% Text title            : Vamanasya Vishvarupavarnanam
% File name             : vAmanasyavishvarUpavarNanam.itx
% Category              : vishhnu, dashAvatAra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 77
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vamanasya Vishvarupavarnanam ..}##
\itxtitle{.. vAmanasya vishvarUpavarNanam ..}##\endtitles ##

vAmana uvAcha \-
etAvatA daityapate kR^itakR^ityo.asmi mArgatAm |
anyeShAmarthinAM vittamichChayA dAsyate bhavAn || 50||
etachChrutvA tu gaditaM vAmanasya mahAtmanaH |
vAchayAmAsa tattasmai vAmanAya padatrayam || 51||
pANau tu patite toye vAmano bhUtabhAvanaH |
sarvadevamayaM rUpaM darshayAmAsa tatkShaNAt || 52||
chandrasUryau cha nayane dyauH shirashcharaNau kShitiH |
pAdA~NgulyaH pishAchAshcha hastA~Ngulyashcha guhyakAH || 53||
vishvedevAshcha jAnusthA ja~Nghe sAdhyAH surottamAH |
yakShA nakheShu sambhUtA rekhAsvapsarasaH sthitAH || 54||
dR^iShTirdhiShNAnyasheShANi keshAH sUryAMshavaH prabho |
tArakA romakUpANi romANi cha maharShayaH || 55||
bAhavo vidishastasya dishaH shrotraM mahAtmanaH |
ashvinau shravaNau tasya nAsA vAyurmahAbalaH || 56||
prasAdashchandramA devo mano dharmaH samAshritaH |
satyamasyAbhavadvANI jihvA devI sarasvatI || 57||
grIvAditirdevamAtA vidyAstadvalayastathA |
svargadvAramabhUnmaitraM tvaShTA pUShA cha vai bhruvau || 58||
mukhaM vaishvAnarashchAsya vR^iShaNau tu prajApatiH |
hR^idayaM cha paraM brahma puMstvaM vai kashyapo muniH || 59||
pR^iShThe.asya vasavo devA marutaH sarvasandhiShu |
sarvasUktAni dashanA jyotIMShi vimalaprabhAH || 60||
vakShaHsthale tathA rudro  dhairye chAsya mahArNavaH
udare chAsya gandharvA marutashcha mahAbalAH |
lakShmIrmedhA dhR^itiH kAntiH sarvavidyAshcha vai kaTiH || 61||
sarvajyotIMShi yAnIha tapashcha paramaM mahat |
tasya devAtidevasya tejaH prodbhUtamuttamam || 62||
stanau kukShau cha vedAshcha jAnU chAsya mahAmakhAH |
iShTayaH pashubandhAshcha dvijAnAM cheShTitAni cha || 63||
tasya devamayaM rUpaM dR^iShTvA viShNormahAbalAH |
upasarpanti daiteyAH pata~NgA iva pAvakam || 64||

iti viShNudharmeShu saptasaptatitamo.adhyAyAntargataM vAmanasya
                       vishvarUpavarNanaM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}