% Text title            : shrItrivikramastotram
% File name             : trivikramastotram.itx
% Category              : vishhnu, vAdirAja
% Location              : doc\_vishhnu
% Author                : Vadiraja
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrItrivikramastotram ..}##
\itxtitle{.. shrItrivikramastotram ..}##\endtitles ##

shrIgaNeshAya namaH ||
vidAritArisa~NghAtaM padAkrAntajagattrayam |
gadAchakradharaM dhIraM sadA vande trivikramam || 1||
sha~NkhAmbhojakaradvandvahu~NkArArditadAnava |
sha~NkA.a.ata~NkaharAhaM te ki~Nkaro.asmi trivikrama || 2||
kShamAkarollasachchakraM kR^ipAvipulalochanam |
apArasuguNastomamupAse taM trivikramam || 3||
ramAdharAshliShTapArshvaM samastasurasevitam |
bhramAdidoShaharaM taM namAmi trivikramam || 4||
yogAda~NgamajasrAkShIdga~NgAma~NguShThato.asR^ijat |
tu~NgAmarachayA tu~NgaM ta~NgayAmi trivikramam || 5||
nAnAla~NkArabharitaM pInAvayavamohanam |
j~nAnAnandamayaM vande shrInAthaM taM trivikramam || 6||
vR^indArakendravandyA~NghriM nanditIrthamuneH priyam |
kandarpakoTilAvaNyaM taM dhyAyAmi trivikramam || 7||
sudhAkundendudhavalamadhaHkR^itacharAcharam |
udAramAdaradvandve tridhAmAnaM trivikramam || 8||
vedAntaveditaguNaM bodhapradamaharnisham |
AdhAraM naumi jagatAM shrIdhAmAnaM trivikramam || 9||
anuyAgena balinA manunA mananena cha |
dine dine.architaM vande manasA taM trivikramam || 10||
sarpiHpAyasanaivedyairbhakShyaishcha vividhaiH sadA |
nR^ityavAditragItaishcha tarpayAmi trivikramam || 11||
vAdirAjendravaradaM sodApuranivAsinam |
modapradaM sadA vande mAdhavaM taM trivikramam || 12||
dhUpairgandhAnulepaishcha dIpairapi manaHpriyaiH |
tApasaiH pUjitaM vande shrIpatiM taM trivikramam || 13||
yo.asau dhavalaga~NgAyAH pArshve tiShThati sarvadA |
deshe deshe cha vikhyAtamAseve taM trivikramam || 14||
agre nidhAya shrIdevIM pR^iShThe pArshve cha sajjanAn |
svargibhiH paritaH sevyA madhye bhAti trivikramaH || 15||
shilAmayai ramyatamashAlAvalabhimaNDapaiH |
kalashaishchollasaddevAlaye bhAti trivikramaH || 16||
yAvachchadrashcha sUryashcha yAvattiShThati medinI |
tAvattrivikramaH so.ayaM pUjyastiShThatu sajjanaiH || 17||
idaM stotraM vAdirAjo mude sajjanasantateH |
vyadhatta tena prIto.astu sadA shrIdastrivikramaH || 18||

iti shrIvAdirAjakR^itaM trivikramastotraM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}