% Text title            : sundarastavaH
% File name             : sundarastavaH.itx
% Category              : vishhnu
% Location              : doc\_vishhnu
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsundarastavaH ..}##
\itxtitle{.. shrIsundarastavaH ..}##\endtitles ##

jAmbavatsmAritabalaM sAgarolla~Nghanotsukam |
smaratAM sphUrtidaM dInarakShakaM naumi mArutim || 1||
mainAka\-surasA\-siMhIratila~NghyAmbudhestaTe |
pR^iShadaMshAlpakAkAraM tiShThantaM naumi mArutim || 2||
trikUTashR^i~NgavR^ikShAgraprAkArAdiShvavasthitam |
durgarakShekShaNodvignachetasaM naumi mArutim || 3||
la~NkayA.adhR^iShyayA vAmamuShTighAtAvaghUrNayA |
uktvA.a.ayatimanuj~nAtaM sotsAhaM naumi mArutim || 4||
vividhairbhavanairdIptAM purIM rAkShasasa~NkulAm |
pashyantaM rAkShasendrAntaHpuragaM naumi mArutim || 5||
jyotsnAyAM nishyatiramyeShu harmyeShu janakAtmajAm |
mArgamANAmadR^iShTvA tAM viShaNNAM naumi mArutim || 6||
kumbhakarNAdirakSho.agryaprAsAdAvR^itamuttamam |
suguptaM rAvaNagR^ihaM vishantaM naumi mArutim || 7||
puShpakAkhyaM rAjagR^ihaM bhUsvargaM vismayAvaham |
dR^iShTvApyadR^iShTA vaidehI duHkhitaM naumi mArutim || 8||
ratnojjvalaM vishvakarmanirmitaM kAmagaM shubham |
pashyantaM puShpakaM sphAranayanaM naumi mArutim || 9||
sa~NkulAntaHpuraM suptanAnAyauvatamachChalam |
dR^iShTvA.apyavikR^itaM sItAM didR^ikShuM naumi mArutim || 10||
pIvAnaM rAvaNaM suptaM tatpatnIM shayane.anyataH |
dR^iShTvA sIteti saMhR^iShTaM chapalaM naumi mArutim || 11||
suptastrIdR^iShTinaShTAtma brahmacharyavisha~Nkinam |
apakamyA.a.apAnabhUmiM gachChantaM naumi mArutim || 12||
kAlAtpaya\-nR^ipakrodha\-kAryAsiddhi\-visha~Nkitam |
nirviNNamapyanirvede dR^iShTArthaM naumi mArutim || 13||
punarnivR^ittau kApeyamAnuShApAyasha~Nkinam |
rAmAdIn siddhaye natvottiShThantaM naumi mArutim || 14||
sItAmashokavanikAnadyAM snAnArthameShyatIm |
draShTuM puShpitavR^ikShAgranilInaM naumi mArutim || 15||
sItAM dR^iShTvA shiMshapAdhaH sthitAM chAritramAtR^ikAm |
manasA rAmamAsAdya nivR^ittaM naumi mArutim || 16||
iha sItA tato rAmaH IdR^ishIyaM sa tAdR^ishaH |
anyonyamarhata iti stuvantaM naumi mArutim || 17||
rAkShasIveShTiteheyaM taddraShTAhaM nR^ipAtmajau |
namAmi sukR^itaM me.atItyAshvastaM naumi mArutim || 18||
suptotthitaM dR^iShTapUrvaM rAvaNaM pramadA.a.avR^itam |
sItopachChandakaM dR^iSh~NkA.avaplutaM naumi mArutim || 19||
rAvaNAgamanodvigrAM viShaNNAM vIkShya maithilIm |
sarvopamAdravyadUrAM sIdantaM naumi mArutim || 20||
sAntvenAnupradAnena shauryeNa janakAtmajAm |
rakSho.adhipe lobhayati vR^ikShasthaM naumi mArutim || 21||
mAM pradhR^iShya satIM nashyeriti taddhitavAdinIm |
karuNAM rUpiNIM sItAM pashyantaM naumi mArutim || 22||
mAsadvayAvadhiM kR^itva smArayitvA.a.atmapauruSham |
apayAtaM rAvaNaM dhikkurvantaM naumi mArutim || 23||
kulaM vIryaM prema gatyantarAbhAvaM viShTavatIH |
rAkShasIrdurmukhImukhyAH jighatsuM naumi mArutim || 24||
kruddhAbhirbhartsyamAnAM tAM AtmAnamanushochatIm |
devIM vilokya rudatIM khidyantaM naumi mArutim || 25||
punarnirbhatsanaparAsvAsu veNIspR^iga~Ngulim |
mAnuShyagarhiNIM devIM pashyantaM naumi mArutim || 26||
vilapantIM janasthAnAharaNAdyanuchintanaiH |
prANatyAgaparAM sItAM dR^iShTvA.a.artaM naumi mArutim || 27||
trijaTAsvaprasaMhR^iShTAM rakShaHstrIbhyo.abhayapradAm |
asvasthahR^idayAM devIM pashyantaM naumi mArutim || 28||
achirAdAtmaniryAtamadR^iShTvodbandhanodyatAm |
sItAM dR^iShTvA shiMshapAdha udvignaM naumi mArutim || 29||
vAmAkShyUrubhujaspandaiH nimittairmuditAM shanaiH |
sItAM shAntajvarAM dR^iShTvA prahR^iShTaM naumi mArutim || 30||
dR^iShTA.atreyaM kathaM sAntvyopeyA.a.avedyA cha vedmyaham |
iti rAmakathAkhyAnapravR^ittaM bhomi mArutim || 31||
supte rakShigaNe shrutvA shubhAM rAmakathAM drumam |
utpashyantIM janakajAM pashyantaM naumi mArutim || 32||
svapne kapirdurnimittaM shrutA rAmakathA shubhA |
dervI dvedhA vimuhyantIM pashyantaM naumi mArutim || 33||
kA tvaM vasiShThachandrAtripatnIShviti vitarkitaiH |
sItAmaunamapAsyantaM praNataM naumi mArutim || 34||
rAmadUto.asmi mA bhaiShIH shraddhatsva pratineShyase |
visha~NkAM santyajetyevaM vadantaM naumi mArutim || 35||
sugrIvasakhyaM bhUShAdyAvedanaM vAlino vadham |
tIrtvAbdhiM darshanaM devyA AravyAntaM naumi mArutim || 36||
abhij~nAnena sugrIvodyogena virahAdhinA |
sukhinIM duHkhinIM devIM pashyantaM naumi mArutim || 37||
mAnirnI dR^iDhavisrambhAM rAghavodyogakA~NkShiNIm |
rakSho jitvaiva neyAM tAM namantaM naumi mArutim || 38||
kAkodantaM rAmaguNAn devR^ibhaktiM shiromaNim |
abhij~nAnatayA dAtrIM dhyAyantaM naumi mArutim || 39||
maNau pratItAmutsAhodyojanaprArthinIM satIm |
AshvAsayantamuchitairhetubhirnaumi mArutim || 40||
punastadevAbhij~nAnaM smArayantyA kR^itAshiSham |
maithilyA manasA rAmamAsannaM naumi mArutim || 41||
dR^iShTvA sItAM dhruve janye j~nAtuM rakShobalaM vanam |
vinAshya toraNAsInaM yuyutsuM naumi mArutim || 42||
rAkShasIj~nAtavR^ittAntarAvaNapreShitAnkShaNAt |
nighnantaM ki~NkarAnekaM jayaShNuM naumi mArutim || 43||
jayatyatibala iti garjantaM pAdapAgninA |
dagdhvA chaityaM punaH sa~NgrAmotyukaM naumi mArutim || 44||
parighIkR^itya sAladruM prahastasutamAraNam |
dashagrIvabaleyattA jij~nAsuM naumi mArutim || 45||
saptAmAtpasutAnAtmaninadairgatijIvitAn |
kR^itvA punastoraNAgre lasantaM naumi mArutim || 46||
udvignarAvaNAj~naptapR^itanApatipa~nchakam |
prApayya pa~nchatAM toraNAgrasthaM naumi mArutim || 47||
akShaM rAjAtmajaM vIraM darshanIyaparAkramam |
hatvA niyuddhe tiShThantaM toraNe naumi mArutim || 48||
nItamindrajitA.astreNa brAhmeNa kShaNarodhinA |
sabhAstharAvaNodIkShAvismitaM naumi mArutim || 49||
dashAsyaM mantrisaMvItaM varodIrNaM mahAdyutim |
anAdR^ityAhavaklAntiM pashyantaM naumi mArutim || 50||
ko.asi kasyAsi kenAtrAgato bhagnaM vanaM kutaH |
prahastasyottaraM dAtumudyuktaM naumi mArutim || 51||
sugrIvasachivaM rAmadUtaM sItopalabdhaye |
prAptamuktvA taddhitoktinirataM naumi mArutim || 52||
bhrAtR^isAntvitapaulastyAdiShTavAlAgniyojanam |
kartavayachintA.ativyagramudIrNaM naumi mArutim || 53||
vAladAhabhiyA sItAprArthanAshItalAnalam |
prINayantaM purIdAhAdbhIShaNaM naumi mArutim || 54||
avadhya iti vAlAgranyastAgniM nagarIM kShaNAt |
dahantaM siddhagandharvaiH stutaM taM naumi mArutim || 55||
labdhA sItA ripurj~nAtaH balaM dR^iShTaM vR^ithA.akhilam |
sItA.api mauDhyAddagdheti sIdantaM naumi mArutim || 56||
ApR^ichChya maithilIM rAmadarshanatvarayA.achalAt |
trikUTAdutpatantaM taM kR^itArthaM naumi mArutim || 57||
sopAyanaira~NgadAdyaiH unnadadbhirupAsthitam |
dR^iShTA sItetyudIryAtha vyAkhyAntaM naumi mArutim || 58||
tIrtvA.anviShyopalabhyAshvAsya cha bhaktyopadishya cha |
dagdhvA dR^iShTvA.a.agato.asmIti bruvantaM naumi mArutim || 59||
dR^iShTvA sItAM rAmanAma shrAvayitvA samAgataH |
brUta kartavyamityetAn pR^ichChantaM naumi mArutim || 60||
na vayaM kapirADatra pramANaM pratiyAma tam |
kurmastadAdiShTamiti pratyuktaM naumi mArutim || 61||
madhyemArgaM madhuvane nipIya madhu puShkalam |
nadadbhirvAnaraiH sAkaM krIDantaM naumi mArutim || 62||
mAdyannR^ityatkapivR^itaM dhvaste madhuvane kShaNAt |
abhiyuktaM dadhimukhenAvyagraM naumi mArutim || 63||
sItAM dR^iShTAM madhuvanadhvasAdvij~nAya tuShyatA |
didR^ikShitaM kapIshenAtyAdarAnnaumi mArutim || 64||
nishamya sugrIvAdeshaM tvaritaiH sakhibhirvR^itam |
sugrIveNAdarAddR^iShTaM mahitaM naumi mArutim || 65||
niyatAmakShatAM sItAmabhij~nAnaM maNiM cha tam |
nivedya prA~njaliM prahvaM kR^itArthaM naumi mArutim || 66||
dR^iShTvA chUDAmaNiM sAshru smR^itvA tAtavidehayoH |
rAmeNa vR^ittavistAre choditaM naumi mArutim || 67||
visrambhaM tarjanaM shokAvegaM cha samayAvadhim |
sandeshamuktvA kartavyodyojakaM naumi mArutim || 68||
tvachchittA tvayi visrabdhA vijitya ripuma~njasA |
pratyAdeyeti vinayAdvadantaM naumi mArutim || 69||
snigdharAmaparIrambhamugdhasmeramukhAmbujam |
hR^idayAsInavaidehIrAghavaM naumi mArutim || 70||

(sundarakANDapratisargasa~NgrahAtmakaH)
iti shrIbAlakR^iShNashAstrivirachitaH sundarastavaH sampUrNaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}