% Text title : sudarshananAmastotram % File name : sudarshananAmastotram.itx % Category : vishhnu % Location : doc\_vishhnu % Proofread by : PSA Easwaran psawaswaran at gmail.com % Description/comments : Edited by S. V. Radhakrishna Shastriji % Acknowledge-Permission: Mahaperiaval Trust % Latest update : April 12, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIsudarshananAmastotram ..}## \itxtitle{.. shrIsudarshananAmastotram ..}##\endtitles ## (sahasranAmastotramiti vyAsanAradasaMvAde | paraM 575 nAmAnyeva santi |) praNamya shirasA devaM nArAyaNamasheShagam | ramAvakShojakastUrIpa~NkamudritavakShasam || 1|| sarvashAstrArthatattvaj~naH pArAsharyastapodhanaH | hitAya sarvajagatAM nAradaM munimabravIt || 2|| j~nAnavidyAvisheShaj~naM karpUradhavalAkR^itim | vINAvAdanasantuShTamAnasaM marutAM param || 3|| hiraNyagarbhasambhUtaM hiraNyAkShAdisevitam | puNyarAshiM purANaj~naM pAvanIkR^itadiktaTam || 4|| vyAsa uvAcha\- devarShe nArada shrImansAkShAdbrahmA~Ngasambhava | bhavAnasheShavidyAnAM pAragastapasAM nidhiH || 5|| vedAntapAragaH sarvashAstrArthapratibhojjvalaH | parabrahmaNi niShNAtaH sachchidAnandavigrahaH || 6|| jagaddhitAya janitaH sAkShAdeva chaturmukhAt | hanyante bhavatA daityA daityAribhujavikramaiH || 7|| kAlo.anugrahakartA tvaM trailokyaM tvadvashe.anagha | manuShyA R^iShayo devAstvayA jIvanti sattama || 8|| kartR^itve lokakAryANAM varatve pariniShThita | pR^ichChAmi tvAmasheShaj~naM nidAnaM sarvasampadAm || 9|| sarvasaMsAranirmuktaM chidghanaM shAntamAnasam | yaH sarvalokahitakR^idyaM prashaMsanti yoginaH || 10|| idaM charAcharaM vishvaM dhR^itaM yena mahAmune | spR^ihayanti cha yatprItyA yasmai brahmAdidevatAH || 11|| nirmANasthitisaMhArA yato vishvasya sattama | yasya prasAdAdbrahmAdyA labhante vA~nChitaM phalam || 12|| dAridryanAsho jAyeta yasmin shrutipathaM gate | vivakShitArthanirvAhA mukhAn saratIha gIH || 13|| nR^ipANAM rAjyahInAnAM yena rAjyaM bhaviShyati | aputraH putravAnyena vandhyA putravatI bhavet || 14|| shatrUNAmachirAnnAsho j~nAnaM j~nAnaiShiNAmapi | chaturvargaphalaM yasya kShaNAdbhavati suvrata || 15|| bhUtapretapishAchAdyA yakSharAkShasapannagAH | bhUtajvarAdirogAshcha yasya smaraNamAtrataH || 16|| muchyante munishArdUla yenAkhilajagaddhR^itam | tadetaditi nishchitya sarvashAstravishArada || 17|| sarvalokahitArthAya brUhi me sakalaM guro | ityuktastena muninA vyAsenAmitatejasA || 18|| baddhA~njalipuTo bhUtvA sAdaraM nArado muniH | namaskR^itya jaganmUlaM lakShmIkAntaM parAtparam || 19|| uvAcha paramaprItaH karuNAmR^itadhArayA | ApyAyayanmunInsarvAn vyAsAvAdIn brahmatatparAn || 20|| nAradaH \- bahirantastamachChedi jyotirvande sudarshanam | yenAvyAhatasa~NkalpaM vastu lakShmIdharaM viduH || 21|| OM asya shrIsudarshanarasahasranAmastotramahAmantrasya ahirbudhnyo bhagavAnR^iShiH anuShTup ChandaH shrIsudarshana\- mahAviShNurdevatA raM bIjam, huM shaktiH, phaTa~nchakalikam, rAM rIM rUM raiM rauM raH iti mantraH, shrIsudarshanaprasAdasiddhyarthe jape viniyogaH | OM rAM a~NguShThAbhyAM namaH, OM rIM tarjanIbhyAM namaH, OM rUM madhyamAbhyAM namaH, OM raiM anAmikAbhyAM namaH, OM rauM kaniShThikAbhyAM namaH, OM raH karatalakarapR^iShThAbhyAM namaH | evaM hR^idayAdinyAsaH \- OM rAM j~nAnAya hR^idayAya namaH OM rIM aishvaryAya shirase svAhA, OM rUM shaktyai shikhAyai vaShaT OM raiM balAya kavachAya huM, OM rauM vIryAyAstrAya phaT, OM raH tejase netrAbhyAM vauShaT iti vA | atha digbandhaH \- OM ThaNThaM pUrvAM dishaM chakreNa badhnAmi namashchakrAya huM phaT svAhA, OM ThaNThaM AgneyIM dishaM, OM ThaNThaM yAmyAM dishaM, OM ThaNThaM nairR^ityAM dishaM, OM ThaNThaM vAruNIM dishaM, OM ThaNThaM vAyavIM dishaM, OM ThaNThaM kauberIM dishaM, OM ThaNThaM aishAnIM dishaM, OM ThaNThaM UrdhvAM dishaM, OM ThaNThaM adharAM dishaM, OM ThaNThaM sarvA dishaH chakreNa badhnAmi namashchakrAya huM phaT svAhA | iti digbandhaH | dhyAnam\- kalpAntArkaprakAshaM tribhuvanamakhilaM tejasA pUrayantaM raktAkShaM pi~NgakeshaM ripukulabhayadaM bhImadaMShTrATTahAsam | sha~NkhaM chakraM gadAbjaM pR^ithutaramusalaM chApapAshA~NkushAdIn bibhrANaM dorbhirAdyaM manasi murariporbhAvaye chakrarAjam || sha~NkhaM chakraM gadAbjaM sharamasimiShudhiM chApapAshA~NkushAdIn bibhrANaM vajrakheTaM halamusalalasakuntamatyugradaMShTram | jvAlAkeshaM trinetraM jvaladanalanibhaM hArakeyUrabhUShaM dhyAyetShaTkoNasaMsthaM sakalaripujanaprANasaMhArachakram || kalyANaguNasampannaH kalyANavasanojjvalaH | kalyANAchalagambhIraH kalyANajanara~njakaH || 1|| kalyANadoShanAshashcha kalyANaruchirA~NgakaH | kalyANA~NgadasampannaH kalyANAkArasannibhaH || 2|| karAlavadano.atrAsI karAlA~Ngo.abhaya~NkaraH | karAlatanujoddAmaH karAlatanubhedakaH || 3|| kara~njavanamadhyasthaH kara~njadadhibhojanaH | kara~njAsurasaMhartA kara~njamadhurA~NgakaH || 4|| kha~njanAnandajanakaH kha~njanAhArajUShitaH | kha~njanAyudhabhR^iddivyakha~njanAkhaNDagarvahR^it || 5|| kharAntakaH khararuchiH kharaduHkhairasevitaH | kharAntakaH kharodAraH kharAsuravibha~njanaH || 6|| gopAlo gopatirgoptA gopastrInAthara~njakaH | gojAruNatanurgojo gojAratikR^itotsavaH || 7|| gambhIranAbhirgambhIro gambhIrArthasamanvitaH | gambhIravaidyamaruto gambhIraguNabhUShitaH || 8|| ghanarAvo ghanaruchirghanagambhIraniHsvanaH | ghanAdhanaughanAshI cha ghanasantAnadAyakaH || 9|| ghanarochirdhanacharo ghanachandanacharchitaH | ghanahetirghanabhujo ghano.akhilasurArchitaH || 10|| ~NakArAvadhivibhavo ~NakAro munisammataH | ~NakAravItasahito ~NakArAkArabhUShitaH || 11|| chakrarAjashchakrapatishchakrAdhIshaH suchakrabhUH | chakrasevyashchakradharashchakrabhUShaNabhUShitaH || 12|| chakrarAjaruchishchakrashchakrapAlanatatparaH | chakradhR^ichchakravaradashchakrabhUShaNabhUShitaH || 13|| suchakradhIH suchakrAkhyaH suchakraguNabhUShitaH | vichakrashchakraniratashchakrasampannavaibhavaH || 14|| chakradoshchakradashchakrashchakrarAjaparAkramaH | chakranAdashchakracharashchakragashchakrapAshakR^it || 15|| chakravyApI chakragurushchakrahArI vichakrabhR^it | chakrA~NgashchakramahitashchakravAkaguNAkaraH || 16|| Achakrashchakradharmaj~nashchakrakashchakramardanaH | AchakraniyamashchakraH sarvapApavidhUnanaH || 17|| chakrajvAlashchakradharashchakrapAlitavigrahaH | chakravartI chakradAyI chakrakArI madApahaH || 18|| chakrakoTimahAnAdashchakrakoTisamaprabhaH | chakrarAjAvanacharashchakrarAjAntarojjvalaH || 19|| chashchalArAtidamanashcha~nchalasvAntaromakR^it | chashchalo mAnasollAsI cha~nchalAchalabhAsuraH || 20|| cha~nchalArAtiniratashcha~nchalAdhikacha~nchalaH | ChAyayAkhilatApadhnashChAyAmadavibha~njanaH || 21|| ChAyApriyo.adhikaruchichChAyAvR^ikShasamAshrayaH | ChAyAnvitashChAyayArchyashChAyAdhikasukhapradaH || 22|| ChAyAmbaraparIdhAnashChAyAtmajanamu~nchitaH | jalajAkShIpriyakaro jalajAnandadAyakaH || 23|| jalajAsiddhiruchiro jalajAlasamo bharaH | jalajAlApasaMstutyo jalajAtAya modakR^it || 24|| jalajAhArachaturo jalajArAdhanotsukaH | janakastutisantuShTo janakArAdhitAdhikaH || 25|| janakAmodanaparo janakAnandadAyakaH | janakAdhyAnasantuShTahR^idayo janakArchitaH || 26|| janakAnandajanano janakR^iddhR^idayAmbujaH | jha~njhAmArutavegADhyo jha~njhAmArutasa~NgaraH || 27|| jha~njhAmArutasarAvo jha~njhAmArutavikramaH | ~nakArAmbujamadhyastho ~nakArakR^itasannidhiH || 28|| Ta~NkadhArI Ta~NkavapuShTa~NkasaMhArakArakaH | Ta~NkachChinnasuvarNAbhaShTa~NkAradhanurujjvalaH || 29|| Ta~NkArAgnisamAkAraShTa~NkAraravameduraH | Ta~NkArakIrtibharitaShTa~NkArAnandavardhanaH || 30|| DambhasaMhatisaMhartA DambhasantativardhanaH | DambhadhR^igDambhahR^idayo DambhadaNDanatatparaH || 31|| DimbhadhR^igDimbhakR^iDDimbho DimbhasUdanatatparaH | DimbhapApaharo DimbhasambhAvitapadAmbujaH || 32|| DimbharodyatkaTambAjo DamarudhyAnatatparaH | DamarUdbhavasaMhartA DamarUdbhavanandanaH || 33|| DADimIvanamadhyastho DADimIkusumapriyaH | DADimIphalasantuShTo DADimIphalavarjitaH || 34|| DhakkAmanoharavapurDhakkAravavirAjitaH | DhakkAvAdyeShu nirato DhakAdhAraNatatparaH || 35|| DhakArabIjjasampanno DhakArAkSharameduraH | DhakAramadhyasadano DhakAravihitAntrakaH || 36|| NakArabIjavasatirNakAravasanojjvalaH | NakArAtigabhIrA~Ngo NakArArAdhanapriyaH || 37|| taralAkShImahAhartA tArakAsurahR^ittariH | taralojjvalahArADhyastaralasvAntara~njakaH || 38|| tArakAsurasaMsevyastArakAsuramAnitaH | tura~NgavadanastotrasantuShTahR^idayAbhyujaH || 39|| tura~NgavadanaH shrImAMstura~NgavadanastutaH | tamaHpaTalasa~nChannastamaHsantatimardanaH || 40|| tamonudo jalashayastamaHsaMvardhano haraH | thavarNamadhyasaMvAsI thavarNavarabhUShitaH || 41|| thavarNabIjasampannasthavarNaruchirAlayaH | darabhR^iddarasArAkSho darahR^iddarava~nchakaH || 42|| daraphullAmbujaruchirdarachakravirAjitaH | dadhisa~NgrahaNavyagro dadhipANDarakIrtibhR^it || 43|| dadhyannapUjanarato dadhivAmanamodakR^it | dhanvI dhanapriyo dhanyo dhanAdhipasama~nchitaH || 44|| dharo dharAvanarato dhanadhAnyasamR^iddhidaH | dhananvayo dhanAdhyakSho dhanado dhanavarjitaH || 45|| dhanagrahaNasampanno dhanasammatamAnasaH | dhanarAjavanAsakto dhanarAjayashobharaH || 46|| dhanarAjamadAhartA dhanarAjasamIDitaH | dharmakR^iddharmabhR^iddharmI dharmanandanasannutaH || 47|| dharmarAjo dhanAsakto dharmaj~nAkalpitastutiH | nararAjAvanAyatto nararAjAya nirbharaH || 48|| nararAjastutaguNo nararAjasamujjvalaH | navatAmarasodAro navatAmarasekShaNaH || 49|| navatAmarasAhAro navatAmarasAruNaH | navasauvarNavasano navanAthadayAparaH || 50|| navanAthastutanado navanAthasamAkR^itiH | nAlikAnetramahito nAlikAvalirAjitaH || 51|| nAlikAgatimadhyastho nAlikAsanasevitaH puNDarIkAkSharuchiraH puNDarIkamadApahaH || 52|| puNDarakimunistutyaH puNDarIkasuhR^id.hyutiH | puNDarIkaprabhAramyaH puNDarIkanibhAnanaH || 53|| puNDarIkAkShasanmAnaH puNDarIkadayAparaH | paraH parAgativapuH parAnandaH parAtparaH || 54|| paramAnandajanakaH paramAnnAdhikapriyaH | puShkarAkShakarodAraH puShkarAkShaH shiva~NkaraH || 55|| puShkaravrAtasahitaH puShkarAravasaMyutaH | phaTkArataH stUyamAnaH phaTkArAkSharamadhyagaH || 56|| phaTkAradhvastadanujaH phaTkArAsanasa~NgataH | phalAhAraH stutaphalaH phalapUjAkR^itotsavaH || 57|| phaladAnarato.atyantaphalasampUrNamAnasaH | balastutirbalAdhAro balabhadrapriya~NkaraH || 58|| balavAnbalahArI cha balayugvairibha~njanaH | baladAtA baladharo balarAjitavigrahaH || 59|| balAdvalo balakaro balAsuraniShUdanaH | balarakShaNaniShNAto balasammodadAyakaH || 60|| balasampUrpAhR^idayo balasaMhAradIkShitaH | bhavastuto bhavapatirbhavasantAnadAyakaH || 61|| bhavadhvaMsI bhavaharo bhavastambhanatatparaH | bhavarakShaNaniShNAto bhavasantoShakArakaH || 62|| bhavasAgarasa~nChettA bhavasindhusukhapradaH | bhadrado bhadrahadayo bhadrakAryasamAshritaH || 63|| bhadrashrIcharchitatanurbhadrashrIdAnadIkShitaH | bhadrapAdapriyo bhadro hyabhadravanabha~njanaH || 64|| bhadrashrIgAnasaraso bhadramaNDalamaNDitaH | bharadvAjastutapado bharadvAjasamAshritaH || 65|| bharadvAjAshramarato bharadvAjadayAkaraH | masAranIlaruchiro masAracharaNojjvalaH || 66|| masArasArasatkAryo masArAMshukabhUShitaH | mAkandavanasa~nchArI mAkandajanara~njakaH || 67|| mAkandAnandamandAro mAkandAnandabandhuraH | maNDalo maNDalAdhIsho maNDalAtmA sumaNDalaH || 68|| maNDalesho maNDalAntarmaNDalArchitamaNDalaH | maNDalAvananiShNAto maNDalAvaraNI ghanaH || 69|| maNDalastho maNDalAgryo maNDalAbharaNA~NkitaH | madhudAnavasaMhartA madhuma~njulavAgbharaH || 70|| madhudAnAdhikarato madhuma~NgalavaibhavaH | madhujetA madhukaro madhuro madhurAdhipaH || 71|| madhuvAraNasaMhartA madhusantAnakArakaH | madhumAsAtiruchiro madhumAsavirAjitaH || 72|| madhupuShTo madhutanurmadhugo madhusaMvaraH | madhuro madhurAkAro madhurAmbarabhUShitaH || 73|| madhurAnagarInAtho madhurAsurabha~njanaH | madhurAhAranirato madhurAhlAdadakShiNaH || 74|| madhurAmbhojanayano madhurAdhipasa~NgataH | madhurAnandachaturo madhurArAtisa~NgataH || 75|| madhurAbharaNollAsI madhurA~NgadabhUShitaH | mR^igarAjavanIsakto mR^igamaNDalamaNDitaH || 76|| mUgAdaro mR^igapatirmR^igArAtividAraNaH | yaj~napriyo yashavapuryashasamprItamAnasaH || 77|| yaj~nasantAnanirato yaj~nasambhArasambhramaH | yaj~nayaj~no yaj~napado yaj~nasampAdanotsukaH || 78|| yaj~nashAlAkR^itAvAso yaj~nasambhAvitAnnakaH | rasendro rasasampanno rasarAjo rasotsukaH || 79|| rasAnvito rasadharo rasachelo rasAkaraH | rasajetA rasashreShTho rasarAjAbhira~njitaH || 80|| rasatattvasamAsakto rasadAraparAkramaH | rasarAjo rasadharo rasesho rasavallabhaH || 81|| rasanetA rasAvAso rasotkaravirAjitaH | lava~NgapuShpasantuShTo lava~NgakusumochitaH || 82|| lava~Ngavanamadhyastho lava~NgakusumotsukaH | latAvalisamAyukto latArasasamarchitaH || 83|| latAbhirAmatanubhR^illatAtilakabhUShitaH | vIrastutapadAmbhojo virAjagamanotsukaH || 84|| virAjapatramadhyastho virAjarasasevitaH | varado varasampanno varo varasamunnataH || 85|| varastutirvardhamAno varadhR^idvarasambhavaH | varadAnarato varyo varadAnasamutsukaH || 86|| varadAnArdrahR^idayo varavAraNasaMyutaH | shAradAstutapAdAbjaH shAradAmbhojakIrtibhR^it || 87|| shAradAmbhojjanayanaH shAradAdhyakShasevitaH | shAradApIThavasatiH shAradAdhipasannutaH || 88|| shAradAvAsadamanaH shAradAvAsabhAsuraH | shatakratustUyamAnaH shatakratuparAkramaH || 89|| shatakratusamaishvaryaH shatakratumadApahaH | sharachApadharaH shrImAn sharasambhavavaibhavaH || 90|| sharapANDarakIrtishrIH sharatsArasalochanaH | sharasa~NgamasampannaH sharamaNDalamaNDitaH || 91|| sharAtigaH sharadharaH sharalAlanalAlasaH | sharodbhavasamAkAraH sharayuddhavishAradaH || 92|| sharavR^indAvanaratiH sharasammatavikramaH | ShaTpadaH ShaTpadAkAraH ShaTpadAvalisevitaH || 93|| ShaTpadAkAramadhuraH ShaTpadI ShaTpadoddhataH | ShaDa~NgavedavinutaH ShaDa~NgapadameduraH || 94|| ShaTpadmakavitAvAsaH ShaDbindurachitadyutiH | ShaDbindumadhyavasatiH ShaDbinduvishadIkR^itaH || 95|| ShaDAmnAyastUyamAnaH ShaDAmnAyAntarasthitaH | ShaTChaktima~NgalavR^itaH ShaTchakrakR^itashekharaH || 96|| sArasArasaraktA~NgaH sArasArasalochanaH | sAradIptiH sAratanuH sArasAkShakarapriyaH || 97|| sAradIpI sArakR^ipaH sArasAvanakR^ijjvalaH | sAra~NgasAradamanaH sArakalpitakuNDalaH || 98|| sArasAraNyavasatiH sArasAravameduraH | sAra(sAma)gAnapriyaH sAraH sArasArasupaNDitaH || 99|| sadrakShakaH sadAmodI sadAnandanadeshikaH | sadvaidyavandyacharaNaH sadvaidyojjvalamAnasaH || 100|| harijetA hariratho harisevAparAyaNaH | harivarNo haricharo harigo harivatsalaH || 101|| haridro harisaMstotA haridhyAnaparAyaNaH | harikalpAntasaMhartAharisArasamujjvalaH || 102|| harichandanaliptA~Ngo harimAnasasammataH | harikAruNyanirato haMsamochanalAlasaH || 103 hariputrAbhayakaro hariputrasama~nchitaH | haridhAraNasAnnidhyo harisammodadAyakaH || 104 hetirAjo hetidharo hetinAyakasaMstutaH | hetirharirhetivapurhetihA hetivardhanaH || 105 hetihantA hetiyuddhakaro hetivibhUShaNaH | hetidAtA hetiparo hetimArgapravartakaH || 106|| hetisantatisampUrNo hetimaNDalamaNDitaH | hetidAnaparaH sarvahetyugraparibhUShitaH || 107 haMsarUpIhaMsagatirhaMsasannutavaibhavaH | haMsamArgarato haMsarakShako haMsanAyakaH || 108|| hasadR^iggocharatanurhaMsasa~NgItatoShitaH | haMsajetA haMsapatirhaMsago haMsavAhanaH || 109|| haMsajo haMsagamano haMsarAjasupUjitaH | haMsavego haMsadharo haMsasundaravigrahaH || 110|| haMsavatsundaratanurhaMsasa~NgatamAnasaH | haMsasvarUpasAraj~no haMsasannatamAnasaH || 111|| haMsasaMstutasAmarthyo harirakShaNatatparaH | hasasaMstumAhAtkhyo haraputraparAkramaH || 112|| kShIrArNavasamudbhUtaH kShIrasambhavabhAvitaH | kShIrAbdhinAthasaMyuktaH kShIrakIrtivibhAsuraH || 113|| kShaNadAravasaMhartA kShaNadAravasammataH | kShaNadAdhIshasaMyuktaH kShaNadAnakR^itotsavaH || 114|| kShIrAbhiShekasantuShTaH kShIrapAnAbhilAShukaH | kShIrAjyabhojanAsaktaH kShIrasambhavavarNakaH || 115|| ityetatkathitaM divyaM sarvapApapraNAshanam | sarvashatrukShayakaraM sarvasampatpradAyakam || 116|| sarvasaubhAgyajanakaM sarvama~NgalakArakam | sarvadAridryashamanaM sarvopadravanAshanam || 117|| sarvashAntikaraM guhyaM sarvaroganivAraNam | atibandhagrahaharaM sarvaduHkhanivArakam || 118|| nAmnAM sahasraM divyAnAM chakrarAjasya satpateH | nAmAni hetirAjasya ye paThantIha mAnavAH | teShAM bhavanti sakalAH sampado nAtrasaMshayaH || 119|| iti ahirbudhnyasaMhitAntargataM sudarshananAmastotraM sampUrNam | ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}