% Text title            : Vasudevastutih by aitereya
% File name             : vAsudevastutiHaitereya.itx
% Category              : vishhnu, krishna
% Location              : doc\_vishhnu
% Description/comments  : skandamahApurANa | mAheshvarakhaNDe kaumArikAkhaNDe | adhyAyaH 42.187-218||
% Latest update         : July 5, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vAsudevastutiH Aitareya's Hymn to Lord VAsudeva ..}##
\itxtitle{.. aitereyakR^itA vAsudevastutiH ..}##\endtitles ##
namastubhyaM bhagavate vAsudevAya dhImahi |
pradyumnAyAniruddhAya namaH sa~NkarShaNAya cha || 187||
namo vij~nAnamAtrAya paramAnandamUrtaye |
AtmArAmAya shAntAya nivR^ittadvaitadR^iShTaye || 188||
AtmAnandAnuruddhAya samyaktayaktormaye namaH |
hR^iShIkeshAya mahate namaste.anantashaktaye || 189||
vachasyuparate prApyo ya eko manasA saha |
anAmarUpachinmAtraH so.avyAnnaH sadasatparaH || 190||
yasminnidaM yatashchedaM tiShThatyapaiti jAyate |
mR^iNmayeShviva mR^ijjAtistasmai te brahmaNe namaH || 191||
yaM na spR^ishanti na vidurmanobuddhIndriyAsavaH |
antarbahishcha vitataM vyomavatpraNato.asmyaham || 192||
dehendriyaprANamanodhiyo.amI yadaMshabddhAH pracharanti karmasu |
naivAnyadAlohamiva prataptaM sthAneShu taddR^iShTapadena ete || 193||
chaturbhishcha tribhirdvAbhyAmekadhA praNamAmi tam |
pUrvAparAparayuge shAstAraM paramIshvaram || 194||
hitvA gatIrmokShakAmA yaM bhajanti dashAtmakam |
taM paraM satyamamalaM tvAM vayaM paryupAsmahe || 195||
OM namo bhagavate mahApuruShAya mahAnubhAvAya vibhUtipataye
sakalasAtvataparivR^iDhanikarakarakamalotpalakuDmalopalAlitacharaNAravinda\-
yugala paramaparameShThinnamaste || 196||
tavAgnirAsyaM vasudhA~NghriyugmaM nabhaH shirashchandraravI cha netre |
samastalokA jaTharaM bhujAshcha dishashchatasro bhagavannamaste || 197||
janmAni tAvanti na santi deva niShpIDya sarvANi cha sarvakAlam |
bhUtAni yAvanti mayAtra bhIme pItAni saMsAramahAsamudre || 198||
sampachChilAnAM himavanmahendrakailAsamervAdiShu naiva tAdR^ik |
dehAnanekAnanugR^ihNato me prAptAsti sampanmahatI tathesha || 199||
na santite deva bhuvi pradeshA na yeShu jAto.asmi tathA vinaShTaH |
bhUtvA mayA yeShu na jantavashcha sambhakShito vA na cha bhUtasa~NghaiH || 200||
shokAbhibhUtasya mamAshru deva yAvatpramANaM patitaM bhaveShu |
tAvatpramANaM na jalaM payodA mu~nchanti divyairapi varShalakShaiH || 201||
manye dharitrIparamANusa~NkhyAmupaiti pitrorgaNanA na mahyam |
mitrAvyamitrANyanujIvyabandhUnsa~NkhyAtumIsho.asmina devadeva || 202||
tvayyarpitaM nAtha punaH punarme manaH samAkShipya sudurddharAri |
kAmo vashaM kradhamukhaiH sahAyaiH karoti kiM tadbhagavankaromi || 203||
so.ahaM bhR^ishArtaH karuNAkarastvaM saMsAragarte patitasya viShNo |
mahAtmanAM saMshrayamabhyupeto naivAvasIdatyapi durgato.api || 204||
parAyaNaM rogavato hi vaidyo mahAbdhimagnasya cha naurnarasya |
bAlasya mAtApitarau sughorasaMsArakhinnasya hare tvameva || 205||
prasIda sarveshvara sarvabhUta sarvasya heto paramArthasAra |
mAmuddharAsmAduruduHkhasa~NghAtsaMsAragartAtsvaparigraheNa || 206||
kShR^ittR^iTtridhAtubhirimaM muhurardyamAnaM
shItoShNa vAtasalilairitaretarAchcha |
kAmAgninAchyuta ruShA cha sudurbhareNa
sampashyato mama urukrama sIdato hi || 207||
bhavantu bhadrANi samastadoShAH prayAntu nAshaM jagato.akhilasya |
mayAdya bhaktyA parameshvare prabhau stute jagaddhAtari vAsudeve || 208||
ye bhUtale ye divi chAntarikShe rasAtale prANigaNAshcha kechit |
bhavantu te siddhiyujo mayAdya stute jagaddhAtari vAsudeve || 209||
aj~nAnino j~nAnavido bhavantu prashAntibhAjaH satatograchittAH |
mayA cha vishvambharaNe hyanante stute jagaddhAtari vAsudeve || 210||
shrR^iNvanti ye me stuvatastathAnye pashyanti ye mAmidamIrayantam |
devAsurAdyA manujAstirashcho bhavantu te.apyachyutayogabhAjaH || 211||
ye chApi mUkA vikalendriyatvAtpaThanti no naiva vilokayanti |
pashvAdayaH kITapipIlikAdyA bhavantu te.apyachyutayogabhAjaH || 212||
nashyantu duHkhAni jagatyapetu lobhAdiko doShagaNaH prajAbhyaH |
yathAtmani bhrAtari chAtmaje vA tathA narasyAstu janepi bhAvaH || 213||
saMsAravaidyai.akhiladoShahAnivichakShaNe nirvR^itihetubhUte |
saMsArabandhAH shithilIbhavantu hR^idi sthite sarvajanasya viShNau || 214||
pApaM praNAshaM mama cha prayAtu yanmAnasaM yachcha karomi vAchA |
sharIramapyAcharitaM cha yanme smR^ite jagaddhAtari vAsudeve || 215||
yathA hi vA vAsudeveti prokte sa~NkIrttane viShNubhaktasya vApi |
smR^ite harau vApi prayAti pApaM satyena me nashyatAM tena pApam || 216||
mUDho.ayamalpamatiralpavicheShTito.ayaM
kliShTaM mano.api viShayairmayi na prasa~Ngi |
itthaM kR^ipAM kuru mayi praNate.akhilesha
tvAM stotumambujabhavo.api hi deva neshaH || 217||
sa tvaM prasIda bhagavankuru mayyanAthe
viShNo kR^ipAM paramakAruNikaH kila tvam |
saMsArasAgaranimagnamananta dIna\-
muddhartumarhasi hare puruShottamosi || 218||

iti shrIskAnde mahApurANe ekAshItisAhasryAM saMhitAyAM prathame
mAheshvarakhaNDe kaumArikAkhaNDe shrIvR^iddhavAsudevamAhAtmyavarNana
aitereyabrAhmaNacharitravarNanaM nAma dvichatvAriMsho.adhyAye
vAsudevastutiH samAptA |

\- || skandamahApurANa | mAheshvarakhaNDe kaumArikAkhaNDe | adhyAyaH 42\.187\-218||
##
- .. skandamahApurANa . mAheshvarakhaNDe kaumArikAkhaNDe . adhyAyaH 42.187-218..

The verses 187-193 196 occur in bhAgavatapurANa
ShaShThaskandhaH (6) adhyAya 16 verses 18-25

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}