrAdhAmAnAbhAsavashIkR^itaH | rAdhAvakroktipIyUShamAdhuryabharalampaTaH || 3|| mukhenduchandrikodgIrNarAdhikArAgasAgaraH | vR^iShabhAnusutAkaNThahArihAraharinmaNiH || 4|| phullarAdhAkamalinImukhAmbujamadhuvrataH | rAdhikAkuchakastUrIpatrasphuraduraHsthalaH || 5|| iti gokulabhUpAlIsUnulIlAmanoharam | yaH paThennAmadashakaM so.asya vallabhatAM vrajet || 6|| iti shrIrUpagosvAmivirachitastavamAlAyAM lIlAmR^itastotraM sampUrNam | \chapter{##Premendusagarastotram ## .. premendusAgarastotram ..} shrIpremendusAgarasa.nj~nakashrIkR^iShNAShTottarashatanAmamAlikA kalahAntaritAvR^ittA kAchid vallavasundarI | virahottApakhinnA~NgI sakhIM sotkaNThamabravIt || 1|| hanta gauri sa kiM gantA panthAnaM mama netrayoH | shrIkR^iShNaH karuNAsindhuH kR^iShNo gokulavallabhaH || 2|| govindaH paramAnando nandamandirama~Ngalam | yashodAkhanimANikyaM gopendrAmbhodhichandramAH || 3|| navAmbhodharasaMrambhaviDambiruchiDambaraH | kShiptahATakashauTIryapaTTapItAmbarAvR^itaH || 4|| kandarparUpasandarpahAripAdanakhadyutiH | dhvajAmbhoruhadambholi yavA~NkushalasatpadaH || 5|| padapa~njarasi~njAnama~njuma~njIrakha~njanaH | masArasampuTAkAradhAri jAnuyugojjvalaH || 6|| shauNDastamberamoddaNDashuNDAramyorusauShThavaH | maNiki~NkiNisa~NkIrNavisha~NkaTakaTisthalaH || 7|| madhyamAdhuryavidhvastadivyasiMhamadoddhatiH | gArutmatagirigrAvagariShThorastaTAntaraH || 8|| kambukaNThasthalAlambimaNisamrAD ala~NkR^itiH | AkhaNDalamaNistambhaspardhidordaNDachaNDimA || 9|| khaNDitAkhaNDakoTIndusaundaryamukhamaNDalaH | lAvaNyalaharIsindhuH sindUratulitAdharaH || 10|| phullAravindasaundarya kandalItundilekShaNaH | gaNDAntatANDavakrIDAhiNDanmakarakuNDalaH || 11|| navInayauvanArambhajR^imbhitojjvalavigrahaH | apA~Ngatu~NgitAna~NgakoTikodaNDavikramaH || 12|| sudhAniryAsamAdhuryadhurINodArabhAShitaH | sAndravR^indATavIku~njakandarAgandhasindhuraH || 13|| dhanyagovardhanottu~NgashR^i~Ngotsa~NganavAmbudhaH | kalindanandinIkelikalyANakalahaMsakaH || 14|| nandIshvaradhR^itAnando bhANDIrataTatANDavI | sha~NkhachUDaharaH krIdAgeNDUkR^itagirIshvaraH || 15|| vArIndrArbudhagambhIraH pArIndrArbudavikramI | rohiNInandanAnandI shrIdAmoddAmasauhR^idaH || 16|| subalapremadayitaH suhR^idAM hR^idaya~NgamaH | nandavrajajanAnandasandIpanamahAvratI || 17|| shR^i~NginIsa~Nghasa~NgrAhiveNusa~NgItamaNDalaH | uttu~Ngapu~NgavArabdhasa~NgarAsa~NgakautukI || 18|| visphuradvanyashR^i~NgAraH shR^i~NgArAbhIShTadaivatam | uda~nchatpi~nChavi~nCholIlA~nChitojjvalavigrahaH || 19|| sa~ncharachcha~ncharIkAlipa~nchavarNasraga~nchitaH | sura~Ngara~NgaNasvarNayUthigrathitamekhalaH || 20|| dhAtuchitravichitrA~NgalAvaNyalaharIbharaH | gu~njApu~njakR^itAkalpaH kelitalpitapallavaH || 21|| vapurAmodamAdhvIkavardhitapramadAmadaH | vR^indAvanAravindAkShIvR^indakandarpadIpanaH || 22|| mInA~Nkasa~NkulAbhIrIkuchaku~Nkumapa~NkilaH | mukhendumAdhurIdhArAruddhasAdhvIvilochanaH || 23|| kumArIpaTaluNThAkaH prauDhanarmoktikarmaThaH | amandamugdhavaidagdhIdigdharAdhAsudhAmbudhi || 24|| chAruchandrAvalIbuddhikaumudIsharadAgamaH | dhIralAlityalakShmIvAn kandarpAnandabandhuraH || 25|| chandrAvalIchakorendro rAdhikAmAdhavImadhuH | lalitAkelilalito vishAkhoDunishAkaraH || 26|| padmAvadanapadmAliH shaivyAsevyapadAmbujaH | bhadrAhR^idayanidrAluH shyAmalAkAmalAlasaH || 27|| lokottarachamatkAralIlAma~njariniShkuTaH | premasampadayaskAntakAntakR^itakR^iShNAyasavrataH || 28|| muralIchauragaurA~NgIkuchaka~nchukalu~nchanaH | rAdhAbhisArasarvasvaH sphAranAgaratAguruH || 29|| rAdhAnarmoktishushrUShAvIrunnIruddhavigrahaH | kadambama~njarIhArirAdhikArodhanoddhuraH || 30|| kuDu~NgakroDasa~NgUDharAdhAsa~Ngamara~NgavAn | krIDoDDAmaradhIrAdhAtADa~NkotpalatADitaH || 31|| ana~Ngasa~NgarodgArikShuNNaku~Nkumaka~NkaTaH | tribha~Ngila~NgimAkAro veNusa~NgamitAdharaH || 32|| veNuvistR^itagAndharvasArasandarbhasauShThavaH | gopIyUthasahasrendraH sAndrarAsarasonmadaH || 33|| smarapa~nchasharIkoTikShobhakAridR^iga~nchalaH | chaNDAMshunandinItIramaNDalArabdhatANDavaH || 34|| vR^iShabhAnusutAbhR^i~NgIkAmadhukkamalAkaraH | gUDhAkUtaparIhAsarAdhikAjanitasmitaH || 35|| nArIveshanigUDhAtmA vyUDhachittachamatkR^itiH | karpUrAlambitAmbUlakarambitamukhAmbujaH || 36|| mAnichandrAvalIdUtIkLLiptasandhAnakaushalaH | ChadmaghaTTataTIruddharAdhAbhrUkuTighaTTitaH || 37|| dakSharAdhAsakhIhAsavyAjopAlambhalajjitaH | mUrtimadvallavIpremA kShemAnandarasAkR^itiH || 38|| abhisArollasadbhadrAki~NkiNIninadonmukhaH | vAsasajjIbhavatpadmAprekShyamANAgrapaddhatiH || 39|| utkaNThitArtalalitAvitarkapadavIM gataH | vipralabdhavishAkhoruvilApabharavardhanaH || 40|| kalahAntaritAshyAmAmR^igyamANamukhekShaNaH | khaNDitochchaNDadhIshaivyAroShoktirasikAntaraH || 41|| vishleShaviklavachchandrAvalIsandeshananditaH | svAdhInabhartR^ikotphullarAdhAmaNDanapaNDitaH || 42|| chumbaveNuglahadyutijayirAdhAdhR^itA~nchalaH | rAdhApremarasAvartavibhramabhramitAntaraH || 43|| ityeShonmattadhIH premnA shaMsantI kaMsamardanam | sphurantaM purataH prekShya prauDhAnandotsavaM yayau || 44|| premendusAgarAkhye.asminnAmnAmaShTottare shate | vigAhayantu vibudhAH prItyA rasanamandaram || 45|| iti shrIrUpagosvAmivirachitastavamAlAyAM premendusAgarastotraM sampUrNam | \chapter{##Keshavashtakam ## .. keshavAShTakam ..} navapriyakama~njarIrachitakarNapUrashriyaM vinidrataramAlatIkalitashekhareNojjvalam | darochChvasitayUthikAgrathitavalguvaikakShakR^it vraje vijayinaM bhaje vipinadeshataH keshavam || 1|| pisha~Ngi maNikastani praNatashR^i~Ngi pi~NgekShaNe mR^ida~Ngamukhi dhUmale shavali haMsi vaMshIpriye | iti svasurabhikulaM taralamAhvayantaM mudA vraje vijayinaM bhaje vipinadeshataH keshavam || 2|| ghanapraNayamedurAn madhuranarmagoShThIkalA vilAsanilayAn miladvividhaveshavidyotinaH | sakhIn akhilasArayA pathiShu hAsayantaM girA vraje vijayinaM bhaje vipinadeshataH keshavam || 3|| shramAmbukaNikAvalIdaravilIDhagaNDAntaraM samUDhAgiridhAtubhirlikhitachArupatrA~Nkuram | uda~nchadalimaNDalIdyutiviDambivakrAlakaM vraje vijayinaM bhaje vipinadeshataH keshavam || 4|| nibaddhanavatarNakAvalivilokanotkaNThayA naTatkhurapuTA~nchalairalaghubhirbhuvaM bhindatIm | kalena dhavalAghaTAM laghu nivartayantaM puro vraje vijayinaM bhaje vipinadeshataH keshavam || 5|| padmA~NkatatibhirvarAM virachayantamadhvashriyaM chalattaralanaichikInichayadhUlidhUmrasrajam | marullaharicha~nchalIkR^itadukUlachUDA~nchalaM vraje vijayinaM bhaje vipinadeshataH keshavam || 6|| vilAsamuralIkaladhvanibhirullasanmAnasAH kShaNAdakhilavallavIH pulakayantamantargR^ihe | muhurvidadhataM hR^idi pramuditAM cha goShTheshvarIM vraje vijayinaM bhaje vipinadeshataH keshavam || 7|| upetya pathi sundarItatibhirAbhirabhyarchitaM smitA~NkurakarambitairnaTadapA~Ngabha~NgIshataiH | stanastavakasa~ncharannayanacha~ncharIkA~nchalaM vraje vijayinaM bhaje vipinadeshataH keshavam || 8|| idaM nikhilavallavIkulamahotsavollAsanaM krameNa kila yaH pumAn paThati suShThu padyAShTakam | tamujjvaladhiyaM sadA nijapadAravindadvaye ratiM dadadacha~nchalAM sukhayatAd vishAkhAsakhaH || 9|| iti shrIrUpagosvAmivirachitastavamAlAyAM shrIkeshavAShTakaM sampUrNam | \chapter{##Shri Kunjaviharyashtakam 1 ## .. shrIku~njavihAryaShTakam 1 ..} prathamaM shrIku~njavihAryaShTakaM namaH ku~njavihAriNe | indranIlamaNima~njulavarNaH phullanIpakusumA~nchitakarNaH | kR^iShNalAbhirakR^ishorasi hArI sundaro jayati ku~njavihArI || 1|| rAdhikA vadanachandrachakoraH sarvavallavavadhUdhR^itichoraH | charcharIchaturatA~nchitachArI chAruto jayati ku~njavihArI || 2|| sarvataH prathitakaulikaparva dhvaMsanena hR^itavAsavagarvaH | goShTharakShaNakR^ite giridhArI lIlayA jayati ku~njavihArI || 3|| rAgamaNDalavibhUShitavaMshI vibhrameNa madanotsavashaMsI | stUyamAnacharitaH shukashArI shreNibhirjayati ku~njavihArI || 4|| shAtakumbharuchihAridukUlaH kokachandrakavirAjitachUlaH | navyayauvanalasadvrajanArI ra~njano jayati ku~njavihArI || 5|| sthAsakIkR^itasugandhipaTIraH svarNakA~nchiparishobhikaTIraH | rAdhikonnatapayodharavArI ku~njaro jayati ku~njavihArI || 6|| gauradhAtutilakojjvalabhAlaH kelicha~nchalitachampakamAlaH | adrikandaragR^iheShvabhisArI subhruvAM jayati ku~njavihArI || 7|| vibramochchaladR^iga~nchalanR^itya kShiptagopalalanAkhilakR^ityaH | premamattavR^iShabhAnukumArI nAgaro jayati ku~njavihArI || 8|| aShTakaM madhuraku~njavihArI krIDayA paThati yaH kila hAri | sa prayAti vilasatparabhAgaM tasya pAdakamalArchanarAgam || 9|| iti shrIrUpagosvAmivirachitastavamAlAyAM shrIku~njavihAriNaH prathamAShTakaM samAptam | \chapter{##Shri Kunjaviharyashtakam 2 ## .. shrIku~njavihAryaShTakam 2 ..} dvitIyaM shrIku~njavihAryaShTakaM namaH ku~njavihAriNe | avirataratibandhusmeratAbandhurashrIH kavalita iva rAdhApA~Ngabha~NgItara~NgaiH | muditavadanachandrashchandrakApIDadhArI mudiramadhurakAntirbhAti ku~nje vihArI || 1|| tatashuShiraghanAnAM rAgamAnaddhabhAjAM janayati taruNInAM maNDale maNDitAnAm | taTabhuvi naTarAjakrIDayA bhAnuputryA vidadhadatulachArIrbhAti ku~nje vihArI || 2|| shikhini kalitaShaDje kokile pa~nchamADhye svayamapi navavaMshyoddAmayan grAmamukhyam | dhR^itamR^igamadagandhaH suShThu gAndhArasa.nj~naM tribhuvanadhR^itihArI bhAti ku~nje vihArI || 3|| anupamakarashAkhopAttarAdhA~NgulIko laghu laghu kusumAnAM paryaTan bATikAyAm | sarabhasamanugItashchitrakaNThIbhiruchchai\- rvrajanavayuvatIbhirbhAti ku~nje vihArI || 4|| ahiripukR^italAsye kIchakArabdhavAdye vrajagiritaTara~Nge bhR^i~Ngasa~NgItabhAji | virachitaparicharyAshchitratauryatrikeNa stimitakaraNavR^ittirbhAti ku~nje vihArI || 5|| dishi dishi shukashArImaNDalairgUDhalIlAH prakaTamanupaThadbhirnirmitAshcharyapUraH | tadatirahasi vR^ittaM preyasIkarNamUle smitamukhamabhijalpan bhAti ku~nje vihArI || 6|| tava chikurakadambaM stambhate prekShya kekI nayanakamalalakShmIrvandate kR^iShNasAraH | aliralamalakAntaM nauti pashyeti rAdhAM sumadhuramanushaMsan bhAti ku~nje vihArI || 7|| madanataralabAlAchakravAlena viShva\- gvividhavarakalAnAM shikShayA sevyamAnaH | skhalitachikuraveshe skandhadeshe priyAyAH prathitapR^ithulabAhurbhAti ku~nje vihArI || 8|| idamanupamalIlAhAri ku~njavihArI smaraNapadamadhIte tuShTadhIraShTakaM yaH | nijagaNavR^itayA shrIrAdhayA rAdhitastaM nayati nijapadAbjaM ku~njasadmAdhirAjaH || 9|| iti shrIrUpagosvAmivirachitastavamAlAyAM shrIku~njavihAryaShTakaM dvitIyaM sampUrNam | \chapter{##Shri Mukundashtakam ## .. shrImukundAShTakam ..} shrImukundAya namaH | balabhidupalakAntidrohiNi shrImada~Nge ghusR^iNarasavilAsaiH suShThu gAndharvikAyAH | svamadananR^ipashobhAM vardhayan deharAjye praNayatu mama netrAbhIShTasiddhiM mukundaH || 1|| uditavidhuparArdhajyotirulla~Nghivaktro navataruNimarajyadbAlyasheShAtiramyaH | pariShadi lalitAlIM dolayan kuNDalAbhyAM praNayatu mama netrAbhIShTasiddhiM mukundaH || 2|| kanakanivahashobhAnandi pItaM nitambe tadupari navaraktaM vastramitthaM dadhAnaH | priyamiva kila varNaM rAgayuktaM priyAyAH praNayatu mama netrAbhIShTapUrtiM mukundaH || 3|| surabhikusumavR^indhairvAsitAmbhaHsamR^iddhe priyasarasi nidAghe sAyamAlIparItAm | madanajanakasekaiH khelayann eva rAdhAM praNayatu mama netrAbhIShTasiddhiM mukundaH || 4|| paramalamiha labdhvA hanta gAndharvikAyAH pulakitatanuruchchairunmadastatkShaNena | nikhilavipinadeshAn vAsitAn eva jighran praNayatu mama netrAbhIShTasiddhiM mukundaH || 5|| praNihitabhujadaNDaH skandhadeshe varA~NgyAH smitavikasitagaNDe kIrtidAkanyakAyAH | manasijajanisaukhyaM chumbanenaiva tanvan praNayatu mama netrAbhIShTasiddhiM mukundaH || 6|| pramadadanujagoShThyAH ko.api saMvartavahni\- rvrajabhuvi kila pitrormUrtimAn snehapu~njaH | prathamarasamahendraH shyAmalo rAdhikAyAH praNayatu mama netrAbhIShTasiddhiM mukundaH || 7|| svakadanakathayA~NgIkR^itya mR^idvIM vishAkhAM kR^itachaTu lalitAM tu prArthan prauDhashIlAm | praNayavidhurarAdhAmAnavidhvaMsanAya praNayatu mama netrAbhIShTasiddhiM mukundaH || 8|| paripaThati mukundasyAShTakaM kAkubhiryaH sakalaviShayasa~NgAt sanniyamyendriyANi | vrajanavayuvarAjo darshayan svaM sarAdhe svajanagaNanamadhye taM priyAyAstanoti || 9|| iti shrIrUpagosvAmivirachitastavamAlAyAM shrImukundAShTakaM samAptam | \chapter{##Shri Vrajanavayuvarajashtakam ## .. shrIvrajanavayuvarAjAShTakam ..} shrIvrajanavayuvarAjAya namaH | mudiramadamudAraM mardayanna~NgakAntyA vasanaruchinirastAmbhojaki~njalkashobhaH | taruNimataraNIkShAviklavadbAlyachandro vrajanavayuvarAjaH kA~NkShitaM me kR^ipIShTa || 1|| pituranishamagaNyaprANanirmanthanIyaH kalitatanurivAddhA mAtR^ivAtsalyapu~njaH | anuguNagurugoShThIdR^iShTipIyUShavarti\- rvrajanavayuvarAjaH kA~NkShitaM me kR^ipIShTa || 2|| akhilajagati jAgranmugdhavaidagdhyacharyA prathamagururudagrasthAmavishrAmasaudhaH | anupamaguNarAjIra~njitAsheShabandhu\- rvrajanavayuvarAjaH kA~NkShitaM me kR^ipIShTa || 3|| api madanaparAardhairduShkaraM vikriyormiM yuvatiShu nidadhAno bhrUdhanurdhUnanena | priyasahacharavargaprANamInAmburAshi\- rvrajanavayuvarAjaH kA~NkShitaM me kR^ipIShTa || 4|| nayanashR^iNimvinodakShobhitAna~NganAgo nmathitagahanarAdhAchittakAsAragarbhaH | praNayarasamarandAsvAdalIlAShaDa~Nghri\- rvrajanavayuvarAjaH kA~NkShitaM me kR^ipIShTa || 5|| anupadamudayantyA rAdhikAsa~Ngasid.hdhyA sthagitapR^ithurathA~NgadvandvarAgAnubandhaH | madhurimamadhudhArAdhoraNInAmudanvAn vrajanavayuvarAjaH kA~NkShitaM me kR^ipIShTa || 6|| alaghukuTilarAdhAdR^iShTivArIniruddha trijagadaparatantroddAmachetogajendraH | sukhamukharavishAkhAnarmaNA smeravaktro vrajanavayuvarAjaH kA~NkShitaM me kR^ipIShTa || 7|| tvayi rahasi milantyAM sambhramanyAsabhugnApy\- uShasi sakhi tavAlImekhalA pashya bhAti | iti vivR^itarahasyairhrepayann eva rAdhAM vrajanavayuvarAjaH kA~NkShitaM me kR^ipIShTa || 8|| vrajanavayuvarAjasyAShTakaM tuShTabuddhiH kalitavaravilAsaM yaH prayatnAdadhite | parijanagaNanAyAM nAma tasyAnurajyan vilikhati kil vR^indAraNyarAj~nIrasaj~naH || 9|| iti shrIrUpagosvAmivirachitastavamAlAyAM shrIvrajanavayuvarAjAShTakaM samAptam | \chapter{##Pranamapranayakhyastavah ## .. praNAmapraNayAkhyastavaH ..} shrIkR^iShNAya namaH | kandarpakoTiramyAya sphuradindIvaratviShe | jaganmohanalIlAya namo gopendrasUnave || 1|| kR^iShNalAkR^itahArAya kR^iShNalAvaNyashAline | kR^iShNAkUlakarIndrAya kR^iShNAya karavai namaH || 2|| sarvAnandakadambAya kandambakusumasraje | namaH premAvalambAya pralambArikanIyase || 3|| kuNDalasphuradaMsAya vaMshAyattamukhashriye | rAdhAmAnasahaMsAya vrajottaMsAya te namaH || 4|| namaH shikhaNDachUDAya daNDamaNDitapANaye | kuNDalIkR^itapuShpAya puNDarIkekShaNAya te || 5|| rAdhikApremamAdhvIkamAdhurImuditAntaram | kandarpavR^indasaundaryaM govindamabhivAdaye || 6|| shR^i~NgArarasashR^i~NgAraM karNikArAttakarNikam | vande shriyA navAbhrANAM bibhrANaM vibhramaM harim || 7|| sAdhvImaNivrAtapashyatoharaveNave | kahlArakR^itachUDAya sha~NkhachUDabhide namaH || 8|| rAdhikAdharabandhUkamakarandamadhuvratam | daityasindhurapArIndraM vande gopendranandanam || 9|| barhendrAyudharamyAya jagajjIvanadAyine | rAdhAvidyudvR^itA~NgAya kR^iShNAmbhodAya te namaH || 10|| premAndhavallavIvR^indalochanendrIvarendave | kAshmIratilakADhyAya namaH pItAmbarAya te || 11|| gIrvANeshamadoddAma dAvanirvANanIradam | kandUkIkR^itashailendraM vande gokulabAndhavam || 12|| dainyArNave nimagno.asmi mantugrAvabharArditaH | duShTe kAruNyapArINa mayi kR^iShNa kR^ipAM kuru || 13|| AdhAro.apyaparAdhAnAmavivekahato.apyaham | tvatkAruNyapratIkSho.asmi prasIda mayi mAdhava || 14|| iti shrIrUpagosvAmivirachitastavamAlAyAM praNAmapraNayAkhyaH stavaH sampUrNaH | \chapter{##Shri Harikusumastavah ## .. shrIharikusumastavaH ..} gatiga~njitamattataradviradaM radaninditasundarakundamadam | madanArbudarUpamadaghnaruchiM ruchirasmitama~njari ma~njumukham || 1|| mukharIkR^itaveNuhR^itapramadaM madavalgitalochanatAmarasam | rasapUravikAsakakeliparaM paramArthaparAyaNalokagatim || 2|| gatimaNDitayAmunatIrabhuvaM bhuvaneshvaravanditachArupadam | padakojjvalakomalakaNTharuchaM ruchakAttavisheShakavalgutaram || 3|| taralaprachalAkaparItashikhaM shikharIndradhR^iti pratipannabhujam | bhujagendraphaNA~NgaNara~NgadharaM dharakandarakhelanalubdhahR^idam || 4|| hR^idayAlusuhR^idgaNadattamahaM mahanIyakathAkuladhUtakalim | kalitAkhiladurjayabAhubalaM balavallavashAvakasannihitam || 5|| hitasAdhusamIhitakalpataruM taruNIgaNanUtanapuShpasharam | sharaNAgatarakShaNadakShatamaM tamasAdhukulopalachaNDakaram || 6|| karapadmamilatkusumastavakaM bakadAnavamattakarIndraharim | hariNIgaNahArakaveNukalaM kalakaNTharavojjvalakaNTharaNam || 7|| raNakhaNDitadurjanapuNyajanaM janama~NgalakIrtilatAprabhavam | bhavasAgarakumbhajanAmaguNaM guNasa~NgavivarjitabhaktagaNam || 8|| gaNanAtigadivyaguNollasitaM smitarashmisahodaravaktravaram | varadR^iptavR^iShAsuradAraghanaM ghanavibhramaveshavihAramayam || 9|| mayaputratamaHkShayapUrNavidhuM vidhurIkR^itadAnavarAjakulam | kulanandanamatra namAmi harim || 10|| urasi parisphuradindiramindindiramandirashrajollasitam | harima~NganAtima~Ngalama~NgalasachchandanaM vande || 11|| iti shrIrUpagosvAmivirachitastavamAlAyAM shrIharikusumastavaH sampUrNaH | \chapter{##Gathachandahstavah ## .. gAthAChandaHstavaH ..} paritoShitagopavadhUpaTalaM paTala~NghitakA~nchanasArachayam | rachayantamudAravilAsakalAM sakalA~nchitapAdamagAdhabalaM dhavalaM navakIrtikulairamitam || 1|| iti shrIrUpagosvAmivirachitastavamAlAyAM gAthAChandaHstavaH sampUrNaH | \chapter{##Tribhangipanchakam ## .. tribha~NgIpa~nchakam ..} namaH shrIkR^iShNAya | yamalArjunabha~njanamAshritara~njanamahiga~njanaghanalAsyabharaM pashupAlapurandaramabhisR^itakandaramatisundaramaravindakaram | varagopavadhUjanavirachitapUjanamUrukUjananavaveNudharaM smaranarmavichakShaNamakhilavilakShaNatanulakShaNamatidakShataram || 1|| praNatAshanipa~njaraM nambarapi~njaramariku~njaraharimindumukhaM gomaNDalarakShiNamanukR^itapakShiNamatidakShiNamaimtAtmasukham | gurugairikamaNDitamanunayapaNDitamavakhaNDitapuruhUtamakhaM vrajakamalavirochanamalikasurochanagorochanamatitAmranakham || 2|| unmadaratinAyakashANitashAyakavinidhAyakachalachillilataM uddhatasa~NkochanamambujalochanamaghamochanamamarAlinatam | nikhilAdhikagauravamujjvalasaurabhamatigaurabhapashupIShu rataM komalapadapallavamabhramu vallabharuchidurlabhasavilAsagatam || 3|| bhujamUrdhni visha~NkaTamadhigatasha~NkaTanataka~NkaTamaTavIShu chalaM navanItpakarambitavanarolambitamavalambitakalakaNThakalam | durjanatR^iNapAvakamanucharashAvakanikarAvakamaruNoShThadalaM nijavikramacharchitabhujagurugarvitagandharvitadanujArdibalam || 4|| shrutiratnavibhUShaNaruchijitapUShaNamalidUShaNanayanAntagatiM yamunAtaTatalpitapuShpamanalpitamadajalpitadayitAptaratim | vandemahi vanditamandamamanditakulamandhitakhalakaMsamatiM tvAmiha dAmodara haladharasodara hara no daramanubaddharatim || 5|| virachaya mayi daNDaM dInabandho dayAM vA gatiriha na bhavattaH kAchidanyA mamAsti | nipatatu shatakoTirnirbharaM vA navAmbha\- stadapi kila payodaH stUyate chAtakena || 1|| prAchInAnAM bhajanamatulaM duShkaraM shR^iNvato me nairAshyena jvalati hR^idayaM bhaktileshAlasasya | vishvadrIchImaghahara tavAkarNya kAruNyavIchIM AshAbindUkShitamidamupaityantare hanta shaityam || 2|| iti shrIrUpagosvAmivirachitastavamAlAyAM tribha~NgIpa~nchakaM sampUrNam | \chapter{##Shri Mukundamuktavali ## .. shrImukundamuktAvalI ..} shrIvrajanAgarAya namaH | navajaladhavarNaM champakodbhAsikarNaM vikasitanalinAsyaM visphuranmandahAsyam | kanakaruchidukUlaM chArubarhAvachUlaM kamapi nikhilasAraM naumi gopakumAram || 1|| mukhajitasharadinduH kellAvaNyasindhuH karavinhitakandurvallavIprANabandhuH | vapurupasR^itareNuH kakShanikShiptaveNu\- rvachanavashagadhenuH pAtu mAM nandasUnuH || 2|| || mAlinI || dhvastaduShTasha~NkhachUDa vallavIkulopagUDha bhaktamAnasAdhirUDha nIlakaNThapi~nChachUDa | kaNThalambima~njugu~nja kelilabdharamyaku~nja karNavartiphullakunda pAhi deva mAM mukunda || 3|| yaj~nabha~NgarauShTashatrununnaghorameghachakra vR^iShTipurakhinnagopavIkShaNopajAtakopa | kShiprasavyahastapadmadhAritochchashailasadma guptagoShTha rakSha rakSha mAM tathAdya pa~NkajAkSha || 4|| || chitrA || muktAhAraM dadhaduDuchakrAkAraM sAraM gopImanasi manojAropI | kopI kaMse khalanikurambottaMse vaMshe ra~NgI dishatu naH shAr~NgI || 5|| lIloddAmA jaladharamAlAshyAmA kShAmAH kAmAdabhirachayantI rAmAH | sA mAmavyAdakhilamunInAM stavyA gavyApUrtiH prabhuraghashatrormUrtiH || 6|| || jaladharamAlA || parvavartulasharvarIpatigarvarItiharAnanaM nandanandanamindirAkR^itavandanaM dhR^itachandanam | sundarIratimandirIkR^itakandaraM dhR^itamandaraM kuNDaladyutimaNDalaplutakandharaM bhaja sundaram || 7|| gokulA~NganamaNDanaM kR^itapUtanAbhavamochanaM kundasundaradantamambujavR^indavanditalochanam | saurabhAkaraphullapuShkaravisphuratkarapallavaM daivatavrajadurlabhaM bhaja vallavIkulavallabham || 8|| || ra~NginI || tuNDakAntidaNDitorupANDurAMshumaNDalaM gaNDapAlitANDabAlishAliratnakuNDalam | phullapuNDarIkaShaNDakLLiptamAlyamaNDanaM chaNDabAhudaNDamatra naumi kaMsakhaNDanam || 9|| uttara~Ngada~NgarAgasa~NgamAtipi~Ngala\- stu~NgashR^i~Ngasa~NgipANira~NganAtima~NgalaH | digvilAsimallihAsi kIrtivallipallava\- stvAM sa pAtu phullachAruchilliradya vallavaH || 10|| || tUNakam || indranivAraM vrajapativAraM nirdhutavAraM hR^itaghanavAram | rakShitagotraM prINitagotraM tvAM dhR^itagotraM naumi sagotram || 11|| kaMsamahIpatihR^idgatashUlaM santatasevitayAmunakUlam | vande sundarachandrakachUlaM tvAmahamakhilacharAcharamUlam || 12|| malayajaruchirastanujitamudiraH pAlitavidhustoShitavasudhaH | mAmatirasikaH kelibhiradhikaH sitasubhagaradaH kR^ipayatu varadaH || 13|| urarIkR^itamurarIrutabha~NgaM navajaladharakiraNollasada~Ngam | yuvatihR^idayadhR^itamadanatara~NgaM praNamata yAmunataTakR^itara~Ngam || 14|| || pajjhaTikA || navAmbhodanIlaM jagattoShashIlaM mukhAsa~NgivaMshaM shikhaNDAvataMsam | karAlambivetraM varAmbhojanetraM dhR^itasphItagu~njaM bhaje labdhaku~njam || 15|| hR^itakShauNibhAraM kR^itakleshahAraM jagadgItasAraM mahAratnahAram | mR^idushyAmakeshaM lasadvAmyaveshaM kR^ipAbhirnadeshaM bhaje vallavesham || 16|| || bhuja~NgaprayAtam || ullasadvallavIvAsasAM taskara\- stejasA nirjitaprasphuradbhAskaraH | pInadoHstambhayorullasachchandanaH pAtu vaH sarvato devakInandanaH || 17|| saMsR^itestArakaM taM gavAM chArakaM veNunA maNDitaM krIDane paNDitam | dhAtR^ibhirveShiNaM danavadveShiNaM chintaya svAminaM vallavIkAminam || 18|| || sragviNI || upAttakavalaM parAgashabalaM sadekasharaNaM sarojacharaNam | ariShTadalanaM vikR^iShTalalanaM namAmi samahaM sadaiva tamaham || 19|| vihArasadanaM manoj~naradanaM praNItamadanaM shasha~Nkavadanam | uraHsthakamalaM yashobhiramalaM karAttakamalaM bhajasva tamalam || 20|| || jaloddhatagatiH || duShTadhvaMsaH karNikArAvataMsaH kheladvaMshI pa~nchamadhvAnashaMsI | gopIchetaHkelibha~NginiketaH pAtu svairI hanta vaH kaMsavairI || 21|| vR^indATavyAM kelimAnandanavyAM kurvannArIchittakandarpadhArI | narmodgArI mAM dukUlApahArI nIpArUDhaH pAtu barhAvachUDaH || 22|| || shAlinI || ruchiranakhe rachaya sakhe valitaratiM bhajanatatim | tvamaviratistvaritagati\- rnatasharaNe haricharaNe || 23|| ruchirapaTaH pulinanaTaH pashupagatirguNavasatiH | sa mama shuchirjaladaruchi\- rmanasi parisphuratu hariH || 24|| || tvaritagatiH || kelivihitayamulArjunabha~njana sulalitacharitanikhilajanara~njana | lochananartanajitachalakha~njana mAM paripAlaya kAliyaga~njana || 25|| bhuvanavisR^itvaramahimADambara virachitanikhilakhalotkarasaMvara | vitara yashodAtanaya varaM varaM abhilaShitaM me dhR^itapItAmbara || 26|| chikurakarambita chArushikhaNDaM bhAlavinirjitavarashashikhaNDam | radaruchirnirdhUtamudritakundaM kuruta budhA hR^idi sapadi mukundam || 27|| yaH parirakShitasurabhIlakSha\- stadapi cha surabhImardanadakShaH | muralIvAdanakhuralIshAlI sa dishatu kushalaM tava vanamAlI || 28|| || pajjhaTikA || ramitanikhilaDimbe veNupItoShThabimbe hatakhalanikurambe vallavIdattachumbe | bhavatu mahitanande tatra vaH kelikande jagadaviralatunde bhaktirurvI mukunde || 29|| pashupayuvatIgoShThIchumbitashrImadoShThI smarataralitadR^iShTinirmitAnandavR^iShTiH | navajaladharadhAmA pAtu vaH kR^iShNanAmA bhuvanamadhuraveshA mAlinI muktireShA || 30|| || mAlinI || iti shrIrUpagosvAmivirachitastavamAlAyAM shrImukundamuktAvaliH samAptA | \chapter{##Anandachandrikastotram ## .. AnandachandrikAstotram ..} shrIshrIrAdhAkR^iShNAbhyAM namaH | dhyAnaH a~NgashyAmalimachChaTAbhirabhito mandIkR^itendIvaraM jADyaM jAguDarochiShAM vidadhataM paTTAmbarasya shriyA | vR^indAraNyavilAsinaM hR^idi lasaddAmAbhirAmodaraM rAdhAskandhaniveshitojjvalabhujaM dhyAyema dAmodaram || atha shrIrAdhikAyA AnandachandrikAstotraM shrIrAdhikAyai namaH | rAdhAdAmodarapreShThA rAdhikA vArShabhAnavI | samastavallavIvR^indadhammillottaMsamallikA || 1|| kR^iShNapriyAvalImukhyA gAndharvA lalitAsakhI | vishAkhAsakhyasukhinI harihR^idbhR^i~Ngama~njarI || 2|| imAM vR^indAvaneshvaryA dashanAmamanoramAm | AnandachandrikAM nAma yo rahasyAM stutiM paThet || 3|| sa klesharahito bhUtvA bhUrisaubhAgyabhUShitaH | tvaritaM karuNApAtraM rAdhAmAdhavayorbhavet || 4|| iti shrIrUpagosvAmivirachitastavamAlAyAM AnandachandrikAstotraM samAptam | \chapter{##Shri Premasudhasatram ## .. shrIpremasudhAsatram ..} shrIvR^indAvaneshvaryA aShTottarashatanAmastotraM namo vR^indAvaneshvaryai mAnasaM mAnasaM tyAgAdutkaNThArtaM nirundhatIm | rAdhAM saMvidya vidyADhyA tu~NgavidyedamabravIt || 1|| vimu~ncha bandhure mAnaM nirbandhaM shR^iNu me vachaH | purA kandarpasundaryai yAnyutkaNThitachetase || 2|| bhagavatopadiShTAni tava sakhyopalabdhaye | i~NgitAbhij~nayA tAni sindUreNAdya vR^indayA || 3|| vilikhya sakhi dattAni sa jIvitasuhR^ittamaH | virahArtastavemAni japannAmAni shAmyati || 4|| rAdhA kR^iShNavanAdhIshA mukundamadhumAdhavI | govindapreyasIvR^indamukhyA vR^indAvaneshvarI || 5|| brahmANDamaNDalottaMsakIritH kArtikadevatA | dAmodarapriyasakhI rAdhikA vArShabhAnavI || 6|| bhAnubhaktibharAbhij~nA vR^iShabhAnukumArikA | mukharAprANadauhitrI kIrtidAkIrtidAyinI || 7|| kR^iShNapremAbdhikarI vatsalAchyutamAtR^ikA | sakhImaNDalajIvAturlalitAjIvitAdhikA || 8|| vishAkhAprANasarvasvaM kAruNyAmR^itamedurA | paurNamAsIpR^ithupremapAtrI subalananditA || 9|| kR^iShNAdhirAjamahiShI vR^indAraNyavihAriNI | vishAkhAsakhyavikhyAtA lalitApremalAlitA || 10|| sadA kishorikA goShThayuvarAjavilAsinI | govindapremashikShArthanaTIkR^itanijAMshakA || 11|| prabodhinInishAnR^ityamAhAtmyabharadarshinI | chandrakAnticharI sarvagandharvakulapAvanI || 12|| svajanmabhUShitottu~NgavR^iShabhAnukulasthitiH | lAsyavidyAvratasnAtA rAsakrIDAdikAraNam || 13|| rAsotsavayapuragaNyA kR^iShNanItarahaHsthalA | govindabandhakavarI kR^iShNottaMsitakuntalA || 14|| vyaktagoShThAravindAkShi vR^indotkarShAtiharShiNI | annatarpitadurvAsA gAndharvA shrutivishrutA || 15|| gAndharvikA svagAndharvavismApitabalAchyutA | sha~NkhachUDAridayitA gopIchUDAgramAlikA || 16|| chArugorochanAgaurI gArutmatanibhAmbarA | vichitrapaTTachamarIchAruveNIshikhAruchiH || 17|| padmendujaitravaktrashrIniruddhamuramardanA | chakorikAchamatkArIharihArivilochanA || 18|| kAliyadamanotkampibha~NgurabhrUbhuja~NgamA | nAsikAshikharAlambilavalIsthalamauktikA || 19|| bandhurAdharabandhUkavikR^iShTamadhusUdanA | dantanirdhUtashikharA shikharIndradharapriyA || 20|| kapolamaNDalAndolimaNikuNDalamaNDitA | pItAMshukashukAkarShinistalastanadADimA || 21|| maNiki~NkiNyala~NkArajha~NkArishroNimaNDalA | sthalAravindavi~nCholInirma~nChitapadadyutiH || 22|| ariShTavadhanarmArthanirmApitasarovarA | gandhonmAditagovindo mAdhavadvandvatA~NkitA || 23|| kAlindIkUlaku~njashrIrbhANDIrataTamaNDanA | dhR^itanandIshvarasthemA govardhanadarIpriyA || 24|| vaMshIbaDishikAbiddharasottarShamanojhaShA | vaMshikAdhvanivishraMsinIvIbandhagrahAturA || 25|| mukundanetrashapharI vihArAmR^itadIrghikA | nijakuNDakuDu~NgAntastu~NgAna~NgarasonmadA || 26|| kR^iShNabhrUchaNDakodaNDoDDInadhairyaviha~NgamA | anurAgasudhAsindhuhindolAndolitAchyutA || 27|| vrajendranandanAsyendutu~NgitAna~NgasAgarA | ana~Ngasa~NgarottR^iShNakR^iShNalu~nchitaka~nchukA || 28|| lIlApadmahatoddAmanarmalampaTakeshavA | harivakShoharigrAvaharitAlIyarekhikA || 29|| mAdhavotsa~Ngaparya~NkA kR^iShNabAhUpadhAnikA | ratikelivisheShohasakhIsmitavilajjitA || 30|| AlIpurorahaHkelijalpotkaharivandinI | vaijayantI kalAbhij~nA vanasrakshilpakalpinI || 31|| dhAtuchitrAtivaichitrIvisR^iShTiparameShThinI | viadagdhIprathamAchAryA chAruchAturyachitritA || 32|| asAdhAraNasaubhAgyabhAgyAmR^itatara~NginI | maugdhyapragalbhatAramyA dhIrAdhIrA~NkabhUShitA || 33|| shyAmalaprachChadapaTI mUkanUpuradhAriNI | niku~njadhAmasaMskAramAdhavAdhvekShaNakriyA || 34|| prAdurbhUtaghanotkaNThA vipralambhaviShaNNadhIH | prAtarutprAsitopendrA chandrAvalikaTAkShiNI || 35|| anAkarNitakaMsArikAkUvAdA manasvinI | chATukAraharityAgajAtAnushayakAtarA || 36|| dhR^itakR^iShNekShaNotsukyA lalitAbhItimAninI | viprayogavyathAhAriharisandeshananditA || 37|| madAlpajalpitAdhInapuNDarIkAkShamaNDitA | bhrUlIlAmohitopendrahastAgrahR^itavaMshikA || 38|| atulAchyutamAdhuryasvAdanAdvaitabhAgyabhUH | niyuddhashrAntinidrANa harihArApahAriNI || 39|| dyUtanirjitavaMshArthikaMsAriparihAsinI | nijaprANArbudapreShThakR^iShNapAdanakhA~nchalA || 40|| iti rAdhA sakhIvAchamAchamya pulakA~nchitA | ChadmanA padmanAbhasya latAsadmAntikaM gatA || 41|| yaH sevate jano rAdhAnAmnAmaShTottaraM shatam | nAmnA premasudhAsatraM lihyAt premasudhAmasau || 42|| iti shrIrUpagosvAmivirachitastavamAlAyAM premendusudhAsatranAmakashrIrAdhikAShTottarashatanAma samAptam | \chapter{##Shri Radhashtakam ## .. shrIrAdhAShTakam ..} shrIshrIvR^indAvaneshvaryai namaH | dishi dishi rachayantI sa~ncharannetralakShmI vilasitakhuralIbhiH kha~njarITasya khelAm | hR^idayamadhupamallIM vallavAdhIshasUno\- rakhilaguNagabhIrAM rAdhikAmarchayAmi || 1|| pituriha vR^iShabhAnoranvavAyaprashastiM jagati kila samaste suShThu vistArayantIm | vrajapatikumAraM khelayantIM sakhIbhiH surabhiNi nijakuNDe rAdhikAmarchayAmi || 2|| sharadupachitarAkAkaumudInAthakIrti prakaradamanadIkShAdakShiNasmeravaktrAm | naTadaghabhidapA~Ngottu~NgitAna~Ngara~NgAM kalitaruchitara~NgAM rAdhikAmarchayAmi || 3|| vividhakusumavR^indotphulladhammilladhATI vighaTitamadaghUrNatkekipichChaprashastim | madhuripumukhabimbodgIrNatAmbUlarAga sphuradamalakapolAM rAdhikAmarchayAmi || 4|| amalinalalitAntaHsnehasiktAntarA~NgAM akhilavidhavishAkhAsakhyavikhyAtashIlAm | sphuradaghabhidanarghapremamANikyapeTIM dhR^itamadhuravinodAM rAdhikAmarchayAmi || 5|| atulamahasi vR^indAraNyarAjye.abhiShiktAM nikhilasamayabhartuH kArtikasyAdhidevIm | aparimitamukundapreyasIvR^indamukhyAM jagadaghaharakIrtiM rAdhikAmarchayAmi || 6|| haripadanakhakoTIpR^iShThaparyantasImA taTamapi kalayantIM prANakoTerabhIShTAm | pramuditamadirAkShIvR^indavaidagdhyadIkShA gurumatigurukIrtiM rAdhikAmarchayAmi || 7|| amalakanakapaTTodghR^iShTakAshmIragaurIM madhurimalaharIbhiH samparItAM kishorIm | haribhujaparirabdhAM labdharomA~nchapAliM sphuradaruNadukUlAM rAdhikAmarchayAmi || 8|| tadamalamadhurimNAM kAmamAdhArarUpaM paripaThati variShThaM suShThu rAdhAShTakaM yaH | ahimakiraNaputrIkUlakalyANachandraH sphuTamakhilamabhIShTaM tasya tuShTastanoti || 9|| iti shrIrUpagosvAmivirachitastavamAlAyAM shrIrAdhAShTakaM sampUrNam | \chapter{##Prarthanapaddhatih ## .. prArthanApaddhatiH ..} shrIrAdhikAyai namaH | shuddhagA~NgeyagaurA~NgIM kura~NgIla~NgimekShaNAm | jitakoTIndubimbAsyAmambudAmbarasaMvR^itAm || 1|| navInavallavIvR^indadhammillotphullamallikAm | divyaratnAdyala~NkArasevyamAnatanushriyam || 2|| vidagdhamaNDalaguruM gaNagauravamaNDitAm | atipreShThavayasyAbhiraShTAbhirabhiveShTitAm || 3|| cha~nchalApA~Ngabha~Ngena vyAkulIkR^itakeshavAm | goShThendrasutajIvAturamyabimbAdharAmR^itAm || 4|| tvAmasau yAchate natvA viluThan yamunAtaTe | kAkubhirvyAkulasvAnto jano vR^indAvaneshvari || 5|| kR^itAgaske.apyayogye.api jane.asmin kumatAvapi | dAsyadAnapradAnasya lavamapyupapAdaya || 6|| yuktastvayA jano naiva duHkhito.ayamupekShitum | kR^ipAddyotadravachchittanavanItAsi yat sadA || 7|| iti shrIrUpagosvAmivirachitastavamAlAyAM prArthanApaddhatiH samAptA | \chapter{##Chatupushpanjalih ## .. chATupuShpA~njaliH ..} shrIrAdhikAyai namaH | navagorochanAgaurI pravarendrIvarAmbarAm | maNistavakavidyotiveNIvyAlA~NgaNAphaNAm || 1|| upamAnaghaTamAnaprahArimukhamaNDalAm | navendunindibhAlodyatkasturItilakashriyam || 2|| bhrUjitAna~NgakodaNDAM lolanIlAlakAvalim | kajjalojjvalatArAjachchakorIchArulochanAm || 3|| tilapuShpAbhanAsAgravirAjadvaramaulikAm | adharodbhUtabandhUkAM kundAlIbandhuradvijAm || 4|| saratnasvarNarAjIvakarNikAkR^itakarNikAm | kastUrIbinduchibukAM ratnagraiveyakojjvalAm || 5|| divyA~NgadapariShva~NgalasadbhujamR^iNAlikAm | balAriratnavalayakalAlambikalAvikAm || 6|| ratnA~NgurIyakollAsivarA~NgulikarAmbujAm | manoharamahAhAravihArikuchakuTmalAm || 7|| romAlibhujagImUrdharatnAbhataralA~nchitAm | valitrayIlatAbaddhakShINabha~NguramadhyamAm || 8|| maNisArasanAdhAravisphArashroNirodhasam | hemarambhAmadArambhastambhanoruyugAkR^itim || 9|| jAnudyutijitakShullapItaratnasamudrakAm | sharannIrajanIrAjyama~njIraviraNatpadAm || 10|| rAkendukoTisaundaryajaitrapAdanakhadyutim | aShTAbhiH sAttvikairbhAvairAkulIkR^itavigrahAm || 11|| mukundA~NgakR^ipApA~NgAmana~Ngormitara~NgitAm | tvAmArabdhashriyAnandAM vande vR^indAvaneshvari || 12|| ayi prodyanmahAbhAvamAdhurIvihvalAntare | asheShanAyikAvasthAprAkaTyAdbhutacheShTite || 13|| sarvamAdhuryavi~njolInirmA~nChitapadAmbuje | indirAmR^igyasaundaryasphurada~NghrinakhA~nchale || 14|| gokulendumukhIvR^indasImantottaMsama~njari | lalitAdisakhIyUthajIvAtusmitakorake || 15|| chaTulApA~NgamAdhuryabindUnmAditamAdhave | tAtapAdayashaHstomakairavAnandachandrike || 16|| apArakaruNApUrapUritAntarmanohrade | prasIdAsmin jane devi nijadAsyaspR^ihAjuShi || 17|| kachchit tvaM chATupaTunA tena goShThendrasUnunA | prArthyamAnachapAlA~NgaprasAdA drakShyase mayA || 18|| tvAM sAdhu mAdhavIpuShpairmAdhavena kalAvidA | prasAdhyamAnAM svidyantIM bIjayiShyAmyahaM kadA || 19|| kelivisraMsino bakakeshavR^indasya sundari | saMskArAya kadA devi janametaM nidekShyasi || 20|| kadA bimboShThi tAmbUlaM mayA tava mukhAmbuje | arpyamANaM vrajAdhIshasUnurAchChidya bhokShyate || 21|| vrajarAjakumAravallabhAkulasImantamaNi prasIda me | parivAragaNasya te yathA padavI me na davIyasI bhavet || 22|| karuNAM muhurarthaye paraM tava vR^indAvanachakravartini | api keshariporyathA bhavet sa chaTuprArthanabhAjanaM janaH || 23|| imaM vR^indAvaneshvaryA jano yaH paThati stavam | chATupuShpA~njaliM nAma sa syAdasyAH kR^ipAspadam || 24|| iti shrIrUpagosvAmivirachitastavamAlAyAM shrIchATupuShpA~njaliH samAptA | \chapter{##Shri Gandharvasa.nprarthanashtakam ## .. shrIgAndharvAsa.nprArthanAShTakam ..} shrIshrIgAndharvikAyai namaH | vR^indAvane viharatoriha kileku~nje mattadvipapravarakautukavibhrameNa | sandarshayasva yuvayorvadanAravinda dvandvaM vidhehi mayi devi kR^ipAM prasIda || 1|| hA devi kAkubharagadgadayAdya vAchA yAche nipatya bhuvi daNDavadudbhaTArtiH | asya prasAdamabudhasya janasya kR^itvA gAndharvike nijagaNe gaNanAM vidhehi || 2|| shyAme ramAramaNasundaratAvariShTha saundaryamohitasamastajagajjanasya | shyAmasya vAmabhujabaddhatanuM kadAhaM tvAmindirAviralarUpabharAM bhajAmi || 3|| tvAM prachChadena mudirachChavinA pidhAya ma~njIramuktacharaNAM cha vidhAya devi | ku~nje vrajendratanayena virAjamAne naktaM kadA pramuditAmabhisArayiShye || 4|| ku~nje prasUnakulakalpitakelitalpe saMviShTayormadhuranarmavilAsabhAjoH | lokatrayAbharaNayoshcharaNAmbujAni saMvAhayiShyati kadA yuvayorjano.ayam || 5|| tvatkuNDarodhasi vilAsaparishrameNa svedAmbuchumbivadanAmburuhashriyo vAm | vR^indAvaneshvari kadA tarumUlabhAjo saMvIjayAmi chamarIchayachAmareNa || 6|| lInAM niku~njakuhare bhavatIM mukunde chitraiva sUchitavatIM ruchirAkShi nAham | bhugnAM bhruvaM na rachayeti mR^iShAruShAM tvAM agre vrajendratanayasya kadA nu neShye || 7|| vAgyuddhakelikutuke vrajarAjasUnuM jitvonmadAmadhikadarpavikAsijalpAm | phullAbhirAlibhiranalpamudIryamANa stotrAM kadA nu bhavatImavalokayiShye || 8|| yaH ko.api suShThu vR^iShabhAnukumArikAyAH sa.nprArthanAShTakamidaM paThati prapannaH | sA preyasA saha sametya dhR^itapramodA tatra prasAdalaharImurarIkaroti || 9|| iti shrIrUpagosvAmivirachitastavamAlAyAM shrIgAndharvAsa.nprArthanAShTakaM sampUrNam | \chapter{##Namayugalashtakam ## .. nAmayugalAShTakam ..} atha shrIrAdhAmAdhavayornAmayugalAShTakaM shrIshrIrAdhAkR^iShNAbhyAM namaH | rAdhAmAdhavayoretad vakShye nAmayugAShTkam | rAdhAdAmodarau pUrvaM rAdhikAmAdhavau tataH || 1|| vR^iShabhAnukumArI cha tathA gopendranandanaH | govindasya priyasakhI gAndharvAbAndhavastathA || 2|| niku~njanAgarau goShThakishorajanashekharau | vR^indAvanAdhipau kR^iShNavallabhArAdhikApriyau || 3|| iti shrIrUpagosvAmivirachitastavamAlAyAM shrIrAdhAmAdhavayornAmayugAShTakaM sampUrNam | \chapter{##Shri Vrajanavinayuvadvandvashtakam ## .. shrIvrajanavInayuvadvandvAShTakam ..} shrIrAdhAkR^iShNau jayataH | adurvidhavidagdhatAspadavimugdhaveshashriyo\- ramandashikhikandharAkanakanindivAsastviShoH | sphuratpuraTaketakIkusumavibhramAbhraprabhA nibhA~Ngamahasorbhaje vrajanavInayUnoryugam || 1|| samR^iddhavidhumAdhurIvidhuratAvidhAnoddhurai\- rnavAmburuharamyatAmadaviDambanArambhibhiH | vilimpadiva karNakAvalisahodarairdiktaTI mukhadyutibharairbhaje vrajanavInayUnoryugam || 2|| vilAsakalahoddhatiskhaladamandasindUrabhA\- gakharvamadanA~Nkushaprakaravibrhamaira~Nkitam | madoddhuramivobhayormithunamullasadvallarI gR^ihotsavarataM bhaje vrajanavInayUnoryugam || 3|| ghanapraNayanirjharaprasaralabdhapUrtermano hradasya parivAhitAmanusaradbhirasraiH plutam | sphurattanuruhA~NkurairnavakadambajR^imbhashriyaM vrajattadanishaM bhaje vrajanavInayUnoryugam || 4|| ana~NgaraNavibhrame kimapi vibhradAchAryakaM mithashchaladR^iga~nchaladyutishalAkayA kIlitam | jagatyatuladharmabhirmadhuranarmabhistanvato\- rmitho vijayitAM bhaje vrajanavInayUnoryugam || 5|| adR^iShTacharachAturIchalacharitrachitrAyitaiH saha praNayibhirjanairviharamAnayoH kAnane | parasparamanomR^igaM shravaNachAruNA charcharI chayena rajayad bhaje vrajanavInayUnoryugam || 6|| marandabharamandirapratinavAravindAvali sugandhini vihArayorjalavihAravisphUrjitaiH | tape sarasi vallabhe salilavAdyavidyAvidhau vidagdhabhujayorbhaje vrajanavInayUnoryugam || 7|| mR^iShAvijayakAshibhiH prathitachturIrAshIbhi\- rglahasya haraNaM haThAt prakaTayadbhiruchchairgirA | tadakShakalidakShayoH kalitapakShayoH sAkShibhiH kulaiH svasuhR^idAM bhaje vrajanavInayUnoryugam || 8|| idaM valitatuShTayaH paripaThanti padyAShTakaM dvayorguNavikAshi ye vrajanavInayUnorjanAH | muhurnavanavodayAM praNayamAdhurImetayo\- ravApya nivasanti te padasarojayugmAntike || 9|| iti shrIrUpagosvAmivirachitastavamAlAyAM shrIvrajanavInayuvadvandvAShTakaM sampUrNam | \chapter{##Karpanyapanjikastotram ## .. kArpaNyapa~njikAstotram ..} dhyAnaH | koNenAkShNoH pR^ithuruchiH mitho hAriNA lihyamAnA\- vekaikena prachurapulakenopaguDhau bhujena | gaurIshyAmau vasanayugalaM shyAmagauraM vasAnau rAdhAkR^iShNau smaravilasitoddAmatR^iShNau smarAmi || 1|| atha shrIkArpaNyapa~njikAstotraM shrIvR^indAvaneshau jayataH tiShThan vR^indATavIku~nje vij~naptiM vidadhatyasau | vR^indATavIshayoH pAdapadmeShu kR^ipano janaH || 1|| navendIvarasandohasaundaryAskandanaprabham | chArugorochanAgarvagauravagrAsigaurabhAm || 2|| shAtakumbhakadambashrIviDambisphuradambaram | haratA kiMshukasyAMshUn aMshukena virAjitAm || 3|| sarvakaishoravadvR^indachUDArUDhahariNmaNim | goShThAsheShakishorINAM dhammillottaMsamallikAm || 4|| shrIshamukhyAtmarUpaNAM rUpAtishayivigraham | ramojjvalavrajavadhUvrajavismApisauShThavAm || 5|| saurabhyahR^itagAndharvaM gandhonmAditamAdhavAm | rAdhArodhanavaMshIkaM mahatImohitAchyutAm || 6|| rAdhAdhR^itidhanastenalochanA~nchalachApalam | dR^iga~nchalakalAbhR^i~NgIdaShTakR^iShNahR^idambujAm || 7|| rAdhAgUDhaparIhAsaprauDhinirvachanIkR^itam | vrajendrasutanarmoktiromA~nchitatanUlatAm || 8|| divyasadguNamANikyashreNIrohaNaparvatam | umAdiramaNIvyUhaspR^ihaNIyaguNotkarAm || 9|| tvAM cha vR^indAvanAdhIsha tvAM cha vR^indAvaneshvari | kAkubhirvandamAno.ayaM mandaM prAR^ithayate janaH || 10|| || dashabhiH kulakam || yogyatA me na kAchid vAM kR^ipAlAbhAya yadyapi | mahAkR^ipAlumaulitvAt tathApi kurutaM kR^ipAm || 11|| ayogye sAparAdhe.api dR^ishyante kR^ipayAkulAH | mahAkR^ipAlavo hanta loke lokeshavanditau || 12|| bhaktervAM karuNAhetorleshAbhAso.api nAsti me | mahAlIlesharatayA tadapyatra prasIdatam || 13|| jane duShTe.apyabhakte.api prasIdanto vilokitAH | mahAlIlAmaheshAshcha hA nAthau bahavo bhuvi || 14|| adhamo.apyuttamaM matvA svamaj~ne.api manIShiNam | shiShTaM duShTo.apyayaM janturmantuM vyadhita yadyapi || 15|| tathApyasmin kadAchid vAmadhIshau nAmajalpini | avadyavR^indanistArinAmAbhAsau prasIdatam || 16|| yadakShamyaM nu yuvayoH sakR^idbhaktilavAdapi | tadAgaH kvApi nAstyeva kR^itAshAM prArthaye tataH || 17|| hanta klIbo.api jIvo.ayaM nItaH kaShTena dhR^iShTatAm | muhuH prArthayate nAthau prasAdaH ko.apyuda~nchatu || 18|| eSha pApI rudann uchchairAdAya radanaistR^iNam | hA nAthau nAtheti prANI sIdatyatra prasIdatam || 19|| hAhArAvamasau kurvan durbhago bhikShate janaH | etAM me shR^iNutaM kAkuM kAkuM shR^iNutamIshvarau || 20|| yAche phutkR^itya phutkR^itya hA hA kAkubhirAkulaH | prasIdatamayogye.api jane.asmin karuNArNavau || 21|| kroshatyArtasvarairAsye nyasyA~NguShThamasau janaH | kurutaM kurutaM nAthau karuNAkaNikAmapi || 22|| vAcheha dInayA yAche sAkrandamatimandadhIH | kirataM karuNasvAntau karuNormichChaTAmapi || 23|| madhurAH santi yAvanto bhAvAH sarvatra chetasaH | tebhyo.api premamadhuraM prasAdIkurutaM nijam || 24|| sevAmevAdya vAM devAvIhe ki~nchana nAparam | prasAdAbhimukhau hanta bhavantau bhavatAM mayi || 25|| nAthitaM paramevedamanAthajanavatsalau | svaM sAkShAddAsyamevAsmin prasAdIkurutaM jane || 26|| a~njaliM mUrdhni vinyasya dIno.ayaM bhikShate janaH | asya siddhirabhIShTasya sakR^idapyupapAdyatAm || 27|| amalo vAM pArimalaH kadA parimalan vane | anargheNa pramodena ghrANaM me ghUrNayiShyati || 28|| ra~njayisyati karNau me haMsagu~njitaga~njanam | ma~njulaM kiM nu yuvayorma~njIrakalasi~njitam || 29|| saubhAgyA~NkarathA~NgAdilakShitAni padAni vAm | kadA vR^indAvane pashyann unmadiShyatyayaM janaH || 30|| sarvasaundaryamaryAdAnIrAjyapadanIrajau | kimapUrvANi parvANi hA mamAkShNorvidhAsyatha || 31|| suchirAshAphalAbhogapadAmbhojavilokanau | yuvAM sAkShAjjanasyAsya bhavetAmiha kiM bhave || 32|| kadA vR^indATavIku~njakandare sundarodayau | khelantau vAM vilokiShye suratau nAtidUrataH || 33|| gurvAyattatayA kvApi durlabhAnyonyavIkShaNau | mithaH sandeshasIdhubhyAM nandayisyAmi vAM kadA || 34|| gaveShayantAvanyo.anyaM kadA vR^indAvanAntare | sa~Ngamayya yuvAM lapsye hAriNaM pAritoShikam || 35|| paNIkR^itamithohAralu~nchanavyagrahastayoH | kaliM dyUte vilokiShye kadA vAM jitakAshinoH || 36|| ku~nje kusumashayyAyAM kadA vAmarpitA~NgayoH | pAdasaMvAhanaM hanta jano.ayaM rachayiShyati || 37|| kandarpakalahodghaTTatruTitAnAM latAgR^ihe | kadA gumphAya hArANAM bhavantau mAM niyokShyataH || 38|| kelikallolavisrastAn hanta vR^indAvaneshvarau | karhi barhipatatrairvAM maNDayiShyAmi kuntalAn || 39|| kandarpakelipANDityakhaNDitAkalpayoraham | kadA vAmalikadvandvaM kariShye tilakojjvalam || 40|| devArambhe vanasragbhirdR^ishau te devi kajjalaiH | ayaM janaH kadA ku~njamaNDape maNDayiShyati || 41|| jAmbUnadAbhatAmbUlIparNAnyavadalayya vAm | vadanAmbujayoreSha nidhAsyati janaH kadA || 42|| kvAsau duShkR^itakarmAhaM kva vAmabhyarthanedR^ishI | kiM vA kaM vA na yuvayorunmAdayati mAdhurI || 43|| yayA vR^indAvane janturanarho.apyeSha vAsyate | tayaiva kR^ipayA nAthau siddhiM kurutamIpsitam || 44|| kArpaNyapa~njikAmetAM sadA vR^indATavInaTau | giraiva jalpato.apyasya jantoH sidhyatu vA~nChitam || 45|| iti shrIrUpagosvAmivirachitastavamAlAyAM shrIkArpaNyapa~njikAstotraM samAptam | \chapter{##Utkalikavallarih ## .. utkalikAvallarIH ..} shrIvR^indAraNyavihAriNe namaH | prapadya vR^indAvanamadhyamekaH kroshannasAvutkalikAkulAtmA | udghATayAmi jvalataH kaThorAM bAShpasya mudrAM hR^idi mudritasya || 1|| aye vR^indAraNya tvaritamiha te sevanaparAH parAmApuH ke vA na kila paramAnandapadavIm | ato nIchairyAche svayamadhipayorIkShaNavidhe\- rvareNyAM me chetasyupadisha dishaM hA kuru kR^ipAm || 2|| tavAraNye devi dhruvamiha murAriporviharate sadA preyasyeti shrutirapi virauti smR^itirapi | iti j~nAtvA vR^inde charaNamabhivande tava kR^ipAM kuruShva kShipraM me phalatu nitarAM tarShaviTapI || 3|| hR^idi chiravasadAshAmaNDalAlambapAdau guNavati tava nAthau nAthituM jantureShaH | sapadi bhavadanuj~nAM yAchate devi vR^inde mayi kira karuNArdrAM dR^iShTimatra prasIda || 4|| dadhataM vapuraMshukandalIM daladindIvaravR^indabandhurAm | kR^itakA~nchanakAntiva~nchanaiH sphuritAM chArumarIchisa~nchayaiH || 5|| nichitaM ghanacha~nchalAtate\- ranukUlena dukUlarochiShA | mR^iganAbhiruchaH sanAbhinA mahitAM mohanapaTTavAsasA || 6|| mAdhurIM prakaTayantamujjvalAM shrIpaterapi variShThasauShThavAm | indirAmadhuragoShThasundarI vR^indavismayakaraprabhonnatAm || 7|| itarajanadurghaTodayasya sthiraguNaratnachayasya rohaNAdrim | akhilaguNavatIkadambachetaH prachurachamatkR^itikArisadguNADhyam || 8|| nistulavrajakishoramaNDalI maulimaNDanaharinmaNIshvaram | vishvavisphUritagokulollasan navyayauvatavataMsamAlikAm || 9|| svAntasindhumakarIkR^itarAdhaM hR^innishAkarakura~NgitakR^iShNAm | preyasIparimalonmadachittaM preShThasaurabhahR^itendriyavargAm || 10|| premamUrtivarakArttikadevI kIrtigAnamukharIkR^itavaMsham | vishvanandanamukundasamaj~nA vR^indakIrtanarasaj~narasaj~nAm || 11|| nayanakamalamAdhurIniruddha vrajanavayauvatamaulihR^inmarAlam | vrajapatisutachittamInarAja grahaNapaTiShThavilochanAntajAlAm || 12|| gopendramitratanayAdhruvadhairyasindhu pAnakriyAkalasasambhavaveNunAdam | vidyAmahiShThamahatImahanIyagAna sammohitAkhilavimohanahR^itkura~NgAm || 13|| kvApyAnusa~NgikatayoditarAdhikAkhyA vismAritAkhilavilAsakalAkalApam | kR^iShNetivarNayugalashravaNAnubandha prAdurbhavajjaDimaDambarasaMvitA~NgIm || 14|| tvAM cha vallavapurandarAtmaja tvAM cha gokulavareNyanandini | eSha mUrdhni rachitA~njalirnayan bhikShate kimapi durbhago janaH || 15|| hanta sAndrakaruNAsudhAjharI pUrNamAnasahradau prasIdatam | durjane.atra dishataM rate nija prekShaNapratibhuvashChaTAmapi || 16|| shyAmayornavavayaHsuShamAbhyAM gaurayoramalakAntiyashobhyAm | kvApi vAmakhilavalguvataMsau mAdhurI hR^idi sadA sphuratAn me || 17|| sarvavallavavareNyakumArau prArthaye bata yuvAM praNipatya | lIlayA vitarataM nijadAsyaM lIlayA vitarataM nijadAsyam || 18|| praNipatya bhavantamarthaye pashupAlendrakumAra kAkubhiH | vrajayauvatamaulimAlikA karuNApAtramimaM janaM kuru || 19|| bhavatImabhivAdya chATubhi\- rvaramUrjeshvari varyamarthaye | bhavadIyatayA kR^ipAM yathA mayi kuryAdadhikAM bakAntakaH || 20|| dishi vidishi vihAramAcharantaH saha pashupAlavareNyanandanAbhyAm | praNayijanagaNAstayoH kurudhvaM mayi karuNAM bata kAkumAkalayya || 21|| giriku~njakuTIranAgarau lalite devi sadA tavAshravau | iti te kila nAsti duShkaraM kR^ipayA~NgIkuru mAmataH svayam || 22|| bhAjanaM varamihAsi vishAkhe gauranIlavapuShoH praNayAnAm | tvaM nijapraNayinormayi tena prApayasva karuNArdrakaTAkSham || 23|| subala vallavavaryakumArayo\- rdayitasakhastvamasi vraje | iti tayoH purato vidhuraM janaM kShaNamamuM kR^ipayAdya nivedaya || 24|| shR^iNuta kR^ipayA hanta prANeshayoH praNayoddhurAH kimapi yadayaM dInaH prANI nivedayati kShaNam | pravaNitamanAH kiM yuShmAbhiH samaM tilamapyasau yugapadanayoH sevAM premNA kadApi vidhAsyati || 25|| kva jano.ayamatIva pAmaraH kva durApaM ratibhAgbhirapyadaH | iyamullayatyajarjarA guru\- ruttarShadhurA tathApi mAm || 26|| dhvantabrahmamarAlakUjitabharairUrjeshvarInUpura kvAnairUrjitavaibhavastava vibho vaMshIprasUtaH kalaH | labdhaH shastasamastanAdanagarIsAmrAjyalakShmIM parAM ArAdhyaH praNayAt kadA shravaNayordvandvena mandena me || 27|| stambhaM prapa~nchayati yaH shikhipi~nChamauli veNorapi pravalayan svarabha~NgamuchchaiH | nAdaH kadA kShaNamavApsyati te mahatyA vR^indAvaneshvari sa me shravaNAtithitvam || 28|| kasya sambhavati hA tadaharvA yatra vAM prabhuvarau kalagItiH | unnaman madhurimormisamR^iddhA duShkR^itaM shravaNayorvidhunoti || 29|| parimalasaraNirvAM gauranIlA~NgarAjan mR^igamadaghusR^iNAnugrAhiNI nAgareshau | svamahimaparamANuprAvR^itAsheShagandhA kimiha mama bhavitrI ghrANabhR^i~NgotsavAya || 30|| pradeshinIM mukhakuhare vinikShipan jano muhurvanabhuvi phutkarotyasau | prasIdataM kShaNamadhipau prasIdataM dR^ishoH puraH sphuratu taDidghanachChaviH || 31|| vrajamadhurajanavrajAvataMsau kimapi yuvAmabhiyAchate jano.ayam | mama nayanachamatkR^itiM karotu kShaNamapi pAdanakhendukaumudI vAm || 32|| atarkitasamIkShaNollasitayA mudA shliShyato\- rniku~njabhavanA~Ngane sphuritagauranIlA~NgayoH | ruchaH prachurayantu vAM puraTayUthikAma~njarI virAjadaliramyayormama chamatkR^itiM chakShuShoH || 33|| sAkShAtkR^itiM bata yayorna mahattamo.api kartuM manasyapi manAk prabhutAmupaiti | ichChannayaM nayanayoH pathi tau bhavantau janturvijitya nijagAra bhiyaM hriyaM cha || 34|| athavA mama kiM nu dUShaNaM bata vR^indAvanachakravartinau | yuvayorguNamAdhurI navA janamunmAdayatIva kaM na vA || 35|| ahaha samayaH so.api kShemo ghaTeta narasya kiM vrajanaTavarau yatroddIptA kR^ipAsudhayojjvalA | kR^itaparijanashreNichetashchakorachamatkR^iti\- rvrajati yuvayoH sA vaktrendudvayI nayanAdhvani || 36|| priyajanakR^itapArShNigrAhacharyonnatAbhiH sugahanaghaTanAbhirvakrimADambareNa | praNayakalahakelikShvelibhirvAmadhIshau kimiha rachayitavyaH karNayorvismayo me || 37|| nibhR^itamapahR^itAyAmetayA vaMshikAyAM dishi dishi dR^ishamutkAM prerya sampR^ichChamAnaH | smitashavalamukhIbhirvipralabdhaH sakhIbhi\- stvamaghahara kadA me tuShTimakShNorvidhatse || 38|| kShatamadharadalasya svasya kR^itvA tvadAlI kR^itamiti lalitayAM devi kR^iShNe bruvANe | smitashavaladR^igantA ki~nchiduttambhitabhrU\- rmama mudamupadhAsyatyAsyalakShmIH kadA te || 39|| kathamidamapi vA~nChituM nikR^iShTaH sphuTamayamarhati janturuttamArham | gurulaghugaNanojjhitArtanAthau jayatitarAmathavA kR^ipAdyutirvAm || 40|| vR^itte daivAd vrajapatisuhR^innandinIvipralambhe saMrambheNollalita lalitAsha~NkayodbhrAntanetraH | tvaM shArIbhiH samayapaTubhirdrAg upAlabhyamAnaH kAmaM dAmodara mama kadA modamakShNorvidhAtA || 41|| rAsArambhe vilasati parityajya goShThAmbujAkShI vR^indaM vR^indAvanabhuvi rahaH keshavenopanIya | tvAM svAdhInapriyatamapadaprApaNenArchitA~NgIM dUre dR^iShTvA hR^idi kimachirAdarpayiShyAmi darpam || 42|| ramyA shoNadyutibhiralakairyAvakenorjadevyAH sadyastandrImukuladalasaklAntanetrA vrajesha | prAtashchandrAvalIparijanaiH sAchi dR^iShTA vivarNai\- rAsyashrIste praNayati kadA sammadaM me mudaM cha || 43|| vyAtyukShIrabhasotsave.adharasudhApAnaglahe prastute jitvA pAtumathotsukena hariNA kaNThe dhR^itAyAH puraH | IShachChoNimamIlitAkShamanR^ijubhrUvallihelonnataM prekShiShye tava sasmitaM saruditaM tad devi vaktraM kadA || 44|| AlIbhiH samamabhupetya shanakairgAndharvikAyAM mudA goShThAdhIshakumAra hanta kusumashreNIM harantyAM tava | prekShiShye purataH pravishya sahasA gUDhasmitAsyaM balAd AchChindAnamihottarIyamurasastvAM bhAnumatyAH kadA || 45|| uda~nchati madhUtsave sahacharIkulenAkule kadA tvamavalokyase vrajapurandarasyAtmaja | smitojjvalamadIshvarIchaladR^iga~nchalapreraNAn nilInaguNama~njarIvadanamatra chumban mayA || 46|| kalindatanayAtaTivanavihArataH shrAntayoH sphuranmadhuramAdhavIsadanasImni vishrAmyatoH | vimuchya rachayiShyate svakachavR^indamatrAmunA janena yuvayoH kadA padasarojasanmArjanam || 47|| parimiladupabarhaM pallavashreNibhirvAM madanasamaracharyAbhAraparyAptamatra | mR^idubhiramalapuShpaiH kalpayiShyAmi talpaM bhramarayuji niku~nje hA kadA ku~njarAjau || 48|| alidyutibhirAhR^itairmihiranandinInirjharAt puraH puraTajharjharIparibhR^itaiH payobhirmayA | nijapraNayibhirjanaiH saha vidhAsyate vAM kadA vilAsashayanasthayoriha padAmbujakShAlana || 49|| lIlAtalpe kalitavapuShorvyAvahAsImanalpAM smitvA smitvA jayakalanayA kurvatoH kautukAya | madhye ku~njaM kimiha yuvayoH kalpayiShyAmyadhIshau sandhArambhe laghu laghu padAmbhojasaMvAhanAni || 50|| pramadamadanayuddhArambhasambhAvukAbhyAM pramuditahR^idayAbhyAM hanta vR^indAvaneshau | kimahamiha yuvAbhyAM pAnalIlonmukhAbhyAM chaShakamupahariShye sAdhu mAdhvIkapUrNam || 51|| kadAhaM seviShye vratatichamarIchAmaramarud vinodena krIDAkusumashayane nyastavapuShau | daronmIlannetrau shramajalakaNaklidyadalakau bruvANAvanyonyaM vrajanavayuvAnAviha yuvAm || 52|| chyutashikharashikhaNDaM ki~nchidutsraMsamAnAM viluThadamalapuShpashreNimunmuchya chUDAm | danujadamana devyAH shikShayA te kadAhaM kamalakalitakoTiM kalpayiShyAmi veNIm || 53|| kamalamukhi vilAsairaMsayoH sraMsitAnAM tulitashikhikalApaM kuntalAnAM kalApam | tava kavaratayAvirbhAvya modAt kadAhaM vikachavichakilAnAM mAlayAla~NkariShye || 54|| mithaHspardhAbaddhe balavati valatyakShakalahe vrajesha tvAM jitvA vrajayuvatidhammillamaNinA | dR^igantena kShiptAH paNamiha kura~NgaM tava kadA grahIShyAmo baddhA kalayati vayaM tatpriyagaNe || 55|| kiM bhaviShyati shubhaH sa vAsaro yatra devi nayanA~nchalena mAm | garvitaM vihasituM niyokShyase dyUtasaMsadi vijitya mAdhavam || 56|| kiM janasya bhavitAsya tad dinaM yatra nAtha muhurenamAdR^itaH | tvaM vrajeshvaravayasyanandinI mAnabha~NgavidhimarthayiShyase || 57|| tvadAdeshaM shArIkathitamahamAkarNya mudito vasAmi tvatkuNDopari sakhi vilambastava katham | itIdaM shrIdAmasvasari mama sandeshakusumaM hareti tvaM dAmodara janamamuM notsyasi kadA || 58|| shaTho.ayaM nAvekShya punariha mayA mAnadhanayA vishantaM strIveshaM subalasuhR^idaM vAraya girA | idaM te sAkUtaM vachanamavadhAryochChalitadhIsh\- ChalATopairgopapravaramavarotsyAmi kimaham || 59|| aghahara balIvardaH preyAnnavastava yo vraje vR^iShabhavapuShA daityenAsau balAdabhiyujyate | iti kila mR^iShAgIrbhishchandrAvalInilayasthitaM vanabhuvi kadA neShyAmi tvAM mukunda madIshvarIm || 60|| nigirati jagaduchchaiH sUchibhedye tamisre bhramararuchinicholenA~NgamAvR^itya dIptam | parihR^itamaNikA~nchInUpurAyAH kadAhaM tava navamabhisAR^iaM kAR^iayiShyAmi devi || 61|| Asye devyAH kathamapi mudA nyastamAsyAt tvayesha kShiptaM parNe praNayajanitAd devi vAmyAt tvayAgre | AkUtaj~nastadatinibhR^itaM charvitaM kharvitA~Nga\- stAmbUlIyaM rasayati janaH phullaromA kadAyam || 62|| parasparamapashyatoH praNayamAninorvAM kadA dhR^itotkelikayorapi svamabhirakShatorAgraham | dvayoH smitamuda~nchaye nudasi kiM mukundAmunA dR^igantanaTanena mAmuparametyalIkoktibhiH || 63|| kadApyavasaraH sa me kimu bhaviShyati svAminau jano.ayamanurAgataH pR^ithuni yatra ku~njodare | tvayA saha tavAlike vividhavarNagandhadravyaish\- chiraM virachayiShyati prakaTapatravallIshriyam || 64|| idaM sevAbhAgyaM bhavati sulabhaM yena yuvayosh\- ChaTApyasya premNaH sphurati nahi suptAvapi mama | padArthe.asmin yuShmadvrajamanu nivAsena janita\- stathApyAshAbandhaH parivR^iDhavarau mAM draDhayati || 65|| prapadya bhavadIyatAM kalitanirmalapremabhi\- rmahadbhirapi kAmyate kimapi yatra tArNaM januH | kR^itAtra kujanerapi vrajavane sthitirme yayA kR^ipAM kR^ipaNagAminIM sadasi naumi tAmeva vAm || 66|| mAdhavyA madhurA~Nga kAnanapadaprAptAdhirAjyashriyA vR^indAraNyavikAsisaurabhatate tApi~nChakalpadruma | nottApaM jagadeva yasya bhajate kIrtichChaTAchChAyayA chitrA tasya tavA~NghrisannidhijuShAM kiM vA phalAptirneNAm || 67|| tvallIlAmadhukulyayollasitayA kR^iShNAmbudasyAmR^itaiH shrIvR^indAvanakalpavalliparitaH saurabhyavisphArayA | mAdhuryeNa samastameva pR^ithunA brahmANDamapyAyitaM nAshcharyaM bhuvi labdhapAdarajasAM parvonnatirvIrudhAm || 68|| pashupAlavareNyanandanau varametaM muhurarthaye yuvAm | bhavatu praNayo bhave bhave bhavatoreva padAmbujeShu me || 69|| udgIrNAbhUdutkalikAvallariragre vR^indATAvyAM nityavilAsavratayorvAm | vA~NmAtreNa vyAharato.apyullalametAM AkarNyeshau kAmitasiddhiM kurutaM me || 70|| chandrAshvabhuvane shAke pauShe gokulavAsinA | iyamutkalikApUrvA vallarI nirmitA mayA || 71|| (1471 shakAbde, 1550 khR^iShTAbde) iti shrIrUpagosvAmivirachitastavamAlAyAM utkalikAvallarI samAptA | \chapter{##Govindabirudavalih ## .. govindabirudAvaliH ..} shrIshrIrAdhAkR^iShNayoH ku~njAd veshmAgamanaM srastaM srastamuda~nchayantyadhishiraH shyAmaM nicholA~nchalaM hastena shlathadurbalena lulitAkalpyaM vahantI tanum | muktArdhAmavarudhya veNimalasaspande kShipantI dR^ishau ku~njAt pashya gR^ihaM pravishya nibhR^itaM shete sakhI rAdhikA || 1|| mlAnAmutkShipya mAlAM truTitamaNisaraH kajjalaM vibhradoShThe sa~NkIrNA~Ngo nakhA~Nkairdishi dishi vikiran ghUrNite netrapadme | pashya mlAnA~NgayaShTiH sphuTamaparichito gopagoShThIbhiragre goShThaM goShThendrasUnuH pravishati rajanau dhvaMasamAsAdayantyAm || 2|| iti shrIshrIrAdhAkR^iShNayoH ku~njAdveshmAgamanaM samAptam | iti shrIrUpagosvAmivirachitastavamAlAyAM govindabirudAvaliH samAptA | \chapter{##Chando ashtadashakam ## .. Chando.aShTAdashakam ..} varNanIyapratij~nA | namaH shrIkR^iShNAya | jIyAnnAma murAreH premamarandasya navyamaravindam | bhavati madAbhAso.api svAtijalaM muktimuktAyAH || 1|| nandotsavAdayastAH kaMsavadhAntA harermahAlIlAH | ChandobhirlalitA~NgairaShTAdashabhirnirUpyante || 2|| danujatR^iNakadamboddAmadAvAgnirAshe kusumitaravikanyAtIravanyAkarIndra | madakalapashupAlIlochanendIvarendo bhavatu tava charitraM madgirAM maNDanAya || 3|| mUlotkhAtavidhAyinI bhavataroH kR^iShNAnyatR^iShNAkShayAt kheladbhirmunichakravAkanichayairAchamyamAnA muhuH | karNAnandikalasvanA vahatu me jihvAtaTIprA~NgaNe ghUrNattu~NgarasAvalistava kathApIyUShakallolinI || 4|| \section{1} atha shrInandotsavAdicharitaM nijamahimamaNDalIvrajavasatirochanaM vadanavidhumAdhurIramitapitR^ilochanam | shrutinipuNabhUsuravrajavihitajAtakaM tanujaladatarpitasvajanagaNachAtakam || subahuvidhadAnakR^ijjanakakR^itakautukaM nikhilapashupAvalIsamupahR^itayautukam | janisamayamaNDitIkR^itapuruShayoShitaM rajanirasagorasakShapaNajanatoShitam || bahuladadhipa~NkilIkR^itavilasada~NganaM pramadabharalolitaprakaTanaTada~Nganam | janakaparitoShitasphuradakhilavallavaM vrajajanitapadmajAvibhavabharapallavam || kapaTapaTupUtanAkaTunayanavIkShitaM vrajabhayadanurjanavrajanidhanadIkShitam | viShamabakapUrvajAkuchasavidhashAyinaM tadasuparimishritastanajarasapAyinam || tadarutaravigrahadrumanivahapAtanaM pR^ithukaripurAkShasIvividhabhavashAtanam | nipuNapashupA~NganAkulakalitarakShaNaM praNayakR^itagorajaHshakR^idamalalakShaNam || spuTanikhilavallavIhR^idayanavachandanaM bhaja chapalamAnasa vrajanR^ipatinandanam || guchChakAkhyamidaM ChandaH | tava jayati nandanandana padAravindorubhaktimakarandaH | yan mAdhurIlavAgre muktisukhaM shuktitAmeti || 5|| \section{2} atha shakaTatR^iNAvartabha~NgAdi mama matiruchchalacharaNe bhagavati parya~NkikAshayite | kapaTakranditakushale shakaTavighaTTini parisphuratu || 6|| atha shakaTAriShTadaityavadhaH autthAnikamahasa~NkulitAmbaka shakaTAdhastanashayanAlambaka kucharasatR^iShNAvirachitarodana cha~nchalapadakR^itashakaTavinodana vismitapashupasudurgamacheShTita kathitanijehitashAvakaveShTita kAtarajananIjanakagatAntika mAntrikadharaNIsurakR^itashAntika || atha tR^iNAvartavadhaH jananIdurvahagauravavigraha sapadi vidhitsitadanujavinigraha danutanayena kShaNamapavAhita kaNThataTIgrahanirmathitAhita | viklavajananInirbharashochita virudadgopIkulaparilochita nirmitajananIbandhumahodaya mAmapi gokulama~Ngala modaya || atha nAmakaraNasaMskAraH navashishulIlAla~NghitahAyana gargAviShkR^itanAmarasAyana | ri~NganamaNDitanandaniketana mudhurimatarpitagokulachetana | chalataratarNakapuchChavikarShaNa vismR^itagR^ihakR^itiramaNIharShaNa | kutukinnasamayavatsavimochana chauryavisha~Nkitacha~nchalalochana | AkroshanakR^itahasitADambara mukhapATavakR^italu~nchanasaMvara | rachitolUkhalapR^iShThavirAjana randhritashikyasthitavarabhAjana | gavyanirmitakapikulara~njana kalpitanavadadhihaNDIbha~njana | jananIvIkShitasabhayavilochana jaya jaya gokulapadmavirochana || atha mR^idbhakShaNalIlA rAmaprakaTIkR^itamR^idbhakShaNa jananIsammukhadhR^itabhayalakShaNa | mukhapuTadarshitanikhilacharAchara gopeshvarasuta mayi mudamAchara || korakAkhyamidaM ChandaH | atha dadhiharaNaM gR^ihaM sakhi karAlike pravishati sma nIlaH shishu\- rdR^iDhIkuru kavATikAM dadhiharaM dadhAmyuddhuram | iti prakaTamIrite mukharayA mahAsha~NkaTaM vilokya tanuka~NkaTIkR^itatamA hariH pAtu vaH || 7|| \section{3} atha yamalArjunabha~njanaM indranIlamadhuraprabhaM janaM hAsayantamanasaH prabha~njanam | bibhrataM puraTapi~NgalaM paTaM dhehi chitta navanItalampaTam || 8|| dhR^itadadhimanthanadaNDa jananIchumbitagaNDa pItasavitradugdha kalabhAShitakulamugdha | jananIpayasAtR^ipta bhAjanabha~njanadR^ipta kR^itahaiya~NgavamoSha mAtR^ivinirmitaroSha | janayitrIkR^itadhAva munigaNadurlabhabhAva viditasAvitrIpIla parihR^itadhAvanalIla | dhR^itahaiya~Ngavagandha kalitolUkhalabandha dR^iShTArjunatarumUla suramunivAganukUla | kR^itayamalArjunabha~Nga guhyakanutidhR^itara~Nga nijabhaktIkR^itayakSha mAdhava mAmapi rakSha | vismitavallavadR^iShTa susmitamukhapuTa hR^iShTa nandavimochitabandha jaya jaya ma~Ngalakanda || 3|| anukUlAkhyamidaM ChandaH | bR^ihadvipinamaNDane kaluShamaNDalIkhaNDane vrajapraNayashaMsane danujavR^iddhividhvaMsane | muhurdharaNirochane mahitavallavIlochane parisphuratu kaishave ratiratIva naH shaishave || 9|| \section{4} atha shrIvR^indAvanagovatsachAraNAdilIlA kadA vR^indAraNye mihiraduhituH sa~Ngamahite muhurbhrAmaM bhrAmaM charitalaharI gokulapateH | lapann uchchairuchchairnayanapayasAM veNibhirahaM kariShye sotkaNTho niviDamavasekaM viTapinAm || 10|| vrajendurupanandAntarINamatinodI manoj~nataravR^indAvanAntaranumodI | antaHsthajanayitryA nijA~NgamupanItaH kura~NganayanAbhiH saharShamanugItaH | praphullapR^ithuvR^indAvanopahR^itara~NgaH kalindagiriputrItaTAntadhR^itasa~NgaH | girIndrakaTakA~NgIkR^itoruparitoShaH samastasakhirAjIvilAsamaNikoShaH | samIpabhuvi vatsaprachAradhR^itatarShaH suhR^itsu gurukhelAbhareNa kR^itaharShaH | tara~NgadurugeNDupraviShTachaladR^iShTiH praNItavaravaMshIninAda navasR^iShTiH | tarakShunakhalakShmIparItamR^idukaNThaH kaTIrataTakUjadvichitralaghughaNTaH | samUDhashikhichUDApraNItavarachUDaH suma~njutaragu~njAvalIbhirupagUDhaH | suhR^idbhirapi sArdhaM prapannavR^iShaveShaH kaThorataravatsAsurebhaharireShaH | sthaviShThabakatuNDapraveshakR^italIla\- tada~NgagirikUTaprabhedaparishIlaH | suhR^idbhiratihR^iShTairbhujAbhirabhimR^iShTaH suraishcha sumanobhirvarAbhirabhivR^iShTaH | tanotu mayi tuShTiM svavatsakulapAlI praphullakusumAlIdharo.adya vanamAlI || 4|| praphullakusumAlInAmedaM ChandaH | api sphArAmode pratipadasudhAkoTimadhure purANagrAmAntarvahati tava lIlArasajhare | manovatsaH pAtuM viShayaviShagarte vishati me kR^ipAyaShTyA tUrNaM damaya tamamuM tarNakapate || 11|| \section{5} atha vatsachAraNAdicharitaM AbhAso.api shrutiparisaraM tAvakInasya nAmnaH sarpannalpaM laghutaramaghastomamokShaM karoti | naitachchitraM sakhibhirakhilairantarAlaM praviShTo yad govinda svayamayamagahaM mokShayasyekameva || 12|| kAnanAntabhuktikamamuchchanAdapUradhAma shR^i~NgabuddhavatsapAlavalgubAlachakravAla sa~NgalabdhatoShajAlamagranunnavatsapAlaM adbhutAtibhUrikhelamitrasa~NganItavelaM a~NgaruddhakAnanasya shArvarA~nchitAnanasya dAvatulyalochanasya pUtigandhimochanasya meghabhAgatAnavasya sarparUpadAnavasya vIkShayAtivismitena tasya kukShimAshritena vatsapAlamaNDalena nItakhedamuchchalena tatra ma~NkShu sa.npraviShTamuddhUtasvabhaktariShTa medhitA~NgaruddhavAtamarditAhijanmajAtaM IkShayAbhIjIvitena Dimbhasa~nchayena tena sArdhametya sattaDAgatIramAptabhuktirAgaM eShu bhotkumudyateShu bhUrirAjisantateShu madhyasImni rAjamAnamarpitebhaDimbhamAnaM atra sarvasammukhAsyamujjihAnamandahAsyaM adhvaropapannabhakShamarbhakopabhogadakShaM indramukhyadevavargavIkShamANakelisargaM eShu vatsapAlakeShu bhakShayatsu bAlakeShu dUragAmivatsapu~njasa~NgamAya labdhaku~njaM ambujanmayoninA tadutsakena vatsajAtaM arbhamaNDalaM cha nItamabhramAbhisamparIta dhItayAdhigatya hAsamudvamantamindubhAsaM Ashu tattadAtmarUpasanniveshitasvarUpaM etadIyamAtR^itoShahetushIlaratnakoShaM ullasantamatra varShamedhitAnurAgatarShaM abjayonidR^iShTatattvamadbhutAtishuddhasattva rUpavIkShaNAtimattagokulAnuvR^ittyatta padmajastutAnubhAvamAhR^itAtmagoShThashAvaM ambujAkSha bho bhavantamAshrayAmi kundadanta nandagoShThabhUribhAga chArukuntalAgrabhAga shokapuShpama~njarIka gandhalubdhacha~ncharIka pItakelipuNDarIka vashyavatsamaNDalIka bAhurAjada~NgadAya mitrasa~Nghara~NgadAya pAdashobhihaMsakAya sundarAvataMsakAya guptachArutarNakAya kLLiptadhAtuvarNakAya gopagotravallabhAya yogivargadurlabhAya karNasa~NgichampakAya durgatAnukampakAya tubhyamiddhakIrtigAtha sarvadA namo.astu nAtha dehi dehi bhaktileshamapyasheShapUrusheSha || ashokapuShpama~njarIChandaH yAM nirvaktumabhUt prabhurnahi chaturvaktro.api te mAdhurIM tAmudghATayatAdya yadyapi satAM hAso mayA svIkR^itaH | vaiphalyAya tathApi deva bhavitA nAyaM mamopAkramaH sarvAnarthaharastvadIyabhajanAbhAso.api yad vishrutaH || 13|| \section{6} atha tAlavanacharitam | sa pAtu mAM yastR^iNarAjarAjI phalairvirAjan vrajarAjaputraH | sukhAni chakrA~NkakaraH sakhInAM chakrIvatAM chakramudasya chakre || 14|| jaya dhenulakShashataguptidakShavanamaNDalAntamanusR^itya kAntaM upalabdhaharSha kR^itakelivarSha baladevagItaghanashAkhishIta vanarAjirUpa pashupAlabhUpa kR^itapakShivArachariktAnukAra dhR^itamitrara~Nga rasavalgada~Nga purumallayuddha paTubAhuruddha baladurdurUDhanijamitrakUTa yamunopakUlatarurAjimUla padabhadrasenakR^itadugdhaphenapaTalAnukalpanavapuShpatalpa varamadhyasupta suhR^idAligupta vR^iShabhAnubaddhamR^idurAganaddha kalagItahR^iShTa subalAbhimR^iShTa kR^itapadmAnandacharaNAravinda viTapAvatAnaparivIjyamAna paripakvatAlaphalalubdhabAla kalavAkyarUDhahasitopagUDhamukhatArakesha dhR^itavIravesha ghanatu~NgatAlavipinAntarAlamupalabdharAmasahitAtmadhAma dhutaghUrNadagratR^iNarATsamagraphalavR^indapAtakR^itaharShajAta phalashabdaruShTakhararUpaduShTaharakAmapAlakR^itaharShamAla turagArikAla kharachakravAlatR^iNavItihotra ramitAtmagotra hatadhenukAdya vibudhAbhivAdya tR^iNarAjabha~NgabharajAtara~Nga ripuvargabhIda mayi sa.nprasIda || 6|| kalagItanAmedaM ChandaH | pInApInabharodgatairanudinaM yAH kShIrapUrairbalAd ambhojAkSha viDambayanti niviDaM kShIrAmbudhairvaibhavam | tAsAM rAjatagaNDashailapaTalIpANDutviShAM maNDalaM dhenUnAM paripAlayantamaTavIku~nje bhavantaM bhaje || 15|| \section{7} atha kAliyadamanaM kAliyasya phaNaratnakuTTimaM kuTTayan padasarojaghaTTanaiH | ma~NgalAni vitanotu tANDave paNDitastava shikhaNDashekharaH || 16|| jagadvinAshi sa~NgamaM garutmatA gaja~NgamaM bhuja~NgamaNDalIpadaM pata~NganandinIhradaM viShAgnidagdhanIrajaM nirIkShya tasya tIrajaM mudAdhiruhya darpataH kadambamugrasarpataH payo vikIrNavAn alaM parijvaladviShAnalaM dhanuHshate satAM gatirbhujoddhatAmbusaMhatiH karAladR^iShTidAruNaiH phaNairmaNiprabhAruNai\- yutena lokadAhinA vinadya kAliyAhinA ruShodbhaTena veShTitaH prapannabAlachesTita\- tato.adbhutAvalokataH sametya tIvarshokata\- tanuskhalatpaTAlibhirmahArtanAdashAlibhi\- balopadeshasAratastadA hradAvatArataH shaniarnivR^ittalAlasairmuhurvyathAkulAlasaiH sadAravR^iddhabAlakaiH samastadhenupAlakai\- vilokitaH smitAnanaH kR^itoragAvamAnanaH praNunnabhogarodhanaH suhR^idgaNAdhishodhanaH shritANDajendravibhramaH sphuratkarAlavikramaH svamUrdharatnapi~njaraM nirasya nAgaku~njaraM plutena tasya ra~NgataH phaNA~NgaNShu sa~NgataH praNItadivyanartanaH kR^itotsavAnuvartanaH prasUnavR^indavarShibhiH khalArdanena harShibhiH sapadmabhUpinAkibhirnabhasyanalpanAkibhiH stuto vichitrabAlakaH sulAsyatashcha lAlakaH sakhi svabAlyacha~nchalaM paribhramaddR^iga~nchalaM sushobhanA~NgahArakaM bhuja~NgadarpadArakaM praNItanR^ityahastakaM vilAsakampimastakaM vikAsihAsyakorakaM vololakaNNThaDorakaM rasAdamuM samagrataH sphuTaM naTantamagrataH sutaM vilokayAdhunA tvamIkShaNena sAdhunA vrajeshvarIti yoShitAM giraM pramodaghoShitAM nishamya labdhamodayA vilokito yashodayA khalapramaardane kharaH shriyA hyana~NgashekharaH phaNavraje muhuH plutaH phaNAvatIgaNaiH stuta\- tadAtidakShiNAshayaH phaNIshvare kR^itAbhayaH kShaNAdamUbhirarchitaH parArdhagandhacharchitaH shrutiprasaktakairavaH phaNivrajeShvabhairavaH svabandhuvR^indanandanaH kR^itAryapAdavandanaH praharShato.avilambayA vichumbitastvamambayA jaya prabho kR^ipAnidhe vilAsaratnavAridhe natArtipUrashAtana prasIda me sanAtana || 7|| ana~NgashekharachChandaH | kAmaM dAmodara mama manaHpannagaH pInabhogo duShTAshIbhiH kuTilavalanaiH kShobhayatyeSha lokam | tadvikrAntastvamuditapadadvandvapa~NkeruhA~NkaM kurvan darvIkaradamana he tANDavairdaNDayAmum || 17|| \section{8} atha bhANDIrakrIDanAdi bhANDIrasya taTAnte taruShaNDAkhaNDalasya raNashauNDa | sakhimaNDalAni bADhaM vikrIDaya puNDarIkAkSha || 18|| suhR^idAvaliparivItaH shrutiharamuralIgItaH surabhIvIthyanusArI varapItAmbaradhAra pInojjvalabhujadaNDaH shirasi sphuritashikhaNDaH shashikhaNDAbhalalATaH pIvarahR^idayakavATaH kharamihirAtapavAse prasaratyapi shuchimAse dhR^itamadhulakShmIbhAraM parihR^itadAvavikAraM dhenumanoharashAdaM pikakR^itapa~nchamanAdaM ShaDjodgArimayUraM visR^imarasaurabhapUraM vikasitachArushirIShaM sphuTamallInivirIShaM vR^indAvanamatihR^iShTaH sabalaH svayamabhiviShTaH kalpitabhujasa~NgrAmaH kvachidIhitavishrAmaH kutrachidabhinavatumbaiH kvachidatikomalakumbhaiH kva cha paripAkimagu~njaiH kva cha bilvAmalapu~njaiH krIDannadbhutacharyaH keliShu paNDitavaryaH pIvarakutukAdhAre dvandvIbhAvavihAre kalpitanirbhararAgaH kR^itasakhivargavibhAgaH shItalamarudanukUle bhANDIradrumamUle kR^itvA vallavaveshaM pravishantaM danujeshaM jAnann eva vilAsI svIkR^itavAn khalashAsI jaitrIkR^itabalapakShaH sudurUhakramadakShaH shrIdAmapriyakAmaH suraripuvAhitarAmaH kShapayan pralambakAyaH halinA nirmitamAyaM daivatapariNutalIlaH suhR^idAnandashIlaH tatra vidUraM yAtAH surabhIrlaghupadapAtAH samamanviShyan gopaiH sha~Nkitanijadhanalopai\- mu~njAvalivikarAle vipine kvachana vishAle labdhAkhiladhavalAkastu~NgitasukhaparipAkaH pItabhaya~NkaradAvaH prakaTollasadanubhAvaH praNatajanotsavakArI tvaM bhANDIravihArI gokulajanarasasindho jaya jaya durvidhabandho || 8|| dvipadikA chChandaH | kalitashrIdAmAnaM shrIdAmAnandikelitundilitam | vande rAmAvarajaM rAmAvaraja~Ngamadyutarum || 19|| \section{9} atha varShAsharadvihAracharitaM premollAsanashIlA vallavamallasya vijayate lIlA | yan mAdhurIM vipa~nchI viri~nchisUnoH prapa~nchayati || 20|| meghasamayapUrtiramitavR^iShTiShu tarukandarachita nIpakakubhapuShpavalita sAndravipinalabdhalalita bhaktapariShadiShTavarada hArivibhavadhArisharad ala~NkR^itabahupakShibharitakAnanakR^itadivyarachita veshatulitanartakavara chandrakachitachArukavara gopayuvatidhairyamathanarUpa tadabhinItakathana lochanaphala venuvalanavalgadadharavaktrakalana sarvasukR^itavaibhavadharaveNurasitarajyadadhara veNumadhunAdanaTitakekinivaha meghaghaTita seva janitamuktayavasadhenunichayachittarabhasa rUpavilasada~NgavalanamohitasuravR^indalalana bhillayuvatitoShimasR^iNashampamilitapAdaghusR^iNa hArihariNayoShidamalanetrasukhadavaktrakamala dAsyaniratashailarachitasevana pashupAshakhachita pAhi varuNa madvidhajanamIshvara duravApabhajana || 9|| hArihariNachChandaH ghanapraNayaghaTTanodghuritaghoShasImantinI prapa~nchitajagattrayIshrutiviTa~NkavikrIDite | sharadvihasitATavIkuharabhUvihArapriye ratistvayi tarasvinI mama salIlamunmIlatu || 21|| \section{10} atha vastraharaNaM smerAbhiH salile kalindaduhiturmagnAbhirAkandharaM skandhanyastasamastapaTTavasano narmoktibha~NgIpaTuH | nirvyAjaM vrajakanyakAbhirasakR^id bhavyAbhirabhyarthitaH pAyAt tu~NgakadambashAkhishikharArUDhastrilokIM hariH || 22|| nijaguNodayollAsalobhitA girisutAvratArambhashobhitAH pashupakanyakAH sUrajAvane rachitamajjanAH prekShya pAvane tvaritamAgato lu~nchitAmbaraH priyakamAshrito ra~NgiNAM varaH sapadi lokayan goShThabAlikA bhrUkuTivallarIbha~NgurAlakAH smitaparisphuradvaktramaNDalaH sphuTitamAlatIkLLiptakuNDalaH sarabhasaM tataH shItavepitaiH praNayakopibhiH suShThuhrepitai\- vadanavisphuratkAkujalpanairvihitasAmabhirbhedakalpanaiH sichayasa~nchayaM sambhramAkulairjhaTitiyAchitaH kanyakAkulaiH pR^ithutarAMsayorarpitAMshukaH sitaradollasanma~njulAMshukaH prakaTitAgrahairbhUpahelibhiH sakhikulAdR^itairjalpakelibhi\- tarupurastaTe tAstadA balAdachiramAnayan gokulAbalAH muditamugdhadhIH kelinarmadaH sakalavallavIvR^indasharmadaH prakaTamambarIbhUtahastakAH savidhamAgatA namramastakAH sa paTurAtmano vAkyakArikAdhR^itamahotsavaH prekShya dArikAH salilamajjane vyajya nagnatAM vratavidhervadan suShThu bhagnatAM shirasi kArayannasya pUrtaye prasabhamAtmane kShemamUrtaye madhurama~njaliM ma~njulochanaH praNayinImanastApamochanaH kimapi kanyakAlIbhirAnataH praNayasa~NkulAdAshu mAnataH sukhabharAdamUratra tarpayan vasanasa~nchayaM tUrNamarpayan kR^itakumArikAchittadohadaH sakalasundarIpremamohadaH praNatamaNDalAbhIShTakAmadhuk kamanavallavImallikAmadhuH tvamakhilesha mAmindirAlaya vrajamahendra he deva pAlaya || 10|| indirA chChandaH | vidadhAnayApi dhavalaM tava jagadevAdya kIrtichandrikayA | keshava pashupAlInAM chitraM dviguNIkR^ito rAgaH || 23|| \section{11} atha yaj~napatnIprasAdaH paritoShayituM na yAyajUkai\- stvamanUchAnajanaishcha nAsi shakyaH | ratihArya ratiM dadasva vande tava govinda sadA padAravindam || 24|| ra~NgatastoShitaj~nAtinA sa~Ngato dhenukArAtinA karNapAlImilatpallavairveShTitaH sarvato vallavai\- gopasImantinIkAmukaH kAnanotsa~Ngasa~NgAmukaH kLLiptavR^indATavImAnanaH prekShitasmeragopAnanaH saMstuvan bhUruhAM sampadaH shlAghayan vyAjataH shampradaH svAn sakhIn kuShudbharottApitAn premabhiH prArthanAmApitAn preShayannadhvare.adUrataH khyApitabrAhmaNakrUrataH kalpitabrAhmaNAvaj~nayA preShThasa~NkrAmitapraj~nayA la~NghitakShembabhAksatrayA pUrikApUritAmatrayA sthAkikAnyasyasadbhaktayA snehasampattito.abhyaktayA ratnapAtrIdhR^itakShIrayA kAnanopakramAdhIrayA bhAjananyastasaMyAvayA kautukottu~NgasaMrAvayA gauravAnnirbharottAlayA prekShito brAhmaNImAlayA spardhamAnaM ruchA hATakaM dhArayann ujjvalaM shATakaM sakhuraMse karaM dakShiNaM nyasya lokotrayIrakShiNaM visphurannartakAla~NkR^itiH sa~ncharatki~NkiNIjha~NkR^itiH kAntibhirninditendIvaraH sundarorastaTe pIvaraH sa~ncharanma~njarIkuNDalaH shlAghitabrAhmaNImaNDalaH kR^iShNa he sundarakuNThayA preirtAstUrNamutkaNThayA rakSha naH sa~NgatA dUrataH svAntike tvaM yataH sUrataH kShmAsurIkAkumityagrataH shIlayan vya~njitavyagrataH sarvathA dattatadvA~nChitaH kIrtivi~nCholikAlA~nChitaH proShitabrAhmaNIko.amalaH pallavAdapyalaM komalaH sadguNairindiryAmodanaM bhuktavAn bhojayannodanaM mattamAta~NgalIlAkaraH ki~NkarAnandishIlAkaraH sarvadA vibhramArambhavAn khelatAd gokule.alaM bhavAn santataM dAruNApaddhataM pAhi govinda mAmuddhatam || 11|| mattamAta~NgalIlAkarachChandaH | duHkhochChittiH paramamadhurAnandapUrAnubhUtiH seyaM dAmodara taduchitA sAdhanAnuShThitirvA | sattAM dhatte na kamalabhuvo.apyantareNArtabandho kAruNyaM te muhurahamataH prArthaye tasya bindum || 25|| \section{12} atha govardhanoddharaNaM amandamadamaNDaliralamakhaNDamAkhaNDalaM nyaruddha rabhasena yaH pR^ithumudasya govardhanam | achaNDakaramAdhurIpaTaladaNDituNDashriyaM tamAttavaramaNDanaM makarakuNDala tvAM bhaje || 26|| hetuvAdajajalpitavrajavAsavAdhvaramardane bhUsurotkaragomahIdharapUjanotsavavardhane kalpitAtulayUpasa~Nkulasha~NkulAdadhimodake parvatArchanasampadarjanahetutAparibodhake puShpavandanadhAtuchanadanmaNDitAkhilagodhane gopamaNDalakalpitAchalasAnukandarashodhane udbhaTAravabhUdharotsavasa~njitAkhilabandhute tatparikramapUjanakramabhUrisambhramasandhute kShmAdharopamavigrahottamabhuktasisphuradodane ma~NgalAkaravisphuradvaravR^indavallavamodane ruShTavAsavavR^iShTisamplavakhinnagokulaveShTite trAsasa~NkulabandhumaNDalasharmadAdbhutachesTite dakShiNetarapANipuShkarashIlatAtulaparvate vibhramA~NkuranirdhUtoddhurajambhamardanagarvite gotragahvaravAsitAbbharavihvalAtmasuhR^ijjane kAritodbhavadadbhUtArNavabAndhavavrajamajjane nanditAshayamitrasa~nchayavIkShitasphuradAnane medurasmitakaumudIkR^itaraktayauvatamAnane bhItananditavismayA~nchita mAtR^ipANyupalAlite chArucha~nchalalochanA~nchalarAdhayApi nibhAlite mArutonmadachaNDanIradamaNDalAshanivAraNe sampadandhitashakrasa~nchitagarvacharvaNakAraNe saptavAsarahastasaMstarashAyitAtulaparvate nirmadIkR^itashakrasaMvR^itanIradekShaNanirvR^ite ma~njubhAShitamudrayA kR^itabAndhavAvaliniShkrame kautukochchalamitramaNDalagItama~Ngalvikrame pAdapojjvalatannijasthalayojitapravarAchale sarvadA vrajabAndhavavrajarakShaNavratanishchale phullavallavanAthayornavaharShavIkShaNasakShaNe ku~NkumAkShatapallavAkShatavallavIkR^itarakShaNe ChannabhAnuni shailasAnuni pIThitapravarAMshuke bhItalajjitashakravanditapAdapa~NkajapAMshuke smerasammukhavisphuranmukhaluptavAsavabhIbhrame tanmanoharavarNanirbharabhAratIbharavibhrame goshivapradamindratApadametya nirbharanandite gAyadambaralambitumbururAgaDambaravandite mugdhasaurabhadigdhasaurabhadugdhapUrakR^itokShaNe kalpitAkhilapiShTapAtulatApamaNDalamokShaNe mattakokilavibhrame kila mAdhava tvayi sammukhI vartatAM mama puruShottama lolabuddhishilImukhI || 12|| mugdhasaurabhachChandaH shyAmottu~NgabhujArgale vinihitaH kR^iShNena vR^iShTichChaTA dhaitairdhAtubhireSha tAlakunaTImukhyairgirirgauritaH | shuddhAShTApadakalpitasya vipulachChatrasya lakShmIbharaM bibhradgAruDaratnanirmitamahAdaNDasya vibhrAjate || 27|| \section{13} atha nandApaharaNaM nandApahArachakitasya kirITashR^i~Nga bhR^i~NgAvalIparichitaM salileshvarasya | hR^idyaM sanandanadurApaparAgagandhaM vande mukunda tava deva padAravindam || 28|| nIrAdhipabhR^ityAhR^itagopeshvaramArgAshrita labdhAmbudhinAthAlaya pAshIDitalIlAchaya shuddhojjvalavANIsudha dAsAyitapAshAyudha mantuklamasammArjana tannirmitaharShArjana bhaktyarpitanandekShaNa labdhAtulachittakShaNa pitrA saha gehaM gatamAtR^iklamahArivrata sarvAdbhutasandarshanachittAnvitanandAnana sa~NkarNitalokottaratattannijacharyAbhara sambhAvitasarveshvarabhAvotsukagopotkara hR^idye~NgitasaMvedanasa~NkalpitatatsAdhana divyahradamadhyArpitagodhuggaNasandarshita sachchinmayalokottama niShkAsitagopabhrama sandhukShitabandhuvraja sa~nchAritakIrtidhvaja gopIgaNasharmAkara mAM pAlaya dAmodara || 13|| samphullachChandaH | loko ramyaH ko.api vR^indATavIto nAsti kvApItya~njasA bandhuvargam | vaikuNThaM yaH suShThu sandarshya bhUyo goShThaM ninye pAtu sa tvAM mukundaH || 29|| \section{14} atha rAsakrIDA parisphuratu sundaraM charitamatra lakShmIpate\- stathA bhuvananandinastadavatAravR^indasya cha | harerapi chamatkR^itiprakaravardhanaH kintu me bibharti hR^idi vismayaM kamapi rAsalIlArasaH || 30|| shAradavidhuvIkShaNamadhuvardhitamadapUra iShTabhajanavallabhajanachittakamalasUra gopayuvatimaNDalamatimohanakalagIta muktasakalakR^ityavikalayauvataparivIta yoShidamalanetrakamalalobhidashanamAla kautukabharanirmitakharanarmavachanajAla tannishamanasAshrunayanabhIrubhiranunIta vallabhajanakhedashamanavibhramabharavIta shyAmavimalakAntipaTaladhUtamadanalakSha raktimadharayoShidadharachumbarachanadakSha vigrahapadayauvatamadavIkShaNaparilIna chaNDimadharabhaktanikaramAnabhujagavIna lolagatibhirArtamatibhirAbhiranabhidR^iShTa puShpaguruShu vallitaruShu bhUriShu paripR^iShTa labdhanalinagandhapulinagopyanukR^italIla shashvadamitara~NgaramitarAdhika varashIla phullasuShamavanyakusumamaNDitadayitA~Nga kelitalinavaktranalinabhR^i~NgitatadapA~Nga nirbhararativardhanamatinihnatanijadeha premasharaNavallabhagaNamAnasakushaleha dR^iShTavikalarAdhanikhilayauvataparihUta bhUriruditatattaduditavIthibhirabhibhUta viklavatanugopasutanulochanapadavIta chAruhasana pItavasana ku~NkumabharapIta nanditamatiyoShayuvativAsasi viniviShTa tuShTirachanachAruvachanadhUtahR^idayariShTa sammadachayaphullahR^idayayauvatatatarAsa kundaradanachAruvadanashobhitamR^iduhAsa dvidviyuvatimadhyavasativardhitaruchikAmya labdhalalitabhR^i~NgavalitachampakatatisAmya svasvasavidhabodhivividhaveshayuvatihR^idya sha~NkaramukhadaivatasukhavardhinaTanavidya mohitashashimaNDala vashikhecharamuniyoSha ki~NkiNiyutanUpurarutalambhitaparitoSha saurabhapuramiShTakhapurara~njitamadhurAsya suShThumahitagItasahitayauvatatatalAsya vishvakaraNadhairyaharaNakAraNakalagAna raktibhiruparuddhapashupabhIrukalitama kUjivalayatANDavalayaghUrNitasurarAji komalaraNaShaTpadagaNagu~njitabharabhAji tatra rahasi rAsamahasi sambhR^itavarashobha mauktikashuchisusmitaruchisR^iShTayuvatilobha mArjitaratikhinnayuvatimaNDalamR^idugaNDa premalalahakAmakalahapaNDitabhujadaNDa vibhramaparavalgunakharachihnitanavavAma sauShThavayutakAntibhiruta kAmamanasikAma shItasalilakelikalilachittayuvatisikta dIvyadachirajAtaruchiradIptibhiratirikta devavichitapuSh puSharachitavR^iShTibhirabhivR^iShTa premasaralakelitaralagopasutanudR^iShTa visphuradibhanAyakanibha ma~njulajalakhela cha~nchalakarapuShkaravarakR^iShTayuvatichela ratnabhavanasannibhavanaku~njavihitara~Nga rAganiratayauvataratichihnavilasada~Nga sandhR^itanaya nandatanaya sundara jaya vIra yAmunataTamaNDalanaTa rAsarachanadhIra pApAni mayi durgatijayipAdabhajanalesha dhehi karuNa dR^iShTimaruNalochana nikhilesha || 14|| lalitabhR^i~NgachChandaH | rambhorUnikurambanirbharaparIrambheNa labdhadyute\- rbibhrANasya taDitkadambavilasatkAdambinIvibhramam | krIDADambaradhUtajR^imbhamathanastamberamorushriyo rAsArambharasArthinastava vibho vande padAmbhoruham || 31|| ullalavallavalalanA dharapallavachumbanollasitam | naumi samallImAlyaM harimiha hallIsakotphullam || 32|| \section{15} atha sudarshanAdimochanaM sha~NkhachUDanidhanaM cha bibhrataM shravaNasImni shAradaM padmamujjvalakalAvishAradam | vallavIhR^idayahAranAyakaM hanta chitta bhaja goShThanAyakam || 33|| bhUruhollasadambikAvanamaNDalAntarabhUmipAvanaM abjasambhavakanyakodakanirmitAplavamakShimodaka vAridojjvalakAntiDambaramAptakA~nchanabhAsvaradambaraM AttavallavarADbhuja~NgamamUrtikalpitapAdasa~NgamaM ugrasa~NkaTabhAksudarshanashApamochanamiShTadarshanaM AtmavallabhanandamochanamuddhR^itAkhilagopashochanaM AshrayAmi bhavantamujjvalakAntikandaladhutakajjvalaM AnitojjvalasharvarImukhamAptapUrvajasa~Ngasa~Ngamunmukha vallavAkhilavallabhAtulanetrakha~njanavibhramAkulaM adbhutAmalagItimohitavallavIkulamAttalohita chandanaM khalayakShanAyakabhItiyauvatashAntidAyakaM ugravigrahayakShamardanama~NganAgaNara~NgavardhanaM AptaguhyakaratnananditapUrvajaM bhuvanendravandita pAdapadma bhavantamAhitagokulotsavama~NganAhita naumi mAdhava mAM kR^ipAlaya durgataM jagadIsha pAlaya || 15|| kAntiDambarachChandaH | jayati mahotsavavidyA vidyAdharashApamardinI mUrtiH | paribhUtasha~NkhachUDachUDAmanNirakhilalokasya || 34|| \section{16} atha gopikAgItaM niryAsaH shyAmalimnAM pariNatiramalapremalakShmIbharANAM sAkShAtkAraH kR^ipANAmakhilamadhuratAsampadAM sa.npradAyaH | gAmbhIryaM bibhramANAmupachitiramitashchAturINAM chiraM vo bhUyAdAbhIranArIkuchakalasataTAla~NkR^itirma~NgalAya || 35|| divasavirahArtayuvatikR^itavArta pR^ithulataravAmabhujashikharadhAma vilasadavataMsa vadanadhR^itavaMsha suranagarayoShidakhilamatimoShi madhurataragIta pashunivahavIta saridudakapUraviratividhishUra kamalabhavabhargamukhavibudhavarga matiduranumAnarasadakalagAna madayadavaloka muShitanatashoka hR^itaharaNajAta kalitasukhavAta girishamukhadeva kR^itacharaNaseva madajanitaghUrNanayana rasapUrNa gativijitanAga dhR^itaghusR^iNarAga yuvatidinatApaharamadhuralApa chaTula naTavesha kR^ipaya mathuresha || 16|| mukhadevachChandaH || jagaduddhuramAdhurIdhUrINAM adhunA mandiramindirAdurApA | mama tarShabharAn murAntaka tvan muralInAdasudhAdhunI dhunItAm || 36|| \section{17} athAriShTavadhAdikaM turagadanusutA~NgagrAvabhede dadhAnaH kulishaghaTitataTa~NkoddaNDavisphUrjitAni | taduruvikaTadaMShTronmR^iShTakeyUramudraH prathayatu kushalaM vaH kaishavo vAmabAhuH || 37|| vR^iShadanujajanitarujapashupakulatoShaNaM svakaratalaninadakhalavR^iShabhapariroShaNaM dayitavarabhujashikharanihitabhujadaNDakaM jagadasukhavikaTamukhadanujamadakhaNDakaM niviDabalachaTulamiladanaDudapanodanaM gaganatalamiladakhilasuranikaramodanaM bhujavibhavamahimalavadalitavR^iShashR^i~NgakaM tadabhihatidalitadititanujatanubhR^i~NgakaM nijanikaTagativikaTahayadanujalochitaM praNayabharamR^idulatarayuvatigaNashochitaM avagaNitagururaNitaturagakhuraghaTTanaM nijalalitagatikalitatadurumadakuTTanaM dhanurayutaparigamitahayadanujavigrahaM pR^ithuvadanabhujaghaTanakR^itatadatinigrahaM bhujabhujagayutituragaradaharaNakAraNaM tadupachayavihitahayadanujatanudAraNaM nijalalitalavadalitajagadavashakeshinaM pramadakularasachaTulapashapasabhaveshinaM darahasitaruchiramitanutichaturanAradaM girishavaranikhilasuranikarasukhabhAradaM uraNadatichapalamatisuhR^idavanakhelanaM tadapahR^itimiladamatidanujakR^itamelanaM svashacharanikaraharadanujakR^itivedinaM jagadabhayavaladanayamayatanayabhedinaM sakR^idamalapadakamalavinatabhayamochanaM bhaja sadayamayi hR^idaya sarasiruhalochanam || 17|| guchChakamidaM ChandaH | yenAriShTaH prApito.abhUdariShTaM chakre keshI lIlayaivAvakeshI | vyomo.alambhi vyomasAmyaM sa kaShTAd goShThAdhIshaH suShThu gopAyatAnnaH || 38|| apavargasukhaspR^ihoruvallI sthalakula~NkaShavIchirambujAkSha | tava kelisudhAnadI madIyaM shishirA~NgIgalajA~NgalaM gatAstu || 39|| puruShottamasya parito gokulacharitAmR^itena kR^itasekaH | premamarandasyandaM tanotu mama chittamAkandaH || 40|| \section{18} atha ra~NgasthalakrIDA kriyAd vaH kalyANaM bhujasamarashauTIryakaNikA vikAsenodbhUya prakaTabalamallapratibhaTAn | bhajan svarI ra~Nge madakalamR^igendrasya lalitaM kachAkR^iShTikrIDAmathitamathurArirmadhuripuH || 41|| yaH pauralokAravindAvalIhelira~NgIkR^itottu~Ngara~NgasthalIkeli\- ApItakausheyashobhollasanmUrtirAvartitAsheShalokotsavasphUrti\- akShINakaNThIravAkuNThavikrAntirugraM mamardorudantIndramashrAnti yaM nirmitottu~NgamAta~NganirvANamurvImahAnandavR^indAni kurvANaM udbhAsidAnAsrabindUrmivarmANamAnamrasantoShanirmANakarmANaM unmIlitAstokavistAratAruNyamantastamastomavidhvaMsikAruNyaM AlokayAmAsa bhinnArimarmANamagre janashreNiruddAmasharmANaM uddaNDadordaNDadarpAnuviddhena vismApitAmandagandharvasiddhena pInAMsapiNDollasaddantadaNDena vidyetigharmAmbusaMvItagaNDena dIptendranIlAvalIrAjada~Ngena labdhapralambArigopAlasa~Ngena mallAvalI yena ra~Ngapraveshena vikShobhitA ma~NkShu vIrendraveshena mandasmitArabdhakundAlinindAya vR^indArakAnandipAdAravindAya cha~nchannakhashreNibhAchakrabAlAya vakShastaTIlakShyanakShatramAlAya phullIbhavachchillichApaprasarpAya nirvAhitApUrvakandarpadarpAya nAryo muhurdR^iShTamAdhuryacharyAya yasmai spR^ihAM chakrurAbhIravaryAya yasmAd vilAsena ra~Ngasthale ranturAnamralokAtishokApadAhantu\- indrAdivR^indArakAnandanirmAturakShNorvinodena vR^iShNyandhakAn pAtu\- AryA~NganAtIvrasAdhvIvratachChetturavyagramallA~NganAtuShTirnirbettu\- AvalgataH kShauNibhartApi sa trAsamAsAdya vibhrAntAgrabAlasya padmAvatIputrahR^inmarmakIlasya sarvAtmanAbhIShTadoryuddhalIlasya yuddhaM parisphArashauTIryaghorasya chAnUramallena vR^ittaM kishorasya yasmin munishreNivakrasphurannAmni vistIrNavakShaHsthalIvibhramaddAmni navyollasadvArivAhAvalIdhAmni niHshesavIrotkarolla~NghanasthAmni prodyatpadadyotanirdhUtapa~ncheShu saundaryadarpodgame ramyama~ncheShu tu~NgeShvavasthAya chakrurvilakShANi bhaktiM prabhau bhojadashArhalakShANi chANUramUrdhanyamallebhapArIndra sa shrIbhavAn pAtu mAM gopanArIndra savyabhramanmuShTikottADitAlA~Nka nepathyabhArasphuraddhenupAlA~Nka vidrAvitoddAmadurmallapAlIka niHsha~NkalAsyollasatpAdanAlIka ramyA~NgahArashriyAkR^iShTasAdhvIka tAbhirnipItA~NgasaurabhyamAdhvIka gopA~NganAnetrapAnaikabhR^i~NgAra puShpAvalIlabdhasarvA~NgashR^i~NgAra bho devakIshauribandhArtiluNThAka dikchakravAlakvaNatkIrtighaNTAka bhaktograsenArpitasphItasaptA~Nga mAM rakSha kubjA~NgarAgeNa liptA~Nga || 18|| bhR^i~NgArachChandaH mallAnAmulla~Nghya ra~Nge karavichaladasiryena ma~nchaprapa~nche kesheShvAkR^iShya kaMso vighaTitamukuTaM vighnaheturnijaghne | sa tvaM sattvAdhirAja sphuradurukaruNADambarAlambichetAH pAtAd duHkhAbdhipAtAd yadukulakamaloddaNDachaNDadyutirmAm || 42|| manasijaphaNijuShTe labdhapAto.asmi duShTe timiragahanarUpe hanta saMsArakUpe | ajita nikhilarakShAhetumuddhAradakShAM upanaya mama haste bhaktirajjuM namaste || 43|| samastapuruShArthataH pR^ithutayAdya bhaktiM vidan vadannapi na yad bhajet tvadakR^ipAtra heturvibho | prasIda yamunAtaTe luThitamUrtirabhyarthaye kR^ipAM kR^ipaNanAtha he kuru mukunda mande mayi || 44|| iti shrIrUpagosvAmivirachitastavamAlAyAM Chando.aShTAdashakaM samAptam | \chapter{##Govardhanoddharanam ## .. govardhanoddharaNam ..} shrIgovardhanoddharaNAya namaH | jhamajjhamiti varShati stanitachakravikrIDayA vimuShTaravimaNDale ghanaghaTAbhirAkhaNDale | rarakSha dharaNIdharoddhR^itipaTuH kuTumbAni yaH sa dArayatu dAruNaM vrajapurandaraste daram || 1|| mahAhetuvAdairvidIrNendrayAgaM giribrAhmaNopAstivistIrNarAgam | sapadyekayuktIkR^itAbhIravargaM purodattagovardhanakShmAbhR^idargham || 2|| priyAshaMsinIbhirdalottaMsinIbhi\- rvirAjatpaTAbhiH kumArIghaTAbhiH | stuvadbhiH kumArairapi sphAratAraiH saha vyAkirantaM prasUnairdharaM tam || 3|| giristhUladehena bhutkepahAraM varashreNisantoShitAbhIradAram | samuttu~NgashR^i~NgAvalIbaddhachailaM kramAt prIyamANaM parikramya shailam || 4|| makhadhvaMsasaMrambhataH svarganAthe samantAt kilArabdhagoShThapramAthe | muhurvarShati chChannadikchakravAle sadambholinirghoShamambhodajAle || 5|| muhurvR^iShTikhinnAM paritrAsAbhinnAM vrajeshapradhAnAM tatiM vallavAnAm | vilokyAptashItAM gavAlIM cha bhItAM kR^ipAbhiH samunnaM suhR^itpremanunnam || 6|| tataH savyahastena hastIndrakhelaM samuddhR^itya govardhanaM sAvahelam | adabhraM tamabhraMlihaM shailarAjaM mudA bibhrataM vibhramajjantubhAjam || 7|| praviShTAsi mAtaH kathaM shokabhAre paribhrAjamAne sute mayyudAre | abhuvan bhavanto vinaShTopasargA na chitte vidhatta bhramaM bandhuvargA || 8|| hatA tAvadIirvidheyA na bhItiH kR^iteyaM vishAlA mayA shailashAlA | tadasyAM praharShAdavaj~nAtavarShA vihasyAmareshaM kurudhvaM pravesham || 9|| iti svairamAshvAsitairgopavR^indaiH parAnandasandIppitAsyAravindaiH | girergartamAsAdya harmyopamAnaM chireNAtihR^iShTaiH pariShTUyamAnam || 10|| girIndraM guruM komale pa~nchashAkhe kathaM hanta dhatte sakhA te vishAkhe | purastAdamuM prekShya hA chintayedaM muhurmAmakInaM mano yAti bhedam || 11|| stanadbhiH kaThore ghanairdhvAntaghore bhramadvAtamAle hatAshe.atra kAle | ghanasparshikUTaM vahannannakUTaM kathaM syAnna kAntaH sarojAkShi tAntaH || 12|| na tiShThanti goShThe kaThorA~NgadaNDAH kiyanto.atra gopAH samantAt prachaNDAH | shirIShaprasUnAvalIsaukumArye dhR^itvA dhUriyaM bhUrirasmin kimArye || 13|| gire tAta govardhana prArthaneyaM vapuH sthUlanAlIlaghiShThaM vidheyam | bhavantaM yathA dhArayann eSha haste na dhatte shramaM ma~NgalAtmannamaste || 14|| bhramatkuntalAntaM smitadyotakAntaM lasadgaNDashobhaM kR^itAsheShalobham | sphurannetralAsyaM murArestvamAsyaM varAkUTashAli sphuTaM lokayAli || 15|| nipIyeti rAdhAlatAvA~NmarandaM varapremasaurabhyapUrAdamandam | dadhAnaM madaM bhR^i~Ngavattu~NgakUjaM varA~NgIchalApA~Ngabha~NgAptapUjam || 16|| kathaM nAma dadhyAt kShudhAkShAmatundaH shishurme gariShThaM girIndraM mukundaH | tadetasya tuNDe haThAdarpayAraM vrajAdhIsha dadhnAchitaM khaNDasAram || 17|| mahAbhAraniShThe sR^ite te kaniShThe labhe vatsa nIlAmbaroddAmapIDAm | avaShTabhya sattvaM tadasami bala tvaM dadasvAvilambaM svahastAvalambam || 18|| iti snigdhavarNAM samAkarNayantaM giraM mAturenAM cha nirvarNayantam | kaniShThA~NgulIshR^i~NgavinyastagotraM pariprINitavyagragopAlagotram || 19|| amIbhiH prabhAvaiH kuto.abhUdakuNThaH shishudhUlikelIpaTuH kShIrakaNThaH | bibhartyadya sAptAbdiko bhUribhAraM giriM yachchirAdeSha kailAsasAram || 20|| na sha~NkA dharabhraMshane.asmAkamasmAn nakhAgre sahelaM vahatyeSha yasmAt | giridikkarIndrAgrahaste dharAvad bhuje pashyatyAsya sphuratyadya tAvat || 21|| iti sphAratArekShaNairmuktabhogai\- rvrajendreNa sArdhaM dhR^itaprItiyogaiH | muhurvallavairvIkShyamAnAsyachandraM puraH saptarAtrAntaratyaktatandram || 22|| taDiddAmakIrNAn samIrairudIrNAn visR^iShTAmbudhArAn dhanuryaShTihArAn | tR^iNIkR^itya ghorAn sahasrAMshuchaurAn durantorushabdAn kR^itAvaj~namabdAn || 23|| aha~NkArapa~NkAvalIluptadR^iShTe\- rvraje yAvadiShTaM praNItoruvR^iShTeH | balAreshcha durmAnitAM visphurantaM nirAkR^itya duShTAlidaNDe durantam || 24|| visR^iShTorunIrAH sajha~njhAsamIrA\- staDidbhiH karAlA yayurmeghamAlAH | ravishchAmbarAntavibhAtyeSha shAntaH kR^itAnandapUrA bahiryAta shUrAH || 25|| iti prochya niHsAritaj~nAtivAraM yathApUrvavinyastashailendrabhAram | dadhikShIralAjA~NkurairbhAvinIbhi\- rmudA kIryamANaM yashaHstAvnIbhiH || 26|| vayaM hanta govinda saundaryavantaM namaskurmahe sharmahetorbhavantam | tvayi spaShTaniShThyUta bhUyashchidinduM mudA naH prasAdIkuru premabindum || 27|| kShubhyaddambholijR^imbhottaralaghanaghaTArambhagambhIrakarmA nistambho jambhavairI giridhR^itichaTulAd vikramAd yena chakre | tanvA nindantamindIvaradalavalabhInandadindindirAbhAM taM govindAdya nandAlayashashivadanAnanda vandemahi tvAm || 28|| iti shrIrUpagosvAmivirachitastavamAlAyAM shrIgovardhanoddharaNaM sampUrNam | \chapter{##Vastraharanam ## .. vastraharaNam ..} shrIvallavendranandanAya namaH | vanyAshritA murAriH kanyAH sanyAyamunmadayan | anyAbhilAShitAM te dhanyArpitasauhR^ido hanyAt || 1|| sahasi vratinIrabhitaH kR^itinIrgirijAstavane salilAplavane kalitollasanAH kila digvasanAstaTabhAkpaTikA rasalampaTikAH sphuTabAlyayutAH pashupAlasutAH kutukI kalayan matimullalayann upagatya manobhavavatkamano hR^itavAn sichayAn suhR^idAM nichayAntaragaM tarasA priyakaM svarasAdadhiruhya nagaM taTakAnanagaM kR^ipayA snapayannatha tAstrapayan pR^ithulAM saraTIdhR^itadhautapaTI paTalo hasitaprabhoyollasitaH shR^iNuta pramadA giramashramadAM upagatya hitAmabhitaH sahitA yadi vA kramataH sphuTavibhramataH sichayAnnayata chChalanaM na yataH kathitaM na mayA januShaH samayAd anR^itaM lalitA yashasojjvalitA vidurinduhR^idastadamI suhR^ida\- tanavai na hasAduditaM sahasA bata yUyamitA vratataH shramitA iti sa~Nkathayan paTutAM pratahyannaticha~nchala he visha mA kalahe vitarAdya paTaM kuru mA kapaTaM karavAma sadA vachanaM rasadA\- tava dAsyaparA na vayaM tvaparA na hi chet tvaritaM nikhilaM charitaM khalu rAj~ni tava prabale kitava pragadAma madoddhataghoramado vachanaM cha ruShA prasaratpuruShAkSharamityuditaM saruShA ruditaM jaDatAkalile yamunAsalile vilasadvapuShAM gurukampajuShAM chalachArudR^ishAM bahudhA sudR^ishAM nishamayya tataH praNayI satata smitachandrikayA sphurito.adhikayA yadi yUyaM R^ite mama vAgamR^ite bhavatha grahilA niyataM mahilA upasR^itya tataH priyakAt patataH svapaTIpadakAn svaparichChadakAn urarIkuruta pramadAd guruta\- tyajatAnuchitaM hR^idi sa~NkuchitaM na hi chennitarAM na paTAn vitarAmyuruvIryachaye mayi kiM rachayennR^ipatiH paritaH sa ruShA bharitaH sphuTamityamalaM nigadan kamalaM bhramayann uditaH shashivan muditaH svakarAmbariNIratha tA hariNInayanAH kalayan svashirashchalayan bata nagnatayA spR^ihayonnatayA jalamajjanataH kR^itavarjanataH kapaterjanitA laghutA vanitAstadalaM duritakShataye sphurita dyutisundarayoryugalaM karayoH shirasi prayatA drutamarpayatA ruNamityadhunA nijavA~NmadhunA parilabhya madaM hR^idi vibhramadaM kiratIbhiralaM nayanaM viralaM rachitA~njalIbhiH pramadAvalIbhiH praNato madhuraH kR^itakAmadhuraH subhaga~NkaraNaM vasanabharaNaM vihitAnataye lAlanAtataye dadada~NkuritapraNayachChuritaH parito hR^iShite madanottR^iShite trapayA namite priyasa~Ngamite navarAgadhare dyutibhAgadhare hasitA~NkurataH sphurite purataH sthagite rasanAvilasadvasanAkulite pR^ithunA sphuTavepathunA chaladagrakare pramadAprakare vihiteShTavaraH praNayipravaraH sutarAM sukhibhirvalitaH sakhibhirbahudhAkhuralIvilasanmuralI navakAkalikAlibhirutkalikAkulamunnamayan sudR^ishAM ramayan dhiyamunmadanaH kR^ipayA sadanaprahitapramadaH kalitapramadaH kusumastavakaM shravaNe navakaM dadhadAbharaNaM jagatAM sharaNaM jaya keshihara pramaNA vihara tvamatipraNayaM svajane praNayan mayi durhR^idaye bhagavan vidaye kalayeraruNAdhara he karuNAm || 1|| kusumastavakachChandaH yasya sphUrtilavA~NkureNa laghunApyantarmunInAM manaH spR^iShTaM mokShasukhAd virajyati jhaTityAsvAdyamAnAdapi | premNastasya mukunda sAhasitayA shaknotu kaH prArthane bhUyAj janmani janmani prachayinI kintu spR^ihApyatra me || 2|| iti shrIrUpagosvAmivirachitastavamAlAyAM vastraharaNaM sampUrNam | \chapter{##Rasakrida ## .. rAsakrIDA ..} namaH shrIrAsarasikAya | shAradashashadharavIkShaNahR^iShTaH paramavilAsAlibhirabhimR^iShTaH | vallavaramaNImaNDalabhAvaH prollAsakakalamuralIrAvaH || 1|| atha sakalAbhirmadavikalAbhi\- rnishi paribhUya svajanAn bhUyaH | aviruvatIbhirnavayuvatIbhi\- rvihitoddeshaH sundaraveshaH || 2|| militamR^igAkShIvA~nChitasAkShI kR^itaparihAsaH sphItavilAsaH | tadamalavANInishitakR^ipANI dalitanikAraH kalitavikAraH || 3|| pramadottaralitavallavanArI mukhachumbanaparirambhaNakArI | unnatamanasAM sudR^ishAM mAna prekShaNataH kalitAntardhAnaH || 4|| anukR^itacharitaH puline parita\- staruShu cha pR^iShTaH kvApi na dR^iShTaH | yavatichamUbhistvaritamamUbhi\- rmuhuranugItaH kutukaparItaH || 5|| kAkibhirAbhiH prArthitasa~NgaH prakaTitamUrtirdhR^itaratira~NgaH | kimapi nigUDharuShA paripR^iShTaH kalitottaravidhiralamupaviShTaH || 6|| karuNAshIlaH khaNDitapIlaH stavakitalIlaH kuvalayanIlaH | dhR^itamR^iduhAsaH premavilAsa\- statatanuvAsaH kalpitarAsaH || 7|| atha parikalpitamaNDalabandhaH kusumasharAsanavibhramakandaH | yuvatIyugayugasubhagaskandha nyastalasadbhujadaNDadvandvaH || 8|| aliparivIte mArutashIte varasa~NgIte bhuvanAtIte | bhUShaNatAradhvaniparisAra krAntavanAnte shashiruchikAnte || 9|| madhyagamadhyagamadhupavirAji sphuTachampakatativibhramabhAji | rAse kR^itaruchirantasthAyI veNumukhAdharapallavadAyI || 10|| stambhitarAkApatiravikArAn api suradArAn madayann ArAt | kutukAkR^iShTashchiramabhivR^iShTaH sapadi vilUnaiH suratarusUnaiH || 11|| atha kalpIkR^itarajanivihArI khasthasurAsuravismayakArI | nijanijanikaTasthitivij~nAna pramuditaramaNIkR^itasammAnaH || 12|| nijadR^igbha~NgIkShubhitakura~NgI nayanAmaNDalagurukuchasa~NgI | kelivilolaH prachalanicholaH svedajalA~NkurachArukapolaH || 13|| kumudayutAyAM taraNisutAyAM salilavinodapravalitamodaH | yuvatinikAyaprokShitakAyaH shithilitamAlaH pulakakarAlaH || 14|| atha vanamAlI varavipinAlI ku~njaniketanavIkShaNashAlI | jayati vihAri nishi maNihArI vrajataruNIgaNamAnasahArI || 15|| natajanabandho jaya rasasindho vadanollasitashramajalabindo | tvamakhiladevAvalikR^itasevA santatiradhamA vayamiha ke vA || 16|| jaya jaya kuNDalayugaruchimaNDala vR^itagaNDasthala damitAkhaNDala | dhR^itagovardhana gokulavardhana dehi ratiM me tvayi muramardana || 17|| iti shrIrUpagosvAmivirachitastavamAlAyAM rAsakrIDA samAptA | \chapter{##Svayamutprekshitalila ## .. svayamutprekShitalIlA ..} shrIrAdhAvallabhAya namaH | shyAmalasauhR^idabaddhA kAmitatatpadasa~NgatiraddhA | dhairyamasau smaravardhitarAdhA prApa na mandirakarmaNi rAdhA || 1|| taM kamalekShaNamIkShitukAmA sA chChalataH savyamujjhitadhAmA | yAmunarodhasi chAru charantI dUramavindata sundaradantI || 2|| (dodhakam) prApyodArAM parimaladhArAM kaMsArAterudayati vAte | seyaM dattA dishi dishi yattA dR^iShTiM kamrAmakiradanamrA || 3|| bhR^i~NgIveyaM tamaparimeyaM mugdhA gandhaM hR^idi kR^itabandham | vyagraprAyA pulakitakAyA premodbhrAntA drutamabhiyAtA || 4|| kR^iShNamavekShya tataH parituShTA puShpagaNAhR^itikaitavajuShTA | mantharapAdasaroruhapAtA ku~njakuTIrataTImupayAtA || 5|| sA pR^ithuvepathudolitahastA premasamutthitabhAvavihastA | phullamahIruhamaNDalakAnte tatra puraH prasasAra vanAnte || 6|| (dodhakameva) mAdhavastAM tadAlokayan rAdhikAM vallavIvargataH sadguNenAdhikAm | keyamudbAdhate madvanaM rAgata\- stUrNAmityullapan phulladhIrAgataH || 7|| bhAlavidyotitasphItagorochanaM pArshvataH prekShya taM vibhramallochanam | sA paTenAvR^itA kaitavAd bhAminI vakritabhrUrabhUd dUrabhUgAminI || 8|| (sragviNI) lIlodbhrAntaM muhuratha nudatI netradvandvaM dishi dishi sudatI | vIkShA~nchakre dalabharAvakaTAM mallIvallIM taTabhuvi nikaTAm || 9|| tAmunmIladbhramaravilasitAM labdhA puShpairupari kila sitAm | lInevAbhUd vikasitamadanA tasyAH prAnte sarasijavadanA || 10|| (bhramaravilasitA) a~njasA vyAharat ka~njasArekShaNa\- stAmasau sragviNIM dAmasaurabhyabhAk | mAdhurImudgrian sAdhurItyujjvalAM nUtanAnandadAM pUtanAmardanaH || 11|| bha~NgurAn a~NkurAnnirdayaM ChindatI vIrudhaH komaoldbhedinIbhirbhindatI | AH kathaM luNThasi tvaM mR^igA~NkAnane puShparAjImasau hanta matkAnane || 12|| sadAtra chinumaH prasUnamajane vayaM hi niratAH surAbhibhajane | na ko.api kurute niShedharachanaM kimadya tanuShe pragalbhavachanam || 13|| prasIda kusumaM vichitrya sarasA prayAmi sarasIruhAkSha tarasA | kriyAdya mahatI mamAsti bhavane vilambamadhikaM tanuShva na vane || 14|| (jaloddhatagatiH) niyuktaH kShitIndreNa tenAsmi kAmaM vanaM pAlayAmi krameNAbhirAmam | janaH shIrNamapyuddhared yo dalArdhaM harAmyambaraM tasya vittena sArdham || 15|| parij~nAtamadya prasUnAlimetAM lunIShe tvamevaM pravAlaiH sametAm | dhR^itAsau mayA kA~nchanashreNigauri praviShTAsi gehaM kathaM puShpachauri || 16|| (bhuja~NgaprayAtam) sa patiH pishunaH kupito.apishunaH sadane mukharA jaratI mukharA | chaturA guravo bhavitA kuravo vyasanaM puruSheshvara kiM kuruShe || 17|| jalajekShaNa he kulajAmabalAM na hi duryashasA rachayAdhavalAm | tarasA viramatkiraNaM taraNiM divi pashya tatastyaja me saraNim || 18|| (toTakam) jAne tava kachapakShaM sambhR^itavaramallikAlakSham | urasi cha ka~nchukarAjaM dhruvamarbudhamAdhavIbhAjam || 19|| ehi tava kShaNamAtraM vichArayAmi kramAd gAtram | tattve kila nirNIte prayAhi bhavanaM taDitapIte || 20|| (AryA) na muShA mAdhava rachaya vivAdaM vidadhe tava muhurahamabhivAdam | gokulavasatau svaramiva mUrtaM na kimu bhavantaM jAne dhUrtam || 21|| vetti na gopI vR^indArAmaM vR^indAvanamapi bhuvi kaH kAmam | ahamiha tadidaM kitava rasAlaM kathamavacheShye na kusumajAlam || 22|| (pajjhaTikA) nedamatra kalasastani shaMsa krodhano nR^ipatireSha nR^ishaMsaH | tena hanta vidite vanabha~Nge yauvataM patati bhItitara~Nge || 23|| tanvi gehagamanavyavasAyaM chet karoShi shR^iNu ramyamupAyam | atra mattabahuShaTpadavIre lIlayA pravisha ku~njakuTIre || 24|| (svAgatA) gokule kulavadhUbhirarchitA shIlachandanarasena charchitA | rAdhAhamadhikAritAmataH kiM karoShi maydhUrta kAmataH || 25|| nAkShiNI kShipa kura~Ngi sarvataH sAkShiNI bhava sakhIbhiranvitA | mAdhavaH kila dunoti mAmasau sAdhavaH shR^iNuta bhoH shikhistriyaH || 26|| (rathoddhatA) bhrUlekhAM kimarAlAM tvaM nirmAsi karAlAM kiM vA pashyasi vAmaM saMrambhAdabhirAmam | diShTyA kAnanalolA helotphullakapolA vR^ittA tvaM harihaste trAtAnyo bhuvi kaste || 27|| Aruhya drumavATIM mu~nchemAM paripATIM gehAntastava sarvaM jAne bhAmini garvam | nediShThaH kila bhUpaH so.ayaM bhairavarUpa\- stasyAgre chala vAme cholImarpaya vAme || 28|| (lolA) iti vachanakadambaistatra narmAvalambaiH skaladamaladukUlAM prollasadbAhumUlAm | avishadapadabaddhaM gadgadodgAranaddhaM kimapi kimapi jalpaM kalpyantImanalpam || 29|| smitamuditakapolAM nirmitApA~NgadolAM varayuvatiShu rAdhAM premapUrAdagAdhAm | sadanitalatikAntaryo ninAyAtikAntaH sa hariralamabhIShTaprApaNaM me kR^iShIShTa || 30|| (mAlinI) iti shrIrUpagosvAmivirachitastavamAlAyAM svayamutprekShitalIlA samAptA | \chapter{##Khandita ## .. khaNDitA ..} namaH shrIvrajanAgarAya | (bhuja~NgaprayAta ChandaH) avaj~nAya bharturmahAghoradaNDaM gurorbhAShitaM cha vyatikramya chaNDam | niShedhoddhurAM ki~NkarImAkShipantI hare kR^iShNa nAtheti bAlA japantI || 1|| rasanmeghajAle taDidbhiH karAle galadvAridhAre durantAndhakAre | miladbhUridoShe sakhi me pradoShe prayANAya lajjAmanAdR^itya sajjA || 2|| (yugmakam) adUrollasadbhallUkArabdhayuddhAM valaddandashUkAvalIbhogaruddhAm | samandAd dhvanadvAyasArAtibhImAM rasotphullamulla~Nghya kAntArasImAm || 3|| pravishyAnavadyaM latAgehamadhyaM dhR^itautsukyachakrA nisargAdavakrA | nakhAgraprasUnaiH sugandhiprasUnaiH payaHphenakalpaM vyadhatteha talpam || 4|| (yugmakam) praNItekShaNeyaM muhuste padavyAM dadhAnA mukunda spR^ihAM navyanavyAm | alabdhaM tatastvAmavetyAtikhinnA babhUva prasUneShubANairvibhinnA || 5|| sukaNThI shaTheyaM bhajantI prajalpaM muhurbhAvayantI nimeShaM cha kalpam | chakArAdya ku~nje batAlabdhakAme sakhI jAgaraM sambhramAdekikA me || 6|| aho bhAgyamadya prapanno.asi sadya\- stvamasminnagAre yadArAn murAre | sakhIvR^indadR^iShTirdhR^itAnandavR^iShTi\- rbabhUvAttara~NgaM vilokya tvada~Ngam || 7|| dukUlasya lakShmIM samantAd vishAlAM asau vIkShya pItasya te mallimAlA | luThantI kuchodbhAsikAshmIrapa~Nke nijaM pItama~NgaM chakArAdya sha~Nke || 8|| vikIrNAlakAntaH parishrAntikAnta\- stava vyaktatandraH sphuratyAsyachandraH | kR^itAna~NgayAgaM vibhaktA~NgarAgaM nakhA~NkAlipAtraM tathedaM cha gAtram || 9|| sphuradbandhujIvaprasUnAptasa~NgaM parispardhamAno vilAsena bhR^i~Ngam | mudaM kasya bimbAdharastena raktaH karotyujjvalAM kajjalenAdya saktaH || 10|| alaM devadivyenaa jAne bhavantaM sadA rAdhikAyAmatipremavantam | alindAt kuru tvaM mamAdhiprabhAtaM drutaM gopakanyAbhuja~Nga prayAtam || 11|| iti premagarbhAM samAkarNya sarvAM tadA rAdhikAlIgiraM ratnamAlI | haristoShabhAraM sa vindannapAraM sadA me mahiShThaM vidhattAmabhIShTam || 12|| iti shrIrUpagosvAmivirachitastavamAlAyAM khaNDitA samAptA | \chapter{##Shri Lalitoktatotakashtakam ## .. shrIlalitoktatoTakAShTakam ..} nayaneritamAnasabhUvishikhaH shirasi prachalaprachalAkashikhaH | muralIdhvanibhiH surabhIstvarayan pashupIvirahavyasanaM tirayan || 1|| parito jananIparitoShakaraH sakhi lampaTayannakhilaM bhuvanam | taruNIhR^idayaM karuNI vidadhat taralaM sarale karalambiguNaH || 2|| divasoparame paramollasitaH kalashastani he vilasaddhasitaH | atasIkusumaM vihasanmahasA hariNIkulamAkulayan sahasA || 3|| praNayipravaNaH subhagashravaNa prachalanmakaraH sasakhiprakaraH | madayannamarIrbhramayan bhramarI militaH katibhiH shikhinAM tAtabhiH || 4|| ayamujjvalayan vrajabhUsaraNIM ramayan kramaNairmR^idubhirdharaNIm | ajire militaH kalitapramade harirudvijase tadapi pramade || 5|| vada mA paruShaM hR^idaye na ruShaM rachaya tvamatashchala vibhramataH | udite mihikAkiraNe na hi kA rabhasAdayi taM bhajate dayitam || 6|| kalaya tvarayA vilasatsichayaH prasaratyabhito yuvatInichayaH | nidadhAti harirnayanaM saraNau tava vikShipa sapraNayaM charaNau || 7|| iti tAmupadishya tadA svasakhIM lalitA kila mAnitayA vimukhIm | anayat prasabhAdiva yaM javataH kurutAt sa harirbhavikaM bhavataH || 8|| iti shrIrUpagosvAmivirachitastavamAlAyAM shrIlalitoktatoTakAShTakaM sampUrNam | \chapter{##Chitrakavitvani ## .. chitrakavitvAni ..} tatra dvyakSharANi \- rasAsArasusArorurasurAriH sasAra saH | saMsArAsirasau rAse suriraMsuH sasArasaH || 1|| charchorurochiruchchorA ruchiro.araM charAchare | chaurAchAro.achirAchchIraM ruchA chArurachUchurat || 2|| dhare dharAdharadharaM dhArAdharadhurArudham | dhIradhIrArarAdhAdhirodhaM rAdhA dhurandharam || 3|| ekAkSharam \- ninunnAnenonanaM nUnaM nAnUnonnAnanano.anunIH | nAnenAnAM ninunnenaM nAnaunnAnAnano nanu || 4|| chakrabandhaH \- gandhAkR^iShTagurUnmadAlini vane hAraprabhAtiplutaM sampuShNantamupaskR^itAdhvani yamIvIchishriyo ra~njakam | sadyastu~NgitavibhramaM sunibhR^ite shItAnilaiH saukhyade devaM nAgabhujaM sadA rasamayaM taM naumi ka~nchin mude || 5|| sarpabandhaH \- rAse sAra~Ngasa~NghAchitanavanalinaprAyavakShaHsthadAmA barhAla~NkArahArasphuradamalamahArAgachitre jayAya | gopAlo dAsavIthIlalitahitaravasphArahAsaH sthirAtmA navyo.ajasraM kShaNopAshritavitatabalo vIkShya ra~NgaM babhAShe || 6|| padmabandhaH \- kalavAkya sadAloka kalodAra milAvaka | kavalAdyAdbhutAnUka kanUtAbhIrabAlaka || 7|| pratilomyAnulomyasamam \- tAyisAradharAdhArAtibhAShAtamadArihA | hAridAmatayA bhAti rAdhArAdharasAyitA || 8|| gomUtrikAbandhaH \- sA mallara~Nge ramayA phullasArA muderdhitA | shramanIradharA tuShTA vallavIrAsadevatA || 9|| murajabandhaH \- shubhAsArasasArashrIH prabhAsAndramasArabhA | bhArasA mahasAvitta tarasA rasasAritAm || 10|| sarvatobhadraH \- rAsAvahA hAvasArA sA lalAsa salAlasA | balAramA mAralAvahAsamAdadamAsahA || 11|| bR^ihatpadmabandhaH \- tAraprasphAratAlaM sarabhasarasalaM bhAsurAsyaM subhAlaM pApaghnaM gopapAlaM karaNaharakalaM nIrabhR^idvAranIlam | chArugrIvaM ruchAlaM ratamadataralaM chetasA pItachelaM shItaprasphItashIlaM varaya varabalaM vAsudevaM subAlam || 12|| iti shrIrUpagosvAmivirachitastavamAlAyAM chitrakavitvAni samAptA | \chapter{##Gitavali ## .. gItAvalI ..} prathamaM nandotsavAdi shrIrAdhAkR^iShNau jayataH \section{1} bhairavarAgeNa gIyate | putramudAramasUta yashodA | samajani vallavatatiratimodA || dhruvam || ko.apyapanayati vividhamupahAram | nR^ityati ko.api jano bahubAram || ko.api madhuramupagAyati gItam | vikirati ko.api sadadhi navanItam || ko.api tanoti manorathapUrtim | pashyati ko.api sanAtanamUrtim || 1|| \section{2} AsAvarI | vipravR^indamabhUdala~NkR^itigodhanairapi pUrNam | gAyanAn api madvidhAn vrajanAtha toShaya tUrNam || sUnuradbhutasundaro.ajani nandarAja tavAyam | dehi goShThajanAya vA~nChitamutsavochitadAyam || dhruvam || tAvakAtmajavIkShaNakShaNanandi madvidhachittam | yanna kairapi labdhamarthibhiretadichChati vittam || shrIsanAtanachittamAnasakelinIlamarAle | mAdR^ishAM ratiratra tiShThatu sarvadA tava bAle || 2|| \section{3} vasantapa~nchamI vasantarAgaH abhinavakuTmalaguchChasamujjvalaku~nchitakuntalabhAra | praNayijaneritavandanasahakR^itachUrNitavanaghanasAra || jaya jaya sundara nandakumAra | saurabhasa~NkaTavR^indAvanavihitavasantavihAra || dhruva || adharavirAjitamandatarasmitalobhitanijaparivAra | chaTuladR^iga~nchalarachitarasochchalarAdhAmadanavikAra || bhuvanavimohanama~njulanartanagativalgitamaNihAra | nijavallabhajanasuhR^itsanAtanachittaviharadavatAra || 3|| \section{4} dolotsavaH vasantarAgaH kelirasamAdhurI tatibhiratimedurI kR^itanikhilabandhupashupAlam | hR^idi vidhR^itachandanaM sphuradaruNavandanaM deharuchinirjitatamAlam || sundari mAdhavamavakalayAlam | mitrakaralolayA ratnamayadolayA chalitavapuratichapalamAlam || dhruva || vrajahariNalochanA rachitagorochanA tilakaruchiruchiratarabhAlam | smitajanitalobhayA vadanashashishobhayA vibhramitanavayuvatijAlam || narmamayapaNDitaM puShpakulamaNDitaM ramaNamiha vakShasi vishAlam | praNatabhayashAtanaM priyamadhi sanAtanaM goShThajanamAnasamarAlam || 4|| \section{5} AsAvarI nipatati parito vandanapAlI | taM dolayati mudA suhR^idAlI || vilasati dolopari vanamAlI | taralasaroruhashirasi yathAlI || dhruva || janayati gopIjanakaratAlI | kApi puro nR^ityati pashupAlI || ayamAraNyakamaNDanashAlI | jayati sanAtanarasaparipAlI || 5|| \section{6} dhanAshrIH na kuru kadarthanamatra saraNyAm | mAmavalokya satImasharaNyAm || cha~nchala mu~ncha paTA~nchalabhAgam | karavANyadhunA bhAskarayAgam || dhruva || na rachaya gokulavIra vilambam | vidadhe vidhumukha vinatikadambam || rahasi bibhemi viloladR^igantam | vIkShya sanAtana deva bhavantam || 6|| \section{7} sauraShTrI rAdhe nigada nijaM gadamUlam | udayati tanumanu kimiti tApakulamanukR^itavikaTakukUlam || dhruva || prachurapurandaragopavinindakakAntipaTalamanukUlam | kShipasi vidUre mR^idulaM muhurapi sambhR^itamurasi dukUlam || abhinandasi na hi chandrarajobharavAsitamapi tAmbUlam | idamapi vikirasi varachampakakR^itamanupamadAma sachUlam || bhajadanavasthitimakhilapade sakhi sapadi viDambitatUlam | kalitasanAtanakautukamapi tava hR^idayaM sphurati sashUlam || 7|| \section{8} sauraShTrI kuTilaM mAmavalokya navAmbujamupari chuchumba sa ra~NgI | tena haThAdahamabhavaM vepathumaNDalasa~nchalada~NgI || bhAmini pR^ichCha na vAraM vAram | hanta vimuhyati vIkShya mano mama vallavarAjakumAram || dhruva || dADimalatikAmanu nistalaphalanamitAM sa dadhe hastam | tadanubhavAn mama dharmojjvalamapi dhairyadhanaM gatamastam || adashadashokalatApallavamayamatanusanAtananarmA | tadahamavekShya babhUva chiraM bata vismR^itakAyikakarmA || 8|| \section{9} dhanAshrIH anadhigatAkasmikagadakAraNamarpitamantrauShadhinikurambam | avirataruditavilohitalochanamanushochati tAmakhilakuTumbam || deva hare bhava kAruNyashAlI | sA tava nishitakaTAkShasharAhatahR^idayA jIvati kR^ishatanUrAlI || dhruva || hR^idi valadaviralasa~njvarapaTalIsphuTadujjvalamauktikasamudAyA | shItalabhUtalanishchalatanuriyamavasIdati sa.nprati nirupAyA || goShThajanAbhayasatramahAvratadIkShita bhavato mAdhava bAlA | kathamarhati tAM hanta sanAtana viShamadashAM guNavR^indavishAlA || 9|| \section{10} AsAvarI hanta na kimu mantharayasi santatamabhijalpam | dantarochirantarayati santamasamanalpam || rAdhe pathi mu~ncha bhuri sambhramamabhisAre | chAraya charaNAmburuhe dhIraM sukumAre || dhruva || santanu ghanavarNamatulakuntalanichayAntam | dhvAntaM tava jIvatu nakhakAntibhirabhishAntam || sasanAtanamAnasAdya yAntI gatasha~Nkam | a~NgIkuru ma~njuku~njavasateralama~Nkam || 10|| \section{11} gauDI sichayamuda~nchaya hR^idayAdalpam | vilikhAmyadbhutamakarAkalpam || iha na hi sa~Nkucha pa~Nkajanayane | veshaM tava karavai ratishayane || dhruva || rAdhe dolaya na kila kapolam | chitraM rachayAmyahamavilolam || tava vapuradya sanAtanashobham | janayati hR^idi mama ka~nchana lobham || 11|| \section{12} AsAvarI tava cha~nchalamatirayamaghahantA | ahamuttamadhR^itidigdhadigantA || dUti vidUraya komalakathanam | punarabhidhAsye na hi madhumathanam || dhruva || shaThacharito.ayaM tava vanamAlI | mR^iduhR^idayAhaM nijakulapAlI || tava harireSha nira~NkushanarmA | ahamanubaddhasanAtanadharmA || 12|| \section{13} bhairavaH maNDitahallIsakamaNDalAM naTayan rAdhAM chalakuNDalAm || nikhilakalAsampadi parichayI | priyasakhi pashya naTati murajayI || dhruva || muhurAndolita ratnavalayam | salayaM chalayan karakishalayam || gatibha~NgibhiravashIkR^itashashI | sthagitasanAtanasha~NkaravashI || 13|| \section{14} bhairavaH dAmodararativardhanaveshe hariniShkuTavR^indAvipineshe | rAdhe jaya jaya mAdhavadayite gokulataruNImaNDalamahite || dhruva || vR^iShabhAnudadhinavashashilekhe lalitAsakhi guNaramitavishAkhe | karuNAM kuru mayi karuNAbharite | sanakasanAtanavarNitacharite || 14|| \section{15} dhanAshrIH | rAjapurAd gokulamupayAtam | pramadonmAditajananItAtam || svapne sakhi punaradya mukundam | AlokayamavataMsitakundam || dhruva || paramamahotsavaghurNitaghoSham | nayane~NgitakR^itamatparitoSham || navagu~njAvalikR^itaparabhAgam | prabalasanAtanasuhR^idanurAgam || 15|| \section{16} saurAShTrI pulakamupaiti bhayAn mama gAtram | hasasi tathApi madAdatimAtram || vAraya tUrNamimaM sakhi kR^iShNam | anuchitakarmaNi nirmitatR^iShNam || dhruva || jAne bhavatImeva vipakShAm | mAmupanItA yad vanakakShAm || adya sanAtanamatisukhahetum | na parihariShye vidhikR^itasetum || 16|| atha rAsaH \section{17} dhanAshrIH komalashashikararamyavanAntaranirmitagItavilAsa | tUrNasamAgatavallavayauvatavIkShaNakR^itaparihAsa || jaya jaya bhAnusutAtaTara~NgamahAnaTa sundara nandakumAra | sharada~NgIkR^itadivyarasAvR^ita ma~NgalarAsavihAra || dhruva || gopIchumbita rAgakarambita mAnavilokanalIna | guNavargonnatarAdhAsa~NgatasauhR^idasampadadhIna || tadvachanAmR^itapAnamadAhR^ita valayIkR^itaparivAra | surataruNIgaNamativikShobhaNa khelanavalgitahAra || ambuvigAhanananditanijajana maNDitayamunAtIra | sukhasaMvidghana pUrNasanAtana nirmalanIlasharIra || 17|| \section{18} dhanAshrIH shuddhasatIvratavittA ahamatinirmalachittA | prathayasi sujanavimuktaM narmedaM kimayuktam || mAdhava parihara me paTametam | yAmi javena niketam || dhruva || yadi jAnAmyadhitIraM tvAmatigUDhasharIram | dUre sUrasutAyAM sAyaM kathamupayAyAm || vidadhe bhavadavanAmaM charitaM parihara vAmam | vartma sanAtanamuchitaM pAlaya dhArmikaruchitam || 18|| \section{19} karNATaH kiM vitanoShi mudhA~NgavibhUShaNakapaTenAtra vighAtam | soDhumahaM samayasya na sa.nprati shaktA lavamapi pAtam || gokulama~NgalavaMshI dhvanirudgarjati vanagataye smarabhUpatishAsanashaMsI || dhruva || mAdhavacharaNA~NguShThanakhadyutirayamudayati himadhAmA | mA gurujanabhayamudgira muhuriyamabhavaM dhAvitakAmA || taM sevitumiha pashya sanAtanaparamAraNyajavesham | gopavadhUtatiriyamupasarpati bhAnusutAtaTadesham || 19|| \section{20} karNATaH sphuradindIvaranindikalevara rAdhAkuchaku~Nkumabhara pi~njara | sundarachandrakachUDa manohara chandrAvalimAnasashukapa~njara || jaya jaya jaya gu~njAvalimaNDita | praNayavishR^i~NkhalagopImaNDalavara bimbAdharakhaNDanapaNDita || dhruva || mR^igavanitAnanatR^iNavisraMsana karmadhurandharamuralIkUjita | svArasikasmitasuShamonmAdita siddhasatInayanA~nchalapUjita || tAmbUlollasadAnanasArasa jAmbUnadaruchivisphuradambara | harakamalAsanasanakasanAtana dhR^itividhvaMsanalIlADambara || 20|| \section{21} kedAraH saurabhasevitapuShpavinirmita nirmalavanamAlAparimaNDita | madnatarasmitakAntikarambita vadanAmbujanavavibhramapaNDita || jaya jaya marakatakandalasundara | varachAmIkarapItAmbaradhara vR^indAvanajanavR^indapurandara || dhruva || navagu~njAphalarAjibhirujjvala kekishikhaNDakashekharama~njula | guNavargAtulagopavadhUkula chittashilImukhapuShpitava~njula || kalamuralIkvaNapUravichakShaNa pashupAlAdhipahR^idayAnandana | girishasanAtanasanakasanandana nAradakamalAsanakR^itavandana || 21|| \section{22} gauDI yAmunajalakaNikAbhirupete | sa~Ngatamujjvalaku~njanikete || tvayi vinihitavarasauhR^idabhAram | vihitAparataruNIparihAram || bhaja sakhi vallavarAjakumAram | kAmitatAvakasa~NgavihAram || dhruva || navagu~njAphalama~njulahAram | mAlyavihArimadhupaparivAram || nirmalanarmavibhAvanashIlam | vallavamatra sanAtanalIlam || \section{23} mallAraH taruNIlochanatApavimochana hAsasudhA~NkuradhArI | mandamaruchchalapi~nChakR^itojjvala maulirudAravihArI || sundari pashya milati vanamAlI | divase pariNatimupagachChati sati navanavavibhramashAlI || dhruva || dhenukhuroddhutareNuparipluta phullasaroruhadAmA | achiravikasvaralasadindIvara maNDalasundaradhAmA || kalamuralIrutikR^itatAvakarati\- ratra dR^igantatara~NgI | chArusanAtanatanuranura~njana kArisuhR^idgaNasa~NgI || 23|| \section{24} dhanAshrIH yadyapi samAdhiShu vidhirapi pashyati na tava nakhAgramarIchim | idamichChAmi nishamya tavAchyuta tadapi kR^ipAdbhutavIchim || deva bhavantaM vande | manmAnasamadhukaramarpaya nija padapa~Nkajamakarande || dhruva || bhaktiruda~nchati yadyapi mAdhava na tvayi mama tilamAtrI | parameshvaratA tadapi tavAdhika durghaTaghaTanavidhAtrI || ayamavilolatayAdya sanAtana kalitAdbhutarasabhAram | nivasatu nityamihAmR^itanindini vindanmadhurimasAram || 24|| atha nAyikAbhedAH athAbhisArikA vAsasajjApyutkaNThitA tathA | vipralabdhA khaNDitA cha kalahAntaritA parA || proShitapreyasI proktA tathA svAdhInabhartR^ikA | ityaShTau nAyikAbhedA rasatantre prakIrtitAH || tatrAbhisArikA yA paryutsukachittAtimadena madanena cha | AtmanAbhisaret kAntaM sA bhavedabhisArikA || \section{25} dhanAshrIH tvaM kuchavalgitamauktikamAlA | smitasAndrIkR^itashashikarajAlA || harimabhisara sundari sitaveshA | rAkArajanirajani gurureShA || dhruva || parihitamAhiShadadhiruchisichayA | vapurarpitaghanachandananichayA || karNakarambitakairavahAsA | kalitasanAtanasa~NgavilAsA || 25|| atha vAsakasajjA bhaved vAsakasajjAsau sajjitA~NgaratAlayA | nishchityAgamanaM bharturdvArekShaNaparAyaNA || \section{26} kalyANaH kusumAvalibhirupaskuru talpam | mAlyaM chAmalamaNisarakalpam || priyasakhi keliparichChadapu~njam | upakalpaya satvaramadhiku~njam || dhruva || maNisampuTamupanaya tAmbUlam | shayanA~nchalamapi pItadukUlam || viddhi samAgatamapratibandham | mAdhavamAshu sanAtanasandham || 25|| athotkaNThitA sA syAdutkaNThitA yasyA vAsaM naiti drutaM priyaH | tasyAnagamane hetuM chintayantyA shuchA bhR^isham || \section{27} AsAvarI kimu chandrAvaliranayagabhIrA | nyaruNadamuM rativIramadhIrA || atichiramajani rajaniratikAlI | sa~Ngamavindata na hi vanamAlI || dhruva || kimiha jane dhR^itapa~NkavipAke | vismR^itirasya babhUva varAke || kimuta sanAtanatanuralaghiShTham | raNamArabhata surAribhiriShTam || 27|| atha vipralabdhA yasyA dUtIM svayaM preShya samaye nAgataH priyaH | shochantI taM vinA duHsthA vipralabdhA tu sA smR^itA || \section{28} gauDI komalakusumAvalIkR^itachayanam | apasAraya ratilIlAshayanam || shrIhariNAdya na lebhe shamaye | hanta janaM sakhi sharaNaM kamaye || dhruva || nidhR^itamanoharagandhavilAsam | kShipa yAmunataTabhuvi paTavAsam || labdhamavehi nishAntimayAmam | mu~ncha sanAtanasa~NgatikAmam || 28|| atha khaNDitA anyayA saha kAntasya dR^iShTe sambhogalakShaNe | IrShyAkaShAyitAtmAsau khaNDitA khalu kathyate || \section{29} rAmakeliH hR^idayAntaramadhishAyitam | ramaya janaM nijadayitam || kiM phalamaparAdhikayA | sa.nprati tava rAdhikayA || mAdhava parihara paTimatara~Ngam | vetti na kA tava ra~Ngam || dhruva || AghUrNati tava nayanam | yAhi ghaTIM bhaja shayanam || anulepaM rachayAlam | nashyatu nakhapadajAlam || tvAmiha vilasati bAlA | mukharasakhInAM mAlA || deva sanAtana vande | na kuru vilambamAlinde || 29|| \section{30} yAM sevitavAn asi jAgarI | tvAmajayat sA nishi nAgarI || kapaTamidaM tava vindati hare | nAvasaraM punarAlinikare || dhruva || mA kuru shapathaM gokulapate | vetti chiraM kA charitaM na te || muktasanAtanasauhR^idabhare | na punarahaM tvayi rasamAhare || 30|| atha kalahAntaritA nirasto manyunA kAnto namannapi yayA puraH | sAnutApayutA dInA kalahAntaritA bhavet || \section{31} lalitaH nAkarNayamatisuhR^idupadesham | mAdhavachATupaTalamapi lesham || sIdati sakhi mama hR^idayamadhIram | yadabhajamiha na hi gokulavIram || dhruva || nAlokayamarpitamuruhAram | praNamantaM cha dayitamanuvAram || hanta sanAtanaguNamabhiyAntam | kimadhArayamahamurasi na kAntam || 31|| atha virahiNI proShitapreyasI kutashchit kAraNAd yasyA vidUrastho bhavet patiH | tadanAgamaduHkhArtA sA syAt proShitabhartR^ikA || \section{32} gauDI kurvati kila kokilakule ujjvalakalanAdam | jaiminiriti jaiminriti jalpati saviShAdam || mAdhava ghore viyogatamasi nipapAta rAdhA | vidhuramalinamUrtiradhikamadhirUDhabAdhA || dhruva || nIlanalinamAlyamahaha vIkShya pulakavItA | garuDa garuDa garuDetyabhirauti paramabhItA || lambhitamR^iganAbhimagurukardamamanu dInA | dhyAyati shitikaNThamapi sanAtanamanulInA || 32|| atha svAdhInabhartR^ikA yasyAH premaguNAkR^iShTaH priyaH pArshvaM na mu~nchati | vichitrasambhramAsaktA sA syAt svAdhInabhartR^ikA || \section{33} mallAraH patrAvalimiha mama hR^idi gaure | mR^igamadabindubhirarpaya shaure || shyAmala sundara vividhavisheSham | virachaya vapuShi mamojjvalavesham || dhruva || pi~nChamukuTa mama pi~nChanikAsham | varamavataMsaya kuntalapAsham || atra sanAtana shilpalava~Ngam | shrutiyugale mama lambhaya sa~Ngam || 33|| \section{34} vasantarAgaH kimayaM rachayati nayanatara~Ngam | kairavinI na hi bhajati pata~Ngam || vAraya mAdhavamudyadana~Ngam | spR^ishati yathAyaM na sakhi mada~Ngam || dhruva || kampikarAn mama patati lava~Ngam | tvamapi tathApi na mu~nchasi ra~Ngam || kamapi sanAtanadharmamabha~Ngam | na parihariShye hR^idi kR^itasa~Ngam || 34|| \section{35} bhairavarAgaH apaghanaghaTitaghusR^iNaghanasAra | pi~nChakhachitaku~nchitakachabhAra || jaya jaya vallavarAjakumAra | rAdhAvakShasi harimaNihAra || dhruva || rAdhAdhR^itiharamuralItAra | nayanA~nchalakR^itamadanavikAra || rasara~njitarAdhAparivAra | kalitasanAtanachittavihAra || 35|| \section{36} karNATarAgaH, ekatAlI tAlaH sundari sAdhvI tvamiha kishorI | tat kathamasi vada goShThapurandaranandana hR^inmaNichaurI || na hi sa~Ngopaya paradhanamadhunA tvaM viditA kulapAlI | lalitAsakhi kuru karuNAM sIdati kandarabhuvi vanamAlI || ayi ramaNImaNi ramaNIyaM maNimarpaya punarAvalambam | bahvatu nirAkulamatikR^ipayA tava hariparijananikurambam || dUtIyugamidamavanamati svayamavaniluThitakachajuTam | tanvi sanAtanasauhR^idamanusara vistAraya na hi kUTam || 36|| \section{37} mallArarAgaH, ekatAlI tAlaH rAdhe kalaya hR^idayamanukUlam | dalati dR^iga~nchalasharahatahR^it tava gokulajIvitamUlam || dhruva || shIlitapa~nchamagItiradakShiNapANisaroruhahaMsI | tanute sAmpratamasya munivratamaratibharAdiva vaMshI || bhramadindindiravR^indavikarShaNaparimalapaTalavishAlA | patitA kaNThataTAdabhishuShyati tasya vane vanamAlA || adaye dadhatI tanurapi tanutAM tasya samujjhitalIlA | shIryati kandaradhAmni sanAtanahR^idayAnandanashIlA || 37|| \section{38} vasantarAgaH madhuripuradya vasante | khelati gokulayuvatibhirujjvalapuShpasugandhadigante || dhruva || premakarambitarAdhAchumbitamukhavidhurutsavashAlI | dhR^itachandrAvalichArukarA~Nguliriha navachampakamAlI || navashashirekhAlikhitAvashAkhAtanuratha lalitAsa~NgI | shyAmalayAshritabAhuruda~nchitapadmAvibhramara~NgI || bhadrAlambitashaivyodIritaraktarajobharadhArI | pashya sanAtanamUrtirayaM ghanavR^indAvanaruchikArI || 38|| (39] @1 vasantarAgaH R^iturAjArpitatoShara~Ngam | rAdhe bhaja vR^indAvanaMra~Ngam || dhruva || malayAnilagurushikShitalAsyA | naTati latAtatirujjvalahAsyA || pikatatiriha vAdayati mR^ida~Ngam | pashyati tarukulama~Nkurada~Ngam || gAyati bhR^i~NgaghaTAdbhutashIlA | mama vaMshIva sanAtanalIlA || 39|| \section{40} vasantarAgaH viharati saha rAdhikayA ra~NgI | madhumadhure vR^indAvanarodhasi haririha harShatara~NgI || dhruva || vikirati yantreritamaghavairiNi rAdhA ku~Nkumapa~Nkam | dayitAmayamapi si~nchati mR^igamadarasarAshibhiravisha~Nkam || kShipati mitho yuvamithunamidaM navamaruNataraM paTavAsam | jitamiti jitamiti muhurapi jalpati kalpayadatanuvilAsam || subalo raNayati ghanakaratAlI jitavAn iti vanamAlI | lalitA vadati sanAtanavallabhamajayat pashya mamAlI || 40|| \section{41} dhanAshrIH rAdhA sakhi jalakeliShu nipuNA | khelati nijakuNDe madhuripuNA || dhruva || kuchapaTaluNThananirmitakalinA | AyudhapadavIyojitanalinA || dR^iDhaparirambhaNachumbanahaThinA | himajalasechanakarmaNi kaThinA || sukhabharashithilasanAtanamahasA | dayitaparAjayalakShaNasahasA || \section{42} dhanAshrIH rAdhe nijakuNDapayasi tu~NgIkuru ra~Ngam | kiM cha si~ncha pi~nChamukuTama~NgIkR^itabha~Ngam || dhruva || asya pashya phullakusumarachitojjvalachUDA | bhItibhiratinIlaniviDakuntalamanu gUDhA || dhAturachitachitravIthirambhasi parilInA | mAlApyatishithilavR^ittirajani bhR^i~NgahInA || shrIsanAtanasumaNiratnamaMshubhirapi chaNDam | bheje pratibimbabhAvadambhI tava gaNDam || 42|| iti shrIrUpagosvAmivirachitastavamAlAyAM gItAvalI samAptA | \chapter{##Shri Lalitashtakam ## .. shrIlalitAShTakam ..} shrIlalitApraNAmastotram shrIlalitAya namaH | rAdhAmukunda padasambhavagharmabindu nirma~nChanopakaraNIkR^ita dehalakShAm | uttu~NgasauhR^idavisheShavashAt pragalbhAM devIM guNaiH sulalitAM lalitAM namAmi || 1|| rAkAsudhAkiraNamaNDalakAntidaNDi vaktrashriyaM chakitachArU chamUrunetrAm | rAdhAprasAdhanavidhAnakalAprasiddhAM devIM guNaiH sulalitAM lalitAM namAmi || 2|| lAsyollasadbhujagashatrupatatrachitra paTTAMshukAbharaNaka~nchulikA~nchitA~NgIm | gorochanAruchivigarhaNa gaurimANaM devIM guNaiH sulalitAM lalitAM namAmi || 3|| dhUrte vrajendratanaye tanu suShThuvAmyaM mA dakShiNA bhAva kala~Nkini lAghavAya | rAdhe giraM shR^iNu hitAmiti shikShayantIM devIM guNaiH sulalitAM lalitAM namAmi || 4|| rAdhAmabhivrajapateH kR^itamAtmajena kUTaM manAg api vilokya vilohitAkShIm | vAgbha~NgibhistamachireNa vilajjayantIM devIM guNaiH sulalitAM lalitAM namAmi || 5|| vAtsalyavR^indavasatiM pashupAlarAj~nyAH sakhyAnushikShaNakalAsu guruM sakhInAm | rAdhAbalAvaraja jIvitanirvisheShAM devIM guNaiH sulalitAM lalitAM namAmi || 6|| yAM kAmapi vrajakule vR^iShabhAnujAyAH prekShya svapakShapadavImanurud.hdhyamAnAm | sadyastadiShTaghaTanena kR^itArthayantIM devIM guNaiH sulalitAM lalitAM namAmi || 7|| rAdhAvrajendrasutasa~Ngamara~NgacharyAM varyAM vinishchitavatImakhilotsavebhyaH | tAM gokulapriyasakhInikurambamukhyAM devIM guNaiH sulalitAM lalitAM namAmi || 8|| nandan amUni lalitAguNalAlitAni padyAni yaH paThati nirmaladR^iShTiraShTau | prItyA vikarShati janaM nijavR^indamadhye taM kIrtidApatikulojjvalakalpavallI || 9|| iti shrIrUpagosvAmivirachitastavamAlAyAM shrIlalitAShTakaM shrIlalitApraNAmastotraM sampUrNam | \chapter{##Shri Yamunashtakam ## .. shrIyamunAShTakam ..} bhrAturantakasya pattane.abhipattihAriNI prekShayAtipApino.api pApasindhutAriNI | nIramAdhurIbhirapyasheShachittabandhinI mAM punAtu sarvadAravindabandhunandinI || 1|| hArivAridhArayAbhimaNDitorukhANDavA puNDarIkamaNDalodyadaNDajAlitANDavA | snAnakAmapAmarograpApasampadandhinI mAM punAtu sarvadAravindabandhunandinI || 2|| shIkarAbhimR^iShTajantudurvipAkamardinI nandanandanAntara~NgabhaktipUravardhinI | tIrasa~NgamAbhilAShima~NgalAnubandhinI mAM punAtu sarvadAravindabandhunandinI || 3|| dvIpachakravAlajuShTasaptasindhubhedinI shrImukundanirmitorudivyakelivedinI | kAntikandalIbhirindranIlavR^indanindinI mAM punAtu sarvadAravindabandhunandinI || 4|| mAthureNa maNDalena chAruNAbhimaNDitA premanaddhavaiShNavAdhvavardhanAya paNDitA | UrmidorvilAsapadmanAbhapAdavandinI mAM punAtu sarvadAravindabandhunandinI || 5|| ramyatIrarambhamANagokadambabhUShitA divyagandhabhAkkadambapuShparAjirUShitA | nandasUnubhaktasa~Nghasa~NgamAbhinandinI mAM punAtu sarvadAravindabandhunandinI || 6|| phullapakShamallikAkShahaMsalakShakUjitA bhaktividdhadevasiddhakinnarAlipUjitA | tIragandhavAhagandhajanmabandharandhinI mAM punAtu sarvadAravindabandhunandinI || 7|| chidvilAsavAripUrabhUrbhuvaHsvarApinI kIrtitApi durmadorupApamarmatApinI | ballavendranandanA~NgarAgabha~NgagandhinI mAM punAtu sarvadAravindabandhunandinI || 8|| tuShTabuddhiraShTakena nirmalormicheShTitAM tvAmanena bhAnuputri! sarvadevaveShTitAm | yaHstavIti vardhayasva sarvapApamochane bhaktipUramasya devi! puNDarIkalochane || 9|| iti shrIrUpagosvAmivirachitastavamAlAyAM shrIyamunAShTakaM sampUrNam | \chapter{##Shri Mathurastavah ## .. shrImathurAstavaH ..} muktergovindabhaktervitaraNachaturaM sachchidAnandarUpaM yasyAM vidyoti vidyAyugalamudayate tArakaM pArakaM cha | kR^iShNasyotpattilIlAkhanirakhilajaganmauliratnasya sA te vaikuNThAd yA pratiShThA prathayatu mathurA ma~NgalAnAM kalApam || 1|| koTInduspaShTakAntI rabhasayutabhavakleshayaudherayodhyA mAyAvitrAsivAsA munihR^idayamuSho divyalIlA sravantI | sAshIH kAshIshamukhyAmarapatibhiralaM prArthitadvArakAryA vaikuNThodgItakIrtirdishatu madhupurI premabhaktishriyaM vaH || 2|| bIjaM muktitaroranarthapaTalInistArakaM tArakaM dhAma premarasasya vA~nChitadhurAsampArakaM pArakam | etad yatra nivAsinAmudayate chichChaktivR^ittidvayaM mathnAtu vyasanAni mAthurapurI sA vaH shriyaM cha kriyAt || 3|| adyAvanti patadgrahaM kuru mAye shanairvIjaya chChatraM kA~nchi gR^ihANa kAshi purataH pAdUyugaM dhAraya | nAyodhye bhaja sambhramaM stutikathAM nodgAraya dvArake devIyaM bhavatIShu hanta mathurA dR^iShTiprasAdaM dadhe || 4|| iti shrIrUpagosvAmivirachitastavamAlAyAM mathurAstavaH samAptaH | \chapter{##Shri Govardhanashtakam 1 ## .. shrIgovardhanAShTakam 1 ..} prathamaM shrIgovardhanAShTakaM namaH shrIgovardhanAya | govindAsyottaMsita vaMshIkvaNitodya\- llAsyotkaNThAmattamayUravrajavIta | rAdhAkuNDottu~Ngatara~NgA~NkuritA~Nga pratyAshAM me tvaM kuru govardhana pUrNAm || 1|| yasyotkarShAd vismitadhIbhirvrajadevI vR^indairvarShaM vaNitamAste haridAsyam | chitrairyu~njana sa dyutipu~njairakhilAshAM pratyAshAM me tvaM kuru govardhana pUrNAm || 2|| vindadbhiryo mandiratAM kandaravR^indaiH kandaishchendorbandhubhirAnandayatIsham | vaidUryAbhairnirjharatoyairapi so.ayaM pratyAshAM me tvaM kuru govardhana pUrNAm || 3|| shashvadvishvAla~NkaraNAla~NkR^itimedhyaiH premNA dhautairdhAtubhiruddIpitasAno | nityAkrandatkandara veNudhvaniharShAt pratyAshAM me tvaM kuru govardhana pUrNAm || 4|| prAjyA rAjiryasya virAjatyupalAnAM kR^iShNenAsau santatamadhyAsitamadhyA | so.ayaM bandhurbandhuradharmA surabhANAM pratyAshAM me tvaM kuru govardhana pUrNAm || 5|| nirdhunvAnaH saMhR^itihetuM ghanavR^indaM jitvA jabhArAtimasambhAvitabAdham | svAnAM vairaM yaH kila niryApitavAn saH pratyAshAM me tvaM kuru govardhana pUrNAm || 6|| bibhrANo yaH shrIbhujadaNDoparibhartush\- ChatrIbhAvaM nAma yathArthaM svamakArShIt | kR^iShNopaj~naM yasya makhastiShThati so.ayaM pratyAshAM me tvaM kuru govardhana pUrNAm || 7|| gAndharvAyAH kelikalAbAndhava ku~nje kShuNNaistasyAH ka~NkaNahAraiH prayatA~Nga | rAsakrIDAmaNDitayopatyakayADhya pratyAshAM me tvaM kuru govardhana pUrNAm || 8|| adroshreNIshekhara padyAShTakametat kR^iShNAmbhodapreShTha paThed yastava dehI | premAnandaM tundilayan kShipramamandaM taM harSheNa svIkurutAM te hR^idayeshaH || 9|| iti shrIrUpagosvAmivirachitastavamAlAyAM mattamayUrAkhyaM prathamaM shrIgovardhanAShTakaM sampUrNam | \chapter{##Shri Govardhanashtakam 2 ## .. shrIgovardhanAShTakam 2 ..} dvitIyaM govardhanAShTakaM shrIgovardhanAya namaH | nIlastambhojjvalaruchibharairmaNDite bAhudaNDe ChatrachChAyAM dadhadaghariporlabdhasaptAhavAsaH | dhArApAtaglapitamanasAM rakShitA gokulAnAM kR^iShNapreyAn prathayatu sadA sharma govardhano naH || 1|| bhIto yasmAdaparigaNayan bAndhavasnehabandhAn sindhAvadristvaritamavishat pArvatIpUrvajo.api | yastaM jambhudviShamakuruta stambhasambhedashUnyaM sa prauDhAtmA prathayatu sadA sharma govardhano naH || 2|| AviShkR^itya prakaTamukuTATopama~NgaM sthavIyaH shailo.asmIti sphuTamabhidadhat tuShTivisphAradR^iShTiH | yasmai kR^iShNaH svayamarasayad vallavairdattamannaM dhanyaH so.ayaM prathayatu sadA sharma govardhano naH || 3|| adyApyUrjapratipadi mahAn bhrAjate yasya yaj~naH kR^iShNopaj~naM jagati surabhIsairibhIkrIDayADhyaH | shaShpAlambottamataTayA yaH kuTumbaM pashUnAM so.ayaM bhUyaH prathayatu sadA sharma govardhano naH || 4|| shrIgAndharvAdayitasarasIpadmasaurabhyaratnaM hR^itvA sha~NkotkaraparavashairasvanaM sa~ncharadbhiH | ambhaHkShodapraharikakulenAkulenAnuyAtai\- rvAtairjuShTaiH prathayatu sadA sharma govardhano naH || 5|| kaMsArAtestarivilasitairAtarAna~Ngara~Ngai\- rAbhIrINAM praNayamabhitaH pAtramunmIlayantyAH | dhautagrAvAvaliramalinairmAnasAmartyasindho\- rvIchivrAtaiH prathayatu sadA sharma govardhano naH || 6|| yasyAdhyakShaH sakalahaThinAmAdade chakravartI shulkaM nAnyad vrajamR^igadR^ishAmarpaNAd vigrahasya | ghaTTasyochchairmadhukararuchastasya dhAmaprapa~nchaiH shyAmaprasthaH prathayatu sadA sharma govardhano naH || 7|| gAndharvAyAH suratakalahoddAmatAvAvadUkaiH klAntashrotrotpalavalayibhiH kShiptapi~nChAvataMsaiH | ku~njaistalpopari pariluThadvaijayantIparItaiH puNyA~NgashrIH prathayatu sadA sharma govardhano naH || 8|| yastuShTAtmA sphuTamanupaThechChraddhayA shuddhayAnta\- rmedhyaH padyAShTakamachaTulaH suShThu govardhanasya | sAndraM govardhanadharapadadvandvashoNAravinde vindan premotkaramiha karotyadrirAje sa vAsam || 9|| iti shrIrUpagosvAmivirachitastavamAlAyAM shrIgirIndravAsAnandadaM nAma dvitIyaM shrIgovardhanAShTakaM sampUrNam | \chapter{##Shri Vrindavanashtakam ## .. shrIvR^indAvanAShTakam ..} mukundamuralIravashravaNaphullahR^idvallarI kadambakakarambitapratikadambaku~njAntarA | kalindagirinandinIkamalakandalAndolinA sugandhiranilena me sharaNamastu vR^indATavI || 1|| vikuNThapurasaMshrayAd vipinato.api niHshreyasAt sahasraguNitAM shriyaM praduhatI rasashreyasIm | chaturmukhamukhairapi spR^ihitatArNadehodbhavA jagadgurubhiragrimaiH sharaNamastu vR^indATavI || 2|| anAratavikasvaravratatipu~njapuShpAvalI visArivarasaurabhodgamaramAchamatkAriNI | amandamakarandabhR^idviTapivR^indavR^indIkR^ita dvirephakulavanditA sharaNamastu vR^indATavI || 3|| kShaNadyutighanashriyovrajanavInayUnoH padaiH suvaglubhirala~NkR^itA lalitalakShmalakShmIbharaiH | tayornakharamaNDalIshikharakelicharyochitai\- rvR^itA kishalayA~NkuraiH sharaNamastu vR^indATavI || 4|| vrajendrasakhanandinIshubhatarAdhikArakriyA prabhAvajasukhotsavasphuritaja~NgamasthAvarA | pralambadamanAnujadhvanitavaMshikAkAkalI rasaj~namR^igamaNDalA sharaNamastu vR^indATavI || 5|| amandamudirArbudAbhyadhikamAdhurImedura vrajendrasutavIkShaNonnaTNtanIlakaNThotkarA | dineshasuhR^idAtmajAkR^itanijAbhimAnollasal\- latAkhagamR^igA~NganA sharaNamastu vR^indATavI || 6|| agaNyaguNanAgarIgaNagariShThagAndharvikA manojaraNachAturIpishunaku~njapu~njojjvalA | jagattrayakalAgurorlalitalAsyavalgatpada prayogavidhisAkShiNI sharaNamastu vR^indATavI || 7|| variShThaharidAsatApadasamR^iddhagovardhanA madhUdvahavadhUchamatkR^itinivAsarAsasthalA | agUDhagahanashriyo madhurimavrajenojjvalA vrajasya sahajena me sharaNamastu vR^indATavI || 8|| idaM nikhilaniShkuTAvalivariShThavR^indATavI guNasmaraNakAri yaH paThati suShThu padyAShTakam | vasan vyasanamuktadhIranishamatra sadvAsanaH sa pItavasane vashI ratimavApya vikrIDati || 9|| iti shrIrUpagosvAmivirachitastavamAlAyAM shrIvR^indAvanAShTakaM sampUrNam | \chapter{##Shri Krishnanamashtakam ## .. shrIkR^iShNanAmAShTakam ..} nikhilashrutimauliratnamAlA dyutinIrAjitapAdapa~NkajAnta | ayi muktakulairupAsyamAnaM paritastvAM harinAma saMshrayAmi || 1|| jaya nAmadheya munivR^indageya he janara~njanAya paramAkSharAkR^ite | tvamanAdarAdapi manAg udIritaM nikhilogratApapaTalIM vilumpasi || 2|| yadAbhAso.apyudyan kavalitabhavadhvAntavibhavo dR^ishaM tattvAndhAnAmapi dishati bhaktipraNayinIm | janastasyodAttaM jagati bhagavannAmataraNe kR^itI te nirvaktuM ka iha mahimAnaM prabhavati || 3|| yad brahmasAkShAtkR^itiniShThayApi vinAshamAyAti vinA na bhogaiH | apaiti nAma sphuraNena tat te prArabdhakarmeti virauti vedaH || 4|| aghadamanayashodAnandanau nandasUno kamalanayanagopIchandravR^indAvanendrAH | praNatakaruNakR^iShNAvityanekasvarUpe tvayi mama ratiruchchairvardhatAM nAmadheya || 5|| vAchyo vAchakamityudeti bhavato nAma svarUpadvayaM pUrvasmAt parameva hanta karuNA tatrApi jAnImahe | yastasmin vihitAparAdhanivahaH prANI samantAd bhaved AsyenedamupAsya so.api hi sadAnandAmbudhau majjati || 6|| sUditAshritajanArtirAshaye ramyachidghanasukhasvarUpiNe | nAma gokulamahotsavAya te kR^iShNapUrNavapuShe namo namaH || 7|| nAradavINojjIvanasudhorminiryAsamAdhurIpUra | tvaM kR^iShNanAma kAmaM sphura me rasane rasena sadA || 8|| iti shrIrUpagosvAmivirachitastavamAlAyAM shrInAmAShTakaM sampUrNam | \chapter{##Shri Govindavirudavali ## .. shrIgovindavirudAvalI ..} OM namaH kR^iShNAya | iyaM ma~NgalarUpAsyAd govindavirudAvalI | yasyAH paThanamAtreNa shrIgovindaH prasIdati || 1|| brahmA brahmANDabhANDe sarasijanayanasraShTumAkrIDanAni sthAnurbha~NkuM cha khleAkhuralitamatinA tAni yena nyayoji | tAdR^ikkrIDANDakoTIvR^itajlakuDavA yasya vaikuNThakulyA kartavyA tasya kA te stutiriha kR^itibhiH projjhya lIlAyitAni || 2|| \section{1} niviDataraturAShADantarINoShmasampad vighaTanapaTukhelADambarormichChaTasya | sagarimagirirAjachChatradaNDAyitashrI\- rjagadidamaghashatroH savyabAhurdhinotu || 3|| || chaNDavR^ittAyAH kalikAkhyAyA nakhe vardhitam || abhramupatimamadamardipadakrama vibhramaparimalaliptasuhR^ichChrama duShTadanujabaladarpavimardana tuShTahR^idayasurapakShavivardhana darpakavilasitasarganirargala sarpatulitabhuja karNagakuNDala nirmalamalayajacharchitavigraha narmalalitakR^itasarpavinigraha duShkarakR^itibharalakShaNavismita puShkarabhavabhayamardanasusmita vatsalahaladharatarkitalakShaNa vatsaravirahitavatsasuhR^idgaNa garjitavijayivishuddhatarasvara tarjitakhalagaNadurjanamatsara || vIra || tava muralIdhvaniramarI kAmAmbudhivR^iddhishubhrAMshuH | achaTulagokulakulajA dhariyAmbudhipAnakumbhajo jayati || 4|| dhR^itagovardhana surabhIvardhana pashupAlapriya rachitopakriya || dhIra || \section{2} bhuja~NgaripuchandrakasphuradakhaNDachUDA~Nkure nira~NkushadR^iga~nchala bhraminibaddhabhR^i~Ngabhrame | pata~NgaduhitustaTIvanakuTIrakelipriye parisphuratu me muhustvayi mukunda shuddhA ratiH || 5|| || vIrabhadra || udyadvidyuddyutiparichitapaTa sarpatsarpasphuradurubhujataTa svasthasvasthatridashayuvatinuta rakShaddakShapriyasuhR^idanusR^ita mugdhasnigdhavrajajanakR^itasukha navyashravyasvaravilasitamukha hastanyastasphuTasarasijavara sarjadgarjatkhalavR^iShamadahara yuddhakruddhapratibhaTalayakara varNasvarNapratimatilakadhara | ruShyattuShyadyuvatiShu kR^itarasa bhaktavyaktapraNayamanasi vasa || vIra || prachuraparamahaMsaiH kAmamAchamyamAne praNatamakarachakraiH shashvadAkrAntaakukShau | aghahara jagadaNDAhiNDihillolahAse sphuratu tava gabhIre kelisindhau ratirnaH || 6|| udgIrNatAruNya vistIrNakAruNya gu~njAlatApi~nChapu~njADhyatApi~nCha || vIra || \section{3} uchitaH pashupatyala~NkriyAyai nitarAM nanditarohiNIyashodaH | tava gokulakelisindhujanmA jagaduddIpayati sma kIrtichandraH || || samagraH || ariShTakhaNDana svabhaktamaNDana prayuktachandana prapannanandana prasannacha~nchala sphuraddR^iga~nchala shrutipralambaka bhramatkadambaka prakR^iShTakandarapraviShTa sundara sthaviShThasindhuraprasarpabandhura || deva || vR^indArakataruvIte vR^indAvanamaNDale vIra | nanditabAndhavavR^inda sundara vR^indArikA ramaya || 8|| khalinIDumbaka muralIchumbaka jananIvandakapashupInandaka || vIra || \section{4} anudinamanuraktaH padminIchakravAle navaparimalamAdyachcha~ncharIkAnukarShI | kalitamadhurapadmaH ko.api gambhIravedI jayati mihirakanyAkUlavanyAkarIndraH || 9|| || achyutaH || jaya jaya vIra smararasadhIra dvijajitahIra pratibhaTavIra sphurauruhAra piryaparivAra chChuritavihAra sthiramaNihAra prakaTitarAsa stavakitahAsa sphuTapaTavAsa sphuritavilAsa dhvanadalijAlastutavanamAla vrajakulapAla praNayavishAla pravilasadaMsa bhramadavataMsa kvaNaduruvaMshasvanahR^itahaMsa prashamitadAva praNayiShu tAvad vilasitabhAva stanitavirAva stanaghanarAgashritaparabhAga kShatahariyAga tvaritadhR^itAga || vIra || sthitiniyatimatIte dhIratAhArigIte priyajanaparivIte ku~NkumAlepaprIte | kalitanavakuTIre kA~nchyuda~nchatkaTIre sphuratu rasagabhIre goShThavIre ratirnaH || 10|| ambAvinihita chumbAmalatara bimbAdharamukhalambAlaka jaya || deva || \section{5} dR^iShTvA te padanakakoTikAntipUraM pUrNAnAmapi shashinAM shatairdurApam | nirviNNo murahara muktarUpadarpaH kandarpaH sphuTamasharIratAmayAsIt || 11|| || utpalam || nartitasharkarakR^itakarkara vR^iddhamarudbharatardana nirbhara duShTavimardana shiShTavivardhana sarvavilakShaNa mitrakR^itakShaNa sadbhujalakShitaparvatarakShita niShThuragarjana khinnasuhR^ijjana ruShTadivaspatigarvasamunnati tarjanavibhrama nirgalitabhrama shakrakR^itastava visphuradutsava || vIra || buddhInAM parimohanaH kila hriyAmuchchATanaH stambhano dharmodagrabhiyAM manaHkaraTinAM vashyatvaniShpAdanaH | kAlinIdkalahaMsa hanta vapuShAmAkarShaNaH subhruvAM jIyAd vaiNavapa~nchamadhvanimayo mantrAdhirAjaH stavaH || 12|| kAnanArabdhakAkalIshabda pATavAkR^iShTa gopikAdR^iShTa chAturIjuShTarAdhikAtuShTa kAminIlakShamohane dakSha bhAvinIpakSha mAmamuM rakSha || deva || \section{6} ajarjarapativartAhR^idayavajrabhedoddhurAH kaThoravaravarNinInikaramAnavarmachChidaH | ana~NgadhanuruddhataprachalachillichApachyutAH kriyAsuraghavid viShastava mudaM kaTAkSheShavaH || 13|| || tura~Nga || sa~nchalavichakila kuNDala maNDitavaratanumaNDala kuNDalipatikR^itasa~Ngara khaNDitabhuvanabhaya~Nkara sha~Nkarakamalajavandita ki~Nkaranutilavanandita ga~njitasamadapurandara cha~nchaladamanadhurandhara bandhuragatijitasindhura chandanasurabhitakandhara sundarabhujalasada~Ngada sa~NgadasakhigaNara~Ngada jha~NkR^itikaramaNika~NkaNa kuntalaluThadurura~NgaNa ku~Nkumaaruchilasadambara la~NgimaparimalaDambara nandabhavanavarama~Ngala ma~njulaghusR^iNasupi~Ngala hi~Ngularuchipada pa~Nkaja sa~nchitayuvatisada~Ngaja santatamR^igamadapa~Nkila santanumayi kushalaM kila || vIra || giritaTIkunaTI kulapi~Ngale khalatR^iNAvalisa~njvaladi~Ngale | prakharasa~Ngarasindhutimi~Ngile mama rati valatAM vrajama~Ngale || 14|| jaya chArudAmalalanAbhirAma jagatIlalAma ruchihR^itavAma || vIra || \section{7} uditahR^idayendumaNiH pUrNakalaH kuvalayollAsI | paritaH shArvaramatha no vilasati vR^indATavIchandraH || 15|| || guNaratiH || prakaTIkR^itaguNa shakaTIvighaTana nikaTIkR^itanavalakuTIvara vana paTalItaTachara naTalIlamadhura surabhIkR^itavana surabhIhitakara muralIvilasita khuralIhR^itajagad aruNAdhara navataruNAyatabhuja varuNAlayasamakaruNAparimala kalabhAyitabalashalabhAyitakhala dhavalAdhR^itiharagavalAshritakara sarasIruhadhara sarasIkR^itanara kalashIdadhihara kalashIlitamukha lalitAratikara lalitAvalipara || dhIra || hariNInayanAvR^ita prabho kariNIvallabhakelivibhrama | tulasIpriyadAnavA~NganAkulasImantahara prasIda me || 16|| chandanacharchita gandhasamarchita gaNDavivartanakuNDalanartana sandaladujjvalakundalasadgala sundaravigraha nandalasadgraha || vIra || \section{8} ratimanuvadhya gR^ihebhyaH karShati rAdhAM vanAya yA nipuNA sA jayati nisR^iShTArthA tava varavaMshajakAkalI dUtI || 17|| || mAta~Ngakhelitam || nAtha he nandagehinIshanda pUtanApaNDapAtane chaNDa dAnave daNDakArakAkhaNDa sArapaugaNDalIlayoddaNDa gokulAlindagUDha govinda pUrtiAmandarAdhikAnanda vetasIku~nja mAdhavIpu~nja lokanArambha jAtasaMrambha dIpitAna~NgakelibhAga~Nga gopasAra~NgalochanAra~Nga kArimAta~Nga khelitAsa~Nga sauhR^idAsha~NkayoShitAma~Nka pAlikAlambachArurolamba mAlikAkaNTha kautukAkuNTha pATalIkundamAdhavIvR^inda sevitottu~Ngashekharotsa~Nga mAM sadA hanta pAlayAnanta || vIra || sphuradindIvarasundara sAndratarAnandakandalIkanda | mAM tava padAravinde nandaya gandhena govinda || 18|| kundadashana baddharashana rukmavasana ramyahasana || deva || \section{9} prapannajanatAtamaHkShapaNashAradenduprabhA vrajAmbuja vilochanasmarasamR^iddhisiddhauShadhiH | viDambitasudhAmbudhiprabalamAdhurIDambarA bibhartu tava mAdhava smitakaDambakAntimurdam || 19|| || tilakam || amalakamalaruchikha~njanapaTupada naTanapaTimahR^itakuNDalipatimada navakuvalayakulasundararuchibhara ghanataDidupamitabandhurapaTadhara taraNiduhitR^itaTama~njulanaTavara nayananaTanajitakha~njanaparikara bhujataTagataharichandanaparimala pashupayuvatIgaNanandanavarakala navamadamadhuradR^iga~nchalavilasita mukhaparimalabharasa~nchaladalivR^ita sharadupachitashashimaNDalavaramukha kanakamakaramayakuNDalakR^itasukha yuvatihR^idayashukapa~njaranijabhuja parihitavichakilama~njulashirasija sutanuvadanavidhuchumbanapaTutara danujaniviDamadaDumbanaraNakhara || vIra || raNati hare tava veNau nAryo danujAshcha kampitAH khinnAH | vanamanapekShitadayitAH karabAlAnprojjhya dhAvanti || 20|| ku~NkumapuNDraka gumphitapuNDraka sa~Nkulaka~NkaNa kaNThagara~NgaNa || deva || \section{10} sAra~NgAkShIlochanabhR^i~NgAvalipAnachArubhR^i~NgAra | tvAM ma~NgalashR^i~NgAraM shR^i~NgArAdhIshvara staumi || 21|| || chaNDavR^ittasya vishikhe pa~Nkeruham || jaya gatasha~Nka paNayaviTa~Nka priyajanaba~Nkasmitajitasha~Nkha sphuTatarashR^i~NgadhvanidhR^itara~Nga kShaNanaTada~Nga praNayikura~Nga vrajakR^itasa~NgashrutitaTari~Ngan madhurasapi~Ngagrathitalava~Nga svanaTanabha~NgavraNitabhuja~Nga stavakitatu~NgakShitiruhashR^i~Nga sthitabahubhR^i~NgakvaNitatara~Nga pravaladana~Nga bhramadurUhabhR^i~NgI muditakura~NgIdR^iguditabha~NgI mR^idimabhira~NgIkR^itanavasa~NgI takadaraba~NkekShaNa navasa~Nke tagasuhR^ida~Nkeshaya sakala~Nke tarapR^iShada~NkeDitamukha pa~Nke ruhapada ra~Nke kR^ipaya sapa~Nke kila mayi || vIra || uttu~NgodayashR^i~Nga sa~NgamajuShAM bibhratpata~NgatviShAM vAsastulyamana~Ngasa~NgarakalAshauTIryapAra~NgataH | svAntaM ri~NgadapA~Ngabha~NgibhiralaM gopA~NganAnAM gilan bhUyAstvaM pashupAlapu~NgavadR^ishoravya~Ngara~NgAya me || 22|| vilasadalikagataku~Nkumaparimala kuTitadhR^itamaNiki~NkiNivarakala navajaladharakulala~Ngimaruchibhara masR^iNamuralikalabha~Ngamadhuratara || vIra || \section{11} avataMsitama~njuma~njare taruNInetrachakorapa~njare | navaku~Nkumapu~njapi~njare ratirAstAM mama gopaku~njare || 23|| || sitaka~njam || jaya kachacha~nchaddyutisamuda~nchan madhurimapa~nchastavakitapi~nCha sphurita viri~nchastuta giriku~nja vrajaparigu~njanmadhukarapu~nja drutamR^idushi~nja dviShadahiga~nja vratatiShu kha~njannavarasama~njan marudatipi~nja pravalitamu~njA nalahara gu~njApriya giriku~njA shrita ratisa~njAgara navaka~njA malakarajha~njhAnilahara ma~njI rajaravapa~njI parimalasa~njIvita navapa~nchAshugasharasa~nchA raNajitapa~nchAnanamada || dhIra || kaNikArakR^itakarNikAdyuti\- rvarNikApadaniyuktagairikA | mechakA manasi me chakAstu me mechakAbharaNa bhAriNI tanuH || 24|| madanarasa~Ngata sa~Ngataparimala bhujataTara~Ngatara~Ngitajitabala yuvativilambita lambitakachabhara kusumaviTa~Nkita TA~Nkatagirivara || vIra || \section{12} bhrUmaNDalatANDavitaprasUnakodaNDachitrakodaNDa | hR^itpuNDarIkagarbhaM maNDaya mama puNDarIkAkSha || 25|| || pANDUtpalam || jaya jaya daNDapriya kachakhaNDa grathitashikhaNDa vraja shashikhaNDa sphuraNasapiNDasmitavR^itagaNDa praNayakaraNDa divjapatatuNDa smararasakuNDa kShataphaNimuNDa prakaTapichaNDasthitajagadaNDa kvaNadanughaNTa sphuTaraNaghaNTa sphuradurushuNDAkR^itibhujadaNDA hatakhalachaNDAsuragaNa paNDAjanita vitaNDAjitabala bhANDIra dayita khaNDIkR^itanavahiNDIra bhadadhihaNDIgaNa kalakaNThI kR^itakalakaNThIgaNa maNikaNThI sphuritasukaNThIpriya varakaNThiravaraNa || dhIra || daNDI kuNDalibhogakANDanibhayoruddaNDadordaNDayoH shliShTashchaNDimaDambareNa niviDashrIkhaNDapuNDrojjvalaH | nirdhUtodyadachaNDarashmighaTayA tuNDashriyA mAmakaM kAmaM maNDaya punNDarIkanayana tvaM hanta hR^inmaNDalam || 26|| kandarpakodaNDadarpakriyoddaNDa dR^igbha~NgikANDIra sa~njuShTabhANDIra || dhIra || \section{13} tvamupendra kalindanandinI taTavR^indAvanagandhasindhura | jaya sundara kAntikandalaiH sphuradindIvaravR^indabandhubhiH || 27|| || indIvaram || jaya jaya hanta dviShadabhihantarmadhurimasantarpitajagadanta\- mR^idula vasantapriya sitadanta sphuritadR^iganta prasaradudanta prabhavadanantapriyasakha santastvayi ratimantaH svamudaharanta prabhuvara nandAtmajaguNakandAsitanavakandAkR^itidhara kundA malarada tundAttabhuvana vR^indAvanabhavagandhAspadamakarandA nivtanavamandArakusumavR^indArchitakacha vandArunikhilavR^indA rakavaravandIDita vidhusandIpitalasadindIvaraparinindI kShaNayuga nandIshvarapatinandIhita jaya || dhIra || smitaruchimakarandasyandi vaktrAravindaM tava puruparahaMsAnviShTagandhaM mukunda | virachitapashupAlInetrasAra~Ngara~NgaM mama hR^idayataDAge sa~Ngama~NgIkarotu || 28|| ambaragatasuravinativilambita tumburuparibhavamuralikarambita shambaramukhamR^iganikarakuTumbita sambhamvavalyitayuvati vichumbita || vIra || \section{14} ambujakuTumbaduhituH kadambasambAdhabandhure puline | pItAmbara kuru keliM tvaM vIranitambinIghaTayA || 29|| || aruNAmbhoruham || jaya rasasampadvirachitajhampa smarakR^itakampa priyajanashampa pravaNitakampasphuradanukampa dyutijitashampasphuTanavachampa shritakachagumpa shrutiparilambasphuritakadambastutamukha Dimbha priya ravibimbodayaparijR^imbhonmukhalasadambhoruhamukha lambo dhbaTabhuja lambodaravarakumbhopamakuchabimboShThayuvatichumbo dbhaTaparirambhotsuka kuru shaM bhostaDidavalamborjitamiladambho dharasuviDambodbhura natashambho parijitadambholigarimasambhA vitabhujajambhAhitamada lampAkamanasi sampAdaya mayi taM pA kimamanukampAlavamiha || dhIra || divye daNDadharasvasustaTabhave phullATavImaNDale vallImaNDapabhAji labdhamadirastamberamADambaraH | kurvanna~njanapu~njaga~njanamatishyAmA~NgakAntishriyA lIlApA~Ngatara~Ngitena tarasA mAM hanta santarpaya || 30|| ambujakiraNaviDambaka kha~njanaparichaladambaka chumbitayuvatikadambaka kuntalaluThitakadambaka || vIra || \section{15} premodvellitavalgubhirvalayitastvaM vallavIbhirvibho rAgollApitavallakIvitatibhiH kalyANavallIbhuvi | solluNThaM muralIkalAbhiramalaM mallAramullAsayan bAlyenollasite dR^ishau mama taDillIlAbhirutphullaya || 31|| || phullAmbujam || vrajapR^ithupallIparisaravallIvanabhuvi tallIgaNabhR^iti mallI manasijabhallIjitashivamallIkumudamatallIjuShi gatajhillI pariShadi hallIsakasukhajhallIrata pariphullIkR^itachalachillI jitaratimallImadabhara sallIlatilaka kalyAtanushatatulyA havarasakulyAchaTulitakhalyApramathana kalyANacharita || dhIra || gopIH sambhR^itachApalachApalatAchitrayA bhruvA bhramayan | vilasa yashodAvatsala vatsalasaddhenusaMvIta || 32|| vallavalIlAsamudayasamuchita pallavarAgAdharapuTavilasita vallabhagopIpravaNita munigaNadurlabhakelIbharamadhurimakaNa mallavihArAdbhutataruNimadhara phullamR^igAkShIparivR^itaparisara chillivilAsArpitamanasijamada mallikalApAmalaparimalapada rallakarAjIharasumadhurakala hallakamAlAparivR^itakachakula || vIra || \section{16} vallavalalanAvallIkarapallavashIlitaskandham | ullasitaH pariphullaM bhajAmyahaM kR^iShNaka~Nkellim || 33|| || champakam || sa~nchaladaruNacha~nchalakaruNasundaranayana kandarashayana vallavasharaNa pallavacharaNa ma~NgalaghusR^iNapi~NgalamasR^iNa chandanarachana nandanavachana khaNDitashakaTa daNDitavikaTa garvitadanuja parvitamanuja rakShitadhavala lakShitagavala pannagadalana sannagakalana bandhuravalana sindhurachalana kalpitamadanajalpitasadana ma~njulamukuTa va~njulalakuTa ra~njitakarabha ga~njitasharabhamaNDalavalita kuNDalachalita sanditalapana nanditatapanakanyakasuShuma vanyakakusuma garbhaka viraNadarbhakasharaNa tarNakavalita varNakalalita shaM varavalaya Dambara kalaya || deva || dAnavaghaTAlavitre dhAtuvichitre jagachchitre | hR^idayAnandicharitre ratirAstAM ballavImitre || 34|| ri~NgadurubhR^i~Ngatu~NgagirishR^i~Nga rutabha~Ngasa~NgadhR^itara~Nga || vIra || \section{16} tvamatra chaNDAsuramaNDalInAM raNDAvashiShTAni gR^ihANi kR^itvA | pUrNAnyakArShIrvrajasundarIbhi\- rvR^indATavIpuNDrakamaNDapAni || 36|| || va~njulam || jaya jaya sundaravihasita mandaravijitapurandara nijagirikandara ratirasashandhara maNiyutakandhara guNamaNimandira hR^idi valadindira gatijitasindhura parijanabandhura pashupatinandana tilakitachandana vidhikR^itavandana pR^ithuharichandanaparivR^itanandanamadhurimanindana madhuvana vanditakusumasugandhitavanavarara~njita ratibharasa~njita shikhidalakuNDalasahakR^itabhaNDila navasitatandulajayiradamaNDala ratiraNapaNDita varatanubhaNDita nakhapadamaNDita dashanavikhaNDita || dhIra || nininda nijamindirA vapuravekShya yAsAM shriyaM vichArya guNachAturImachalajA cha lajjAM gatA | lasatpashupanandinItatibhirAbhirAnanditaM bhavantamatisundaraM vrajakulendra vandemahi || 36|| rasaparipATIsphuTataruvATI manasijadhATIpriya navashAtIhara jaya || vIra || \section{17} sambhrAntaiH saShaDa~NgapAtamabhito vedairmudA vanditA sImantopari gauravAdupaniShaddevIbhirapyarpitA | AnamraM praNavena cha praNayato hR^iShTAtmanAbhiShTutA mR^idvI te muralIrutirmuraripo sharmANi nirmAtu naH || 37|| || kundam || nandakulachandra luptabhavatandra kundajayidanta duShTakulahanta riShTasuvasanta miShTasamudanta sandalitamallikandalitavalli gu~njadalipu~njama~njutaraku~njalabdharatira~Nga hR^idyajanasa~Nga sharmalasada~Nga harShakR^idana~Nga mattaparapuShTaramyakalaghuShTa gandhabharajuShTa puShpavanatuShTa kR^ittakhalayakSha yuddhanayadakSha valgukachapakShabaddhashikhipakSha piShTanatatR^iShNa tiShTha hR^idi kR^iShNa || vIra || tava kR^iShNa kelimuralI hitamahitaM cha sphuTaM vimohayati | ekaM sudhormisuhR^idA viShaviShameNAparaM dhvaninA || 38|| sannItadaiteyanistAra kalyANakAruNyavistAra puShpeShu kodaNDaTa~NkAravisphArama~njIrajha~NkAra || vIra || \section{18} ra~Ngasthale tANDavamaNDalena nirasya mallottamapuNDarIkAn | kaMsadviShaM chaNDamakhaNDayad yo hR^itpuNDarIke sa haristavAstu || 39|| || bakulabhAsuram || jaya jaya vaMshIvAdyavishArada shAradasarasIruhaparibhAvaka bhAvakalitalochanasa~nchAraNa chAraNasiddhavadhUdhR^itihAraka hArakalAparuchA~nchitakuNDala kuNDalasadgovardhanabhUShita bhUShitabhUShaNachidghanavigraha vigrahakhaNDitakhalavR^iShabhAsura bhAsurakuTilakachArpitachandraka chandrakalAparuchAbhyadhikAnana kAnanaku~njagR^ihasmarasa~Ngara sa~NgarasoddhurabAhubhuja~Ngama ja~NgamanavatApichChanagopama gopamanIShitasiddhiShu dakShiNa dakShiNapANigadaNDasabhAjita bhAjitakoTishashA~Nkavirochana rochanayA kR^itachAruvisheShaka shesakamalabhavasanakasanandana nandanaguNa mA nandaya sundara || vIra || bhavataH pratApataraNAvudetumiha lohitAyati sphIte | danujAndhakAranikarAH sharaNaM bhejurguhAkuharam || 40|| pulinadhR^itara~NgayuvatikR^itasa~Nga madanarasabha~Ngagarimalasada~Nga || vIra || \section{19} pashuShu kR^ipAM tava dR^iShTvA nUnamihAriShTavatsakeshimukhAH | darpaM vimuchya bhItAH pashubhAvaM bhejire danujAH || 41|| || bakulama~Ngalam || tvaM jaya keshava keshabalastuta vIryavilakShaNa lakShaNabodhita keliShu nAgara nAgaraNoddhata gokulanandana nandanativrata sAndramudarpaka darpakamohana he suShamAnavamAnavatIgaNa mAnanirAsaka rAsakalAshrita sastanagauravagauravadhUvR^ita ku~njashatoShita toShitayauvata rUpabharAdhikarAdhikayArchita bhIruvilambita lambitashekhara kelikulAlasalAlasalochana roShamadAruNadAruNadAnavamuktidalokana lokanamaskR^ita gopasabhAvaka bhAvakasharmada hanta kR^ipAlaya pAlaya mAmapi || vIra || parAbhavaM phenilavaktratAM cha bandhaM cha bhItiM cha mR^itiM cha kR^itvA | pavargadAtApi shikhaNDamaule tvaM shAtravANAmapavargado.asi || 42|| praNayabharitamadhuracharita bhajanasahitapashupamahita || deva || \section{20} navashikhishikhaNDashikharA prasUnakodaNDachitrashastrIva | kShobhayati kR^iShNa veNI shreNIreNIdR^ishAM bhavataH || 43|| anubhUya vikramaM te yudhi labdhAH kAndishIkatvam | bhittvA kila jagadaNDaM prapalAyA~nchakrire danujAH || 44|| || ma~njaryAM korakaH || mAnavatImadahArivilochana dAnavasa~nchayadhUkavirochana DiNDimavAdisurAlisabhAjita chaNDimashAlibhujArgalarAjita dIkShitayauvatachittavilobhanavIkShita susmitamArdavashobhana parvatasandhR^itinirdhutapIvaragarvatamaHparimugdhashachIvara ra~njitama~njuparisphuradambara ga~njitakeshiparAkramaDambara komalatA~NkitavAgavatAraka somalalAmamahotsavakAraka haMsarathastutishaMsaitavaMshaka kaMsavadhUshrutinunnavataMsaka ra~Ngatara~NgitachArudR^iga~nchala sa~Ngatapa~nchasharodayacha~nchala lu~nchitagopasutAgaNashATaka sa~nchitara~NgamahotsavanATaka tAraya mAmurusaMsR^itishAtana dhAraya lochanamatra sanAtana || dhIra || turagadanusutA~NgagrAvabhede dadhAnaH kulishaghaTitaTa~NkoddaNDavisphUrjitAni | taduruvikaTadaMShTronmR^iShTakeyUramudraH prathayatu paTutAM vaH kaishavo vAmabAhuH || 45||2 mAdhava visphura dAnavaniShThura yauvatara~njita saurabhasa~njita || vIra || \section{21} palita~NkaraNI dashA prabho muhurandha~NkaraNI cha mAM gatA | subha~NkaraNI kR^ipA shubhairna tavADha~NkaraNI cha mayyabhUt || 46|| || guchChaH || jaya jaladamaNDalIdhyutinivahasundara sphuradamalakaumudImR^iduhasitabandhura vrajahariNalochanAvadanashashichumbaka prachuratarakha~njanadyutivilasadambaka smarasamarachAturInichayavarapaNDita praNayayutarAdhikApaTimabharabhaNDita kvaNadatulavaMshikAhR^itapashupayauvata sthirasamaramAdhurIkularamitadaivata grathitashikhichandrakasphuTakuTilakuntala shravaNataTasa~ncharanmaNimakarakuNDala grathitanavatANDavaprakaTagatimaNDala dvijakiraNadhoraNIvijitasitataNDula sphuritavaradADimIkusumayutakarNaka ChadanavarakAkalIhR^itachaTulatarNaka || dhIra || punnAgastavakanibaddhakeshajuTaH koTIrIkR^itavarakekipakShakUTaH | pAyAn mAM marakatameduraH sa tanvA kAlindItaTavipinaprasUnadhanvA || 47|| gargapriya jaya bhargastuta rasa sargasthiranijavargapravaNita || vIra || \section{22} danujavadhUvaidhavyavratadIkShAshikShaNAchAryaH | sa jayati vidUrapAtI mukunda tava shR^i~NganirghoShaH || 48|| || kusumam || kusumanikaranichitachikura nakharavijitamaNijamukura subhaTapaTimaramitamathura vikaTasamaranaTanachatura samadabhujagadamanacharaNa nikhilapashupapanichayasharaNa muditamadiramadhuranayana shikharikuhararachitashayana ramitapashupayuvatipaTala madanakalahaghaTanachaTula viShamadanujanivahamathana bhuvanarasadavishadakathana kumudamR^idulavilasadamalahasitamadhuravadanakamala madhupasadR^ishavichaladalaka masR^iNaghusR^iNakalitatilaka nibhR^itamuShitamathitakalasa satatamajita manasi vilasa || vIra || sakhichAtakajIvAturmAdhava surakekimaNDalollAsi | tava daityahaMsabhayadaM shR^i~NgAmbudagarjitaM jayati || 49|| puruShottama vIravrata yamunAdbhutatIrasthita muralidhvanipUrakriya surabhIvrajanAdapriya || dhIra || \section{23} jagatIsabhAvalambaH sa tava jayatyambujAkSha doHstambhaH | rabhasAd vibheda danujAn pratApanR^ihariryato.abhyuditaH || 50|| chitraM murAre suravairipakSha\- stvayA samantAdanubaddhayuddhaH | amitramuchchairavibhidya bhedaM mitrasya kurvannamR^itaM prayAti || 51|| || tribha~NgyAM daNDakatribha~NgI || shritamaghajaladhervahitraM charitraM suchitraM vichitraM phaNitraM samitraM pavitraM lavitraM rujAM jagadaparimitapratiShThaM paTiShThaM baliShThaM gariShThaM variShThaM mradiShThaM suniShThaM daviShThaM dhiyAM nikhilavilasite.abhirAmaM sarAmaM mudA ma~njudAma\- nnabhAmaM lalAmaM dhR^itAmandadhAmatraye madhumathana hare murAre purAre pAre sasAre vihAre surArerudAre cha dAre prabhuM sphurtaminasutAtara~Nge viha~Ngeshara~NgeNa ga~Nge ShTabha~Nge bhuja~Ngendrasa~Nge sada~Ngena bhoH shikharivaradarInishAntaM prayAntaM sakAntaM vibhAntaM nitAntaM cha kAntaM prashAntaM kR^itAntaM dviShAM danujahara bhajAmyanantaM sudantaM nudantaM dR^igantaM hasantaM vasantaM bhajantaM bhavantaM sadA || vIra || pItvA bindukaNaM mukunda bhavataH saundaryasindhoH sakR^it kandarpasya vashaM gatA vimumuhuH ke vA na sAdhvIgaNAH | dUre rAjyamayantritasmitakalAbhrUvallarItANDava krIDApA~Ngatara~NgitaprabhR^itayaH kurvantu te vibhramAH || 52|| chArutaTarAsanaTa gopabhaTa pItapaTa padmakara daityahara ku~njachara vIravara narmamaya kR^iShNa jaya || nAtha || \section{24} saMsArAmbhasi dustarormigahane gambhIratApatrayI kumbhIreNa gR^ihItamugramatinA kroshantamantarbhayAt | dIpreNAdya sudarshanena vibudhaklAntichChidAkAriNA chintAsantatiruddhamuddhara hare machchittadantIshvaram || 53|| || vidagdhatribha~NgI || chaNDIpriyanata chaNDIkR^itabalaraNDIkR^itakhalavallabha vallava paTTAmbaradhara bhaTTAraka bakakuTTAka lalitapaNDitamaNDita nandIshvarapatinandIhitabhara sandIpitarasasAgara nAgara a~NgIkR^itanavasa~NgItaka varabha~NgIlavahR^itaja~Ngamala~Ngima UrvIpriyakara kharvIkR^itakhaladarvIkarapatigarvitaparvata gotrAhitakara gotrAhitadaya gotrAdhipadhR^itishobhanalobhana vanyAsthitabahukanyApaTahara dhanyAshayamaNichora manorama shampAruchipaTa sampAlitabhavakampAkulajana phulla samullasa || dhIra || piShTvA sa~NgrAmapaTTe paTalamakuTile daityagokaNTakAnAM krIDAloTIvighaTTaiH sphuTamaratikaraM naichikIchArukANAm | vR^indAraNyaM chakArAkhilajagadagada~NkArakAruNyadhAro yaH sa~nchArochitaM vaH sukhayatu sa paTuH ku~njapaTTAdhirAjaH || 45|| pichChalasadghananIlakesha chandanacharchitachAruvesha khaNDitadurjanabhUrmAya maNDitanirmalahArikAya || vIra || \section{25} gIrvANaM sphuTamakhilaM vivardhayantaM nirvANaM danujaghaTAsu sa~NghaTayya | kurvANaM vrajanilayaM nirantarodyat parvANaM muramathana stuve bhavantam || 55|| uda~nchadatima~njulasmitasudhormilIlAspadaM tara~NgitavarA~NganAsphuradana~Ngara~NgAmbudhiH | dR^igindumaNimaNDalIsalilanirjharasyandano mukunda mukhachandramAstava tanoti sharmANi naH || 56|| || mishrakalikA || duShTadurdamAriShTakaNThIravakuNThavikhaNDanakheladaShTApada navInAShTApada vispardhipaTTAmbaraparIta gariShThagaNDashailasapiNDavakShaHpaTTa pATava daNDitachaTulabhuja~Ngama kandukavilasitala~Nghima bhaNDilavichakilamaNDita sa~NgaraviharaNapaNDita danturadanujaviDambaka kuNThitakuTilakadambaka khachitAkhaNDalopalavirAjadaNDajarAjakuNDalamaNDitama~njulagaNDasthala visha~NkaTabhANDIrataTItANDavakalAra~njitasuhR^inmaNDala nandavichumbita kundanibhasmita gandhakarambita shandavicheShTita tundaparisphuradaNDakaDambara durjanabhojendrakaNTakakandoddhAraNoddAmakuddAla vinamravipaddAruNadhvAnta vidrAvaNamArtaNDopamakR^ipAkaTAkSha shAradAchaNDamarIchimAdhuryaviDambi tuNDamaNDala loShThIkR^itamaNDikoShThIkulamunigoShThIshvara madhuroShThIpriya parameShThIDita parameShThIkR^itanara || dhIra || \section{26} upahitapashupAlInetrasAra~NgatuShTiH prasaradamR^itadhArAdhoraNIdhautavishvA | pihitaravisudhAMshuH prAMshutApi~nCharamyA ramayatu bakahantuH kAntikAdambinI vaH || 57|| || athavA sAptavibhaktikI kalikA || yaH sthirakaruNastarjitavaruNastarpitajanakaH sammadajanakaH praNatavimAyaM jaguranapAyaM ghanaruchikAyaM sukR^itajanA yaM sujanakalitakathanena prabaladanujamathanena praNayiShu ratamabhayena prakaTaratiShu kila yena yasmai paridhvastaduShTAya chakruH spR^ihAM mAlyajuShTAya ghR^itotsAhapUrAddyutikShiptasUrAd yato.arirvidUrAd bhayaM prApa shUrAt | yasyojjvalA~Ngasya sa~nchAryapA~Ngasya veNurlalAmasya haste.abhirAmasya smitavisphurite.ajani yatra hite ratirullasite sudR^ishAM lalite | sa tvaM jaya jaya duShTapratibhaya bhaktisthiradaya luptavrajabhaya || vIra || haMsottamAbhilaShitA sevakachakreShu darshitotsekA | murajayinaH kalyANI karuNAkallolinI jayati || 58|| mitrakuloditanarmasumodita ra~njitarAdhika sharmabharAdhika || dhIra || \section{27} madhuresha mAdhurImaya mAdhava muralImatallikAmugdha | mama madanamohana mudA mardaya manaso mahAmoham || 59|| || akSharamayI || achyuta jaya jaya ArtakR^ipAmaya indramakhArdana ItivishAtana ujjvalavibhrama Urjitavikrama R^iddhidhuroddhara ebhudayApara LLidivakR^ipekShita LLiLLivadalakShita edhitavallava aindavakulabhava ojaHsphUrjita augryavivarjita aMsavisha~NkaTa aShTApadapaTa ka~NkaNayutakara khaNDitakhalavara gatijitaku~njara ghanaghusR^iNAmbara ~NutamuralIrata chalachillIlata ChalitasatIshata jalajodbhavanuta jhaShavarakuNDala ~no~Nuyitadala Ta~NkitabhUdhara ThanibhAnanavara DamaraghaTAhara Dhakkitakaratala NakharadhR^itAchala taralavilochana thUtkR^itakha~njana danujavimardana dhavalAvardhana nandasukhAspada pa~Nkajasamapada pha~nenutimodita bandhuvinodita bha~NguritAlaka ma~njulamAlaka yaShTilasadbhuja ramyamukhAmbuja lalitavishArada vallavara~Ngada sharmadacheShTita ShaTpadaveShTita sarasIruhadhara haladharasodara kShaNadaguNotkara || vIra || karNe kalpitakarNikaH kalikayA kAmAyitaH kAntibhiH kAntAnAM kilaki~nchitaM kisalayakIlAladhIH kIrtibhiH | kurvankUrdanakAni kesharitayA kaishoravAnkoTishaH kopI kaukurakaMsakaShTakR^itikaH kR^iShNaH kriyAt kA~NkShitam || 60|| saurItaTachara gaurIvratapara gaurIpaTahara chaurIkR^itakara || vIra || \section{28} premoruhaTTahiNDaka kakkhaTasubhaTendrakaNThakuTTAka | kuru kau~NkumapaTTAmbara bhaTTAraka tANDavaM hR^idi me || 61|| || sarvalaghuH || charaNachalanahatajaraThashakaTaka rajakadalana vashagataparakaTaka naTanaghaTanalasadagavarakaTaka sakanakamarakatamayanavakaTaka kapaTarudita naTadakaThinapadataTa vighaTitadadhighaTaniviDitasushakaTa ruchitulitapuraTapaTalaruchirapaTa ghaTitavipulakaTa kuTilachikuraghaTa raviduhitR^inikaTaluThadajaraThajaTa viTapanichitavaTataTapaTutaranaTa nijavilasitahaThavichaTitasuvikaTa chaTuladanujaghaTa jaya yuvatiShu shaTha || vIra || sphuTanATyakaDambadaNDita draDhimoDDAmaraduShTakuNDalI | jaya goShThakuTumbasaMvR^itta\- stvamiDADimbakadambaDumbaka || 62|| rasanamukhara sukharanakhara dashanashikharavijitashikhara || dhIra || vivR^itavividhabAdhe bhrAntivegAdagAdhe balavati bhavapUre majjato me.avidUre | asharaNagaNabandho he kR^ipAkaumudIndo sakR^idakR^itavilambaM dehi hastAvalambam || 63|| nAmAni praNayena te sukR^itinAM tanvanti tuNDotsavaM dhAmAni prathayanti hanta jaladashyAmAni netrA~njanam | sAmAni shrutishaShkulIM muralikAjAtAnyala~Nkurvate kAmAni nirvR^itachetasAmiha vibho nAshApi naH shobhate || 64|| vyutpannaH susthiramatirgataglAnirgalasvanaH | bhaktaH kR^iShNe bhaved yaH sa virudAvalipAThakaH || 65|| ramyayA virudAvalyA proktalakShaNayuktayA | stUyamAnaH pramudito vAsudevaH prasIdati || 66|| yaH stauti virudAvalyA mathurAmaNDale harim | anayA ramyayA tasmai tUrNameSha prasIdati || 67|| iti shrIrUpagosvAmivirachitastavamAlAyAM govindavirudAvalI samAptA | ## Source documents used for this electronic edition were : (ed.) Arpana Devi, Calcutta: Bag Bazaar Gaudiya Math, 1980 and ShrIstavakalpadrumaH. (ed.) Srimad Bhakti Saranga Goswami and PurushottaM Das. Vrindavan, Mahaprabhu Mandir, 1959. (Jagat) Prepared by Jan Brzezinski (Jagadananda Das) jankbrz at yahoo.com and Neal Delmonico (Nitai Das) ndelmonico at sbcglobal.net at granthamandira.net Gaudiya Grantha Mandira \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}