% Text title            : totAdrinAthamangalAshAsanam
% File name             : totAdrinAthamangalAshAsanam.itx
% Category              : vishhnu, mangala
% Location              : doc\_vishhnu
% Author                : Gopala Ayyangar
% Transliterated by     : TCA Venkatesan
% Proofread by          : TCA Venkatesan
% Acknowledge-Permission: http://raghavanhema.blogspot.com/2011/03/srivaishnava-sampradhaya-books.html acharya.org
% Latest update         : June 3, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Totadrinatha Mangalashasanam ..}##
\itxtitle{.. shrI totAdrinAtha ma~NgalAshAsanam ..}##\endtitles ##
      shrIH |
shrImate rAmAnujAya namaH |
shrImad varavara munaye namaH |
shrImad vAnamahAchala gurubhyo namaH |
atha shrItotAdrinAthama~NgalAshAsanam |
viShNuchitta munIndrasya vimalA~Nghriyuge natim |
vidhAya devadevasya vidadhe ma~NgalAvaLim || 1||
shrIdevi bhUmisevyAya dinakR^ichchandrabhAsine |
devIyugmopavIjyAya devadevAya ma~Ngalam || 2||
mArkaNDeyena bhR^iguNA senAnyA cha garutmatA |
vandyAya satataM vAnamahAshailAya ma~Ngalam || 3||
sheShatalpapaniShaNNAya sheShabhUtakhilAtmane |
sheShitAshritadoShAya sheShiNe mama ma~Ngalam || 4||
shrIvaikuNThavimAnAgrye shrIpa~NkAbjasarastaTe |
svayaM vyaktAya medinyAM suranAthAya ma~Ngalam || 5||
prayogachakrahastAya praNatAbhayadAyine |
prasannavadanAbjAya praphullAkShAya ma~Ngalam || 6||
a~NkavinyastasavyashrI hastenAshrayaNonmukhAn |
Aropayitumutsa~NgaM AdR^itAyeva ma~Ngalam || 7||
prItipuShkariNIrUpa lakShmIkaustubhavakShase |
pralambakuNDalAnR^iShTa vanamAlAya ma~Ngalam || 8||
prakAshAya prathamataH priyaromashayoginaH |
pramagnoddharaNAd bhUmeH priyakArAya ma~Ngalam || 9||
naimishAraNyavAsAnAM vratinAM prItihetave |
bhaumadevasutArtighne bhavyarUpAya ma~Ngalam || 10||
pa~NkapadmasarasnAtAM sa~NkalpaphalayiShNave |
ki~NkarIkR^italokAya pa~NkajAkShAya ma~Ngalam || 11||
vainateyAnurodhena vaikhAnasamuniM gurum |
niyujya nijapUjAyAM nityahR^iShTAya ma~Ngalam || 12||
guNashIlasya rAjarSheH shuno rUpeNa shochataH |
vinoditAgrayashApAya vyomAdrIshAya ma~Ngalam || 13||
padmatIrthataTItapyat padmApANigR^ihItaye |
padmajanmapragItAya padmanAbhAya ma~Ngalam || 14||
shaThakopasharaNyAya sarvadevAntarAtmane |
sahasragItisArAya suparveshAya ma~Ngalam || 15||
vAnAdriyoginA nityaM varama~NkAramAmude |
nanopachArasevyAya mAnAtItAya ma~Ngalam || 16||
sarvotsavasamAjeShu shatAdhikasuvaiShNavaiH |
chatussahashrIgAdhAbhiH shamsyamAnAya ma~Ngalam || 17||
phAlgunottaraphalgunyoshchaitre chAhani rauhiNe |
tIrthAntAdi mahadvandva sevanIyAya ma~Ngalam || 18||
bhaTTanAthayatIndreNa bhaktibhAvitagorathe |
bhavyadendirayA sAkaM bhAsamAnAya ma~Ngalam || 19||
svarNashailasamAnAbhe puNyakoTivimAnake |
kalijidyoginsa~NkL^ipte kAntAhR^iShTAya ma~Ngalam || 20||
sahakAravanAbhoge saha devyA vihAriNe |
vasantaR^ituyAtrAyAM vAnAdrIshAya ma~Ngalam || 21||
vyAkhyAtobhayavedAnte vAnAchalamaThe mudA |
vaiShNavArAdhanAnnityaM vardhamAnAya ma~Ngalam || 22||
shrIbhUmigodAdevIbhiH sAkaM shrivarama~NkayA |
divyasimhAsanasthAya devanAthAya ma~Ngalam || 23||
todAdrinAthasAnnidhye gopAlAryaniveditam |
ma~NgalaM paThitR^INAM shrIvarama~NkA prasIdatu || 24||

|| iti shrIgopAla ayy.ngAravirachitaM todAdrinAthama~NgalAshAsanaM sampUrNam ||

##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}