% Text title            : vAsudevastutiH aditikRitA
% File name             : vAsudevastutiaditi.itx
% Category              : vishhnu, krishna, vishnu
% Location              : doc\_vishhnu
% Transliterated by     : Subrahmanyam Yvs
% Proofread by          : Subrahmanyam Yvs, Malleswara Rao Yellapragada
% Source                : matsyapurANa adhyAya 244 shlokAH 12-37, viShNudharmaupapurANa adhyAya 75 shlokAH 11-31
% Latest update         : July 21, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aditikrita Vasudeva Stutih ..}##
\itxtitle{.. aditikR^itA vAsudevastutiH ..}##\endtitles ##

aditiruvAcha \-
namaH sarvArtinAshAya namaH puShkaramAline |
namaH paramakalyANakalyANAyAdivedhase || 1||
namaH pa~NkajanetrAya namaH pa~NkajanAbhaye |
shriyaH kAntAya dAntAya dAntadR^ishyAya chakriNe || 2||
namaH pa~NkajasambhUtisambhavAyAtmayonaye |
namaH sha~NkhAsihastAya namaH kanakaretase || 3||
tathAtmaj~nAnavij~nAna yogichintyAtmayogine |
nirguNAyAvisheShAya haraye brahmarUpiNe || 4||
jagatpratiShThitaM yatra jagatA yo na dR^ishyate |
namaH sthUlAtisUkShmAya tasmai devAya sha~Nkhine || 5||
yaM na pashyanti pashyanto jagadapyakhilaM narAH |
apashyadbhirjagatyatra na devo hR^idi saMsthitaH || 6||
yasminneva vinashyeta yasyaitadakhilaM jagat |
tasmai samastajagatAmAdhArAya namo namaH || 7||
AdyaH prajApatipatiryaH prabhUNAM patiH paraH |
patiH surANAM yastasmai namaH kR^iShNAya vedhase || 8||
yaH pravR^ittau nivR^ittau cha ijyate karmabhiH svakaiH |
svargApavargaphalado namastasmai gadAbhR^ite || 9||
yashchintyamAno manasA sadyaH pApaM vyapohati |
namastasmai vishuddhAya parAya harivedhase || 10||
yaM buddhvA sarvabhUtAni devadeveshamavyayam |
na punarjanmamaraNe prApnuvanti namAmi tam || 11||
yo yaj~ne yaj~naparamairijyate yaj~nasaMj~nitaH |
taM yaj~napuruShaM viShNuM namAmi prabhumIshvaram || 12||
gIyate sarvadeveShu vedavidbhirvidAM patiH |
yastasmai vedavedyAya viShNave jiShNave namaH || 13||
yato vishvaM samutpannaM yasmiMshcha layameShyati |
vishvAgama pratiShThAya namastasmai mahAtmane || 14||
brahmAdi stambaparyantaM yena vishvamidaM tatam |
mAyAjAlaM samuttartuM tamupendraM namAmyaham || 15||
yastu toyasvarUpastho bibhartyakhilamIshvaraH |
vishvaM vishvapatiM viShNuM taM namAmi prajApatim || 16||
yamArAdhya vishuddhena manasA karmaNA girA |
tarantyavidyAmakhilAM tamupendraM namAmyaham || 17||
viShAdatoSharoShAdyaiHryo.ajasraM sukhaduHkhajaiH |
nR^ityatyakhilabhUtasthastamupendraM namAmyaham || 18||
mUrtaM tamo.asuramayaM tadvadhAdvinihanti yaH |
rAtrijaM sUryarUpIva tamupendraM namAmyaham || 19||
kapilAdisvarUpastho yashchAj~nAnamayaM tamaH |
hanti j~nAnapradAnena tamupendraM namAmyaham || 20||
yasyAkShiNI chandrasUryau sarvalokashubhAshubham |
pashyataH karma satatamupendraM taM namAmyaham || 21||
yasmin sarveshvare sarvaM satyametanmayoditam |
nAnR^itaM tamajaM viShNuM namAmi prabhavApyayam || 22||
yachcha tatsatyamuktaM me bhUyAMshchAto janArdanaH |
satyena tena sakalAH pUryantAM me manorathAH || 23||
evaM stutaH sa bhagavAn vAsudeva uvAcha tAm |
adR^ishyaH sarvabhUtAnAM tasyAH sandarshane sthitaH || 24||
manorathAM stvamadite yAnichChasyabhivA~NChitAn |
tAMstvaM prApsyasi dharmaj~ne matprasAdAnna saMshayaH || 25||
shR^iNuShva sumahAbhAge varo yaste hR^idi sthitaH |
tamAshu vriyatAM kAmaM shreyaste sambhaviShyati |
maddarshanaM hi viphalaM na kadAchidbhaviShyati || 26||

iti matsyapurANe aditikR^itA vAsudevastutiH samAptA |
iti viShNudharmeShu pa~nchasaptatyAdhyAyAntargataM aditikRRitaM viShNustotraM sampUrNam 
##
matsyapurANa adhyAya 244 shlokAH 12-37
Also in viShNudharma upapurANam adhyAya 75 shlokAH 11-31
Transliterated by Subrahmanyam Yvs
Proofread by Subrahmanyam Yvs, Malleswara Rao

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}