% Text title            : Vamanabhagavatproktam Svasthanavarnanam
% File name             : vAmanabhagavatproktaMsvasthAnavarNanam.itx
% Category              : vishhnu, vishnu, vAmanapurANa
% Location              : doc\_vishhnu
% Proofread by          : PSA Easwaran
% Description/comments  : vAmanapurANa | adhyAya 90/1-46||
% Latest update         : September 27, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vamanabhagavatproktam Svasthanavarnanam ..}##
\itxtitle{.. vAmanabhagavatproktaM svasthAnavarNanam ..}##\endtitles ##
shrIbhagavAnuvAcha |
AdyaM mAtsyaM mahadrUpaM saMsthitaM mAnase hrade |
sarvapApakShayakaraM kIrtanasparshanAdibhiH || 1||
kaurmamanyatsannidhAnaM kaushikyAM pApanAshanam |
hayashIrShaM cha kR^iShNAMshe govindaM hastinApure || 2||
trivikramaM cha kAlindyAM li~Ngabhede bhavaM vibhum |
kedAre mAdhavaM shauriM kubjAmre hR^iShTamUrdhajam || 3||
nArAyaNaM badaryAM cha vArAhe garuDAsanam |
jayeshaM bhadrakarNe cha vipAshAyAM dvijapriyam || 4||
rUpadhAramirAvatyAM kurukShetre kurudhvajam |
kR^itashauche nR^isiMhaM cha gokarNe vishvakarmiNam || 5||
prAchIne kAmapAlaM cha puNDarIkaM mahAmbhasi |
vishAkhayUpe hyajitaM haMsaM haMsapade tathA || 6||
payoShNAyAmakhaNDaM cha vitastAyAM kumArilam |
maNimatparvate shambhuM brahmaNye cha prajApatim || 7||
madhunadyAM chakradharaM shUlabAhuM himAlaye |
viddhi viShNuM munishreShTa sthitamoShadhisAnuni || 8||
bhR^igutu~Nge suvarNAkShaM naimiShe pItavAsasam |
gayAyAM gopatiM devaM gadApANinamIshvaram || 9||
trailokyanAthaM varadaM gopratAre kusheshayam |
arddhanArIshvaraM puNye mAhendre dakShiNe girau || 10||
gopAlamuttare nityaM mahendre somapIthinam |
vaikuNThamapi sahyAdrau pAriyAtre.aparAjitam || 11||
kasherudeshe deveshaM vishvarUpaM tapodhanam |
malayAdrau cha saugandhiM vindhyapAde sadAshivam || 12||
avantiviShaye viShNuM niShadheShvamareshvaram |
pA~nchAlikaM cha brahmarShe pA~nchAleShu vyavasthitam || 13||
mahodaye hayagrIvaM prayAge yogashAyinam |
svayambhuvaM madhuvate ayogandhiM cha puShkare || 14||
tathaiva viprapravara vArANasyAM cha keshavam |
avimuktakamatraiva lolashchAtraiva gIyate || 15||
padmAyAM padmakiraNaM samudre vaDavAsukham |
kumAradhAre bAhlIshaM kArtikeyaM cha barhiNam || 16||
ajeshe shambhumanaghaM sthANuM cha kurujA~Ngale |
vanamAlinamAhurmAM kiShkindhAvAsino janAH || 17||
vIraM kuvalAyArUDhaM sha~NkhachakragadAdharam |
shrIvatsA~NkamudArA~NgaM narmadAyAM shriyaH patim || 18||
mAhiShmatyAM trinayanaM tatraiva cha hutAshanam |
arbude cha trisauparNaM kShmAdharaM sUkarAchale || 19||
triNAchiketaM brahmarShe prabhAse cha kapardinam |
tathaivAtrApi vikhyAtaM tR^itIyaM shashishekharam || 20||
udaye shashinaM sUryaM dhruvaM cha tritayaM sthitam |
hemakUTe hiraNyAkShaM skandaM sharavaNe mune || 21||
mahAlaye smR^itaM rudramuttareShu kuruShvatha |
padmanAbhaM munishreShTha sarvasaukhyapradAyakam || 22||
saptagodAvare brahman vikhyAtaM hATakeshvaram |
tatraiva cha mahAhaMsaM prayAge.api vaTeshvaram || 23||
shoNe cha rukmakavachaM kuNDine ghrANatarpaNam |
bhillIvane mahAyogaM mAdreShu puruShottamam || 23||
plakShAvataraNe vishvaM shrInivAsaM dvijottama |
shUrpArake chaturbAhuM magadhAyAM sudhApatim || 25||
girivraje pashupatiM shrIkaNThaM yamunAtaTe |
vanaspatiM samAkhyAtaM daNDakAraNyavAsinam || 26||
kAli~njare nIlakaNThaM sarayvAM shambhumuttamam |
haMsayuktaM mahAkoshyAM sarvapApapraNAshanam || 27||
gokarNe dakShiNe sharvaM vAsudevaM prajAmukhe |
vinghyashrR^i~Nge mahAshauriM kanthAyAM madhusUdanam || 28||
trikUTashikhare brahman chakrapANinamIshvaram |
lauhadaNDe hR^iShIkeshaM kosalAyAM manoharam || 29||
mahAbAhuM surAShTre cha navarAShTre yashodharam |
bhUdharaM devakAnadyAM videhAyAM kushapriyam || 30||
gomatyAM ChAditagadaM sha~NkhoddhAre cha sha~Nkhinam |
sunetraM saindhavAraNye shUraM shUrapure sthitam || 31||
rudrAkhyaM cha hiraNvatyAM vIrabhadraM triviShTape |
sha~NkukarNaM cha bhImAyAM bhImaM shAlavane viduH || 32||
vishvAmitraM cha gaditaM kailAse vR^iShabhadhvajam |
maheshaM mahilAshaile kAmarUpe shashiprabham || 33||
balabhyAmapi gomitraM kaTAhe pa~Nkajapriyam |
upendraM siMhaladvIpe shakrAhve kundamAlinam || 33||
rasAtale cha vikhyAtaM sahasrashirasaM mune |
kAlAgnirudraM tatraiva tathA.anyaM kR^ittivAsasam || 35||
sutale kUrmamachalaM vitale pa~NkajAsanam |
mahAtale guro khyAtaM deveshaM ChAgaleshvaram || 36||
tale sahasracharaNaM sahasrabhujamIshvaram |
sahasrAkShaM parikhyAtaM musalAkR^iShTadAnavam || 37||
pAtAle yoginAmIshaM sthita~ncha harisha~Nkaram |
dharAtale kokanadaM medinyAM chakrapANinam || 38||
bhuvarloke cha garuDaM svarloke viShNumavyayam |
maharlloke tathA.agastyaM kapilaM cha jane sthitam || 39||
tapoloke.akhilaM brahman vA~NmayaM satyasaMyutam |
brahmANaM brahmaloke cha saptame vai pratiShThitam || 40||
sanAtanaM tathA shaive paraM brahma cha vaiShNave |
apratarkyaM nirAlambe nirAkAshe tapomayam || 41||
jambUdvIpe chaturbAhuM kushadvIpe kusheshayam |
plakShadvipe munishreShTha khyAtaM garuDavAhanam || 42||
padmanAbhaM tathA krau~nche shAlmale vR^iShabhadhvajam |
sahasrAMshuH sthitaH shAke dharmarAT puShkare sthitaH || 43||
tathA pR^ithivyAM brahmarShe shAlagrAme sthito.asmayaham |
sajalasthalaparyantaM chareShu stAvareShu cha || 44||
etAni puNyAni mamAlayAni brahman purANAni sanAtanAni |
dharmapradAnIha mahaujasAni sa~NkIrtanIyAnyaghanAshanAni || 45||
sa~NkIrtanAt smaraNAddarshanAchcha saMsparshanAdeva cha devatAyAH |
dharmArthakAmAdyapavargameva labhanti devA manujAH sasAdhyAH || 46||
etAni tubhyaM viniveditAni mamAlayAnIha tapomayAni |
uttiShTha gachChAmi mahAsurasya yaj~naM surANAM hi hitAya vipra || 47||
pulastya uvAcha |
ityevamuktvA vachanaM maharShe viShNurbharadvAjamR^iShiM mahAtmA |
vilAsalIlAgamano girIndrAt sa chAbhyagachChat kurujA~NgalaM hi || 48||

iti shrIvAmanapurANe navatitamA.adhyAyAntargataM bharadvAjaR^iShaye
              vAmanabhagavatproktaM svasthAnavarNanaM samAptam |

vAmanapurANa | adhyAya 90/1\-46||
##
vAmanapurANa . adhyAya 90/1-46..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}