% Text title            : Tattvapurushashtakam samIkShaNasahitam
% File name             : tattvapuruShAShTakamsamIkShaNam.itx
% Category              : vishhnu, viShNu, article, pradIptakumArananda, aShTaka, misc, krishna
% Location              : doc\_vishhnu
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda pknanda65 at gmail.com
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : August 21, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tattvapurushashtakasya Ekam Darshanika-Sahityika-Samikshanam ..}##
\itxtitle{.. tattvapuruShAShTakasya\-ekaM dArshanika\-sAhityika\-samIkShaNam ..}##\endtitles ##
\section{prastAvanA}
pro. pradIptakumAranandena virachitaM \ldq{}tattvapuruShAShTakam\rdq{} bhagavataH shrIjagannAthasya tAttvika.n, AdhyAtmika.n, bhaktiparakaM cha svarUpaM prakAshayati | asmin stotre shrIjagannAthaH kevalaM viShNurUpeNa vA kR^iShNarUpeNa vA na nirUpitaH, apitu puruShottamaH, dArubrahma, vedAntavedyaH, brahmasvarUpaH, samastadarshanasamanvitaH paramapuruShaH iti bahumukhena pratipAditaH |

asyAShTakasya visheShatA tu na kevalaM bhagavadbhaktiH, api tu tattvachintanasya, purIkShetrasya sA.nskR^itikavaishiShTyasya, jagannAthIyaparamparAyAH, vaiShNava\-shAkta\-shaiva\-sarvadarshanasamanvayasya cha sundaraH samanvayaH asti |
pratyekasya shlokasya ante prayukta.n\-
\ldq{}sajjIbhUtasapakShatattvapuruShe rAjIvanetre manaH || \rdq{} 

iti dhruvapadaM sampUrNasya kAvyasya dArshanikaM kendrabinduM nirmAti | kaviH svamanaH kamalanayanasya tattvapuruShasya charaNayoH sthirIkartumichChati |
\section{1\. prathamashlokasya dArshanikasamIkShaNam}
AjIve yadi durgatiH pravidhinA yAjishcha nIlAchale
vyAjI mA bhava vAsudeva bhagavan vAjIva kAryaM chara |
rAjIbhUtasamastadarshanapure chAbjau chiraM sundare
sajjIbhUtasapakShatattvapuruShe rAjIvanetre manaH ||

prathamashloke kavinA mAnavIyajIvanasya durgatiH, karmavidhAnam, nIlAchalasya pAvanatA cha sUchitA | \ldq{}vAsudeva\rdq{} iti sambodhanaM bhagavantaM shrIkR^iShNa\-viShNutattvena saha sambadhnAti |

atra \ldq{}samastadarshanapure\rdq{} iti padaM visheShatayA vichAraNIyam | jagannAthapurI kevalaM tIrthakShetraM na, apitu vividhabhAratIyadarshanAnAM samanvayabhUmiriva kavinA kalpitA | vaiShNavamata.n, shAktamata.n, shaivamata.n, bauddha\-jainaparamparA, vedAntaH ityAdInAM vividhadR^iShTInAM madhye jagannAthatattvaM ekaM vyApakaM samanvayakendratvena pratibhAti |

ataH asya shlokasya mUlabhAvaH\-anekadarshanAnAM madhye ekasya paramasatyasya anveShaNam iti |
\section{2\. dvitIyashlokasya dArshanikasamIkShaNam}
kruddho mA bhava he vishuddhahR^idaya premAmbudhArAdhara
vR^iddho.ahaM ghanaghoraduHkhajaladhau ruddhIkR^ito mAnavaH |
shuddhIbhAvarasAvalau nijasukhe baddho mahAdArave
sajjIbhUtasapakShatattvapuruShe rAjIvanetre manaH ||

asmin shloke jIvasya sa.nsAraduHkhAnubhavaH tathA bhagavataH karuNAmayasvarUpaM pratipAdyate | kaviH svAtmAnaM \ldq{}ghanaghoraduHkhajaladhau ruddhIkR^itaH mAnavaH\rdq{} iti varNayati | ayaM sa.nsArasAgarasya rUpakaprayogaH |
bhagavAn tu\-
\ldq{}premAmbudhArAdharaH\rdq{} 

iti visheShitaH | saH premarUpAmR^itadhArAM vahati | ataH jIvasya duHkhasya pratipakSharUpeNa bhagavataH premasvarUpaM pratiShThApyate |

\ldq{}shuddhIbhAva\rdq{}, \ldq{}nijasukha\rdq{} ityAdipadAni AtmashuddheH tathA paramasukhasya dyotakAni | atra bhaktimArgasya antimaM phalam AtmashuddhiH tathA bhagavatsAnnidhyajanitaM paramAnandaM manyate |
\section{3\. tR^itIyashlokasya dArshanikasamIkShaNam}
jIvI tatpadapa~NkajAmR^itasukhe sevI kalAvAmane
devIdakShiNakAlikApriyatanau dhAvI sadA shArade |
bhAvI shrIharikIrtane.atinipuNe AbhIravAmApriye
sajjIbhUtasapakShatattvapuruShe rAjIvanetre manaH ||

ayaM shlokaH sampUrNAShTake visheShadArshanikamahattvaM vahati | atra ekasminneva padye hariH, vAmanaH, dakShiNakAlikA, shAradA, harikIrtanam ityAdInAM nirdeshaH dR^ishyate |

ataH kavinA bhagavattattvaM ekasya sampradAyasya parisare na sImitam | shakti, viShNu, sarasvatI tathA bhaktimArgAH parasparaM sambaddhAH iti bhAvaH prakAshyate |
visheShataH\-
\ldq{}devIdakShiNakAlikApriyatanau\rdq{} 
ityanena shAktatattvasya, tathA\-
\ldq{}shrIharikIrtane\rdq{} 
ityanena vaiShNavabhakteH samanvayaH dR^ishyate |

evaM atra j~nAna.n, shaktiH, bhaktiH iti trayasya AdhyAtmikasamanvayaH pratipAditaH |
\section{4\. chaturthashlokasya sAhityika\-sA.nskR^itikasamIkShaNam}
haTTe sAdumahAprasAdamadhure paTTe mahADambare
goShThe suShThumahIpurIpriyatame preShThapriye gaurave |
shreShThe kaShTahare purANapuruShe shrIrAjarAjeshvare
sajjIbhUtasapakShatattvapuruShe rAjIvanetre manaH ||

asmin shloke purIkShetrasya laukika\-sA.nskR^itikaM dhArmikaM cha svarUpaM pratyakShatayA chitritam | \ldq{}haTTam\rdq{}, \ldq{}mahAprasAdaH\rdq{}, \ldq{}paTTam\rdq{}, \ldq{}goShThaH\rdq{}, \ldq{}purI\rdq{} ityAdIni padAni jagannAthasa.nskR^iteH sAmAjikajIvanaM smArayanti |

visheShataH mahAprasAdaH kevalaM khAdyapadArthaH na, api tu jagannAthaparamparAyAM samatA, prasAdatva.n, sAmudAyikaikatA cha sUchayati |
\ldq{}purANapuruShe shrIrAjarAjeshvare\rdq{} 

ityanena bhagavAn jagannAthaH sanAtanaH paramapuruShaH, sarvAdhipatiH cha iti pratipAditaH |
ataH asya shlokasya vaishiShTya.n\-lokasa.nskR^iteH AdhyAtmikIkaraNam |
\section{5\. pa~nchamashlokasya karma\-brahmaviShayakasamIkShaNam}
chintAchitritabhAvarAjyanichaye prArabdhakarmakShaye
sarvAnandakadambake.astu nitarAM tadArubrahmadhvanau |
kShetre shrIpuruShottame pratidinaM ra~NgAdharaprA~NgaNe
sajjIbhUtasapakShatattvapuruShe rAjIvanetre manaH ||

asmin shloke prArabdhakarmakShayaH iti vedAntasambaddhaH gambhIraH siddhAntaH dR^ishyate | jIvaH prArabdhakarmaNA sa.nsArachakre pravartate; tasya karmakShayena paramashAntiH tathA AnandaprAptiH sambhavati |
visheShamahattvapUrNaM padam\-
\ldq{}dArubrahma\rdq{}  iti |

jagannAthatattvasya vaishiShTyameva yat paramabrahma dArumaye vigrahe anubhUyate | nirguNasya brahmaNaH saguNadAruvigraharUpeNa bhaktAnAM sAkShAtkAraH bhavati iti bhAvaH |
ataH atra\-
brahma \-\-\- dAru \-\-\- vigraha \-\-\- darshana \-\-\- AnandaH
iti AdhyAtmikaparamparA kalpayituM shakyate |
\section{6\. ShaShThashlokasya rathayAtrAviShayakasamIkShaNam}
saundarye baDadANDamaNDitasukhe shrInandighoShe rathe
brahmAnandarasAmR^ite hR^idi sadA vedyAM manomohane |
divye shrIshubhaguNDichArasamaye veshe mahAhATake
sajjIbhUtasapakShatattvapuruShe rAjIvanetre manaH ||

atra jagannAthasya rathayAtrA AdhyAtmikadR^iShTyA vyAkhyAyate | \ldq{}baDadANDa\rdq{}, \ldq{}nandighoSha\rdq{}, \ldq{}guNDichA\rdq{} ityAdIni padAni purIrathayAtrAyAH dR^ishyaM nirmimanti |
kintu kavinA rathayAtrA kevalaM laukikaH utsavaH na svIkR^itA | sA\-
\ldq{}brahmAnandarasAmR^itam\rdq{} 
iti AdhyAtmikAnubhavena sambaddhA |

rathaH atra kevalaM vAhanaM na, api tu jIvasya AdhyAtmikayAtrAyAH pratIkatvena api vyAkhyAtuM shakyate | bhagavAn rathArUDhaH san bhaktasya antaHkaraNaM prati AgachChatIva |
ataH ayaM shlokaH lIlA, utsava tathA brahmAnandasya samanvayaM karoti |
\section{7\. saptamashlokasya advaitavedAntasamIkShaNam}
mAyAmohavikArajAlavigame svAntasthadIpotsave
shAnte chetasi yoginAM hR^idi sadA brahmasvarUpe harau |
nIlAdrIshapadAravindayugale sudurlabhe darshane
sajjIbhUtasapakShatattvapuruShe rAjIvanetre manaH ||
ayaM shlokaH aShTakasya gambhIratameShu dArshanikashlokeShu anyatamaH |

\ldq{}mAyA\rdq{}, \ldq{}moha\rdq{}, \ldq{}vikAra\rdq{}, \ldq{}shAntachitta\rdq{}, \ldq{}yoginAM hR^idayam\rdq{}, \ldq{}brahmasvarUpa\rdq{} ityAdIni padAni spaShTatayA vedAntIyabhUmikAM sUchayanti |
\ldq{}mAyAmohavikArajAlavigame\rdq{} 
iti padena avidyAjanitasya sa.nsArabandhasya nivR^ittiH sUchitA | tataH\-
\ldq{}svAntasthadIpotsave\rdq{} 

iti atyantasundaraM rUpakam | antaHkaraNe j~nAnaprakAshasya udayaH dIpotsavarUpeNa chitritaH |
ante bhagavAn\-
\ldq{}brahmasvarUpe harau\rdq{} 
iti kathitaH | anena saguNabhagavataH brahmatvaM pratipAdyate |
\section{8\. aShTamashlokasya dArshanikaparipAkaH}
dvaitadhvAntavinAshane shrutipathe lAvaNyalIlAdhare
sarvasmin samaye rameshasharaNe vedAntavedye prabhau |
chApe chandanapArvaNe madhumaye kaivalyadAneshvare
sajjIbhUtasapakShatattvapuruShe rAjIvanetre manaH ||
aShTamashlokaH sampUrNasya kAvyasya dArshanikapariNatiM pradarshayati |

\ldq{}dvaitadhvAntavinAshanam\rdq{} iti padaM visheShataH ullekhanIyam | dvaitasya andhakAratva.n, brahmaj~nAnasya prakAshatvaM cha atra rUpakadvArA sUchitam |
tataH\-
\ldq{}vedAntavedye prabhau\rdq{} 
ityanena bhagavAn vedAntena j~neyaH paramAtmA iti pratipAdyate |
ante\-
\ldq{}kaivalyadAneshvare\rdq{} 

iti mokShatattvasya spaShTaH nirdeshaH | ataH sampUrNAShTakasya yAtrA bhakteH Arabhya kaivalyaprAptau paryavasyati |
\section{9\. dhruvapadasya visheShamahattvam}
pratyekasya shlokasya ante\-
\ldq{}sajjIbhUtasapakShatattvapuruShe rAjIvanetre manaH || \rdq{} 

iti padyA.nshaH punarAvartate | ayaM kevalaM punaruktiH na, api tu sampUrNasya aShTakasya dArshanikadhruvabinduH |

kaveH manaH sa.nsArasya vividhaviShayeShu bhramitvA antataH ekasmin paramapuruShe sthirIbhavati |
tasmAt asya dhruvapadasya bhAvaH\-

\ldq{}samastatattvAnAM samanvite, kamalanayane paramapuruShe eva mama manaH sthiraM bhavatu | \rdq{} iti grahaNIyaH |
\section{10\. sAhityikavaishiShTyam}
asya kAvyasya sAhityikavaishiShTyaM mukhyatayA nimnalikhiteShu dR^ishyate\-
(ka) anuprAsaH

\ldq{}AjIve\rdq{}, \ldq{}yAjiH\rdq{}, \ldq{}vyAjI\rdq{}, \ldq{}vAjIva\rdq{}, \ldq{}rAjI\rdq{}, \ldq{}sajjI\rdq{}, \ldq{}rAjIva\rdq{} ityAdipadAnAM punarAvR^ittyA vishiShTaH varNAnuprAsaH nirmitaH |
(kha) dhruvapadaprayogaH
ekasya pAdasya sarvatra punarAvR^ittyA gItikAvyasya prabhAvaH utpannaH |
(ga) rUpakAla~NkAraH

\ldq{}duHkhajaladhiH\rdq{}, \ldq{}premAmbudhArA\rdq{}, \ldq{}svAntasthadIpotsavaH\rdq{}, \ldq{}dvaitadhvAntam\rdq{} ityAdayaH prayogAH rUpakAtmakaM saundaryaM janayanti |
(gha) pratIkayojanA

rathaH, dArubrahma, mahAprasAdaH, nIlAchalaH, guNDichA, kamalanayanam ityAdIni pratIkAni laukikAt AdhyAtmikaM prati gamanaM sUchayanti |
(~Na) samanvayabhAvanA

vaiShNava, shAkta, vedAntIya tathA lokadhArmikatattvAnAM samanvayaH asya kAvyasya maulikaM vaishiShTyam |
\section{11\. dArshanikadR^iShTyA aShTakasya kramavikAsaH}
asya aShTakasya antargataM dArshanikavikAsaM nimnarUpeNa nirUpayituM shakyate\-
prathamashlokaH \- samastadarshanasamanvayaH |
dvitIyashlokaH \- jIvaduHkhaM bhagavatkR^ipA cha |
tR^itIyashlokaH \- shakti\-bhakti\-j~nAnasamanvayaH |
chaturthashlokaH \- jagannAthasa.nskR^itiH |
pa~nchamashlokaH \- karma, dArubrahma, puruShottamakShetram |
ShaShThashlokaH \- rathayAtrA tathA brahmAnandaH |
saptamashlokaH \- mAyAnivR^ittiH tathA brahmasAkShAtkAraH |

aShTamashlokaH \- dvaitavinAshaH, vedAntabodhaH, kaivalyam | ataH sampUrNasya kAvyasya dArshanikagatirevam\-

darshanasamanvayaH \-\-\- bhaktiH \-\-\- shuddhiH \-\-\- dArubrahma \-\-\- brahmAnandaH \-\-\- mAyAnivR^ittiH \-\-\- brahmaj~nAnam \-\-\- kaivalyam |
upasa.nhAraH

samagratayA dR^iShTvA \ldq{}tattvapuruShAShTakam\rdq{} na kevalaM shrIjagannAthasya stutikAvyam, api tu jagannAthatattvasya dArshanikaM kAvyAtmakaM vyAkhyAnam iti vaktuM shakyate |
kavinA shrIjagannAthaH\-

vAsudevaH, purANapuruShaH, dArubrahma, brahmasvarUpaH, yogihR^idayasthitaH, vedAntavedyaH, kaivalyadAneshvaraH
iti bahuvidharUpeNa anubhUtaH |
asya kAvyasya mUlasandeshaH asti yat\-

ekameva paramaM tattvaM vividhaiH darshanaiH, sampradAyaiH, sAdhanamArgaiH, lIlArUpaiH cha anubhUyate | tasyaiva samanvitasya paramapuruShasya shrIjagannAthasya charaNAravinde manaH sthiraM bhavet |

ataH \ldq{}tattvapuruShAShTakam\rdq{} iti nAmakaraNamapi sArthakaM bhavati | \ldq{}tattvapuruShaH\rdq{} atra kevalaM devatAvisheShasya nAma na, api tu samastadarshanAnAM samanvayena anubhUyamAnasya parabrahmaNaH shrIjagannAthasvarUpasya dArshanikasa.nj~nA iti svIkaraNIyam |

\-\- pro\. pradIptakumAranandaH (sevAnivR^ita)
shrIjagannAthasaMskR^itavishvavidyAlayaH, purI


##
Written by Dr. Pradipta Kumar Nanda, Kendrapara, Orisa pknanda65 at gmail.com
Retd.Head, Dept.of Sarvadarshan
SJSV,Puri


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}