% Text title            : Uttangakritam 3 Vishnu Stotram
% File name             : uttangakRRitaM3viShNustotram.itx
% Category              : vishhnu, vishnu, bRRihannAradIyapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bRRihannAradIyapurANa | pUrvabhAga | adhyAya 38/3-38||
% Latest update         : October 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Uttangakritam 3 Vishnu Stotram ..}##
\itxtitle{.. utta~NgakR^itaM 3 viShNustotram ..}##\endtitles ##
utta~Nka uvAcha |
nato.asmi nArAyaNamAdidevaM jagannivAsaM jagadekabandhum |
chakrAbjashAr~NgAsidharaM mahAntaM smR^itArtinighnaM sharaNaM prapadye || 3||
yannAbhijAbjaprabhavo vidhAtA sR^ijatyamuM lokasamuchchayaM cha |
yatkrodhato hanti jagachcha rudrastamAdidevaM praNato.asmi viShNum || 4||
padmApatiM padmadalAyatAkShaM vichitravIryaM nikhilaikahetum |
vedAntavedyaM puruShaM purANaM tejonidhiM viShNumahaM prapannaH || 5||
AtmAkSharaH sarvagato.achyutAkhyo j~nAnAtmako j~nAnavidAM sharaNyaH |
j~nAnaikavedyo bhagavAnanAdiH prasIdatAM vyaShTisamaShTirUpaH || 6||
anantavIryo guNajAtihIno guNAtmako j~nAnavidAM variShThaH |
nityaH prapannArtiharaH parAtmA dayAmbudhirme varadastu bhUyAt || 7||
yaH sthUlasUkShmAdivisheShabhedairjagadyathAvatsvakR^itaM praviShTaH |
tvameva tatsarvamanantasAraM tvattaH paraM nAsti yataH parAtman || 8||
agocharaM yattava shuddharUpaM mAyAvihInaM guNajAtihInam |
nira~njanaM nirmalamaprameyaM pashyanti santaH paramArthasa.nj~nam || 9||
ekena hemnaiva vibhUShaNAni yAtAni bhedatvamupAdhibhedAt |
tathaiva sarveshvara eka eva pradR^ishyate bhinna ivAkhilAtmA || 10||
yanmAyayA mohitachetasastaM pashyanti nAtmAnamapi prasiddham |
ta eva mAyArahitAstadeva pashyanti sarvAtmakamAtmarUpam || 11||
vibhuM jyotiranaupamyaM viShNusa.nj~naM namAmyaham |
samastametadudbhUtaM yato yatra pratiShThitam || 12||
yatashchaitanyamAyAtaM yadrUpaM tasya vai namaH |
aprameyamanAdhAramAdhArAdheyarUpakam || 13||
paramAnandachinmAtraM vAsudevaM nato.asmyaham |
hR^idguhAnilayaM devaM yogibhiH parisevitam || 14||
yogAnAmAdibhUtaM taM namAmi praNavasthitam |
nAdAtmakaM nAdabIjaM praNavAtmakamavyayam || 15||
sadbhAvaM sachchidAnandaM taM vande tigmachakriNam |
ajaraM sAkShiNaM tvasya hyavA~Nmanasagocharam || 16||
nira~njanamanantAkhyaM viShNurUpaM nato.asmyaham |
indriyANi mano buddhiH sattvaM tejo balaM dhR^itiH || 17||
vAsudevAtmakAnyAhuH kShetraM kShetraj~nameva cha |
vidyAvidyAtmakaM prAhuH parAtparataraM tathA || 18||
anAdinidhanaM shAntaM sarvadhAtAramachyutam |
ye prapannA mahAtmAnasteShAM maktirhi shAshvatI || 19||
varaM vareNyaM varadaM purANaM sanAtanaM sarvagataM samastam |
nato.asmi bhUyo.api nato.asmi bhUyo nato.asmi bhUyo.api nato.asmi bhUyaH || 20||
yatpAdatoyaM bhavarogavaidyo yatpAdapAMsurvimalatvasid.hdhyai |
yannAma duShkarmanivAraNAya tamaprameyaM puruShaM bhajAmi || 21||
sadrUpaM tamasadrUpaM sadasadrUpamavyayam |
tattadvilakShaNaM shreShThaM shreShThAchChreShThataraM bhaje || 22||
nira~njanaM nirAkAraM pUrNamAkAshamadhyagam |
paraM cha vidyAvidyAbhyAM hR^idambujanivAsinam || 23||
svaprakAshamanirdeshyaM mahatAM cha mahattaram |
aNoraNIyAMsamajaM sarvopAdhivivarjitam || 24||
yannityaM paramAnandaM paraM brahma sanAtanam |
viShNusa.nj~naM jagaddhAma tamasmi sharaNaM gataH || 25||
yaM bhajanti kriyAniShThA yaM pashyanti cha yoginaH |
pUjyAtpUjyataraM shAntaM gato.asmi sharaNaM prabhum || 26||
yaM na pashyanti vidvAMso ya etadvyApya tiShThati |
sarvasmAdadhikaM nityaM nato.asmi vibhumavyayam || 27||
antaHkaraNasaMyogAjjIva ityuchyate cha yaH |
avidyAkAryarahitaH paramAtmeti gIyate || 28||
sarvAtmakaM sarvahetuM sarvakarmaphalapradam |
varaM vareNyamajanaM praNato.asmi parAtparam || 29||
sarvaj~naM sarvagaM shAntaM sarvAntaryAmiNaM harim |
j~nAnAtmakaM j~nAnanidhiM j~nAnasaMsthaM vibhuM bhaje || 30||
namAmyahaM vedanidhiM murAriM vedAntavij~nAnasunishchitArtham |
sUryenduvat projjvalanetramindraM khagasvarUpaM vapatisvarUpam || 31||
sarveshvaraM sarvagataM mahAntaM vedAtmakaM vedavidAM variShTham |
taM vA~Nmano.achintyamanantashaktiM j~nAnaikavedyaM puruShaM bhajAmi || 32||
indrAgnikAlAsurapAshivAyusomeshamArttaNDapurandarAdyaiH |
yaH pAti lokAn paripUrNabhAvastamaprameyaM sharaNaM prapadye || 33||
sahasrashIrShaM cha sahasrapAdaM sahasrAbAhuM cha sahasranetram |
samastayaj~naiH parijuShTamAdyaM nato.asmi tuShTipradamugravIryam || 34||
kAlAtmakaM kAlavibhAgahetuM guNatrayAtItamahaM guNaj~nam |
guNapriyaM kAmadamastasa~NgamatIndriyaM vishvabhujaM vitR^iShNam || 35||
nirIhamagryaM manasApyagamyaM manomayaM chAnnamayaM nirUDham |
vij~nAnabhedapratipannakalpaM na vA~NmayaM prANamayaM bhajAmi || 36||
na yasya rUpaM na balaprabhAve na yasya karmANi na yatpramANam |
jAnanti devAH kamalodbhavAdyAH stoShyAmyahaM taM kathamAtmarUpam || 37||
saMsArasindhau patitaM kadaryaM mohAkulaM kAmashatena baddham |
akIrtibhAjaM pishunaM kR^itaghnaM
sadAshuchiM pAparataM pramanyum |
dayAmbudhe pAhi bhayAkulaM mAM
punaH punastvAM sharaNaM prapadye || 38||

iti nAradapurANe pUrvabhAge aShTatriMshAdhyAyAntargataM
         utta~NgakR^itaM viShNustotraM samAptam |

bR^ihannAradIyapurANa | pUrvabhAga | adhyAya 38/3\-38||
##
bRRihannAradIyapurANa . pUrvabhAga . adhyAya 38/3-38..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}